بلوجر بالعربي الآن
Posted by ctybrd on January 19, 2008
تم إضافة جميع خصائص اللغة العربية لبلوجر بتاريخ 17-1-2008
- المزيد من التفاصيل في هذه الصفحة
- أصبح الآن ممكنا تحرير النص من اليمين لليسار ووضع كلمات English بسهولة في وسط الكلام
- وضع النقاط مثل هذه
- صفحة التعليقات أصبحت بالعربي
- كل إعدادات المدونة أصبحت بالعربي
- تم إضافة دعم للفارسي والعبري
- أتقن اللغة الإنجليزية ولكن أحب لغتي وأتعصب لها
وطني said
أتقن اللغة الإنجليزية ولكن أحب لغتي وأتعصب لها
الله عليك لما تغرد و تطربني يا أبا يحي
زادك الله حرصا وحبا للغة القرآن
طبعا أنت تعلم أن هذا الحديث يطربني ويشجيني
أقصد حديث التعصب للغة
MerMaid said
همممممممممممممممممم
الف مبروك شكل المدونة الجديد
تحياتي
وفعلا اللغة العربية انا كمان افتخر اني اتحدثها
مصراوي أوي said
اول تعليق تاني يا سلاااااااااام عليك يا مصراوي
مصراوي أوي said
هههههههههه يعني هو الواحد عشان يكتبله كلمتين يلاقي نفسه التالت
ايه الظلم ده
بس مش عارف مرة الاقي الصفحة بالعربي مرة بالانجليزي ايه الحكاية يعني بظروفها كدة
بنت أبيها said
كنت لسه هسأل حضرتك ع الموضوع ده لانى شايفاه فى الردود
جوزيت خيرا
فرنسا هانم said
يشكر عمنا بلوج
اخيرا افتكر ان فى عرب بيدونوا
اروح احاول اعمل الصفحه عربى
كلنا نعتز بلغتنا العربيه
لماضة said
هههههههه
انا اكتشفت امبارح وكنت بحسب دى من نسخة الويندوز على جهاز اخويا
وبعدين رجعت على جهازى لاقيته انجليزى
ودلوقتى على جهاز اخويا لاقيته عربى
كنت مفكراه من الويندوز والله مش بجد
ههههههه
مع انى ملخبطنى دلوقتى شويه عشان مش متعودين عليه
لماضة said
ملحوظه كمان
انا افتكرتها فى مدونات دون غيرها
شفت الذكاوة
نبيهه من يومى
ابوزياد الفاتح said
لووووولووووووولىىىىىىىىىىىىى
مبروك
بس بينى وبينك انا تعودت على العنقليزى
تحياتى
العاشق....محمد على said
الله اكبر ولله الحمد
اخيرا دخلت العربيه عالم التدوين…
وياليتنا جميعا متعصبين مثلك للغة اهل الجنة…
عند عصفور المدينة تجد كل ماهو جديد..
فاحرصوا على زيارته…….
والله ولى التوفيق.
وضـّاح said
نعم .. أسعدني هذا الأمر عندما اكتشفته
تخيل أستاذنا أن كثرتنا كعرب على بلوجر جعلت القائمين عليه يضيفوا اللغة العربية
أتساءل .. لو اجتمعنا في الحقيقة كما اجتمعنا على بلوجر , ترى هل سينصلح حالنا نحن المسلمين ؟؟
أتمنى ذلك
جزاك الله خيرا
عاشقه الفردوس said
الله يكرمك والله ياباشمهندس
فعلا كلنا نحب لغتنا لغقه قراننا
جزاك الله خيرا
Gid-Do - جدو said
اللغة العربية من لغات الامم المتحدة الرسمية الست وهى – الانجليزية والفرنسية والاسبانية والروسية والصينية.
وبعدين المدونين العرب عددهم فى تزايد ودة سوق كبير بالنسبة للاعلانات والدعاية ـ وبناء علية اخونا فى بلوجر مش راح يفوتوا سوق ممكن يكون منها مكسب فى المستقبل
ارجو ان يكون دة درس لينا علشان نعرف العالم الغربى بيفكر ازاي ولابد ان احنا نفكر زيهم مش بس علشان نتعايش معاهم لاء لكن علشان نتفوق عليهم
اشكرك ياابو العصافير على تعريفنا بالجديد ـ الله يكرمك ويحميك من اى حد يفكر يهدلك عش ولا يقصقصلك ريش ولا يحبسك فى قفص. تحياتى ياكبير
appy said
الله يكرمك انت دايما كده بتجيب لنا الحاجات الكويسه بجد مش عارفين من غير حضرتك نعمل ايه
Mohamed A. Ghaffar said
وانا كمان
الساحرة الشريرة said
انا كمان بعشق اللغه العربيه دي حتي الارض بتتكلم عربي علي راي سيد درويش
مهندس مصري said
الله ينور عليك يا هندسة
أنا قريت اللنك اللي محطوط فوق و غيرت كله للعربي عندي
ألف شكر
Jana said
عجبنى قوى ان عددنا كعرب فى التدوين فى زيادة…فيضطر بلوجر الى التغيير ده ..وده من شأنه يزيد اكثر من العرب ان شاء الله
بالطبع لغة القرآن الكريم هى اجمل لغة على الاطلاق
تحياتى
النجم القادم said
السلام عليكم استاذنا الفاضل
عصفور المدينة
مدونة جميلة وانته اجمل ربنا يباركلك
وادعوك لقراءة البوست الاخير عندى
اماذا بوش الآن؟؟؟؟
تحياتى
sakayar said
فعلن شفتها امبارح الحركة دي بتاعة العربي واستغبت جدا قلت هوه ايه اللي حصل
وضحكت كتيييير
بس قلت كده الطف اوي واجمل كمان بدل البهدلة اللي كانت بتقابلنا في الكتابة من على البلوج نفسه
§a§a said
اخدت بالى منها امس
فعلا جميل جدا
وانا من التعصبين للغه العربيه جدا
امام الجيل said
جزاك الله خيرا يا فندم
يا رائد
يا كبير
هناخد فترة لغاية ما نقلب عربى
بس ده كويس مهناه ان العرب بقى ليهم تواجد وتاثير
جزيت خيرا يا فندم
أمــانــى said
أســــــتاذنا
تصدق بايه انا كنت فاكرة الجهاز حصله حاجة اقفل الصفحة وافتحها تانى ومفيش فايدة
يارب يكون كل شئ بالعربى وهما يتعبوا علشان يتعلموا العربى علشان يعرفوا يعملوا اى حاجة يااااااااارب
L.G. said
سلامو عليكم
طبعا نكتب عربي لأننا بنفكر عربي وبنحس عربي ولكن باستخدام منتجات انجليزية بتكلم انجليزي يعني اعدادت الصفحة بالانجليزية مفهومة أكتر بصراحة والعربي عاملي مشاكل وأغلب المدونات التعليقات فيها مش شغالة عندي
حاجة كمان تعقيب حضرتك على تعليقي في موضوع الظن أكثر وضوحاً طريقة العرض يعني السبب المشكلة التفكير ونهاية النتيجة والطرق المتبعة لحل المشكلة تسلسل منطقي
أتمنى ألا تكون أحبطت من ردي ولكن ممكن من الناس.وأنا صغيرة كنت أعتقد أني أفهم الناس وكلما كبرت أجد فهمي يتضاءل مع كبر سني
šσяšαяαα said
هو كويس موضوع العربى دا
بس انا مشكلتى انى اتعودت على شكل الصفحة كدا بالعنجليزى
بس برضو لايمنع انى فرحانة انهم عبرونا وحسوا ان فيه بشر بتتكلم لغة تانية غير الانجليزى
وجزاك الله عنا كل خير
محمود الدوح said
فاكر يا باشمهندس التدوينة بتاعتى
اهو حصل ومن غير التجارب
كل لغة وانت طيب
allah-slave said
الموضوع بقاله اسبوع باين وعرفتها من مدونة انا جعان … كنت بحسبه هوا اللى عملها لكن لما دخلت على ال dashboard لقيتهم عاملين اعلان عنها
حولت للعربي بس لقيتني مش عارف اتعامل مع الترجمة الحرفية للانجليزيى
يعني انا برضه متعصب للعربي بس لما يبقى العربي عربي ابقى اتعصبله
مش يقلى انقبر نقرتين واضف كائن للواجهة التفاعلية
صانعة الحرية said
جزااااك الله خيرا يا استاذنا
بس انا خلاص اتعودت على الانجليزى
Nada said
تمام كدة
عقبال ماللغة العربية تبقى اللغة الاولى ف العااااالم
فارس عبدالفتاح said
العربية وابناء يعرب ابن سام
العرب والعروبة
المسلمين والاسلام
مشاكل لم نجد لها حل الا فى كتب التاريخ وكتب الفلسفة العربية والعوربية والاسلامية .
اخي الكريم الفاضل / عصفور المدينة الموقر.
كيف حالك والزمان شرم برم لعلا وعسى ان تكون فى احسن حال والزمان ترللي .
معلش اصل احنا عرب بلغة الروشنة الطحن والحوارات والافتكاسات ..
ومجموعة المطلحات المنبعثة من الوعي الا بؤري للعقلية العربية والعروبية والاسلامية .
الكل على شبكة الانترنت بيدلع نفسه ويروشها ,,
اما العربية والعروبة والاسلام فهذه ينقب عنا فى المتاحف ومكتبات التاريخ العتيقة .
الان الديمقراطية والليبرالية والتحررية وحرية الاعتقاد والفكر ..
ولا وجود للمناقشة العادلة والحوار النظيف بكل اسف .
تقبل من اخوك الصغير كل الاحترام والتقدير .
العبد الفقير الى الله وحده – فارس عبدالفتاح / قومي عربي
Anonymous said
السلام عليكم ورحمة الله وبركاتة
مع انى مليش فى الموضوع اوى لانى مش عندى مدونة بس انا سعيدة جدااااا لانهم اعترفوا بينا العرب وباللغة العربية ….
بس للاسف فرحتى وسعدتى خلصت بل وتحولت وزعلت كمان من اللى بيقولوا احنا خلاص خدنا على الانجليزى واللى بيقول لما يعرفوا يترجموا عربى عربى بجد يا استاذنا احنا كنا فين وبقينا فين الحمد لله انهم اعترفوا بينا من كثرتنا تروح انت تقول دا احنا خلاص خدنا على الانجليزى دا حتى يبقى عيب اوى علينا…
ويارب يعترفوا بينا لما نتوحد ونرجع الاقصى والقدس وفلسطين والعراق والبوسنة و…….
كل بلدنا العربية المسلمة
وقبل كدا يارب ترجع لنا كرمتنا..
وجزاك الله خيرا كثيرا استاذنا الفاضل
وجعله الله فى ميزان حسنات حضرتك
من
توتا المسلمة
محمد مارو said
اه و الله فعلا انا لسه بكتب بوست ببص لائيته بالعربى استغربت اوى
عقبال ما احنا كمان نرجع تانى عرب
mohand said
السلام عليكم
تم وضع تعليق علي البوست المشار اليه عندي
ارجو منك الاطلاع عليه
تحياتي
محمد الجرايحى said
أخى الفاضل الكريم
السلام عليكم ورحمة الله وبركاته
هى بالفعل خطوة طيبة وتحسب لبلوجر
وهى أكبر دليل على أن التدوين العربى ينال التقدير والاحترام..
ولقد أعجبتنى هذه اللفتة الطيبة من الأخ
وضاح ،حين علق قائلاً : أتساءل .. لو اجتمعنا في الحقيقة كما اجتمعنا على بلوجر , ترى هل سينصلح حالنا نحن المسلمين ؟؟
أخى: دائماً تجمعنا هو سبيل النصر
وهذا ما يجعل أعداءنا يبذلون جهدهم لتفريقنا والعمل على ألا نتحد…
أخوكم
محمد
david santos said
Thanks for your posting.
very good.
have a good week
وطني said
لا أجد
ما أقوله
أشعر بالعار يلفني
يشل يدي
و يعقد لساني
صدقوني
ما تمنيت الموت غير اليوم
يااااااارب
إقبضنا إليك غير خزايا ولا مفتونين
……………………
صائم حتى يرفع الحصار عن غزة
نور الأزهر said
جزاه الله خيرا الأخ بلوجر
فعلا نتعلم الإنجليزية ونحب العربية ونتكلم بها وكمان هندون بيها
alaa salim said
السلام عليكم
فعلاً حاجه جميله إضافة خصائص اللغه العربية.
يجب علينا أن نتمسك بلغتنا بقدر المستطاع لأن اللغه جزء كبير من الهوية.
Ahmed Al-Sabbagh said
امممممممم
اولا انا مش مستريح نفسيا مش عارف ليه
انا طبعا بحب العربية جدا
لكن مش مستريح
ثانيا اظن انهم ممكن يرجعو فى كلامهم
وهما من فترة زمان عملو كدة ورجعو تانى
هنشوف
أشكرك يا استاذنا
أحمد
عاشقه الكلام said
السلام عليكم ورحمه الله وبركاته
معلشى انا هتكلم عن موضوع تانى هو
ماحدث امس للاخواننا فى غزه انقطاع الكهرباء بايدى صهيونيه
معنى ذلك ان الحياه قد توقفت فى غزه
ادوات والالات جراحيهتوقفت
الحضانات التى بها الاطفال المبتسرين انقطع عنها الكهرباء
يعنى موت اطفال رضع
توقف المصانع التى تنتج الطعام والادويه
فساد الادويه للانقطاع الكهرباء
فسلد اكياس الدم
……….
موت جماعى فى غزه
ان الله سيسالنا يوم القيامه ماذا قدمنا لهؤلاء؟؟؟؟؟؟؟؟؟؟؟؟؟؟؟؟؟؟
فبالله عليكم
عليكم
بالدعاء
الصوم يوم واحد بنيه فك الكرب
المقاطعه
لعلى نكون قلنا لله
معذرة الى ربنا
من عاشقه الكلام
د/اجدع بنوته said
اشته جدااااااااا
يارب كده ع طول
لغتنا وقوميتنا فوق دايما