مدونة عصفور المدينة

مدونة نظيفة إسلامية (زيادة الإيمان) الطرائف والتناقضات التخسيس والصحة العامة الإدارة والتنمية البشرية

تاج 004

Posted by ctybrd on September 3, 2007

فكرة تاج ظريفة جدا من عند مبرمج حر
ومررته لي أستاذة مها صاحبة مدونة فتات من كلام واللي هي كانت كلمة وواقفة في الزور قبل كدة

لما أحب أتابع أخبار التكنولوجيا وأخبار العالم بفتح
BBC arabic ,AlJazeera
ومفكرة الإسلام غير جوجل بقى لما اكون بابحث وويكيبديا

لما أحب
ألعب على الكومبيوتر
حافتكر ازاي وانا مالعبتش من سنة 2000 وكنت باحب الألعاب البسيطة اللي فيها تفكير. ممكن أجرب حاجة بس أشوفها وخلاص عشان الأولاد

لما أحب أقرأ مقالات إسلامية حلوة واسلوبها ممتع
بفتح الإسلام اليوم
لما أحب
أكتب ..
بحب أكتب عن الاتقان

لما أحب أطبخ ..
باحب ابتكر مش باقلد ولي مبدأ رائع بيقول امسك كل حاجة في المطبخ وتخيلها مناسبة للطبخة ولا لأ لو حسيت انها مناسبة حطها وفيه مبدأ تاني أروع بيقول خليك شجاع وانت بتحط الإضافات (بصل ثوم توابل الخ) وأحب أطمنكم اسألوا حتى من ورايا فيه ناس كثير كلوا من إيدي وعايشين

لما أحب أقرأ أدب عالمي
من زمان أوي من سنة 1988 بطلت بس فاكر الأسماء بس مش فاكر المحتويات ومن ضمنها شكسبير وشارلز دكنز وبلاوي سوداء أخرى ده غير ماركيز اللي كان حيلسع دماغي (مش عايز حد يعارضني أنا باقول أهوه مش ده تاج أقول رايي بصراحة احسن اليومين دول الرأي والراي الآخر صدعني …شوية دكتاتورية بقى

لما أحب اختار قلم :
دي مش دعاية ولاحاجة أساسا خطي وحش جدا يعني يسيء لأي شركة إني أختار قلمهم بس باحب باركر ويونيبول وبطلت أكتب بالرصاص لأنه مالوش مصداقية في الشغل

لما أحب أعمل أي حاجة ..
بحب أعملها بإتقان وتميز وإدمان

لما أحب أطلع من حالة غضب أو ضيق أو حزن
آخذ مصحفي وأمشي شوية كيلومترات محترمة

لما أحب أدور على أي تسجيل اسلامي : أناشيد / شرائط … الخ ..
بتوجه إلى الشبكة الإسلامية أوطريق الإسلام.. وأنا على شبة يقين إني إن شاء الله حلاقي التسجيل اللى بدور عليه

لما أحب أتكلم ..
باحب أتكلم مع ناس بتتكلم بمنطق باتضايق جدا لما ألاقي الكلام ماشي في طريق حوار الطرشان وبرضه باحب اتكلم من غير عواطف (للأسف) باحب اتأكد إن اللي بيكلمني سامعني كويس زي مانا سامعه ومنتبه له بيقولوا علي صوتي عالي شوية بس ده ساعات بيكون من وسائل التأثير إنتم عارفين سياسة الصوت العالي يكسب

وساعات كثير باحب أسمع أكثر ما اتكلم بس ساعة أما باتكلم..طريخ طراخ

لما أحب أتعامل مع الناس
بيبقى نفسي أوصل لهم أد إيه أنا باتعامل معاهم بنزاهة ومثالية وباحس بمشكلة انهم مش مقدرين كدة من كثر ما تعودوا على افتقاد هذه القيم

الماتش أمس

لما أحب أخرج ..
باحب الأوقات اللي احس المكان فيها بتاعي لوحدي ما احبش الزحام أحب أخرج وقت المطر أحب أخرج وقت المباريات ياسلام لو أهلي وزمالك بس عيبها حكاية هيييه اللي بترج الشارع وإن شاء الله حتى في وقت الحر أحب أخرج لما أحس بالخصوصية…أحيانا أحب أزور المقابر

لما أحب اقرأ مجلات ..
باحب مجلة الوعي الإسلامي والعربي باحب
مجلة المجتمع بس مش بتيجي مصر وكنت متابع مجلة البيان وباحب مجلة الأزهر وخاصة باحب اختيارهم للآيات اللي على الغلاف وحرصهم على متابعة الغزوات الفكرية على الإسلام

وباكره المصور وروز اليوسف وآخهاعة (مش اسمها كدة برضة) مع إن مش ده السؤال

موضوع مرتبط أحب وأكره

لما أحب أمرر التاج أحب أمرره لكل المجموعة هما عارفين نفسهم من سكات الجماعة اللي متعودين يعلقوا عندي وأنا باعلق عندهم ولو ما علقوش المرة دي وهربوا حاتابعهم فين التاج

51 Responses to “تاج 004”

  1. اصرار أمل said

    أول مرة ألحق التعليق الأول …. من الفرحة بحجز مكان بس ….

  2. اصرار أمل said

    فكرة التاج دى متميزة أووى ؛؛وعندى تعليق غالبا على كل الاجابات بس لفت بالى جدااا (لما أحب أقرأ أدب عالمي من زمان أوي من سنة 1988 بطلت بس فاكر الأسماء بس مش فاكر المحتويات ومن ضمنها شكسبير وشارلز دكنز وبلاوي سوداء أخرى ده غير ماركيز اللي كان حيلسع دماغي)ليه بس كان هيلسع دماغك ؟يمكن دى نقطة مهمة جدا فى التلقى ؛انى أعرف الصح ؛ ويكون لى اطلاع على الخطأ …لكن ابتداء ندخل على الخطأ هو ده اللى بيخلى الدماغ تلسع ….؛؛؛ومجلة المجتمع ….. ليه مابتنزلش مصر بجد ؟ افتقدناها بشدة …. وقلم باركر ويونيبول …ماشاء الله ياباشمهندس ؛ اجابات واسعة …

  3. malak said

    بجد حلو جدا اسلوب اجابتك على التاج دهتحياتى

  4. مصراوي أوي said

    البي بي سي ارابيك والجزيرة مية مية يا باشمهندس انا زيك بالظبط🙂وانا كمان بكره جدا روز اليوسف والمصور واخر ساعةبس لو الاهلي والزمالك بقيممممم هتفرج الصراحة لو انا فاضي🙂

  5. Future_Preacher said

    بصراحة كنت بقدم كليك و أخر كليك قبل ما أعلق علشان محسش اني فرضت نفسي علي التاج لكن بصراحة مقدرتش منولش شرف استقبال تاج من حضرتك فكان لازم اعلق🙂احسن شيء ان الاجابات دي عرفتنا علي جوانب كتير لحضرتك مكناش حنعرفها الا من خلال اجابات حضرتك المتزنةو ان كنت مش حقدر اجاوب علي التاج في وقتها لكن اعد بذلك قريبا ان شاء الله عجبني قوي موضوع ان حضرتك بتحب تمشي في الشوارع و هي فاضيةأنا كمان مثلا بحب أسكندرية في الشتا عشان مش بتبقي زحمة زي الصيف و بحس فعلا انها بتاعتي

  6. صانعة الحرية said

    السلام عليكمماشاء الله انا ببقى فى غاية السعاده لما بلاقى فى افكار جديدهما شاء الله ربنا يجعلها فى ميزان حسنات حضرتك ويتقبلها منك يا رب العالمينانا بقى بقرا شكسبير وشارلز دكنز غصب عنىمناهج ما يعلم بها الا ربنا

  7. طال الليل said

    إنشاء الله هجاوب يا أستاذى ده لسببينلأنك اللى مررته وإنت عارف مقدرش أرد لك طلب والسبب التانى فكرته جميلة ومبتكرة وجديدة مش على طريقة إنت مين اللى هتشككنى فى نفسىبس أستأذن أنتظر شوية أفوق من تاج أ.أروى أحسن بتعب جدا فى نقل الأسئلة بسبب جهلى التقنىبارك الله فيك ما شاء الله دوما عندك ما هو جديد اللهم لا حسد

  8. آلام وآمال said

    تحية لك من كل قلبي اتمنى ان يجمعني الله بك في الجنة

  9. عازف الناى said

    قديما وفى الثانويه العامهعلى ما اذكر بعد عصر الديناصوراتكان المدرسين وبعض الاقرباء المثقفين الاكبر سنا يحذروننا من قرأه اى فكر شيوعى او يهودى او ملحد او غير اسلامىوكنت اتبع النصيحه بدون مناقشهوذات يوم وقع فى يدى كتاب علمانى وجدته فى سور الازبكيه القديموكان ثمنه 50 قرشفاشتريته ضمن مجموعه اخرى من الكتبوبعد ان قرأتهاحسست بعظمه الاسلام اكثر واكثرفهدمت جدار الخوف هذاوقرأت افكار الاخرينفى اكثر من مجالعلى حسب ما تيسر لىفلعبت بعض الافكار براسى قليلاورسخت بعض الافكار بعدم مصداقيتها بعض الافكار عندىالا العقيده فقد كانت تقوى كلما اقراء فكر او عقيده مختلفهفلا يعيب ان نقراء لماركيز او غيرهتاج جديد وجميلقبل ما انسىانت متأكد ان فى حد كل من طبيخك ولسه حى يرزق ؟؟؟؟؟؟

  10. Mohamed A. Ghaffar said

    الحمد لله نفدنا

  11. أمــانــى said

    اســتاذنا على فكرة ما تخافش حضرتك لما بأدخل باسـمع مش بأتكلم ما حد خااااااااالص علشان بأكون اسمع يعنى مش حوار الطرشان 😀والحمــدلله حضــرتك بطلت قرأت ماركس والجماعة العك دول اصل انا قرايت بس بصراحة حسيت بغثيان كفاية المصطلاحات اللى فى الكتب دى ولا شوفت ولا هاشوفوعلى فكرة انا ضـد اى حــد معندهوش ايمان كافى ولا قرأ كتب اسلامية ولا استعاذ من الشيطان هو بيقرأ الحاجات ويقول علشان اعرف الفكر ده ايه لالالالالالا طبـعآ أكــيد هيوقعوا فى الخـطأ خصـوصــآ لو الجــو ده معاه صحبه الحمدلله ان حضـرتك بطلت تقراهم ربــنا يرحمـــــــنا من عنده يااااااااااااااااارب آمـــــــــــــــين

  12. بيدو said

    سلام عليكم اخي الفاضل بجد اجابات متميزة بس بجد زعلت من موضوع الاهلى والزمالك عشان انا اهلاوي اوي بس عجبني اوي المشى وقت المطر عشان دي متعتي الخاصة خاضة وقت الغروب

  13. mraghy said

    احيي حضرتك علي اسلبوك الاكثر من رائعكما احييك علي دكتاتوريتكوكمان علي شجعاتك في الاجابةتقبل مروري

  14. چـِنين .... عيلة و عايزة افهم said

    لما احب اقرا كلام يحترم عقلي و يعلمني باجي هنا عند الباشمهندس عصفور المدينة اخيراً لقيت حد يعرف مجلة البيااان

  15. مدونة الدفاع said

    السلام عليكم يا باشمهندس كل عام وانتم بخيرتاج جميل وجديد

  16. محمد الجرايحى said

    أخى الفاضل الكريم : عصفور المدينةالسلام عليكم ورحمة الله وبركاتهبأحب دائماً أقرأ إجاباتك على التاجلما فيها من جدية ومصدقية وكشف عن بعض جواتب شخصيتكتقديرى واحترامىاخوكمحمد

  17. بهلول said

    انا اول تعليق الحمد للهتاج جديد وجميل يا باشمهندسمش عيب تقراء لماركيزانا اشتغلت سنه فى دوله افريقيهقريت ثقافات اعوذ باللهولكن القراءه دى رسخت عندى الفكر الاسلامى والثقافه العربيه اكثر واكثر

  18. mohand said

    السلام عليكم بما اني اول مره اعلق هنا احب اقول ان مدونتك جميله قوي واتشرفت اني زورتها وان شاء الله هحاول اداوم في الزياره واشكر الظروف اللي خلتني اعدي هنا تحياتي ليك 😉خرجت من المطب :P:P:P:P:P

  19. عبدالرحمن عياش said

    التاج جميل جدا و ردودك روعه اوي و الله يا عم عصفور المهندس🙂ربنا يكرمك ياربفعلا جميل اويبس لازم ترجع تقرا للعالميين تاني🙂ده رأيي يعنيو القلم الرصاص بصراحة انا بحب استخدمه اوي اوي اويعموما تحياتي يا فندمو و الله بفرح لما بشوف تعليقك عندي سلام

  20. other_things said

    أنا برضك من رأي عبدالرحمن …بس أكيد مانتاش فاضي زي زمان فالم نفسي أحسن…بختلف جدا في حكاية المطبخ..أخليني شجاع ازايأقضيها من غير أكل يعني…

  21. مؤمنه said

    السلام عليكم ورحمة الله وبركاته لا تعليق على اجابات حضرتك اجابات حضرتك انا شايفه انها أكبر بكتير من التعليق عليها وفقك الله وأزادك من فضله والسلام عليكم ورحمة الله وبركاته

  22. Just a Reader said

    “لما أحب أتعامل مع الناسبيبقى نفسي أوصل لهم أد إيه أنا باتعامل معاهم بنزاهة ومثالية”أنا فعلا بحس كده من خلال كتاباتك وتعليقاتك ….ربنا يبارك فيك ويكرمك🙂

  23. ما علينا said

    السلام عليكم ورحمة الله وبركاتهفعلا تاج متميز وجميلواجابات حضرتك كل اجابة فيهممحتاجة تعليق لوحدهالان كل اجابة يمكن ان تطرح موضوع للنقاشبدون مبالغة مكسب لي ان دخلت مدونة حضرتكواعتقد اني ساستفيد الكثير من فكر حضرتك ان شاء الله

  24. sa7arkash said

    ياااااااهده تاج من العيار التقيل جداااااومش اى حد يعرف يجاوب على اسئلتةاية القوة والاجابات الشديدة دى يا سيدىوعامة احنا كده فهمنا كتير عن شخصيتك المنعزلة نوعا ما المحبة للعلوم الدينية ….واللى على رايك مش عاطفى..لك كل الاحترام يا سيدى الفاضل

  25. محمود الدوح said

    فكرة تاج ولا اروعودا طريق لنوع جديد من التاجات بدل اللى اتعودنا عليهاوالاسئلة البايخة اللى فى تاجات كتير من نوعية نوع البروسيسور بتاعك اية

  26. maro said

    الف مبروك ع التاج بس مش قلت لما تحب تفش غليلك تروح فين

  27. fahd said

    السلام عليكم ورحمة الله وبركاتهيمكن انا قليل لما بعلق عندك مع انك مغرقني بجمايلك وواقف جنبيبس انا لما اجي اعلق عندك الاقي ناس كتير علقوا فأقول هو انا هبان وسطهم ويصدني ذلك عن التعليق مع رغبتي في ان اعلق علي هذه التدوينات الجميلةكلما قرأت لك كلما تمنيت ان اراك اشعر ان بداخلك خير كثير وطاقات حب نفسك توصلها للناستعبيراتك وردورد عفوية وتدل علي نفس بسيطه سمحه ولكني لا اتخيلك الا وانت لم تتجاوز الخمسه والعشرينوخايف لما اقبلك تحصلي صدمه شعوريهاو ساعتها مش هعرف اكلمك كتاباتك تفوح شبابا وحيويه وليست لرجل في الاربيعين ان كانت معلوماتي صحيحهاكرمك الله ووفقك واعانك واني لاحبك في الله يا سيد عصفور

  28. امام الجيل said

    ايه ده يا استاذىاعتقد التاج ده بين فى حضرتك حاجات كتير مكنتش باينة مش عارف اول مرة اشوفك بتتكلم عن نفسك اوى كده اوى اوى يعنىايوه كده يا راجل انا مبحبش الرسميات الزايدة عن الحد جميل ان الواحد يتكلم عن نفسه بحرية ويقول اللى جواهاعلق على ايه اممممممجميل حتة خصوصية المكان وانك تحب ان المكان اللى تروحه يكون بتاعك ولفت نظرى حكاية اما تكلم حد عايز تبينله اد ايه النزاهة فى الكلام اللى كتير مفتقدينهم والادب العالمى انا برضه مليش فيه خالصبس جميل اوى علاقتك بالمطبخ متميزة جداكده العرايس هتكتر يا بشمهندس خلى بالك بقى خصوصا الصغننين اللى مبيعرفوش يطبخوا🙂ادعوك دايما انك تتكلم عن نفسك بملأ فيك شكلك بيبقى احسن انا حاسس انك كنت بتعبر عن اللى جواك بشكل جميل اوى اعتقد التاج ده بيمثلك كتير عن اى تاج ولا ايه رايكاوعى تكون مبتدعليش🙂

  29. أحمد المصري said

    جميييلة جدا اقلام باركر..بحبها فعلا جداكويس أوي انك بتعلق من غير عاطفة..نفسي اتعلم دي واديني في طور التدريب00سلام0

  30. مناجاة said

    لا والله تاج ظريف فعلابس على فكرة انت آخر مرة علقت عندى كانت 14 يوليو يبقى انا مش اللى انت متابعهم ابقى براءةخرجت من المطب زى مهند بالظبط🙂

  31. وضـّاح said

    السلام عليكمما شاء اللهجميل إجاباتك .. ربنا يرمك بتاجات كثيرة لنعرفك منهاأعانك الله وأكرمك

  32. عمرو المصري said

    السلام عليكمكالعادةحكيم المدونينكما القبه دائما وابداعايزينه يقول ايهلازم تبقي دي اجاباتهمنتظرك ياكبير هناكموضوع كئيب جديد كتبتهوبما انك الوحيد اللي متابع الي بكتبهوالوحيد اللي بيعلق عنديانا هاعتبر نفسي مت الجماعو واجاوب ع التاجتطفليلا سلامسلاممنارض الحرب

  33. nabila said

    شاركونا لتفعيل اتحاد المدونين المصريين وذلك لرفعة شأن التدوين في مصرعضوة الاتحاد المصرى للمدونيننبيله غنيمhttp://www.ebu2day.jeeran.com

  34. رينـــــــــــا said

    السلام عليكماخبار حضرتك ايهماشاء الله فكرته جديدة وحلوة اوىوكالعادة لا تعقيب على كلام حضرتك المميز جدابارك الله فيك وبك

  35. اليعقوبي said

    استاذنا الكبير اجابات بتدل علي شخص جميل زي حضرتك ولا ازكي علي احد ربنا يرزقك حبه وحب من يحبه وحب اي عمل يقربك لحبهوالله يااخي اني احبك في الله رغم اني لم اراك ولكنها امور قلبيةوالسلام اخي الفاضل

  36. omar مشروع بطل said

    اسمحلى أشكرك على المعلومات اللى فى اجاباتك وجزاك الله خيراواسمحلى كمان اهرب من التاج ده

  37. رفقة عمر said

    عجبنى موضوع الطبخ فاكرنى بعادل امام فى مسلسل ابراهيم الطايرحط كل حاجه على بعض وعمل يخنى عجبيالله بالهنا والشفا للى بياكلوا

  38. Dr_Moslim said

    ههههربنا يعزك ويكرمكحلو موضوع الطبخ بردهوكويس ان الناس اللي كلوا لسه عايشين الحمد للهوإجاباتك كويسةبتفكرني بحاجت كدهوكويس انك بتحب تمشي في الأوقات اللي مش بيكون حد موجود فيهاالواحد بيحس براحة شويةوربنا يكرمك

  39. جنـه said

    ارد ولا ما اردشارد ولا ما اردشخلاص رديت اعمل ايهالغريبه اني اول مره ارد علي مدونه حضرتكرغم اني متابعاها جدا من خلال القرايهبس كنت بكتفي بالقرايهيمكن لاني بحس اني مش هضيف كتير لو علقت فمابعلقشعجبني التاج قويوبحس ان اي حد هيجاوب عليه بصراحههيبين اجزاء كتير من شخصيتهولاني بحب الحاجات الجديده المختلفهفباذن الله هرد عليهمع كام تاج تانيينوكل تاج وحضرتك بخير

  40. kafrawy said

    ماركيزيا بتاع ماركيزتحياتى

  41. المهـ إلي الله ـاجر said

    كلام جميل يا بشمهندس كالعادة

  42. bedo said

    الأول بعتذر عن التأخيرثانيا تاج مختلف شكلا وموضوعا وأكثر رد عجبنيلما أحب أطلع من حالة غضب أو ضيق أو حزنآخذ مصحفي وأمشي شوية كيلومترات محترمةوإجابات كثير غيرها بس ده أكثر واحد عجبنيوبصراحة تاج جديد بس حلو في طريقته وإجاباتك بتعكس حاجات كثير أوييلا سلام راجع تاني إن شاء الله

  43. Islamist Bloke said

    حلوةعلى فكرة يا عم عصفور انا كمان مش بحب حوار الطرشان وبتجنن اوى اوى لما اكون بتكلم مع حد ويظهر انه مش متابعني او كدة…………..طباعنا متوافقة على فكرةفعلا الموضوع ده يخنق وانا حسيته اوى من كلامك…………وربنا يهدي الطرشان ………اصل اسخف حاجة لما الواحد يكلم واحد والتاني في نص الكلام يفتح معاه حوار تانى خالصزي اية برضةزي لما الواحد فى مدونة وبيتكلم فى موضوع معين ولاقى واحد دخل كتب تعليق بعيد تماما عن مجرى الحوارحاجة تفرسسسسسسسسسسسسربنا يهديوالسلام

  44. Islamist Bloke said

    على فكرة احب اضيف انى مع تعليق جنة………..انا كمان بحس بكدة……….بحس انى مش عارف اضيف جديد ف باسكتربنا يزيدكوالسلام

  45. خبيب said

    احترمت جدا فيك :“لما أحب أعمل حاجة أعملها بإتقان وتميز وإدمان”—هو ده الكلام اللي يرفع الروح المعدنيةالمسلم كدهيا يعمل الحاجة بالشكل ده ، يا ميضيعش وقته فيها أحسن—بارك الله فيك

  46. yasmina said

    فكرة التاج جميلةاول مرة ادخل المدونة بس عجبتنيمحترمة وجيدةتحياتي

  47. حائر في دنيا الله said

    تصدق محتاجين حاجة زي كدها، بديل عن الهم والغم والكره اللي عايشين فيهأنا احب إذن أنا عايشوالله حكمة حلوة أحلى من بتاع ديكارتلك تحياتيالسلام عليكم

  48. أميرة محمد محمد محمد said

    استاذي العصفور اتفق معاك في كراهية الزحمه وحب الاماكن الخاليهاول حد الاقيه بيقول بحب ازور المقابر ربنا يكرمك ويزيدك من حياة القلبانما اختلف معك في موضوع الادب العلمي لاني اعشقه واعتقد انه لايوجد مانع شرعي له مادام في اطار الثقافه ومادام لن اتاثر باي سلبيات فيهربنا يزيدك علما

  49. مهندس مصري said

    يا بشمهندس انت كده دبستني في أول تاج في حياتي التدوينية القصيرةربنا يستر و نعرف نجاوببس إجاباتك تنم عن شخص نقي و صافيربنا يكرمك

  50. عصفور المدينة said

    < HREF="" REL="nofollow">اصرار أمل<>بارك الله فيك شرفت أول تعليقوانا كمان عندي تعليق على معظم الإجابات فعلا معاك حقان الواحد يعرف الصح ويثبت عليه ويبقى عنده مناعة< HREF="" REL="nofollow">malak<>بارك الله فيك وشكرا لك< HREF="" REL="nofollow">مصراوي أوي<>طب مانا عارف ان احنا زي بعض في حاجات كتير امال باحبك ليه 🙂يلا حافوت لك الكورة< HREF="" REL="nofollow">Future_Preacher<>يعني وصلك التاج بكامل إرادتكوالله احب اسكندرية في الشتاء بشكل غير طبيعي< HREF="" REL="nofollow">صانعة الحرية<>وعليكم السلام يا استاذة الكراكسجزاك الله خيرااقري حولي قراءتك غصب عنك لمتعة< HREF="" REL="nofollow">طال الليل<>في انتظار اجاباتك يا حبيبي < HREF="" REL="nofollow">آلام وآمال<>جمعنا الله وإياك في الجنة< HREF="" REL="nofollow">عازف الناى<>ههه عصر الديناصورات انت بتجني علي وعلى نفسكانا بقى كنت في الثانوية العامة في عصر بسماركفعلا بس باكد إن نعمة النفور من الباطل لا يمن الله بها على كل أحدمتأكد ان فى حد كل من طبيخي ولسه حى يرزق وعندي شهود يفضلون أكلي على أكل مامتهم< HREF="" REL="nofollow">Mohamed A. Ghaffar<>نفدت بأمارة إيه التاج لازمك يا أستاذ بلاش أستاذ يا محمد< HREF="" REL="nofollow">أمــانــى<>انت ممن وهبهم الله القلب ومن كان كذلك فإنه يسمع وينتفع بما يسمع إن شاء الله< HREF="" REL="nofollow">بيدو<>أيوة يا أخي مانا عارف ان الإخوان معظمهم أهلاوية🙂 اسأل حتى مجدي سعدوواظب على المشي في المطر يمكن نتقابل في يوم ربنا يبارك فيك< HREF="" REL="nofollow">mraghy<>ماهو كل الديكتاتوريين شجعان زي حالاتي كدة< HREF="" REL="nofollow">چـِنين …. عيلة و عايزة افهم<>ليكي جايزة أحسن تعليقدكتاتورية مني بقى< HREF="" REL="nofollow">مدونة الدفاع<>وعليكم السلام يا اسامة فينك يا حاج< HREF="" REL="nofollow">محمد الجرايحى<>أخي وحبيبي بارك الله فيكويسعدني تشريفك< HREF="" REL="nofollow">بهلول<>أول تعليق غيه ياحاج أنظ حولك ولا بلاش انظر حولكفعلا قراءتك الأفكار الأخرى بيثبت الحق ولكن مش دايماحمدا لله على السلامة من الأدغال< HREF="" REL="nofollow">mohand<>مطب إيه ياحاج التاج لابسك لابسك< HREF="" REL="nofollow">عبدالرحمن عياش<>منور يا عياش وجزاك الله خيراوالله ياعبده حاولت بس مفيش وقت ولم أعد أجد متعتي عندهمبعد أن من الله علي بقراءة كلام الأفاضلاقرأ مثلا حادي الأرواح إلى بلاد الأفراحوقارنها معMadame Bovaryوانا اللي يشرفني اني اعلق على كلامكم< HREF="" REL="nofollow">other_things<>بلال المبدع فعلا الوقت وشوف تعليقي فوق< HREF="" REL="nofollow">مؤمنه<>يا بنتي بلاش المدح المبالغ دهكلكم أفاضل< HREF="" REL="nofollow">Just a Reader<>أختي الفاضلة أين أنت نسأل الله ان تكوني بخير وصحة وتوفيقوانا باحس منك نفس اللإحساس بالمثالية وافتقد كتاباتك< HREF="" REL="nofollow">ما علينا<>حاعمل بوست تاني عن التاج ده إن شاء اللهكلنا نتبادل الأفكار يا أختاه< HREF="" REL="nofollow">sa7arkash<>أستاذة شكرا على مدحكأنا والله مش منعزل وعشان كلمتك دي أنا حاعمل بوست تاني عن التاج ده< HREF="" REL="nofollow">محمود الدوح<>أيوة يا محمود ولا لون الشراب والبطانية< HREF="" REL="nofollow">maro<>هناك جنب الحيطة تحت الشباك ومعي الكمبيوتر< HREF="" REL="nofollow">fahd<>وعليكم السلام ورحمة الله وبركاتهيا أخي لا تستقل نفسك وأنت منا بمكانجزاك الله خيرا عندكش عروسة لي بقى🙂ششششششش البوست اللي بعد العيد عن تعدد الزوجات< HREF="" REL="nofollow">امام الجيل<>ربنا يبارك فيك ويعزك يا محمد أنا كنت فاكرك أكثر واحد فاهمني ياراجل ده انا حكيت قصة حياتي في مدونتك< HREF="" REL="nofollow">أحمد المصري<>بارك الله فيك يا بطلأنا مش باعلق بدون عاطفة ولا باتكلم بدون عاطفة بس باحب ان العطفة مش توجهني وده فرق كبير حاتكلم عنه إن شاء الله< HREF="" REL="nofollow">مناجاة<>في انتظار إجاباتك يا دكتورة عشان انا علقت عندك أمس< HREF="" REL="nofollow">وضـّاح<>بارك الله فيك يا وضاح واعانك الله< HREF="" REL="nofollow">عمرو المصري<>أنا مهندس ياعمرو مش دكتور عشان تقول علي حكيم😀< HREF="" REL="nofollow">nabila<>استاذة نبيلة منورة مدونتنا ومن غير تعليق🙂< HREF="" REL="nofollow">رينـــــــــــا<> منورة يا بنتي ربنا يكرمك< HREF="" REL="nofollow">اليعقوبي<>أحبك الله يا زعيم< HREF="" REL="nofollow">omar مشروع بطل<>هربت؟ حاسمحلك عشان انت مشغول< HREF="" REL="nofollow">رفقة عمر<>يا بنتي انتي ماقريتيش كتابي في الطبخ ولا إيه باقول تشوفي الحاجة مناسبة ولا لأ< HREF="" REL="nofollow">Dr_Moslim<>ربنا يعزك ويكرمك يا دكترة يارب أكون بافكرك بحاجات حلوة مش مغص ولا تلبك< HREF="" REL="nofollow">جنـه<>منورة وشكرا على قبولك التاجبس عايزين التاج ده لوحده< HREF="" REL="nofollow">kafrawy<>يا عم أنا بتاع ربنا ماركيز ودعته من زمان< HREF="" REL="nofollow">المهـ إلي الله ـاجر<>بارك الله فيك يا احمد< HREF="" REL="nofollow">bedo<>شكرا يابيدو ومنورني تاني وتالتوعايزينك ترد على التاج< HREF="" REL="nofollow">Islamist Bloke<>يا احمد انا عارف ان احنا متشابهين جدا اوعى تسكت سمعنا صوتك< HREF="" REL="nofollow">خبيب<>فرحتني أن هناك أرواح معدنية مش كله معنوي كدةالإتقان والتميز روح العمل< HREF="" REL="nofollow">yasmina<>منورة أستاذة 48وفي انتظار إجاباتك< HREF="" REL="nofollow">حائر في دنيا الله<>فرج الله كربنا وكربنا وكرب جميع المسلمين وأهو شوية وشوية< HREF="" REL="nofollow">أميرة محمد محمد محمد<>أنا جاوبت على نقطة الأدب العالمي وسوف أكتب مزيدا عن النقاط التي في هذا التاج< HREF="" REL="nofollow"> مهندس مصري<>انت بدات حياتك التدوينية بتاج لذيذ وخفيف امال لو شفت التاجات التانية

  51. Maha said

    بسم اللهالسلام عليكم ورحمة اللهما شاء الله إجابات متميزة .. خاصة إجابة الطبخ لأني أطبقها بحذافيرهاأما في التعامل مع الناس .. فاكثر الله من أمثالك

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

 
%d bloggers like this: