مدونة عصفور المدينة

مدونة نظيفة إسلامية (زيادة الإيمان) الطرائف والتناقضات التخسيس والصحة العامة الإدارة والتنمية البشرية

يوم خميس

Posted by ctybrd on September 5, 2007

خرجت من المنزل لصلاة العصر فأحسست بالنسيم الجميل على وجهي بعكس الجو داخل الشقة يااه منذ زمن لم أجد مثل هذا الجو في الصيف وبالنهار

كثر خير الله وطاب

انطلقت من فمي هذه العبارة فورا وأخذت أفكر كيف أنتهز هذه الفرصة والأولاد نائمون

كنت قد اكتشفت طريقا مختصرا إلى المقابر والذي اتضح فيما بعد من جوجل إيرث أنه أطول ولكنه أهدأ

إذن هذه هي فرصة المشي ودائما أحاول أن أمشي لهدف مفيد صليت العصر وانطلقت إلى الطريق المختصر

مصحفي في يدي وأتدبر الآيات :

ويعبدون من دون الله مالا يملك لهم رزقا من السموات والأرض شيئا ولا يستطيعون

فلا تضربوا لله الأمثال إن الله يعلم وأنتم لا تعلمون

ضرب الله مثلا عبدا مملوكا لا يقدر على شيء ومن رزقناه منا رزقا حسنا فهو ينفق منه سرا وجهرا

هل يستوون الحمد لله بل أكثرهم لا يعلمون

وضرب الله مثلا رجلين أحدهما أبكم لا يقدر على شيء وهو كل على مولاه أينما يوجهه لا يأت بخير

هل يستوي هو ومن يأمر بالعدل وهو على صراط مستقيم

كيف تضربون له الأمثال سبحانه هو الذي يعلم كيف يضرب الأمثال لأنه الذي يعلم حقيقة الأمور ومآلها كيف تشبهون به غيره سبحانه وهو يعلم أن لا شريك له وأنتم لا تعلمون قدر عظمته حين أشركتم به

هذا مثل لما يعبد من دون الله كنسبتها إلى الله عزوجل كمثل عبد مملوك لا يقدر على شيء والحر المتصرف الذي ينفق سرا وجهرا هل يستوون ولله المثل الأعلى

ومثل الكافر كنسبته إلى المؤمن كمثل الأبكم الذي لا يدعو ولا يتكلم بل وهو كل لا يعمل ولا ينفق على نفسه ولا ينفع في أي جهة ذهب

أما المؤمن يأمر بالعدل وهو على صراط مستقيم سبحان الله والحمد لله لا يستويان

وصلت المقابر وزرت قبور الأحبة ودعوت للجميع اللهم ارحمنا إذا صرنا إلى ما صاروا إليه

ساكني الأجداث أنتم .. مثلنا بالأمس كنتم

ليت شعري ما صنعتم .. أربحتم أم خسرتم

نعم سنرد هذا المورد ونرقد هذا المرقد ونصمت هذا الصمت الظاهر وياليت شعري ما صنعتم وما عسانا صانعون

العكاوي دي جميلة جدا تعملها شوربة مع شوية رز أبيض وسلطة باشتريها من عند الجزار بتاعي تطلع زي ما تطلع هي على بعضها كدة

سمعت صوت رجل يقول لزميله وهما جالسان على أحد المقابر

يلا يا عمو بالهنا والشفا (قلت في نفسي

سبحان الله وبحمده عدد خلقه ورضا نفسه وزنة عرشه ومداد كلمات

بكام المنجة يا عم ؟ وأنا أيضا اشمعنى الراجل ده بياكل عكاوي

وبعد العشاء جاءني خبر محزن جدا وكان ردي

فاقض ما أنت قاض إنما تقضي هذه الحياة الدنيا إنا آمنا بربنا ليغفر لنا خطايانا وما أكرهتنا عليه من السحر والله خير وأبقى

الخميس 30-8-2007

61 Responses to “يوم خميس”

  1. Just a Reader said

    التعليق الأول!!…أول مرة تحصل🙂
    جميله جدا سبحان الله الصورة الأولى اللي فيها خضرة كتيره دي ….وجميلة جدا الآيات والتدبر فيها …سبحان الله القرآن ده نعمة عظيمة.
    بس بما إن الجو كان صيفي لطيف ليه حضرتك رحت المقابر … كان ممكن تتمشي في وسط الخضرة الجميلة دي …أصل المقابر دايما هتؤدي إلى التآثر ومسحة من الحزن…ربنا يرحم موتانا جميعا
    وإن شاء الله الخبر الحزين اللي جالك ربنا يبدله بخبر سعيد.
    تحياتي

  2. عصفور المدينة said

    بارك الله فيك الحمد لله أني زرت المقابر حتى أقوى على تحمل هذا الخبر نسالكم الدعاء لكل مكروب

  3. عازف الناى said

    زياره القبور فيها موعظه للقلوب
    وكما يقال بالبلدى
    تعيش وتفتكر
    اما عن الخبر الحزين
    فرج الله عنك كل شده وكرب
    وخفف عنا وعنك وعن المسلمين كل المصائب

  4. رفقة عمر said

    اكيد زياره القبور فيها رهبه وخشوع لانى اول مرة ازور مقابر بعد وفاه والدى رحمه الله عليه
    بس انا مافهمتشى الاسطر الاخيره وحكايه العكاوى والمانجه
    وكمان الخبر الذى احزنك
    ممكن توضيح
    من فضلك

  5. Jana said

    سبحان الله العظيم الذى جعلك تذهب للمقابر عصرا …فتصبر وتحمد عند سماعك خبرا مؤسفا عشاءا
    فعندما نرى ونتذكر ما سنؤول اليه جميعا …نزهد فى الدنيا الزائفة ونرى الامور فى نصابها الصحيح
    هذه رحمة الله الواسعة ورضاه عنك الذى يظهر فى مثل هذه المواقف
    ارجو من الله ان تكون بخير وان يعينك على ما حدث ايا كان
    ان مع العسر يسرا..ان شاء الله
    تحياتى ودعائى ..

  6. عصفور المدينة said

    أخي عازف الناي
    نعم الموعظة ونعم الواعظ
    وجزاك الله خيرا على الدعاء
    أستاذة رفقة
    نعم إن زيارة القبور تذكر الآخرة
    ولكن الناس يذهبون إلى القور بقسوة قلوب كما ذكرت عن الراجل بتاع العكاوي والله سمعته كنت عايز اضحك يعني نذهب إلى المقابر بشئون دنيانا ختى التافه منها بدلا من الاستفادة من المكان

    أما عني فكان هذا في طريق عودتي من حقي يعني أعيش حياتي أنا كمان

    أستاذة جنى
    لا أجد أفضل من قولك

    فعندما نرى ونتذكر ما سنؤول اليه جميعا …نزهد فى الدنيا الزائفة ونرى الامور فى نصابها الصحيح

    وفعلا يا أستاذة والله تذكرت فورا هذه الزيارة وكأنها كانت تمهيدا
    واللهم فرج كرب المكروبين وفك أسر المأسورين

  7. Just a Reader said

    ربنا يفرج كربك وكرب كل مكروب ويرزقنا الصبر على البلاء ويجعلنا عبيد إحسان وليس عبيد امتحان.

  8. mohand said

    السلام عليكم

    هو انتم يوم الخميس عندكم بيسبقنا بيوم؟

    هو النهارده الاربعاء ولا انا مش واخد باللي

    بس عجبني ردك لما جالك خبر سئ

    الحمد لله الذي لا يحمد علي مكروه سواه

  9. عصفور المدينة said

    الأخت القارئة
    جزاك الله خيرا

    مهند
    ما تحاولش عشان أنا حاطط التاريخ بس انت شكلك قريت بسرعة

  10. ftataljanna said

    🙂

    بكام المانجة دى يا عم

    زوج عمتى توفى اتانى خبر الوفاة وانا مع والدتى وانا انزل من السيارة التى كادت ان تذهب بنا لكى اشتري ملابس الجامعة

    تلك المفارقة جعلتنى بكى بينما كنت اقوم بكى الملابس لوالدى ليذهب اليهم ليستقبل الجثمان العائد من المستشفى

    عندما تتقابل الدنيا مع الاخرة فى مفارقة غريبة تجد الواقع يصفعك لكى تفيق

    وانا لله وانا اليه راجعون

  11. صيد الخاطر said

    شيخنا الكريم
    ربنا يكرمك
    تأملات واسقاطات رائعة على الواقع نفع الله بك الدين

  12. الطائر الحزين said

    ايوة يا باشمهندس
    انتى قلتى عصفور ايه؟؟ اعمل ايه لازم اقلدك

    كيف تجد الحال وانت تذهب فى جنازة وتبكى على ناس لا تعرفهم
    وترجع وتعود وتشترى مانجة سبحان الله يا أخى هذا ناموس كونى غاية فى العجب والروعة

    اللهم فك كربك وبدل احزانك سعادة
    وثقل بها موازينك

    على فكرة
    ويعبدون من دون الله ملا يملك لهم
    ويعبدون من دون الله مالا يملك لهم

    بارك الله فيك

  13. طال الليل said

    بارك الله فيك
    فعلا من وسائل ترقيق القلوب زيارة القبور وتأمل حال الدنيا فهناك تعرف حقيقة الدنيا وتستعيد شحن الروحانيات ولذا نتحمل أحداثها

    أسأل الله أن يهون علينا جميعا مصائب الدنيا
    فعلاموعظة جميلة أشعرتنى بقرب الإنسان من الرحيل

  14. عصفور المدينة said

    ftataljanna
    نعم أختي
    عندما تتقابل الدنيا مع الاخرة فى مفارقة غريبة تجد الواقع يصفعك لكى تفيق
    وأيضا نأخذ الزاد من تلك الذكرى
    =========
    صيد الخاطر
    بل أنت شيخنا وسيدنا ومولانا الكريم
    أكرمك الله وأعزك بسنة نبيه
    الطائر الحزين
    عصفور حزين شوية يا أخي من حقي تبهت علي
    الإنسان ينسى دائما والحمد لله أنا لا نسمع صوت الميت حين ينضم عليه القبر
    جزاك الله خيرا على تصحيح الآية أصلي لا أحب النسخ والتشكيل فلذلك باغلط
    ======
    طال الليل
    أسأل الله أن يهون علينا جميعا مصائب الدنيا
    وكما أشرت

    فعلا من وسائل ترقيق القلوب زيارة القبور وتأمل حال الدنيا فهناك تعرف حقيقة الدنيا وتستعيد شحن الروحانيات ولذا نتحمل أحداثها
    بارك الله فيك

  15. المهـ إلي الله ـاجر said

    فعلا يا بشمهندس .. ثلاثة اماكن تحرك القلوب القاسية

    زيارة القبور .. وزيارة المرضي .. وزيارة السجون !!

    نسال الله ان يرحم موتانا وأن يرحمنا معهم برحمة من عنده

  16. Mohamed A. Ghaffar said

    انت بتعد فى البيت يوم الخميس ازاى

    اوحشتنى زياره القبور ويكدر صفوى من فيها من الأحياء

    واعجبنى الرضا فيك

  17. الربان said

    تحياتي

    زيارة القبور ترقق القلوب و تذكرة باحوال الموتي و امولا الآخرة.

    أدعو الله العظيم..رب العرش العظيم ان يفرج كربك و يمحو همك…وان يثيبك عما اصابك خير الجزاء.

    أكثر من قول : لا حول و لا قوة الا بالله العلي العظيم.

    تحياتي

  18. امام الجيل said

    يااااااااااه يا بشمهندس العكاوى بوظت علينا الجو اللى كنا عايشينه فى التدوينة وقلبت لمنجة كمان
    بس خير ان شاء الله بالنسبة للخبر المحزن
    وعسى ان تكرهوا شيئا ويجعل الله فيه خيرا كثيرا

  19. عصفور المدينة said

    المهـ إلي الله ـاجر
    كيف إذا اجتمعن في يوم
    جزاك الله خيرا للدعاء
    ——
    Mohamed A. Ghaffar
    مش احسن من السبت دي عادة من أيام السعودية
    نعم يا محمد قل لمحمد إمام الجيل
    يكدر صفوها من فيها من الأحياء
    والرضا يزيد بمعرفة قدر الدنيا
    ——
    الربان
    منورنا يا أخي أول مرة
    جزاك الله خيرا على الدعوات التي اسأل الله أن يتقبلها منك
    لا حول ولاقوة إلا بالله
    ——
    امام الجيل
    جزاكالله خيرا وشوف تعليق محمد عبد الغفار
    يكدر صفوها من فيها من الأحياء
    مش دي العيشة اللي احنا عايشنها يا محمد
    حتى في وسط الإيمانيات واخدين الدنيا معانا

    ——

  20. abdul-salam said

    بارك الله فيك ياباشمهندس على بساطة التعبير .ولي موقفين مشابهين للموقفين عندك
    1-تضارب المشاعر
    2-التمهيد قبل المصيبة
    عام1986 كان عندي فرح أخ عزيز جدا وفي نفس اليوم أثناء تحضير السيارات للزفة..جائني نيأ وفاة صديق مريض سبحان الله.
    الموقف الثاني وأنا في الخارج مرت علينا فترة جميلة من التقرب لله والصلاة قبل الفجر بانتظام حتى تكون تمهيد لسماع نبأ مرض إبني بمرض خطير…فسبحان الله الذي يختبرعباده بلطف وتمهيد حتى يرفع من شأنهم.ولنعلم جميعا أننا في دار اختبار.إما أن ننجح أو نرسب فيه

  21. عصفور المدينة said

    حاج عبده
    شفاك الله وعافاك
    وجزاك الله خيرا على التذكرة

  22. جمعاوى روش طحن said

    هندسة ..دايمامواضيعك متميزة

    كنت بافك أعمل رحلة خلوية للمقابر قبل رمضان

    مع بعد الإخوة

    بعد كلامك

    مابأش تفكير خلاص

    حددنا الموعد

    جزاكم الله خيرا

  23. فارس عبدالفتاح said

    الاخ الفاضل / عصفور

    أطال الله بقاءك وأعزك وأكرمك وأتم نعمته عليك وأيدك بالسعادة والسلامة وقرنها بالعافية والسرور ووصلها بالنعمة التي لا تزول والكرامة التي لا تحول .

  24. other_things said

    حلو أوي غنك حضرتك تشعر إن دا تمهيد من ربنا
    ..
    ربنا يفرج عنك ..آمين

  25. مؤمنه said

    السلام عليكم ورحمة الله وبركاته
    اللهم اجعله لنا روضه من رياض الجنه
    والسلام عليكم ورحمة الله وبركاته

  26. Ahmed S. Basyoony said

    بسم الله
    جميل منا ان نزول المقابر لنذكر الموت والاخرة وعملا بقول رسول الله
    الا اني كنت قد نهيتكم عن زيارة المقابر ، الا فزورها فانها تذكركم بالاخرة ، او كما قال عليه الصلاة والسلام
    جزاكم الله خيرا اخي على التذكرة
    وجعله في ميزان حسناتكم
    تحياتي
    البحر

  27. بهلوله said

    تعيش وتفتكر
    وادعو من الله ان يخفف عنك كل كرب

  28. بنات افكارى said

    السلام عليكم
    الحقيقة بزور المدونه باستمرار لكن باجي عند التعليقات وبحس ان الكلام اكبر من ان الواحد يعلق عليه ربنا يكرم حضرتك ويكثر من امثالك
    المقابر فعلا افضل مكان للعبرة والتذكرة وحقا احوال الدنيا ورانا ورانا حتى فى الاوقات الصعبة مانجا على عكاوي بس لفت نظري كل ايه حضرتك ذكرتها ايقظت بداخلي شىء ما ربنا يعمر قلوبنا بالايمان والقران ويجعلنا جميعا اهل لحمله اللهم امين
    ربنا يرزقك فى كل ايامك حسنات تتكاثر وذنوب تتناثر وهموم تتطاير ويجعل الله بسمتك سعاده وصمتك عبادة ورزقك فى زيادة وخاتمتك شهاده اللهم امين
    ويزيح عنك كل هم وكرب انت وجميع المسلمين ويبدلك الله بالخبر المحزن خير منه ان شاء الله نسال الله لك التوفيق
    ولا تنسانا من دعائك فنحن بحاجة اليه
    السلام عليكم

  29. mohand said

    السلام عليكم

    ايه ده هو انا مكنتش لابس النظاره

    معلش يا حج
    العتب علي الجزر
    اصله غلي وبقي يقوي النظر وينظف الجيب

    المهم انت عامل ايه ؟

    عايزك تناقش موضوع صحيح
    علشان انت اتجاهك اسلامي انا مينفعش

  30. عصفور المدينة said

    جمعاوى روش طحن
    جزاك الله خيرا وفي انتظار تدوينتك عن الزيارة
    ولا تنسوني بالدعاء
    ——–
    فارس عبدالفتاح
    أخي فارس المحترم جدا جزاكالله خيرا وشرفتنا ودام التواصل بيننا إن شاء الله
    ——–
    other_things
    نعم يا بلال باينة جدا فعلا
    ——–
    مؤمنه
    وعليك السلام ورحمة الله وبركاته
    اللهم آمين اللهم وسع قبورنا ونور لنا فيها
    ——–
    Ahmed S. Basyoony
    جزاك الله خيرا
    ونورتنا يارفيق
    ——–
    بهلوله
    جزاك الله خيرا
    ——–
    بنات افكارى
    بتستخسري فينا هذا الدعاء وهذه الكلمات الطيبة بارك الله فيك كم أبهجني دعاؤك
    وأسأل اللخه أن يستجيب ولك بمثل
    ——–
    mohand
    موضوع إيه يا مهندون
    بس بعد العيد عشان ده كدة آخر بوست على ما يبدو
    ——–

  31. آلام وآمال said

    مش عارف ليه حسيت بأمر معين هو اللي حصل لحد من معارفك وبجد بحزن اوي انا كمان لما اسمع خبر زي ده

    على العموم ايا كان أسأل الله العظيم الحليم الكريم أن ينفس كرب كل مكروب مسلم وان يزيل هم كل مهموم
    ويارب هذا الامر يكون في ميزان حسناته

    واحد صاحبي حصل معاه قصة كده من اللي يزعلو دول بردو وبعدين انا قلت له يا عم احمد ربنا ده انت كده ربنا بيحبك انه اختارك للامتحان

    رد عليه رد مش ممكن انساه طول حياتي

    قاللي وما ادراك يا اخي انه اختبار مش يمكن يكون عقاب وغضب منه سبحانه وتعالى على تقصيري وتفريطي

    اللهم اغفر لنا ذنوبنا
    اللهم عاملنا بما انت أهله ولا تعاملنا بما نحن أهله فأنت أهل الفضل والاحسان والكرم

    ربنا يثبتك ويثبت كل مبتلى مسلم

  32. أمــانــى said

    أســتاذنا
    انا من بدرى اووى بأزور المقابر من ايام وفأة عمى من ايام الاعدادى وكـل ما احس الدنيا ضاقت اووى ومش عايزة اشيل ليها هم وعايزة احس بالرضا يبقى لازم ازورها علشان اعرف ان الدنيا دى مش مستاهلة وبأستغرب اوووى من الناس اللى بتروح ومش بتسكت وهما داخلين ومش بيكونوا مستوعبين ان ده مصيرهم
    ربنا يتوفنا مســملين يااااااااااااارب آمـــــــــين

  33. محمود الدوح said

    الحمد لله الذى لا يحمد على مكروة سواة

    هو صحيح الالتزام يخليك تبعد عن اصحابك
    عشان واحد صاحبى التزم ومن ساعتها وهو مش بيكلمنا وبيقول علينا اصدقاء سوء

    هو دا الالتزام

    انا عارف السؤال مش فى الموضوع بس انا قلت اسالك

  34. حياه الأحلام said

    ربنا يهدينا ويرحمنا ويرزقنا حسن الخاتمه

    ويرزقنا بعد الموت ناس تفتكرنا بعد الموت وتدعى لنا وتقرى لنا قرآن

    ربنا يجازيك كل خير

    تحياتى

  35. بالله المستعان said

    اللهما ارحمنا اذا صارنا الي ما صاروا اليه
    اللهما اغفر لي ولوالدي وللمسلمين والمسلمات الاحيا منهم والامات

    عجباني الايات اللي حضرتك حططها في البوست
    حقا تستحق التدبر

  36. Islamist Bloke said

    لا حول ولا قوة الا بالله

    ربنا يصبرك على ما ابتلاك به يا عم عصفور

    دانا جاي اقولك كل سنة وانت طيب

    وحلوة الرحلة الرقيقة دي

    حاسس انى بسمع احدى قصص الرقائق من كتاب زهد

    ربنا يهدينا ويهديك ويهدي امة محمد

    والسلام

  37. سى السيد said

    والله يوم باشا

    قراة قرآن الجو حلو زيارة قبور
    وأكيد فيه خضرة زى عندنا

    أكيد كل الناس هتجرب اليوم ده وخصوصا قبل رمضان
    انا نفسى اما بكون مضايق عندنا شجره قرب المقابر بتبقى زاوية الرؤيه اوسع وافضل ابص عليها برتاح كتير

    اما بخصوص العكاوى والمانجو انا مره عند المقابر وشميت ريحة بانجو مش مانجو رحت ابص لقيت شباب وقعدة كيف وكانو جانب مقبرة واحد صاحبهم ميت بقاله يومين كل الا انا عملته سحبت نفسى من غير ما حد شفنى وكنت مع اضعف الايمان وغيرت بقلبى المنكر

    بس صدقنى الناس كلها هتجرب اليوم ده
    وانت هتشاركهم فى الثواب

    اشا يا بشمهندس

  38. قلب أبيــض said

    السلام عليكم استاذنا الفاضل
    زيارة القبور من الاشياء التى ترقق القب
    وتذكرنا بالاخرة واليوم الاخر
    جزيت خيرا على التذكرة

  39. FloNa said

    دي اول زيارة ليا للمدونة لكني لا اجعل حضرتك واعرفك من ردودك على مدنات من اعرفهم واحسبك على خير ولا ازكي على الله احدا واسعدني جدا ان وجدت الوقت لاقرأ بضع من تدويناتك التي اعتبرها فعلا رائعة🙂 :9

    جزاك الله خيرا ويسر لك طريق الخير🙂

  40. بهلول said

    انا طبعا مش اول تعليق
    على فكره
    انا كنت بضحك معاك المره اللى فاتت على حكايه اول تعليق
    المهم
    انا ازور قبر والدى باستمرار
    لكن عندما تضيق نفسى جدا جدا اجدنى اذهب الى هناك تلقائيا
    رحم الله امواتك وامواتنا واموات المسلمين اجمعين
    واسكنهم الله فسيح جناته

  41. صانعة الحرية said

    السلام عليكم
    جزاكم الله خيرا كثيرا استاذى على هذه التذكره وهذه الايات الرائعه التى قرأتها اليوم بمذاق جديد
    انا من فتره كان عندى درس فى المسجد وعندما ذهبت وجدت رمل وطوب امام المسجد علشان بيعملوا اصلاحات وقالوا مفيش الاسبوع دا خالص
    قلت فرصه انا واخده اذن من بابا من العصر للمغرب المهم كنت انا وواحده صاحبتى قلنا خلاص نروح نزور المقابر وقعدنا نعدد النوايا مع انا ملناش حد فيها بس قلنا للتذكره
    احنا كنا وحدنه مكنش فى غير اتنين رجاله لبسين جلاليب قاعدين على طرف المقابر برضه عمالين يحكوا مع بعض
    المهم انا دخلت حوالى اربع حوارى ومن الخوف حسيت انى مش قادره اقف على رجلى طلعت تانى بسرعه ووقفت بره امام او صف
    جعلت انظر الى المقابر والى شكلها وللفتحه اللى فى الارض وانا هدخل ازاى والحشرات اللى انا خايفه منها وكنت سامعه صريخ اطفال وناس بتتكلم بصوت واطى وحاجات كده طبعا الاصوات دى تهيئات من الخوف
    بس فعلا حسيت انى اخدت قلم فوقنى من غفلتى وعرفنى اخرتى هتكون تحت التراب
    ومن بعدها قررت انى كل اسبوع ازور المقابر لعل الله يرحمنا اذا صرنا الى ما صار اصحابها اليه
    وجزاك الله خيرا كثيرا على هذه التذكره

  42. حزيــــــــــــــــــن said

    wa lmn khaf mkam rabeh gntan

    modhamtan

    wa men donehma gntaaaan

    bark allah feeek

    i love u for allah
    i think u r the polit salafy brother who pray as emam in modawen khana confrence

  43. چـِنين .... عيلة و عايزة افهم said

    جزاك الله خيراً على التذكرة

    امبارح اتنين اصحابي كانوا عايزين يروحوا المقابر عشان العبرة
    بس انا مرضيتش اروح عشان خفت للموضوع يكون فيه شبهة فقلت أسأل الأول قبل ما اروح

    من الحاجات اللي بتأثر قوي زيارة دار المسنين

    بيبقى فيها عبرة برضة … ناس ياما لفت و دارت في الدنيا و رغم كدة قاعدين دلوقتي مستنيين اي حد يدخل عليهم
    بيفرحوا بالزيارة دي قوي قوي

    احساسك أنك ميت و أنت على وجه الأرض !!!

    أسأل الله أن يرزقنا شهادة في سبيله بعد عمر في سبيله

  44. اليعقوبي said

    ربنا يكرمك يااستاذي
    احب الذهاب الي قوم اذا كنت بينهم لم يجرحونني واذا تركتهم لايغتابونني

    المقابر هذه شئ يفترض انه يرقق القلوب ويؤلفها لطاعة الله

    تعرف يااستاذي بحب كلمة (صمت الاموات)دي جدا بحس انها معبرة

    ثبتك الله يااخي علي الاخبار المحزنة
    اعتقد انه خبر اعتقال احد اخوانك حكم هما بدوا يفوقوا لاخوانا السلفيين اليومين دول بالله عليك خلي بالك علي نفسك ومن نفسك
    والسلام اخي في الله
    والله ياااخي اني احبك في الله

  45. وضـّاح said

    سبحان الله .. تذهب إلى القبور ويأتيك مساء خبر محزن لا يصبرك عليه إلا زيارتك للقبور

    أظن أنك دعوت الله .. اللهم إني أسألك الثبات عند البلاء

    فلعل الله أرسل هذه الزيارة لتستعد للخبر الحزين

    فهو أنار قلبك نهارا لترى الطريق بين الأحزان ليلا

    شعرت فيك بالرضا فما أجمله إذا أقرنته بالحمد

    أعانك اله أخي الحبيب

    والله خير وأبقى

  46. عصفور بلا أجنحة said

    جزاك اللة خيرا
    و ان للة وان الية راجعون

  47. همسة قلم said

    تدوينة اثرت فيّ بشدة خاصة صورة المقابر ذكرتني بقبر والدي رحمه الله وكيف انى كلما ذهبت لزيارته عدت اكثر تأثرا مما ذهبت اليه

    رحم الله من رحلوا ورحمنا لما نلحق بهم

    صدقا تدوينتكم اثرت فيّ بشدة اخونا الكريم عصفور المدينة وايات هزت شيئا في النفس فجزاكم الله خيرا

  48. صاحب البوابــة said

    كل عام وأنتم بخير

    يهل رمضان من بعيد

    حاملاً لي أحلى الذكريات دائماً

    أصدق العبرات حتماً

    أخلص العبادات دوماً

    لرمضان عندي مكانة خاصة

    ولكم أنتم أيضاً

    يا أحبابـــي

    فكل عام وأنتم بخير

    وأنتم إلى الله أقرب وعلى طاعته أدوم

  49. مناجاة said

    ربنا يكرمك على التذكرة الطيبة

  50. Monzer said

    بتولد من جديد
    لو صليت على ميت
    او سمعت خبر ميت
    او روحت المقابر
    وكفى بالموت واعظا

    البقاء الله شيخنا الكريم
    وألهمك والهم المصاب الصبر

  51. صانعة الحرية said

    السلام عليكم
    البوست عجبنى واثر فى قوى دخلت قراته تانى وشوفته بعين تانيه
    سبحان الله حسيت برحمة ربنا اوى وبحنيته علينا
    ازاى الهم ومن على حضرتك بزيارة المقابر علشان تتعظ لانه هيبتليك
    سبحان الله
    والله ربنا حنين اوى
    ربنا يفك كربك استاذى وجزاك الله الفردوس الاعلى على هذا البوست

  52. مهندس مصري said

    ربنا يرحمنا جميعاً برحمته
    و أنا ظللت لمدة سنتين قبل تخرجي أثناء ذهابي لمحطة القطار و رجوعي منها أثناء سفري من دمنهور الي الأسكندرية أمر يوميا على المقابر و أدعو لأهلها فعلا كفي بالموت واعظا
    خفف الله عنك الهم و الكرب و جعل لك من كل ضيق مخرجا

  53. دكتور حر said

    تفكر عباده خير من عبادة سنة

    يوميات جميله يا با شمهندس
    أسأل الله أن ينفع بها وينفع بنا
    وأن نتذكر دائما عظمة الله وقدرته من خلالكم ومن خلال صحبة الخير

  54. محمد الجرايحى said

    أخى وصديقى الكريم : عصفور المدينة
    السلام عليكم ورحمة الله وبركاته
    أشكرلك سرعة الاستجابة لمطلبى
    أنا كنت حزيناً للغاية بسبب عدم قدرتى على المشاركة فى التعليق

    أخى: بارك الله فيك على ماتقدمه لإخوانك من نفحات إيمانية طيبة ما أحوجنا إليها

    جزاك الله عنا خير الجزاء

    أخوك
    محمد

  55. عصفور المدينة said


    آلام وآمال

    نعم يا أخي هو ما احسست
    وجزاك الله خيرا على التذكرة
    والدعاء وثبتا الله وإياك

    أمــانــى

    ربنا يفوقنا من غفلتنا

    محمود الدوح

    أخي محمود سؤالك يستحق تدوينة إن شاء الله سأكتبها
    ولكن سريعا كدة ينبغي على هذا الأخ الا يفقد علاقته بكم
    أو بأي إنسان طالما هناك باب للطاعة والنصيحة إلا إذا كان ذلك في مجالس محرمة بس أحيانا بيكون المبتديء في الالتزام بيخشى على نفسه أو مش واثق من نفسه كويس فبيقول ابعد أحسن


    حياه الأحلام

    جزانا الله وإياك ك خير

    بالله المستعان

    جزاك الله خيرا
    وننزل من الرقآن ما هو شفاء ورحمة للمؤمنين

    Islamist Bloke

    كل عام وانت بخير يا أحمد
    وآسف إني عكننت عليك بس هي دي الحياة

    سى السيد

    والله يا أخي أنا كنت مريضا جد امس وفتحت الإيميل بالعافية وتعليقك فوقني خمسين في المية
    جزاك الله خيرا

    قلب أبيــض

    جزاك الله خيرا أخي الحبيب

    FloNa

    أنا أسعد بتشريفك لي يا أختي وإن شاء الله نتواصل بعد العيد

    بهلول

    نعم يا أخي أحس بالهروب إلى هناك كما اشرت أنت يا صاحب أول تعليق

    صانعة الحرية

    مش قادر أرد على تعليقك
    غير أقول جزاك الله خيرا ومرتين
    جزاك الله خيرا
    جزاك الله خيرا
    أحسن الله إليك
    وأحيا الله قلبي وقلبك
    وعظت فأوجزت

    حزيــــــــــــــــــن

    نعم أخي أنا هو ذلك الرجل الذي ذكرته
    وأنا أحبك في الله ايضا

    چـِنين …. عيلة و عايزة افهم

    نعم يا أخت زيارة الزمنى والمسنين ومرضى السرطان والحريق
    تحيي القلوب
    وبخصوص زيارة النساء الأرجح إن شاء الله أنه يكره الإكثار من الزيارة للنساء لرقة قلوبهن وخشية أن يخرجن غلى حالة الجزع
    أما الزيارة القليلة فجائزة

    اليعقوبي

    نعم أخي
    وجزاك الله خيرا ونسألك الدعاء
    وأنا ايضا أحبك في الله
    ثبتنا الله وإياك

    وضـّاح

    نسأل الله أن يثبتنا دائما
    جزاك الله خيرا

    عصفور بلا أجنحة

    بارك الله فيك
    وشرفتينا

    همسة قلم

    أسأل الله أن ينفعنا وغياك بما كتبنا وما قرأنا
    وأن يرحم أموات المسلمين

    صاحب البوابــة

    كل عام وأنتم بخير


    مناجاة

    جزاك الله خيرا

    Monzer

    جزاك الله خيرا
    وجزاك الله خيرا على التجول في الأرشيف ووصيتك الأرشيف وانا غايب


    صانعة الحرية

    نعم أختي والله أحسنت إلي مرتين بقراءتك مرتين
    وأسأل الله أن يثبتنا وإياك


    مهندس مصري

    دائما يا أخي كنت أتأمل منظر هذه المقابر من القطار مثلك وأدعو لهم 5 سنوات

    دكتور حر

    جزاك الله خيرا وأعاننا الله وإياكم على العمل مع التدبر

    محمد الجرايحى

    حبيبي أستاذ محمد
    لا يمكن أرفض لك طلب ولو كان فيه الردى
    والله يا أخي ما دفعني إلا خشية بعض السابين
    والله يحمي أعين قرائنا منهم في غيابنا
    جزاك الله خيرا

  56. kafrawy said

    لا الة الا اللة

    محمد رسول اللة

  57. آلام وآمال said

    لاحول ولا قوة الا بالله

    اللهم ان اردت بعبادك فتنة فاقبضنا اليك غير مفتونين

  58. الباحث عن الحقيقة said

    ما شاء الله يا استاذ عصفور
    اجمل ما فى هذا الموضوع تحديدا انى شفت فيه انسان فيلسوف او زاهد او شخصية ادركت سر الحياه وتبحث جاهده للوصول الى الوصل الربانى من خلال ادراك حكمة الله فى الحياة والموت وضرب الامثال
    جزاكم الله خيرا

  59. عدى النهار said

    من الأشياء الجميلة فى تورونتو إن القبور توجد وسط البيوت.. ملاصقة لها بدون مبالغة. وطبعاً فى إعتناء بنظافتها فهى فى الواقع حديقة لكن لاتستخدم كحديقة

    يعنى الإنسان عندما يخرج من بيته لقضاء أى مصلحة لابد أن يمر بالقبور. تَذكِرة وعِبرة دائمة

    ربنا يفك الكرب عن كل مكروب

  60. sa7arkash said

    يااااه الموضوع ده صعب اوى وبيوجع القلب….اللهم اجيرنا من عذاب القبر
    اللهم اجعل قبورنا روضة من رياض الجنة
    اللهم ارحمنا فوق الارض وتحت الارض ويوم العرض

    يا اكرم من سؤل يا الله آمين آمين آمين

  61. و القادم....أجمل said

    لا إله إلا الله

    ربنا يعينك

    و يجازيك خير

    البوست اكثر من رائع

    ربنا يهيدنا جميعا يارب

    تحياتي و تقديري

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

 
%d bloggers like this: