مدونة عصفور المدينة

مدونة نظيفة إسلامية (زيادة الإيمان) الطرائف والتناقضات التخسيس والصحة العامة الإدارة والتنمية البشرية

DSL2

Posted by ctybrd on August 17, 2007

مزيد من النقاط العملية حول موضوع التعديلات الدي إس إلية الجديدة
كثير من المستخدمين اشتبه عليه معنى التحميل المحدود والذي نفهمه نحن فهما بينما فنيا هو له فهم آخر

نحن نفهم أنه تنزيل الملفات لكن المقصود به هو أي بيانات تنتقل عبر الشبكة

وهذه العبارة منقولة من موقع تنظيم الاتصالات

ولقد وجد أن متوسط استهلاك الأسرة الواحدة في حالة التصفح والبريد الالكتروني والخدمات التفاعلية وبعض الملفات في المتوسط لا يتخطى 2 جيجا شهريا وهو لعدد غير محدد من الساعات وإذا رغبت بعض الأسر في زيادة الاستخدام لتنزيل أفلام وغيره تسدد عشرة جنيهات شهريا عن كل جيجا بت إضافية شهريا

لست أدعو إلى المقاطعة بقدر ما أدعو إلى مراعاة أن هناك مستخدمين سيقومون باستخدام النظام الجديد مع إيصال الرسائل إلى الشركات أن هذا النظام ليس في مصلحتهم وهو غير مناسب للمستخدمين وأنه سيؤدي أكثر إلى انتشار الوصلات التي الهدف هو منعها
أتمنى أن تنجح حملاتنا في بقاء الانترنت غير محدود مع الوصول لسعر مناسب له من خلال إطلاق المنافسة بين الشركات

شخصيا سأنتقل للنظام المحدود لمحدودية استخدامي أولا وثانيا لأنه يمكنني وبنفس المبلغ أن أنتقل إلى سرعة أعلى مع زيادة الحدود فيما يناسبني وإن كنت أرى أن النظام القديم أفضل لمن يتشارك فيه مع أحد لأنه غير محدود وأيضا كل شيء على جهازي تحت السيطرة ولا أفتح برامج إلا بقدر ما أريد
وأؤكد أنه يوجد برامج قد لا ينتبه لها بعض المستخدمين دائمة جلب بينات من الانترنت وخاصة تلك البرامج التي تقوم بعمل تحديث آلي مثل برامج مضادات الفيروسات وبرامج الشات أيضا وخاصة الياهو مسنجر وتحديث الويندوز نفسه الذي قد يغفل عنه بعض المستخدمين وهو كفيل بأن يلتهم الاثنين جيجا المذكورة في أيام معدودة

البعض يسأل عن حكم الوصلة شرعا والحقيقة أن عقد هذه الخدمة إذا كان ينص على منع الوصلة أو كان يمنعها جهاز تنظيم الاتصالات وهو ما يعتبر عنصرا مكملا للعقد ففي هذه الحالة الأمر فيه شبهة من وجهة نظري ولم أقطع بالتحريم لأن هذا يحتاج اجتهاد حيث أن أصل عقد الخدمة يجب شرعا احترامه من جهة ومن جهة أخرى فإنه عقد على منفعة أن لن تأخذ أكثر منها وموضوع الوصلة ما هو إلا تقسيم لتلك المنفعة ويوجد عدة فتاوى مرتبطة بالموضوع وليست في صلب السؤال ولذلك توقفت فيه
فتوى1من موقع صوت السلف بخصوص العمل في التوصيل
وقد وردت عبارة في هذه الفتوى أن الشركات تعد الوسائل للتوصيل ورأيي أنهم لايستطيعون المنع ولكن نصهم على المنع كشرط في العقد مع الاستحالة الفنية أعتقد يجعل الأمر شبهة
فتوى 2من موقع الإسلام سؤال وجواب بخصوص دفع اشتراك كامل مع عدم الاستخدام

ويوجد نظرة أخرى للموضوع من وجهة نظر الذي يقوم بالتوصيل فإذا كان بعض المشتركين معه يستخدمها في المعصية فإنه يحمل وزرا لحرمة التعاون على الإثم والعدوان

http://faithfull-muslema.blogspot.com/
Recvd. 564,864 16,992
Sent 90,288 17,376
http://wtany.blogspot.com
Recvd. 300,096 12,000
Sent 27,312 12,912
http://5fadfada.blogspot.com
Recvd. 699,792 95,184
Sent 114,864 73,392
http://sakayar.blogspot.com
Recvd. 1,037,232 1,043,376
Sent 62,640 72,096
http://ctybrd.blogspot.com
Recvd. 205,200 15,456
Sent 35,568 15,840
————————
Total
Recvd. 2,807,184 1,183,008
Sent 330,672 191,616

بخصوص خاصية الكاش في المتصفح والتي تحمل الملف مرة واحدة وتقارنه إذا كان موجوداعلى جهازك وبعيدا عن الكلام النظري لأن الموعود به (by-design)غالبا يكون غير الواقع وقد قمت بمقارنة في ظروف نظيفة لا يوجد أي برنامج يستخدم الانترنت غير متصفح الانترنت إكسبلورر (وهو مالا أستخدمه أصلا) وبطرح حجم البيانات التي تم تحميلها ورفعها لخمس مدونات كما هو واضح من الجدول أعلاه
العمود الأول يبين حجم البينات المنتقل استقبالا وإرسالا لأول مرة تحميل والعمود الثاني يبين ثاني مرة تحميل وقمت بالتحميل أكثر من مرتين وكانت النتائج متقاربة وأحيانا يكون الكاش المستفاد منه على السرفر وفي هذه الحالة أيضا ستدفع ثمن نقل هذه البيانات إليك مع استفادتك فقط من السرعة
والخلاصة من الجدول أن 40 % أو أكثر من الحجم يعاد تحميله مرة أخرى
لاحظوا مدونة عصفور المدينة آخر مدونة في الجدول ونتيجة للإجراءات التقشفية وشد الحزام من إزالة الصور وعدم وجود ملفات صوتية وتقليل عدد التدوينات في الصفحة
لمن لم يقرأ الموضوع السابق

24 Responses to “DSL2”

  1. ma_3alina said

    دا برنامج بسيط خالص بيبين إجمالي التحميل في اليوم وفي الاسبوع والشهر

    البرنامج للتجربة فقط وينتهي بعد 14 يوم .. لكن ممكن خلال ال 14 يوم نعرف إحنا متوسط تحميلنا قد إيه

    الرابط :

    http://www.lp23.com/files/BMExtreme%20v2.52.exe

    وهنا تفاصيل أكتر عنه :
    http://www.lp23.com/bmextreme/

  2. عصفور المدينة said

    أخي ما علينا جزاك الله خيرا
    ولاحظ أيضا أنني أتكلم من وجهة نظر صاحب الموقع اللي هو المدون في حالتنا هذه
    لازم يراعي الناس المتصفحين
    وكمان باتكلم عن أحكام شرعية مرتبطة بالموضوع

  3. بنت أبيها said

    لا حقيقى بجد كان فيه معلومات ناقصة عندى بالنسبة للموضوع ده

    استكملتها من الوصلات اللى حاطتها

    وكنت قرآت قبل كده ان النظام الجديد هيكون اختيارى … ومن ساعت ما سمعت كده وانا مش متابعة اى حاجة جديدة عن الموضوع

    لكن قرأت فى اللينك بتاع موقع الجهاز القومى لتنظيم الاتصالات حاجة لفتت نظرى

    ان النظام الجديد هيكون اختيارى وكل حاجة … انما اللى هيفضل على النظام القديم يبقى لازم يشيل كل الوصلات اللى موصلها لناس حواليه

    وطبعا كده بيجبر الناس انهم يشتركوا فى النظام الجديد

    لان معظم الاسر المشتركة فى النظام القديم … مش هتقدر تدفع لوحدها الـ 95 جنيه كل شهر

  4. مصراوي أوي said

    اللي مكنتش واخد بالي منه تحميل مضادات الفيروسات وبرامج الشات

    اللي هتاخد من التحميل

    بس تدوينة ف الجووووووون يا استاذ عصفور

  5. بهلول said

    احنا عندنا وصله
    لكن انت كده
    بدأت تشككنا فى شرعيتها
    عايزين نعرف المفيد ياسى عصفور بيه
    حرام نقطعها
    ولا مش حرام نسيبها
    رد يا عمنا
    احسن اجيب نبله واصطادك

  6. عصفور المدينة said

    بهلول
    لو العقد أو جهاز تنظيم الاتصالات قال لا يجوز يبقى لا يجوز
    واوعى تضرب

  7. امام الجيل said

    ياااااه اخيرا هاختلف معا فى حاجة
    هو كلام حضرتك كويس ومش هنتكلم فى المسائل الفقهية والاختلافات بس اذا حضرتك انتقلت لهذا النظام فسوف تدعم موقفه وتزيد من عدد المشتركين وبالتالى سوف تزداد قاعدته وسوف يقومون بالغاء الوصلات وما خلافه اعتقد برغم ان النظام لا يضرك شخصيا فواجب ان تتضامن مع الجميع واقل شئ ان حضرتك متشتركش فيه مش هنقول اعتصامات ولا مظاهرات اقل شئ اننا نقاطعه لانه هيضر بينا كلنا اوعى اكون فهمت كلام حضرتك غلط ولا ايه

  8. عازف الناى said

    اخى عصفور
    خلاص مبقاش عندى احزمه
    لو عندك او اى حد من المحسنين عنده حزام يبعته حسنه قليله
    ربطت حزام للميه
    وحزام للكهرباء
    وحزام للبنزين
    وحزام للحمه
    ومخلى عندى حزامين
    واحد لمصاريف رمضان وانت عارف الستات ومطالبهم
    والتانى للمدارس وما ادراك ما المدارس
    خلاص
    اجيب منين حزام تانى
    لا استنى فى واحد بنى فى الدولاب وعلى مقاس النت خلاص يا عصفور متشكرين
    وهنربط الحزام

  9. عازف الناى said

    اه نسيت
    وحزام للتليفون الارضى
    وحزام للمحمول

  10. بهلوله said

    انا جايه اسلم عليك يا استاذ واحييك
    وحشنا
    وانا سايبه عمليه الدفع بتاع النت على الباشا
    طبعا عارف مين الباشا
    موحد البليتين وصاحب التاجين
    بتوع سوق العيد

  11. other_things said

    أنا برضك حاسس ..إن الموضوع ملخبط معايا شوية ..

  12. أمــانــى said

    اســتاذنا
    انا مش عارفه اعمل ايه ولا عارفه ازاى اظبط حكاية الاستخدام ده
    وكمان مش عارفه هاعمل ايه فى الشغل والنظام هيكون ازاى
    ياريت حضرتك بقى تشرح ازاى البرنامج ده بيشتغل علشان ابدأ احسب
    تحياتى لحضرتك

  13. mohand said

    السلام عليكم

    طيب ومدونتي
    ايه ظروفها

    ابقي قولي
    اوك؟

    تحياتي

  14. صاحب البوابــة said

    موضوع مهم

    لكن بصراحة انا ارى ان ال 2 جيجا قليلين للغاية

    😦

    لا اعرف ما الحل

  15. Islamist Bloke said

    انا فاكر انى كنت كتبت تعليق هنا……….حتى بالامارة كنت بطلب برنامج……….والبرنامج وصلنى فعلا……….هو انا جرالي اية؟
    !!

    مش مهم

    اعلق تانى

    برضة انا فاكر انى عايز اقول ان هو هيعدوا علينا النت كمان؟

    حسبنا الله ونعم الوكيل

    انا فاكر انى قلت الكلام ده قبل كدة

    لا حول ولا قوة الا بالله

    انا دماغي باظت خلاص
    (:

    ازيك يا عم عصفور

    والسلام

  16. مدونه انا بحبك يا مصر said

    بصراحه انا شيف انى التجربه اول شهر فى موضوع النت محدد دة هى التى سوف تحكم وخصوصا اهم سوف يتركه النت عادى زى مهم لو معجبناش يتركه ونرجع لنظام الاصلى
    زى شكرة المحمول عملت نظام سحرى لمه ناس كله حولت سحرى لمه فشل رجعت النظام الاصلى وهكذة هى عرض وطلب
    اما بعيد عن التدوين ارجه ان تتذكر اخوك بدعاء كما نذكركم
    احمد الجبزاوى

  17. نـــــــور said

    لا اله الا الله
    دماغي ضربت خالص والموضوع على فكرة مش واصلي اوي

    تخلف بيعد عنك يا استاذ عصفور

    ربنا يكرمك ويبارك فيك

  18. نـــــــور said

    لا اله الا الله
    دماغي ضربت خالص والموضوع على فكرة مش واصلي اوي

    تخلف بيعد عنك يا استاذ عصفور

    ربنا يكرمك ويبارك فيك

  19. mohamed said

    امبارح كلمت صديق ليه بيعمل في شركةة
    te data

    وقالي ان النظام الجديد هيستمر مع النظام الدقيم وكل واحد يخار التظام اللي يناسبة

  20. بهلوله said

    سيدى الفاضل
    شكرا على نصيحتك الغاليه لى
    ولكن
    سؤال
    هل وقفت يوما فى موقف محرج لدرجه اصابتك والعياذ بالله بالاكتئاب ثلاثه ايام لا تخرج ولا تتحدث مع احد وهذا الوقف حدث امام اصدقاء تحبهم وتحترمهم وتقضى معهم وقت وجدت فيه متنفسك
    هذا الموقف هو تدوينه بهلول بذهابى الى الدجالين
    لك ان تتخيل احراج سيده
    واركز على كلمه سيده
    امام اصدقاءها من الرجال والسيدات
    وسؤال اخر
    هل سمعت عن المثل اللى بيقول الغريق يتعلق بقشايه
    هذا ما حدث معى
    كنت اريد بشتى الطرق ابعاد الانظار عن مدونه بهلول
    اهم ما فى الموضوع
    انا صاحبه الاميل الذى يستخدمه بهلول فى ارسال البوست بتاعه
    ومعى الباسورد
    واستطيع حذف اى بوست له
    الا اننى لا اقوم بذلك احتراما لاتفاقى معه واحتراما لرايه مهما كان
    واخيرا
    وليس
    اخرا
    وجودى هنا الان وتعليقى
    واسهابى من خوفى على زعلك
    بغض النظر عن ايضاح موقفى

  21. عازف الناى said

    اتمنى الا يكون شد الحزام وصل لدرجه عدم الرد على التعلقات
    خاصه وانى لم ارى ردك على البوست الماضى

  22. عصفور المدينة said


    عازف الناى

    شد الحزام ده طبع يومي في
    ويبدو إن الأمور ماشية تمام
    يعني ممكن الاتنين كيلو قصدي جيجا يكفو
    🙂
    والفائض ممكن أعمل دونلود بيه

    ma_3alina

    العملية ماشية معايا كويس حوالي 50 في اليوم
    شكرا على البرنامج

    عدى النهار

    أيوة إخضاع الزبائن عشان كدة أنا باسميه عقد من طرف واحد
    والل يا أخي أنا ماور جيد بس سلطوني على صاحب القرار وانا كنت أقنعته
    🙂

    دكتور حر

    الموضوع هو شقين يا إما تكفيك اللي اتنين جيجا يبقى كسبنا التخفيض
    يا إما انتم مجوعة يبقى تخليكو على القديم
    لو لغوا القديم يبقى الحل الاتنين جيجا ووصلات للصبح


    امام الجيل

    محمد انت عسل

    BoHSaiN

    جزاك الله خيرا على وتم تنزيله البرنامج ويمكن أيضا من خلال
    adblock
    عن طريق منع
    *.swf


    طال الليل

    فعلا الاستغناء عز المؤمن يا أستاذ

    أحمد الدرعه

    الداعي التخفيض لو كان مفيد لواحد زيي

    لحظة

    أضفت تدوينة 2 لأجلك

    أمــانــى

    لو اشتراكك محدود يبقى النظام الجديد أوفر وربما تقوم الشركات بعمل عروض جديدة

    زحل الفلكي

    مرحبا حبيبي كان قصدك وصلة طلعت واسطة حتى هنا
    🙂

    mohand

    احنا حشرات فعلا والجراد بياكل أكلنا ويدوس علينا

    الطائر الحزين

    انا فى مع الوصلة لو كانت وحلة
    ممكن تعدد
    بس وقعتك انت عارف شكلها


    شباب روش طحن

    أهو حل المقاهي ده ما خطرش في بال حد
    🙂

    Jana


    بنت القمر

    وضعت ردا في التدوينة الثانية

    كده وبتاع …

    فعلا ما يقدروش يفصلوا البروتوكولات

    Islamist Bloke

    المهندس ما علينا في تعليقه حط برنامج

    ma_3alina

    جزاك الله خيرا على الرابط
    الرابط :

    http://www.lp23.com/files/BMExtreme%20v2.52.exe


    بنت أبيها

    معاك حق 95 ج كثير وده اللي مخليني اضطريت أغير

    مصراوي أوي

    شكرا لك

    بهلول

    أنيا بقيت أخاف ربنا ستر


    اكمل بعد الصلاة

    ==============

    امام الجيل

    المشكلة يا محمد إن المواضيع داخلة في بعضها والنظام الجديد قد يناسب بعض الناس
    أصله هو مش من قبيل استغلال بل هو عرض وطلب

    عازف الناى

    ياه ما أكثر أحزمتك
    أصل انت جاي من عصر الأحزمة
    معانا مش عارف انت تذكر أزمة الصبون ولا لأ
    دلوقت الدنيا كلها اتزحلقت

    بهلوله

    شفتي بهلول شايل عنك مصايب

    other_things

    أنا برضك حاسس ..إن الموضوع ملخبط معايا شوية ..
    فعلا أنا كمان حاسس كدة

    mohand

    مدونتك زي مدونة رينا يا بطل

    صاحب البوابــة

    الحل للي مش يناسبه الاتنين جيجا يزود ويشحن بكروت

    Islamist Bloke

    انت دماغك باظت خلاص
    (:

    مدونه انا بحبك يا مصر

    المشكلة يا أحمد انهم مش عايزينا نجرب بيقولك تحدد من دلوقت
    فعلا اللي حصل لشركات المحمول حيحصل لهم
    أسأل الله أن ييسر لك جميع أمرك ويحميك
    ادعي لنا في العمرة


    نـــــــور

    لو فيه سؤال محدد ممكن نتناقش ونوصل لقرار فعلا الموضوع ملخبط
    والأحسن الانتظار

    mohamed

    المشكلة إن احنا كنا منتظرن تخفيضات

    بهلوله

    جزاك الله خيرا وأنا مسرور جدا من اهتمامك

  23. خمسة فضفضة said

    السلام عليكم ورحمة الله وبركاته

    جزاك الله خير يا باشمهندس علي التوضيح الجميل ده

    الكلام الجاي ده نقلا عن مدونة علاء ومنال ، ايه راي حضرتك فيه ؟؟؟

    لحد قريب كان تسعير خدمة الدي اس ال خاضع لقرارات مرفق الاتصالات و متثبت و لا يحق للشركات لا زيادة و لا نقصان في السعر. و نوع الخدمات المقدم برضه محدد. أهم حاجة في القرار هي أنه حرر السعر. حدد فقط سعر أقل خدمة (سرعة 256Kb مع طاقة تنزيل محدودة 2GB في الشهر) و سعر أعلى خدمة (سرعة 2Mb مع طاقة تنزيل غير محدودة) و ساب للشركات مطلق الحرية في تحديد و تسعير أي خدمات أخرى ما بين الخدمتين دول بحيث ميقدموش خدمة أو سعر أقل من الحد الأدنى و لا أعلى من الحد الأقصى.

    ده معناه أن يمكن يتلغي ال 256Kb الغير محدود و يمكن يرتفع سعره و يمكن كمان يرخص، دي مسألة خاضعة للشركات و اقتصاديات السوق (عدد الشركات كبير و المنافسة ما بينهم مش بطالة) و مش محددة في القرار و لا خاصعة لقرار الوزير أو المرفق.

    ثاني نقطة في القرار كانت خاصة بفكرة الاشتراك بطاقة تنزيل محدودة، ده كان موجود فعلا قبل القرار ده بس لسرعات أعلى من 256 و بأسعار غير مشجعة بالمرة. يبدو كده أن الوزارة بتعمل دعم لسرعة 256Kb فالقرار ترتب عليه طرح 256Kb محدود بسعر جيد (نسبيا) و نقل الدعم للفئة دي. الحتة دي بالذات الغرض منها هو منافسة الوصلة (و خد بالك من حتة منافسة دي، الوزارة و المرفق و بعض الشركات قرروا يحاربوا الوصلة، ده في رأيي قرار خاطئ تماما و يمكن قريب أكتب تدوينة فليه هو قرار خاطئ لكن المؤكد أن منافسة الوصلة وسيلة أفضل بكثير من محاربتها بالبوليس و نتائجها ايجابية مش سلبية).

    هل فعلا صحيح القرار ده ايجابي مش سلبي وهل احنا متحاملين علي شركة الاتصالات وبنتجني عليهم …..؟؟؟؟

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

 
%d bloggers like this: