مدونة عصفور المدينة

مدونة نظيفة إسلامية (زيادة الإيمان) الطرائف والتناقضات التخسيس والصحة العامة الإدارة والتنمية البشرية

حاجات تغيظ

Posted by ctybrd on November 17, 2007

وانت مالك


واحد ماشي بالدراجة عكس الشارع ومنتظرين نعدي الشارع عصفور وفتاة صدم الفتاة بالدراجة ووقف يزعق لها ويشتمها ويوجه لها النصايح الذهبية في عبور الشارع
عصفور: يعني انت ماشي عكس الشارع وتخبطها وبتشتمها وبتديها نصايح كمان
واحد : نعمممممم؟؟ وانت مالك انت؟
عصفور : يعني إيه انت مالك إنت غلطان بدل ما تعتذر لها
واحد (مبتعدا بدراجته) :قصر قصر
عصفور (متبعا لواحد أبودراجة) عايز تقصر قصر انت وامشي صح
واحد (متوقفا ومبديا روح المواجهة) : طب ما انا قصرت ومشيت أهوه
عصفور(مبديا أعلى درجات الاستعداد للمواجهة) : قصر في الكلام كمان
واحد: وانت ماااااااااااااالك هي اشتكت لك
عصفور : هي “انت مالك” دي اللي الناس بتتحجج بيها ….أصلها سايبة يعني الناس تخلي بالها من العربيات ولامن اللي ماشي بالعكس
واحد (مسرعا بالانصراف ): راجل “رمة” صحيح “إتفوووووو” عليك (هذه مدونة نظيفة)
عصفور(والجماهير تضحك!!!) : ماشي يا سيدي متشكرين ربنا يكرمك

وانصرف “هاربا” بدراجته أيضا عكس الطريق!!!

اعتبرت فراره رغم فوزه بنص كيلو سباب فرغ فيهم شحنته اعتبرته انتصارا لي ولكم جميعا يا أصحاب المنطق وظللت أمني نفسي أن هذا الحدث ربما يفكر فيه إذا جلس بينه وبين نفسه أو ربما يحس بعدم الاحترام لنفسه إذا جلس ينصح أولاده

حقيقة وأنا في صلاة الظهر كنت أتمنى أن أخرج أجده قد حدث له أي نوع من المكروهات مثل تقطيع الهدوم أو واحد فتوة يمسكة يقوم بدور واجب معاه أو شرطة الانضباط تمسكه (يعني إيه شرطة انضباط حد فاكر؟) أو ……..ـ

غالبا ذلك لم يحدث ونحن نتمنى دائما أن ينزل انتقام الله مباشرا على الأشخاص السيئيين وهذا لا يحدث غالبا وإذا حدث فإنهم لا يتذكرون ولا يقولون أن هذا بذنب ذلك العصفور أو تلك الفتاة وأيضا هم يستمرون في الإساءة إلى البشر ولا يرون إلا ذواتهم إن الله لا يغير ما بقوم حتى يغيروا ما بأنفسهم

بالله عليكم لو حد قابله يقول له إن أنا لو قابلته تاني مش حيحصل له كويس وإن شاء الله أروح الجيم وأستعد له
🙂
وماحدش يقول لوالدتي عشان أنا عارف ردها حتقول نفس الكلمة

وانت مالك؟

تدوينة مشابهة جدا عند : شريف بن عبد العزيز

تدوينة أهدأ عندي : من يوميات سقراط

يوتيوب


رافع فيديوهات إهدار المياه في يوتيوب عشان المدونة
واحد خليجي ربنا يهديه اتفرج على فيديو مش عجبه يظهر هو كان متوقع من وجود اسم مصر أشياء أخرى !!! أرسل لي رسالة شتيمة وإن الفيديو تافه زي صاحبه وبقية تلك العائلة من المفردات
رديت عليه بمنتهى الأدب حسب ظني : أخي الكريم هذه الفيديوهات توضيحية للتحذير من إهدار المياه يوجد موضوع مرتبط في العنوان التالي
بس يا سيدي…… سيل من الشتائم ولكن من سلالة غير الأولى وقذف للشعب المصري كله بالمرة

حرية الرأي

ساعات أعلق في مدونات من الجانب الآخر وبعدين المناقشة بتكون مهذبة جدا ولا تدع مجالا للطرف الآخر في السباب رغم جو السباب العام ولما يظهر إن الكفة كانت في صالحنا(أنا وانتم يعني) لاقيت واحد -تقريبا من المتفرجين- جاء إلى مدونتي ووضع سباب وشتائم يبدو أن الأستاذ السباب
كان يتوقع أنني أذهب فآخذ رد فعل بالسباب أو كان يتوقع أنني أهرب تاركا له المجال

نفس الموقف حصل لأخينا
المهاجر إلى الله ناقش أحد المدونين في موضوع وبدأ المدون في الاقتناع بآرائه
فذهب طرف محايد(وخلي بالكم من محايد دي) ووضع سباب قبيح جدا في الشات بوكس عند الراجل الطيب ده

وهم يعتقدون أن هذه الأمور تفت في عضد صاحب المبدأ وأكيد هذا غير صحيح وأيضا الإنسان المتزن لا يخرج عن ثوابته بهذه العوارض ولا يستخفنك الذين لا يوقنون

المشكلة الأكبر لما تجد أحد تعليقات واحد زهقان أو قرفان من طرح أنت طرحته بينما الجميع يناقش في جو ودي وراقي
وخاصة إن ماحدش دعاه ليقرأ ويرهق نفسه
وهو لو له وجهة نظر فليطرحها لكن تجد تعليقا من قبيل

حرام عليكم ضحكتم علينا الناس – انظر أحد تعليقات التدوينة السابقة-
أي ناس طيب إحنا قلنا إيه يضحك مش فاهم

والغريب أننا نتهم – أنا وأنتم- أننا نحجر على الفكر أو متحجرين وليس عندنا حرية رأي إلى آخره

مشكلة بعض الشباب تجد فولته عالي شوية ويعبر عن ذلك بسخط على كل شيء

58 Responses to “حاجات تغيظ”

  1. أزال المؤلف هذا التعليق.

  2. فرنسا هانم said

    هذا ليس دفاع عن الشباب ابو فولت عالىوانما هو تفسير للموقف من وجهه نظرىالناس يا سيدى تعيش على اعصابهاالغلاء وقرينه الفساد وتوأمه البطاله وابن عمهم التلوث وجارتهم المخدرات وغيرهممن الاشياء التى جعلت الناس دائما فى حنق وعدم رضا الشاب الذى كان يسير عكس الاتجاه المرورىمخطىء بلا شكولكنباقى الشباب ومعظم الناسفى حيره من امرهمجعلت الفولت بتاعهم عالىوخير دليل على كلامىما يحدث فى الدول المتقدمهتجد ان الناس فولتها واطى جدالان المشاكل عندهم قليله جداوعند حدوث خطاء من طرف تجاه الاخرتجد ان الاثنين يتسابقان للاعتذاروهذاببساطه لان حياتهم مرفهه وجميلهويريدون التمتع بهااما عندنارزق جوه رزق برهوالسجن للرجالهفاصبح الشباب غير عابىء بالغيروعلى استعداد تام للنوم على البرشتحياتى الغاليه فرنسا

  3. ro7 said

    نفسي كلمة ” وانت مالك ” تلغي من قاموس اللغة العربيةمن لم يهتم بأمور المسلمين فليس منهماه وكمان كلمة ” انا حر “وبقول لكل واحد انت حر في نفسك وبس لكن اي شيء تاني الناس هتقاسمك او هتشاركك فية انت لا يمكن تكون حر ولما تتسبب في تيسير ذنب لغيركاو ضرر فانت اكيد مش حروبذكر نفسي واياكم لايدخل الجنة قتاتاي نمام اللي بيمشي بين الناس بالنميمة واثارة الضغائن بين الناسربنا يهدية ويصلح حالةتحياتي يا استازنامقالة طيبة سلمت يداك

  4. آلام وآمال said

    والله فعلا مش من السهل ان الواحد يمسك نفسه ويحاول ميطلعش من لسانه كلمة تغضب ربنا سبحانه وتعالى خصوصا ادام الأشخاص اللي بيكونو من نوع الأفندي ابو عجلة دهربنا يهدينا ويهديه ويعفو عنا جميعامعلش انا يمكن سبت لب الموضوع وركزت اوي ف نقطة كظم الغيظ دي لأنها فعلا مش سهلة إلا على من يسرها الله عليهولو كل واحد فينا واجه اللي بيشتموه بهذه الروح وهذا الهدوء النفسي الظاهري على الأقل يعني لأن اكيد الواحد بيكون من جواه هيجنن وعايز يرد على اللي ادامهلكن يردعه عن ذلك خوفه من اللهفيزيده الله بذلك قوة في ثباته ربنا يجعلنا من الكاظمين الغيظ والعافين عن الناس

  5. الفاتح اليعقوبي said

    يقول الشافعييقابلني الفيه بكل حمق فابي ان اكون له مجيبايزيد سفاهة فازيد حلماكعود زاده الاحراق طيباربنا ياجرك يااستاذنا بس انت سكت ليهانا اقول لحضرتك تعمل ايه في المواقف اللي زي ديالتهليل في وش اللي قدامك ولو حب يعمل وحش وذكر كشاف اسفل عيينيه يكفي وينهي بجاحته هذه والكشاف هو قلم قوي اسفل العينين تنور العينين بعده مباشرة وتقفل لمدة ليست بالطويلة لكنها تكفي لمنوالته كم كبير من الركلات واللكمات اني لك ناصح امين عشان المرة الجاية تعرف تتصرف يااستاذي بهزرالعبرة في احترام الغير هي اخلاقيات الشخص وليس اي شئ اخر انا بكلم ناس كتير مختلف معاهم جدا بس بحترمهم وبيحترموني لاني احترمتهموالشخصية الجميلة اللي علق عندك في الاخر متنتظرش انه كان يوافق علي كلامك هذه هذه مشكلة من يتكلون علي عقولهم ويصفون غيرهم بالجهل والظلامية وماشابه ذلك (واذا قيل لهم امنوا كما امن الناس قالوا انؤمن كما امن السفهاء الا انهم هم السفهاء ولكن لايعلمون)وانا لااقصد صاحب التعلقي بهذه الاية ولكني اقصد من يدعون انهم اصحاب فكر واهداف وهم يبدون كل الاراء علي مشيئة وراي الله عز وجل العلمانيون هم ذاكربنا يهدي الجميع ولاتنسي يااستاذي نصائح اخوك في الله اللي كانت في الاول عشان لو حد بجح تاني تعرف تتعامل معاهوالسلام

  6. دكتور حر said

    حبيبنا أبو الهندسهأبو العصافير حضرتك تعرفانا ما بستغربش من كلمة انت مالك خالصولا بتضايقني كتيرلأنها موجوده من زماااااااااانوسنة بشرية كمانتعرف أكتر حاجه بتضايق وبتغيظ أكترهي“أنا مااااااااالي”…اللي جايبالنا كل المصايبلكن عهشان خاطرك هكرهها المره دي بسوانت مالك بقى!!!..هه

  7. جمعاوى روش طحن said

    الباشا الكبير طيب أعلق على أنهى حته فى البوست ع الواحد و أقول لك فكك منه ولا على بتاع اليويتوب و أقوللك فكك منه برده و لا إيه ؟؟؟

  8. الطائر الحزين said

    بتقولى عاوز تبقى فتوةعليك انت الجيم والاستعداد وانا عليا النبابيت والعصابةوالدفاع معانا

  9. المهـ إلي الله ـاجر said

    السلام عليكملا عليك سيدي العصفور الجميل . فكم من اناس لا يطيقون انفسهم حتي لو وقع في حفرة لقال (احسن) !!! فلا تعبأ وانظر للنتيجة فأنت أنتصرت لله بكظم غيظك وادبك وهو انتصر لنفسه بسوء خلقه والفرق بين الإثنين كبيروأود أن أكرر شكري لك علي موقف السباب الذي وجدته في الشات بوكس لدي والذي تكرمت جزاك الله خيرا بالإتصال بي يومها علي المحمول لإخباري بذلك في سابقة لم أنسها لك قط مما يدل علي حبك لكل إخوانك من المدونين وأنك بحق العين الحارسة التي تراقب أمن الكلمة الطيبة بارك الله فيك يا بشمهندس واعزك ودفع عنك الجاهلين

  10. Sampateek said

    لا انا مش حقولك انت مالكمن لم يهتم بامور المسلمين فليس منهمانا زيك كده ممكن اتخانق علشان حق غيريتحياتي

  11. أزال المؤلف هذا التعليق.

  12. ابن اسكندرية said

    بدايه الى ناس مش واخده بالها منه انا الشباب خلاص مش لاقى حاجه يعملها جزء يمثل 25%من الشباب لاقى حاجه يتلهى فيها سواء كان شغل أوى وحده راح خطبها أو هم عايش فيه وداخل ال25% هناك نسبة 10%شباب عنده هدف وصاحب رساله عايز يوصلها للناس او يثبت للناس ذاته والباقى عايش فى مية البطيخ مش عارف هو رايح فين ولا جى من فين عشان كده متركز مع واحد ماشى فى طريق معاكس ولا واحد داخل يعلق وبنقط من فمه عسل أسود ولكن نعمل ايه لولا حديث الرسول ص من خالط الناس وصبر على ازاهم مكنش الواحد صبر خالصسلام

  13. امام الجيل said

    ازيك يا فندميتقطع لسان اللى يزعلك ولا يقول عليك كلمةربنا يكرمك بس يا ترى الناس دول كفاية معاهم النصيحة بسولا ايه حدود التعامل معاهماذا وصل الامر للسب او الخناقعايز اعرف حكمها الشرعى كمانلان لو سبناهم كده هيطمعوا فيناوهما ما بيصدقواطبعا لو يعرفك اكيد مهما كان صايع مكنش يعمل كدهبس اكيد العامة يعنى اللى بنقابلهم فى الشارعوالموضوع ده شاغلنى وهبقى اتكلم فيهخصوصا بعد ما سمعت ان فيه فى الدستور ولا فى القانون عندناان الشعب المصرى شعب سبابيعنى رسميا كمان

  14. حـريــة الــفـكــر والابــداع said

    تدوينة جميلةاهم حاجا ان كل الناس تحترم بعضها وتحترم اراء وافكار بعضونحاول نقلل من كلمةوانت مالك واخواتها——تحياتىاعزرنى على عدم قراءة المقالة كاملة

  15. محمد مارو said

    اخى العزيزاولا عاوز افهم ايه علاقه الصورة اللى فى اول البوست بالبوست ثانياانا مش معاك خالص اننا نتمنى له المكروه الافضل ان نتمنى له الهدايه و ندعوا له بكده مش ندعوا عليه

  16. mohand said

    السلام عليكم بتتقالي كتير وبرد عليها ان مالي ونص كمان ولا يهزني حتي —————بالنسبة لانتظار الغير مصريين لاي شئ في يوتيوب مصري يبقي علي نظام معين احنا اللي صدرنالهم الفكرة دي وانا اشرت ليها في التاثيرات السلبية ————–بالنسبة للي بيحجر علي الرأي وهما مدعين انهم مع حرية الرأي يووووووووووه كتير قوي تحياتي

  17. الفاتح الجعفري said

    السلام عليكم استاذي الحبيب ….والله لو كل الوحوش دي كانت بتظهر وقت الجد وبيعملوا فيها رجاله ماكنش ده بقي حالنا بس صدقيني محدش فاهم حاجهواسمع كلام عزوجزاكم الله خير

  18. منى said

    المشكله مش بس السلبيه المشكله انهم ممكن يقولوا من تدخل فيما لا يعنيهسمع ما لا يرضيهيعنى حولوا سلبيتهم لحكمهوعجبى

  19. نـــــــور said

    !هيا الناس مالها؟ربنا يهدي بجد علشان مش عارفة اعلق اقول ايه .. فعلا نقطة كظم الغيظ دي محتاجنها اوي زي ما قال أخونا آلام وآمالمش عارفة ايه اللي فكرني ببيت شعر لزهير بن أبي سلمة لسان الفتى نصفٌ ونصفٌ فؤاده …فلم يبق إلا صورة اللحم والدمِوإن سفاه الشيخ لا حلم بعده وإن الفتى بعد السفاهة يحلمِالملخص يعني .. مهما كان التعب والبطالة والمشاكل اللي بتتحدف ع الواحد من كل ناحية يمسك نفسه شوية مش كل حاجة بالخناق والزعاق وانت مالك وانا مالي وشتايم .. دي بقت سمة وعادي دلوقتي ملحوظة يعني ، من كام بوست فاتوا وحضرتك بدأت تجمع التعليقات كلها وتستخلص المفيد منها .. فبجد الموضوع دا جميل جدا .. بارك الله فيك تحياتي لك يا استاذنا

  20. مؤمنه said

    السلام عليكم ورحمة الله وبركاته ربنا يهدى وأحييى حضرتك على هذه الروح اليجابيه والسلام عليكم ورحمة الله وبركاته

  21. مناجاة said

    عاوزة اعرف ايه علاقة الصورة بالتدوينةبس من فضلك اوعى تقوللي وانت مالك؟

  22. شباب بيحب اسلامه said

    معلش يا اخ عصفور هههههههه هم يبكي وهم يضحك صحيح الناس مبقتش طايقه نفسها تقريبا من الضغط اللي عليها ربنا يهدي يارب

  23. شباب بيحب اسلامه said

    معلش يا اخ عصفور هههههههه هم يبكي وهم يضحك صحيح الناس مبقتش طايقه نفسها تقريبا من الضغط اللي عليها ربنا يهدي يارب

  24. ftataljanna said

    على فكرة بتحصل كتير جدا وياريت على اد كده وبس لا وممكن كمان فى المواصلات تحصل حاجات اكتر من كده ومش بس ممكن الانسان يتهزأ لانه بيدافع عن مبدأو لا حد غيره اضعف لا ده كمان ممكن يتهزأ لو حب يدافع عن نفسه ده موقف حصل فى عربية انا كنت موجوده فيها انا كنت راكبة قدام فى الكرسي اللى قدام جانب الشباك تقريبا منفصلة عن بقية الميكروباس يعني ما شفتش حد ولا شفت اصحاب المشكلة المهم انه فجأة لقيت كل الناس بتزعق وبعدين اللى فهمته ان فى واحد قل ادبة على بنت كانت راكبة فمسكته هزأته بس كده فى بقى فى العربية اللى كان محترم وهزا الانسان ده بالتالى وفيه اللى بقى يقول لها طيب اسكتي يا ابله وواحدة ست كبيرة فى السن بقى تصور عملت ايه مسكت البنت وهزأتها وتقول لها ما كنتى اسكتي وخلاص يعني ايه ما كنتى اسكتي وخلاص تصور انه الناس بقوا بيشجعوا بعض على وانت مالك وكمان وانت مالك حتى لو كنت انت مش بس وانت مالك حتى ولو كان حد تانى عارف يا باشمهندس كان بجد نفسي اوى الف واقول للبنت ما تسمعيش كلامها وامسك الست دى واقول لها انتى بسببك وبسبب اللى زيك الناس بقوا كده لان انتى كده ربيتي ولادك كده وولادك هايربوا ولادهم كده بجد كان نفسي اعمل كده واقف موقف حضرتك بس لانى بنت تقدر تقول انى ما اقدرش اتكلم يعني لو كنت اتكلمت ولا حد كان هايهتم البتاعة دى بتقول ايه🙂 ولا حد هايفكر يسمع اصلا العربية كانت عاملة زى هههههههههه لغم وانفجر فى وش البنت يا عيني بجد فعلا حاجات تغيظ

  25. shab masry said

    استاذي الفاضل:):)هو حضرتك بطلت تدخل على المسنجر ولا ايه؟؟ حاولت اسلم على حضرتك اكتر من بره بس شكل حضرتك مش بتدخلابقى طمنا على حضرتك كده:):):)احبك في الله:):)

  26. عصفور المدينة said

    <>فرنسا هانم <><>فعلا يا أستاذة الحياة الصعبة جعلت الناس في روح صراعro7 <>نعم يا روح كلمة وانت مالك وكلمة أنا حر وكلمة وأنا مالي وأشباههاكلمات غير منطقية تستغل لإبطال كمية من الحقوق بالزوفةوجزاك الله خيرا على التنبيه لموضوع النميمة<>آلام وآمال <>فعلا يا محمود ضبط النفس صعب لكنه متعة أيضاربنا يهديهم جميعا الناس المستفزينوهو الموضوع الأساسي هو كظم الغيظ لو تلاحظ هو القاسم المشترك بين الثلاث مواقف<>الفاتح اليعقوبي <> يزيد سفاهة فازيد حلما كعود زاده الاحراق طيباجزاك الله خيرا يا عمنا على النصائح العمليةوالحقيقة الواحد لا يتوقع أن كل الناس توافقه ولكن على الأقل يعطيني نقاط أرد عليه فيها <>دكتور حر <>حلوة يا دكتور كويس انك تحس بالمسئولية الفردية ومش يهمك الناس اللي بيقولوا انت مالك<>جمعاوى روش طحن <>أحلى تعليق ياروشفكك منه فعلا راحة البال إن الواحد يفكه من الناس دي<>الطائر الحزين <>مش قلت لك عايز اشتغل فتوة وآخدك مساعد ليوناخد الدفاع معانا كمان<>المهـ إلي الله ـاجر <>جزاك الله خيرا يا أحمدوجزانا الله وإياك ثواب الصابرين والكاظمين الغيظأحبك في الله<>Sampateek <>الحمد لله يا أستاذة العقلاء كلهم أصلا إيجابيين المشكلة في المخذلين<>ابن اسكندرية <>جزاكم الله خيرا يا أخي ومنورناوفعلا الحياة أصبحت ملخبطة لكن لازم نساعد بعض عشان نعيش عيشة سويةمش عيشة الغابة دي<>امام الجيل <>ربنا يحفظك يا محمد قمت بأحلى واجب أنا حاسس انك كنت عايز تضربههو الأصل في التعامل اللينولكن بعض الأشخاص وبعض المواقف تحتاج إلى قوة أو تهديد بالقوة وخاصة إذا كنت تضمن أن يتعاطف معك الآخرون وإلا سيكون الإساءة إلى دعوتك من سلبيات الموقف لأن بعض الأشخاص لا يفهمون مهما أحسنت إليهم بل ويتمادون في حالة الإحسان ويرون ذلك من الفهلوة أنه يعتدي على الطيب<>حـريــة الــفـكــر والابــداع <>جزاك الله خيرا<>محمد مارو <>أخي الفاضلأولا رمزية الصورة هي أننا وكأننا نعيش في غابةوجزاك الله خيرا على النصيحة بس انت كدة يعني عايز تحرمني حتى من غريزة الغيظ مع كظمهوبعدين أنا لم أدع عليه فعلا ولم أقل أني دعيت عليه انا تمنيت أن يأخذ درسا ويقول لنفسه أن هذا ذنب الرجل وذنب الفتاةوبعدين هو أساسا وعظ ولم يتعظوعندك مثلا المواقف التانية أنا أيضا أعطيت للطرف الآخر فرصة لكي يراجع موقفهيعني مثلا أخي المعلق ارسلت له إيميل وطلبت منه المناقشة فأتى ووضع تعليقا أسوأ من الأولفكان الإعراض فهل تمنعني أن أكون مغتاظا في نفسي وإن كان سلوكي منضبطا هذا الأمر الذي تطلبه يتفاوت فيه الناسالله سبحانه يقولولمن صبر وغفر إن ذلك لمن عزم الأمورويقول أيضاولمن انتصر من بعد ظلمه فأولئك ماعليهم من سبيلإنما السبيل على الذين يظلمون الناس ويبغون في الأرض بغير الحقوبعدين نفسي الناس تزعل على المظلوم زي ما بتطالب بالسماحة مع الظالم<>mohand <>صح يا مهند فيه مواقف تحتاج الواحد يقول أنا مالي بس مش على طول طبعاطبعا انا فاكر كلامك عن الصورة السيئة التي يجني البعض على أمة كاملة بسبب نزواته<>الفاتح الجعفري <>صح يا فاتح فعلا لو هؤلاء القوم يظهرون بنفس القوة في قضية نافعةبس اسمع انهو كلام لعز أصله رجع قال باهزر ولا انت بتأكد موضوع الكشاف<>منى <>جزاك الله خيرا نبهت إلى نقطة هاااااااامةتأصيل الصفات السلبية وتحويلها إلى قاعدة وحكمة<>نـــــــور <>أدي احنا بنستحمل يا أستاذة وربنا يتقبل وإن سفاه الشيخ لا حلم بعده وإن الفتى بعد السفاهة يحلمِجزاك الله خيرا وبخصوص تلخيص التعليقات هي طريقة ألجأ إليها عندما يكون الموضوع أنا طرحت كل ما عندي فيها والتعليقاتفيها إضافات ولا تحتاج مناقشة لأنها تصب في الهدف العام وتنمي جوانبه فلا يحتاج التعليق إلى رد منيفيحتاج إلى تلخيص لأن البعض لا يقرأ التعليقات<>مؤمنه <>جزاك الله خيراوهذه الروح الإيجابية هي مسئولية فعلا علينا جميعاعشان كدة أنا ذكرت موضوع الجيم عشان انبهالشباب إلى الأخذ بأدوات هذه الإيجابية<>مناجاة <>دكتورة ياريت تقري ردي على تعليق أخي محمد مارووالصورة لتدل على حياة الغابة التي أصبحنا نحيا فيهاوعلى كل تم إزالة الصورة

  27. عصفور المدينة said

    <>شباب بيحب اسلامه<>فعلا يا أخي الحالة بقت سخنة جدا وتتطلب حالة من ضبط النفس<>ftataljanna<>ربنا يعينك يا بنتي عشان أصحاب الإيجابية بيعانوا فعلا<>shab masry<>أخي الحبيب الغالي براء بارك الله فيكمشكلة أنني لا أستخدم الشات إلا قليلا وعندي مشكلة مع الياهو بشكل عامفياريت تضيف الإيميل بتاعي اللي على هوتميلأحبك الله الذي أحببتني فيه وأنا أيضا أحبك الله في الله

  28. أحمد المصري said

    و نات مالك دي بقت من مستلزمات الحياة بالنسبة للشعي المصري العريق..بيعرق كتير يعني..و متعرفش الكلمة دي جابوها منين يا أخي..أي حاجة انت ماكل انت ماكل انت مالك..والله حتى لو حاجات في صميم شأن الواحد بيقولولي انت مالك هوا كده ربنا يهدي00اهو تفريغ وخلاص..كل واحد يفرغ مشاكله في التاني0

  29. صانعة الحرية said

    السلام عليكماولا استاذى الفاضل احيى حضرتك على شجاعتك وايجابيتكفكرت لو انا مكان حضرتك ممكن اعمل كده ولالا؟؟؟وكانت الاجابه………….,ءما علينااما عن الراجل بتاع الخليج ده برضهيعنى فى كل الحالات حضرتك اخدت كم من الحسنات اللهم لا ار و لا حسدبس هنيئا لحضرتك الحسنات

  30. مصراوي أوي said

    طيب لو انا أقدر فعلا اخد حقي بايدي في حالة ان اللي قدامي غلطان اخده؟؟واللا اكتفي بالرد المهذب عليه وخلاص لان المواقف دي ساعات بتحصل فعلاعايزين نعرف من حضرتك ايه الحل المثالي؟؟===============================في تلخيص حضرتك لرايي عن التدوينة السابقى قلت ان انا قلت اننا محتلفين في الرأي بس انا رجعت لرايي تاني مش لقيتني قلت كده تحياتي لحضرتك وسلام الله عليك

  31. المهـ إلي الله ـاجر said

    بشمهندس محمداحبك الذي احببتني فيه🙂والله وحشتني جدا جدا مش هنشوفك بقي يا شيخنا ؟

  32. طال الليل said

    عندى تعليق على سلوك حضرتك فى المواقف المختلفة التى تفضلت بسردها علينا فعلا كل إناء ينضح بما فيهأحبك فى الله

  33. عليوه said

    على فكره الجيم مش هينفعك اوى انت المفروض تلعب رياضه عنيفه لانك لو بطلتش تحط دماغك كده فى الحاجات دى هتقابل من الواحد ده كتير والمره دى هو مشى وسابك مين عارف المره الجايه هيعمل فيك ايه وبا النسبه للاخ السعودى اساسا هما نقول ايه بس بيعشقوا التفاهه يعنى لو كان لقى الفيديو تافه وما لهوش معنى او كان فيديو من اللى بالى باللك كان فرح بيه وحسبى الله ونعم الوكيل

  34. لحظة said

    انا مش عارفة هو احنا اليي حساسين بزيادهوالا هي دي اللغة الدارجة واحنا اللي مش في الدنياوالا هي دي طريقة التعامل العادية في القرن الحادي والعشرين واحنا اللي موجودين هنا غلطوبعدين شتايمنا مش مكفيانا بقوا الولاد دلوقتي بيشتموا بالانجليزيمتخيلين ان اللي حواليهم مش فاهمينده حتىقنوات التلفزيون لما بتيجي شتيمة في برنامج او فيلم بيحجبوا الصوتما يبقاش احنا عندنا هذا الحياء وعفة اللسانجزاك الله خيرا استاذي

  35. ض/خالد said

    أولا بالنسبة للشاب أبو عجلة…أنا رأيي إن إنت اللي غلطان…انت والاخت طبعا….ببساطة أنكم ماشيين في الاتجاه الصحيح…واحنا بلد فيها ديمكراطية….فاللي عايز يمشي بالعكس بالعكس…وعلى رأي الليبراليين ….متسيبه يعمل اللي هو عايزه..ولو هتعمل لي نفسك ضابط أمن..يبقى دع ما لقيصر لقيصر…ودع ما لله لله…على رأي العلمانيين….أما إنك تعمل لي فيها دقن ومصلح اجتماعي….وتأمرلي بالمعروف وتنهالي عن المنكر…فلأ ….كله موافقين عليه الا انك تبقى كده….أما إنكم صحيح أناس تتطهرون….

  36. ض/خالد said

    نسيت أعلق على بقية التدوينة…يللا مش مهم…علق لي بدالي ..:)نسيت أدعي لك…جزاك الله خيرا….من قلبي🙂

  37. عصفور اسكندرية ( المواطن المطحون ) said

    السلام عليكم شيخنا وشيخ المدونينوانت مالك يا اخي هيا اشتكت كل الناس بتقول كده ربنا يهدينا ويهدي الناس

  38. شهاب الأزهر said

    بصراحة أحسدك على هدوء أعصابك.. ممكن في الموقف الأول لما الراجل السبّاب دا شتم.. كان ممكن يبقى فيها كلام تاني.. وأخوكم صوته عالي… ومفيش مرة اتخانقت فيها إلا ولقيت ثلاثة أو أربعة كحد أدنى بيضربوا لي الراجل اللي أنا بتخانق معاه، أما أنا فلا أستطيع الوصول إليه ولا يستطيع الوصول إلي.

  39. Salwa said

    والله لسه طالعه من مدونه الطائر الحزينوقرأت تعليقك إن حضرتك عايز تكون فتوةالآن فهمتتخيل إن في فتوة ماشي في كل الشوارعاللي يعمل حاجه غلطالفتوة يقوم معاه بالواجبوقتها كل واحد هيمشي زي الألفبصراحه .. الصوت العالي وقاموس الشتائم والسبابهو لغه الضعيف في رأييتحيااااااتي أستاذي الفاضل

  40. عدى النهار said

    الأخ بتاع ضحكتم علينا الناس قال إنك جبت له الضغط وإن التعدد عنده قذارة الرزائل أفضل منه شد حيلك وهو إما ربنا يهديه أو ينفجر منه فيه.. بسبب الضغط يعنى🙂

  41. ammola said

    باشمهندس عصفورالتدوينة اللى لسه عاملاها+التدوينة بتاعت حضرتك عرفتنى يعنى ايه كلمة وطنيعنى ناس زى اللى عند حضرتك تستاهل ناس زى اللى فى تدوينتى

  42. ارسم بالرصاص said

    عصفور المدينة .. السلام عليكم ورحمة الله وبركاته دي مش اول زيارة ليا لمدونة حضرتك لكن اول رد ليا .. بالطبع المدونة راقية وبتطرح فكر راقي وبتناقش باسلوب مش حابة أسميه متحضر .. لكن حابة اقول انها بتاخد المسلك الاسلامي ف اسلوب نقاشها لانو بحس انو كلمة اسلامي اشمل من كلمة متحضر .. اسلامي شاملة التحضر وشاملة كل المعاني اللي مغلبين نفسهم فيها .. ومدوخين نفسهم جري وراها … انت مالك دي … جات من نفس السكة .. لما بعدنا عن طريقنا ورحنا ندور ع التحضر .. لا الامركة لا العولمة لا السبور … لقينا نفسنا تهنا وفقدنا حاجات كتير اوي .. واكتسبنا حاجات برضو كتيرة اوي .. زي انت مالك دي .. اصلها موروث ورثناه لما تهنا … ساعات بحس اننا احنا كمان بقينا ف ارض التيه .. ومش ح نلاقي الطريق الا لما نرجع ونقول سمعنا وأطعنا .. غفرانك ربنا مع اني متأكده انو كل مااناقش حد ف ان مشاكلنا كلها الاخلاقية والنفسية والمادية وكلو كلو سببو التيه ده والهجران لديننا .. يقولولي يابنتي بطلي تعلقي كل حاجة على شماعة الدين .. طيب تفتكر حضرتك .. لو احنا كنا عايشين زي زمن المدينة المنورة وزي صحابة الرسول صلى الله عليه وسلم .. كان ح يبقى فيه انت مالك .. كان ح يبقى فيه ازمة اخلاق ؟ ازمة ماديات وموارد .. شوفو عصر الفاروق عصر الفتوحات الاسلامية وعصر ابن عبد العزيز عصر الغنى الكامل … انا اتكلمت كتير ويمكن يقولوا دي بعدت اوي عن الموضوع .. تفتكر حضرتك انا بعدت عن الموضوع ؟؟؟ كنت حابة ااولك .. اعزك الله واكرمك وجزاك كل خير تحياتي .. هايدي

  43. نقطة مية said

    السلاااااااام عليكم…يا اخي الفاضل افتقدت مدونتك جدا…اشكر زياراتك التي لا تنقطع و ادامك الله..واحنا مالنا؟؟🙂و الله الشعب المصري ده لذيذ..الموضوع بينحصر في عدم الاعتراف بالخطأ محدش بيحب يطلع غلطان مع ان كلنا بشر و الخطأ مخلوق معانا و الكمال للهتحياتي و اشكرك بشدة

  44. SAKAyAR said

    يا سيدي ربنا يجزيك خيييير … بس وانت مااالك هههههه بهزر بهزر مش تضرببصراحة أنا مش كنت هتمنى هدومه تتقطع ولا حاجة ….صحيح أنا طاغية لكن حتى اليهود بدعيلهم بالهداية … مش عارف هوه عيب فيا ولا إيه …لكن شايف الليس انا فيه من نعمة مش بإيدي …ففيها إيه زي ما ربنا هداني أدعي للباقيين بالهدايةدي نقطةأما موضوع اندفاع الشباب …. فالشباب جواهم حرارة جامدة مش لاقيين اللي ينفثوا بيه عنها … زي ما الكبار عندهم مشااااكل لما بيكبتوا نفسهم بيصابوا بالضغط والسكر ….. عاااادي يعني …. يا عمو العجوز … ما انت شباب برضه …ولا إييييه؟؟هههههتحياااااتي

  45. sa7arkash said

    شوف يا سيدى الفاضل احنا اتوجدنا فى مجتمعات لا تعرف معنى الاختلاف فى الراى لا يفسد للود قضية مش كدة وبس دة فى مدونين كتير يا تدخل تؤيدة وتؤازرة وتدعيى لة….يا تقرا ما لا يرضيكثقافة الاختلاف وتبادل الاراء دى مش مقسومة لنا….دة على المستوى الفكرى والثقافى ما بالك بمستوى الحدث الذى تحدثت حضرتك عنة فى او ل البوست

  46. شقاوة شعب said

    بصراحة الموقف بتاع الرال بتاع العجلة ده يحرق الدم وبصراحة كمان لو كنت مكان حضرتك ومشى من غير ماخد حقى منه كنت هفضل ايام وليالى بالى مشغول بالموقف ونسى يرجع تانى عشان امسكه ابهدله واخد حقى———–اما موقف اللى ماكنش موضوعى فى مناقشته فانا لسا مارة بموقف شبه ده مع احدى المدونات اللى خرجت عن الموضوعية تماما ودخلت ف بهتان وافتراءات لشخصى لمجرد انى كنت ادافه عن فكرى الذى ظلمته ظلما فادحا وافترت عليه ابشع الافتراءاتالناس دول يمكن بيتسببولنا فى الم لكن فى الاخر عندى يقين ان فى يوم ربنا هيفصل فيه بيننا وهاخد حقى اللى مارضيتش اخده فى الدنيا عشان مانزلش لمستوى الفاظها واسلوبها

  47. زُمُرده said

    السلام عليكممشكلة المصريين كلمة وانت مالك في اللي مينفعش تسكت عنهوبيحشروا نفسهم في اللي مش لازم يدخلو فيهوفي الحالتين لازم نكظم الغيظونتعامل بالحسنى قدر استطاعتناوربنا يصبرناويهديهمويصلح الحال باننا نحاول نغيرهم بالكلام يمكن يتغيروا مادمنا لا نملك سلطه عليهم

  48. Mohamed A. Ghaffar said

    الأولى والثانيه والثالثه حاله فراغ

  49. نسرين - أمة الله said

    السلام عليكماستاذ عصفور المدينه اخبار حضرتكمن فتره طويله قوى مش بدخل اى مدونه ومفيش وقت خالص لاى حاجه الشغل ضغطه كبير قوىبس كنت عايزه اقول هى دى بس اللى حاجه تغيظ فى حاجات كتيره قوى تحرق دمك مش بس تغيظكلما تشوف واحد او واحده ماسكه كانز وبعد ما يخلصه وسبحان الله تكون سله الزباله مفيش بينه وبينها خطوه يرميها فى الشارعكنت بتكلم مع اختى من فتره وبقولها اللى بيحصل ده عشان احنا معندناش ضمير قالت لى لا ده على رأى فلان عشان احنا شعب الكرباج لازم نضرب عشان نعرف نصلح من نفسنافكرك احنا مين فيهم وبعدين اللى زى ده مش بيلاقى وقت يقعد مع نفسه مش حتى يقعد مع عياله وياريت يخليه بعيد عنهم لحسن يطلعوا زيهبس بجد فى سؤال محيرنى نفس حد يجاوبنى عليه بدون ضغينه وبحياديه اللى احنا فيه ده بسبب (…..)ولا العيب جوانا احنا يعنى هو فعلا السبب فى غياب ضمايرنا وانحطاط اخلاقنا

  50. dr.nour said

    فعلا الواحد بقى بيسمع كلمه وانت مالك متخليك فى حالك كتيررررررررررررررر اوىبس ما هو لو كل واحد مشى بدماغه وملوش دعوه بغيره يبقى احنا بنلغى كلمه المجتمعما هو المجتمع يعنى ناس مجتمعه مع بعض بتتعايش وبتعيش فى نفس الظروف المحيطه (ده يعنى التعريف الى على ادى )ربنا يهدينا كلنابس بوست جميل اوى بجدتقبل مرورى

  51. ابن عمر said

    ناسوناس ناس تغلط وناس تسكت وناستضحك وناس تبكى فى الأخر يقال انت مالك كأن الناسلم يعد عندها اخلاق وناس بتكلم نفسهاوناس بتحب الناس…..ناس

  52. ابن عمر said

    ناسوناس ناس تغلط وناس تسكت وناستضحك وناس تبكى فى الأخر يقال انت مالك كأن الناسلم يعد عندها اخلاق وناس بتكلم نفسهاوناس بتحب الناس…..ناس

  53. ابن عمر said

    ناسوناس ناس تغلط وناس تسكت وناستضحك وناس تبكى فى الأخر يقال انت مالك كأن الناسلم يعد عندها اخلاق وناس بتكلم نفسهاوناس بتحب الناس…..ناس

  54. عصفور المدينة said

    <>أحمد المصري<>انت ماكل دي بيقولوها في الخليج بمعنى واكلعشان كدة يا أحمد أنا كنت حاطط صورة غابة وبعض الأخوة زعلوا شلتها<>صانعة الحرية<>أما الشجاعة والإيجابية يا ابنتي فموجودين الحمد لله المشكلة فيما بعدهما🙂وبعدين طول ما انت بتخالطي الناس بتاخدي حسنات<>مصراوي أوي<>بص يا دكتور الأول باعتذر عن الخطأ في البوست الماضي أنا فهمت غلط ان حضرتك فهمتني غلطأما بخصوص التعامل مع شخص في موقف يتطلب العنف وأنت قادر على أن تأخذ حقك أو حق الله بالأحرى في حق المظلومينمبدئيا هو حقك الانتصار من بع الظلمولمن انتصر بعد ظلمه فأولئك ما عليهم من سبيلوقد اختلف العلماء في تفسير هذه الآية فمنهم من قال إنها نسخت بآيات الجهاد وأنها في الانتصار من الكفار ومنهم من قال هي في المسلمين أيضا وهو الراجحوالجميع قالوا ادفع بالتي هي أحسن فإذا الذي بينك وبينه عداوة كأنه ولي حميمعندك دلوقت اختيارين بين الفضل وبين العدل فمن أخذ بالعدل فلا لوم عليهكويس كدة المشكلة بقى بيكون فيه عوامل خارجية تجعل جانب العدل يترتب عليه مفسدةفي هذه الحالة يكون خيرا وأفضل وخاصة إذا كنت صاحب دعوة وممن ينظر إليه بالقدوةففي هذه الحالة تكون مضطرا اضطرارا للأخذ بجانب الفضلواضح؟نيجي بقى في مواقف بيكون موقفك قوي والناس متعاطفين معك(اللي انا سميتهم الجمهور هنا) والشخص نفسه من النوع الذي لا يأسره الإحسانلأن هناك أشخاص يؤثر فيهم الإحسان وفي ناس يظنون إحسانك وعفوك ضعفا ويتمادون في أذى الآخرينففي هذه الحالة يكون الشدة عليهم درسا لهم ودفعا لظلمهم عن الآخرينالجمهور ده بقى مهم جدا لأنهم ساعات بيكون الحق واضح والتنبؤ برد فعلهم يحتاج لخبرة حيث أن أحيانا تكون أنت مظلوما تماما وهو ظالم تماما وأنت تدفع ظلم عن مظلوم ويأتي واحد من المشاهدين ويدافع عنه ويقولك مثلا ما تقطعش عيشه وحتاخذ العوض وأمثال هذه الترهاتفتقدير المصلحة والمفسدة يحتاج إلى سرعة أيضا في اتخذا القرار وأن يكون المقياس ده حاضر مش يكون الانتصار للنفسوالله الموفقوأنا سعدت جدا لهذا السؤال وثقتك <>المهـ إلي الله ـاجر<>وانت كمان يا حبيبي<>طال الليل<>أحبك الله الذي أحببتني فيه يا محمد<>عليوه<>مرحبا مرحبا أول مرة ضيف عندنا بارك الله فيكوانا كنت بالعب ملاكمة زمان وفعلا انا كثير باقابل مواقف من النوع دهبس باتصرف يعني بس انت عرفت ازاي ان المعلق على الفيديو كان سعودي<>لحظة<>أصحاب المنطق يا أستاذة حساسين للبذاءة حساسين للظلم<>ض/خالد<>يا جميل يا خالد طب انت بتقول فيه فيه شارع عندنا اللي بيمشي فيه صح بيتخانقوا معاهجزاك الله خيرا وفقك الله وفتح عليك من خيراته<>عصفور اسكندرية ( المواطن المطحون )<>وعليكم السلام ورحمة الله وبركاتهمنورنا يا محمد يا عصفور بحق وحقيقي<>شهاب الأزهر<>على فكرة يا أستاذ أنا متصنف مع العصبيين بس باجد متعة في المواقف اللي زي دي مع الجاهلين أن أتمسك بهدوء أعصابي لدرجة البرودحلوة حكاية ناس تطلع تضرب لك ما شاء الله انت لك شعبية ولا دول اللي بيسلكوا<>Salwa<>عرفتي بقى أنا ليه نفسي أبقى فتوة فتوة إيجابي ويا سلام لو معايا فريق فتوات كمانكنا أدبنا المهرجين دول<>عدى النهار<>مش عارف يا أستاذ ممدوح أرد عليه أقوله إيه اللي بيقول الرذيلة أحسن من قذارة التعددمع إني في الموضوع أصلا لا أدعو إلى التعدد بل أدعو للتوازن يعني حتى مش بيقرا<>ammola<>ما تقريش جرايد يا أمل أحسن مليانة بلاوي زي اللي في الشارع<>ارسم بالرصاص<>مرحبا يا أستاذة أنا عارف فيه زوار بييجو خفاف خفاف كدة باحس بيهمجزاك الله خيرا على الإطراءوجزاك الله خيرا على التعليق الذي مس روح الموضوعوخاصة إنك لمست روح الحضارة وأن إسلامنا مصدر أخلاقنا<>نقطة مية<>مرحبا بك يا أستاذة في أرض وطن التدوين<>SAKAyAR<>معلش يا سكايار مش كل الناس نفسهم رايقة زيك بس المهم التصرفات أما القلوب صراحة كنت عايز أنبه أنبه إني لم أستطع السيطرة على قلبي من الغضب تجاهه ومع ذلك لم يدفعني ذلك إلى التصرف بجهل مثله<>sa7arkash<>ربنا يبارك فيك يا أستاذة وفعلا البعض يعامل حتى الاختلاف في الرأي بنفس العنف والسباب لكني هنا كنت أشتكي بحالة أسوأ كمان البداءة بالظلم والاعتدءا واحد ماشي في حالة وبيدون ولو حد اختلف معاه بيناقشه بهدون ييجي واحد خبط لزق يقوم شاتمه فأكيد هو نفسه أن نقع في المسلك المشينوهيهات<>شقاوة شعب<>فعلا يا صاحبة السعادة هو انشغال القلب ده أنا مش باقدر أسيطر عليه ولكن لازم السلوك يبقى منضبط

  55. عصفور المدينة said

    <>زُمُرده <>نعم يا أستاذة ساعات تحسي عندهم إيجابية لدرجة الحشرية وساعات تحسي قتيل بيتقتل أدامهم وهما سلبيين<>Mohamed A. Ghaffar <>حالة فراغ عقلي فعلا <>نسرين – أمة الله <>حمدا لله على سلامتك يا أستاذة أعانك اللهانت يا أستاذة عايزة تلخصي كل مشاكلنا في كلمة واحدة صعب طبعاربنا يهديبس فعلا من أكبر المشاكل <>dr.nour <>فعلا يا دكتورة كل واحد بيفكر في مصلحته الشخصية وفقط ويريد أن ينحي المدافعين عن الآخرين بقول انت مالكأيضا لأنه يعيش حياة أنا ماليشرفني مرورك ومرحبا بك دائما<>ابن عمر <>ربنا يبارك في الناس اللي كتبوا هذا التعليقيعني انت لخصت الموقف كله في كلماتكوأنا أكثر حاجة غاظتني بصراحة هو الناس اللي ضحكوا ولم يحرك منهم أحد ساكنا للدفاع عن الحق

  56. عاشقه الفردوس said

    هى حاجه تغيظ فعلابس التمس لاخيك عذرا هذه الايام اصبح الانسان لايطيق نفسه ربنا يهدى ويعين الناس على نفسهاتدوينه رائعه اخى عصفور

  57. د/اجدع بنوته said

    يالهوى ع كلمة وانت مالك دى .. نفسى بجد تتلغى م كل المعاجم العربيه وكل قواميس اللغاتوانت مالك .. خليك ف حالك ..انا كده دايما بتتقالى الجمله دى بس مبتفرقش معايا .. طول مالواحد ع حق ربنا بيبقى معاهواهو حضرتك اخدت ثواب م الواد .. هو اصلا م ساعة مطلع م بيتهم بالعجله مش هتلاقيه عمل بشلن حسناتاما موضوع اليوتيوب .. فانا معرفش ليه كل العرب بيشتموا ف المصرين .. بطريقه مستفذه والواحد مهما يكلمهم بعقل ويحب يتناقش معاهم معندهمش غيرمصر بلد روبى وفيفى وهز ياوز والهرم وايه وايه وايه … لا حول اللهبوست كالعاده هايل طبعا تسلم ايدك يابابا

  58. will said

    < HREF="http://avline.tv/" REL="nofollow">A片<>,< HREF="http://vline.tv/catalog/" REL="nofollow">A片<>,< HREF="http://avline.tv/" REL="nofollow">成人網站<>,< HREF="http://avline.tv/" REL="nofollow">成人影片<>,< HREF="http://avline.tv/catalog/" REL="nofollow">色情<>,< HREF="http://avline.tv/catalog/" REL="nofollow">情色網<>,< HREF="http://avline.tv/catalog/" REL="nofollow">情色<>,< HREF="http://avline.tv/catalog/index.php?cPath=1" REL="nofollow">AV<>,< HREF="http://avline.tv/catalog/index.php?cPath=1" REL="nofollow">AV女優<>,< HREF="http://avline.tv/catalog/index.php?cPath=1" REL="nofollow">成人影城<>,< HREF="http://avline.tv/catalog/index.php?cPath=1" REL="nofollow">成人<>,< HREF="http://avline.tv/catalog/index.php?cPath=2" REL="nofollow">色情A片<>,< HREF="http://avline.tv/catalog/index.php?cPath=2" REL="nofollow">日本AV<>,< HREF="http://avline.tv/catalog/index.php?cPath=2" REL="nofollow">免費成人影片<>,< HREF="http://avline.tv/catalog/index.php?cPath=2" REL="nofollow">成人影片<>,< HREF="http://avline.tv/catalog/index.php?cPath=3" REL="nofollow">SEX<>,< HREF="http://avline.tv/catalog/index.php?cPath=3" REL="nofollow">免費A片<>,< HREF="http://avline.tv/catalog/index.php?cPath=3" REL="nofollow">A片下載<>,< HREF="http://avline.tv/catalog/index.php?cPath=3" REL="nofollow">免費A片下載<>,< HREF="http://avline.tv/catalog/index.php?cPath=4" REL="nofollow">做愛<>,< HREF="http://avline.tv/catalog/index.php?cPath=4" REL="nofollow">情色A片<>,< HREF="http://avline.tv/catalog/index.php?cPath=4" REL="nofollow">色情影片<>,< HREF="http://avline.tv/catalog/index.php?cPath=5" REL="nofollow">H漫<>,< HREF="http://avline.tv/catalog/index.php?cPath=5" REL="nofollow">A漫<>,< HREF="http://avline.tv/catalog/index.php?cPath=5" REL="nofollow">18成人<>< HREF="http://www.avshow.com.tw/" REL="nofollow">a片<>,< HREF="http://www.avshow.com.tw/" REL="nofollow">色情影片<>,< HREF="http://www.avshow.com.tw/" REL="nofollow">情色電影<>,< HREF="http://www.avshow.com.tw/catalog/" REL="nofollow">a片<>,< HREF="http://avshow.com.tw/catalog/" REL="nofollow">色情<>,< HREF="http://avshow.com.tw/catalog/" REL="nofollow">情色網<>,< HREF="http://avshow.com.tw/catalog/" REL="nofollow">情色<>,< HREF="http://avshow.com.tw/catalog/index.php?cPath=1" REL="nofollow">av<>,< HREF="http://avshow.com.tw/catalog/index.php?cPath=1" REL="nofollow">av女優<>,< HREF="http://avshow.com.tw/catalog/index.php?cPath=1" REL="nofollow">成人影城<>,< HREF="http://avshow.com.tw/catalog/index.php?cPath=1" REL="nofollow">成人<>,< HREF="http://avshow.com.tw/catalog/index.php?cPath=2" REL="nofollow">色情a片<>,< HREF="http://avshow.com.tw/catalog/index.php?cPath=2" REL="nofollow">日本av<>,< HREF="http://avshow.com.tw/catalog/index.php?cPath=2" REL="nofollow">免費成人影片<>,< HREF="http://avshow.com.tw/catalog/index.php?cPath=2" REL="nofollow">成人影片<>,< HREF="http://avshow.com.tw/catalog/index.php?cPath=2" REL="nofollow">情色a片<>,< HREF="http://avshow.com.tw/catalog/index.php?cPath=3" REL="nofollow">sex<>,< HREF="http://avshow.com.tw/catalog/index.php?cPath=3" REL="nofollow">免費a片<>,< HREF="http://avshow.com.tw/catalog/index.php?cPath=3" REL="nofollow">a片下載<>,< HREF="http://avshow.com.tw/catalog/index.php?cPath=3" REL="nofollow">免費a片下載<>,< HREF="http://avshow.com.tw/catalog/index.php?cPath=4" REL="nofollow">成人網站<>,< HREF="http://avshow.com.tw/catalog/index.php?cPath=4" REL="nofollow">做愛<>,< HREF="http://avshow.com.tw/catalog/index.php?cPath=4" REL="nofollow">自拍<>< HREF="http://www.avshine.com.tw/" REL="nofollow">情趣用品<>,< HREF="http://www.avshine.com.tw/index.php" REL="nofollow">情趣用品<>,< HREF="http://www.avshine.com.tw/" REL="nofollow">情趣<>,< HREF="http://www.avshine.com.tw/index.php" REL="nofollow">情趣<>< HREF="http://www.avgo.com.tw/index.php" REL="nofollow">情趣用品<>,< HREF="http://www.avgo.com.tw" REL="nofollow">情趣用品<>,< HREF="http://www.avgo.com.tw/index.php" REL="nofollow">情趣<>,< HREF="http://www.avgo.com.tw" REL="nofollow">情趣<>,< HREF="http://www.sexclub.com.tw" REL="nofollow">情趣用品<>,< HREF="http://www.sexclub.com.tw/index.php" REL="nofollow">情趣用品<>,< HREF="http://www.sexclub.com.tw" REL="nofollow">情趣<>,< HREF="http://www.sexclub.com.tw/index.php" REL="nofollow">情趣<>,< HREF="http://www.lov.com.tw/" REL="nofollow">情趣用品<>,< HREF="http://www.lov.com.tw/index.php" REL="nofollow">情趣用品<>,< HREF="http://www.lov.com.tw/" REL="nofollow">情趣<>,< HREF="http://www.lov.com.tw/index.php" REL="nofollow">情趣<>,< HREF="http://www.show688.net/shop/index.php?wid=twjason" REL="nofollow">情趣用品<>< HREF="http://www.show677.com/" REL="nofollow">情趣用品<>,< HREF="http://www.show677.net" REL="nofollow">情趣用品<>,< HREF="http://www.show699.com" REL="nofollow">情趣用品<>,< HREF="http://www.show699.net/" REL="nofollow">情趣用品<>.< HREF="http://www.show677.com/" REL="nofollow">情趣<>,< HREF="http://www.show677.net" REL="nofollow">情趣<>,< HREF="http://www.show699.com" REL="nofollow">情趣<>,< HREF="http://www.show699.net/" REL="nofollow">情趣<>< HREF="http://buty-girl.tv/Index.aspx" REL="nofollow">視訊聊天室<>< HREF="http://120372.258rr.com/" REL="nofollow">情色<>,< HREF="http://128074.258pp.com/" REL="nofollow">AV女優<>,< HREF="http://120415.258ww.com/" REL="nofollow">UT聊天室,<>< HREF="http://120414.258ww.com/" REL="nofollow">聊天室<>,< HREF="http://120408.258ww.com/" REL="nofollow">A片<>,< HREF="http://120389.258ww.com/" REL="nofollow">視訊聊天室<>< HREF="http://120415.258ww.com/" REL="nofollow">UT聊天室<>,< HREF="http://120389.258ww.com/" REL="nofollow">視訊聊天室<>,< HREF="http://155276.live173.com/" REL="nofollow">辣妹視訊<>,< HREF="http://155277.live173.com/" REL="nofollow">視訊辣妹<>,< HREF="http://155278.live173.com/" REL="nofollow">情色視訊<>,< HREF="http://155278.live173.com/" REL="nofollow">視訊<>,< HREF="http://155277.live173.com/" REL="nofollow">080視訊聊天室<>,< HREF="http://155279.258ww.com/" REL="nofollow">視訊交友90739<>,< HREF="http://155280.258ww.com/" REL="nofollow">美女視訊<>,< HREF="http://155280.258ww.com/" REL="nofollow">視訊美女<>,< HREF="http://155281.258ww.com/" REL="nofollow">免費視訊聊天室<>,< HREF="http://155281.258ww.com/" REL="nofollow">免費視訊聊天<>,< HREF="http://155281.258ww.com/" REL="nofollow">免費視訊<>,< HREF="http://155282.258ww.com/" REL="nofollow">視訊聊天室<>,< HREF="http://155282.258ww.com/" REL="nofollow">視訊聊天<>,< HREF="http://155283.258ww.com/" REL="nofollow">視訊交友網<>,< HREF="http://155283.258ww.com/" REL="nofollow">視訊交友<>,< HREF="http://155284.258ww.com/" REL="nofollow">情人視訊網<>,< HREF="http://155285.258ww.com/" REL="nofollow">成人視訊<>,< HREF="http://155286.258ww.com/" REL="nofollow">哈啦聊天室<>,< HREF="http://155287.258ww.com/" REL="nofollow">UT聊天室<>,< HREF="http://155289.258ww.com/" REL="nofollow">豆豆聊天室<>,< HREF="http://155288.258ww.com/" REL="nofollow">聊天室<>,< HREF="http://155288.258ww.com/" REL="nofollow">聊天<>,< HREF="http://155290.258ww.com/" REL="nofollow">色情聊天室<>,< HREF="http://155290.258ww.com/" REL="nofollow">色情<>,< HREF="http://155291.258ww.com/" REL="nofollow">尋夢園聊天室<>,< HREF="http://155291.258ww.com/" REL="nofollow">聊天室尋夢園<>,< HREF="http://155292.258ww.com/" REL="nofollow">080聊天室<>,< HREF="http://155293.258ww.com/" REL="nofollow">080苗栗人聊天室<>,< HREF="http://155294.258ww.com/" REL="nofollow">柔情聊天網<>,< HREF="http://155295.258ww.com/" REL="nofollow">小高聊天室<>,< HREF="http://155296.258ww.com/" REL="nofollow">上班族聊天室<>,< HREF="http://155297.258ww.com/" REL="nofollow">080中部人聊天室<>,< HREF="http://155297.258ww.com/" REL="nofollow">中部人聊天室<>,< HREF="http://155298.258ww.com/" REL="nofollow">成人聊天室<>,< HREF="http://155298.258ww.com/" REL="nofollow">成人<>

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

 
%d bloggers like this: