مدونة عصفور المدينة

مدونة نظيفة إسلامية (زيادة الإيمان) الطرائف والتناقضات التخسيس والصحة العامة الإدارة والتنمية البشرية

تاج 009

Posted by ctybrd on December 10, 2007

تاج من الأستاذة صانعة الحرية وهو من تأليفها

وبداية أهنئكم بدخول عشر ذي الحجة والتي هي أفضل أيام العام قال رسول الله صلى الله عليه وسلم “ما من أيام العمل الصالح فيهن أحب إلى الله من هذه الأيام العشر” قالوا: ولا الجهاد في سبيل الله؟ قال: “ولا الجهاد في سبيل الله إلا رجل خرج بنفسه وماله فلم يرجع من ذلك بشي

ماهى سورتك فى القران(اى احب سوره اليك تقرأها فى فرحك وفى حزنك)؟

الأفضلية بالتأكيد حسب ما فضله الله سبحانه وتعالى لكن الأحوال بتختلف لأن الواحد أحيانا يحب يقرأ سورة مناسبة لحالته أو حتى آيات معينة أنا باحب سورة التغابن وسورة الواقعة وسورة النحل


ماهى احب ايه اليك الايه التى دائما تتمناها؟
وقالوا الحمد لله الذي أذهب عنا الحزن إن ربنا لغفور شكور الذي أحلنا دار المقامة من فضله لا يمسنا فيها نصب ولا يمسنا فيها لغوب
الأية من سورة فاطر وهي مقولة أهل الجنة وفيها تحس بكم الشقاء والعناء الذي نعيشه في الدنيا حزن ودار ليست بدار استقرار مليئة بالنصب واللغوب يذهب ذلك كله في الجنة بمنة الغفور الذي يغفر الذنوب الشكور الذي يوفق إلى الحسنات ويشكرها ويثيب عليها الجزيل


ما هى اكثر ايه تخاف منها وتدعوا الله الا تكون من اصحابها؟
ونادوا يا مالك ليقض علينا ربك قال إنكم ماكثون
وأيضا
يوم يكشف عن ساق ويدعون إلى السجود فلا يستطيعون



ما هى الايه التى تشعر بانها تتحدث عنك؟
هو سؤال صعب بس حاجاوبه
ولا أقسم بالنفس اللوامة
بس فعلا الآية دي لما باقراها بلاقي نفسي فيها
ثم أورثنا الكتاب الذين اصطفينا من عبادنا فمنهم ظالم لنفسه ومنهم مقتصد ومنهم سابق بالخيرات بإذن الله ذلك هو الفضل الكبير



من احب صحابى واحب صحابيه اليك؟
أبو بكر وابنته عائشة أحب الناس إلى النبي صلى الله عليه وفاطمة رضي الله عنها سيدة نساء العالمين وعمر الفاروق وعمرو بن العاص الذي جلب الله لنا هذا الخير على يديه
وباحب جدا أبوذر رضي الله عنه بصراحة كلهم كلهم


من احب نبى اليك بعد الحبيب صلى الله عليه وسلم؟
أحبهم جميعا من علمنا منه ومن لم نعلم أحب أنبياء لم يذكروا بأسمائهم وردوا في حديث النبي صلى الله علي وسلم أن النبي يأتي يوم القيامة ومعه الرجلان والنبي ومعه الرجل والنبي وليس معه أحد ما أعظم هؤلاء
وأيضا أحب موسى عليه السلام الذي كان سببا بقدر الله عزوجل في تخفيف الصلوات من خمسين إلى خمس ولا نحافظ عليها
هذا الرجل القوي الذي تحمل بني إسرائيل وواجه فرعون بآيات الله


اذا كنت على عهد النبى صلى الله عليه وسلم فمن كنت تحب ان تكون ولماذا؟
حذيفة رضي الله عنه صاحب سر النبي صلى الله عليه وسلم



ما هو منتداك وموقعك المفضل؟
الأسئلة بقى الصعبة أنا بصراحة مش باحب المنتديات وخاصة المنتديات العربية أما المواقع فكثيرة
خلينا نقول جوجل ومن جوجل ننطلق
مفكرة الإسلام والإسلام اليوم وإسلام أون لاين وصوت السلف وطريق السلف وإخوان أونلاين وطريق الإسلام ومدونة عصفور المدينة


ما هى احب الاسماء التى تحب ان تنادى بها؟
ليه الإحراج ده بقى ؟ أبو يحيى

من هو كاتبك المفضل؟
مش كاتب معين بس باحب أقرأ أي شيء أحس إنه بيشغل ذهني


مدون له عليك فضل او استفدت منه؟
فيه إيه هو انت يا بنتي ناوية على مشكلة هما كثير وانا باستفيد من كل واحد
لكن حاجيب أول واحد(أقدم) وآخر واحد(بالترتيب الزمني) واللي في النص بينهم بقى كلهم أصحاب فضل
ضاكتور خالد ده أول واحد
وآخر واحد يوميات عيل مصري (هو مش عيل أوي هو أصغر مني بست أيام
وأخص بالذكر بصمة وجدان شاب مصري خمسة فضفضة
أمجد شلتوني إمام الجيل ودكتور حر واوعى تنسى محمد عبد الغفار المبتسم الهاديء لا لأ دول كثير جدا أقولكم على اليمين فيه أسماء مدوناتي المفضلة

من هو قارىء القران المفضل اليك؟
محمود خليل الحصري


من هو منشدك المفضل؟
مشارى راشد وأبو مازن(هو الأصل


ما هو نشيدك المفضل؟
بتختلف من وقت لآخر
هل ترانا نلتقي
عزام (النور ملء عيوني
فديتك روحا – أبو علي
اذا كان لك دعوه واحده تدعوها وستتحقق فبماذا ستدعو؟؟
اللهم إني أسألك الشهادة في سبيلك مقبلا غير مدبر

من هو الداعيه المفضل اليك او شيخك المفضل؟؟؟؟


ما هى اكثر عباده تشعر انها تجعلك قريب جدا من الله؟
التفكر


من احب افراد عائلتك اليك؟؟
أمي


ما هو املك فى الحياه؟؟
حسن الخاتمة واليقين والمعافاة
هتمرر التاج
لا مش هامرره وهو هيمر لوحده

54 Responses to “تاج 009”

  1. دكتور حر said

    عشان متقولشي اني فاضي وبعلق بس

    ادعيلي

  2. دكتور حر said

    مقدرش أقول غير إجابات مؤمن

    ربنا يزيدك يا باشمهندس

    وبعدين هو بس مين اللي له فضل على مين بس؟

    التاج ده جالي بس شكلي كده هتعب على ما احله الحل الجميل ده

    بارك الله لنا فيك يأبو يحيى

  3. دعوة الفردوس said

    بحجز
    بس المركز المتقدم ده في التعليقات
    ولي عودة

  4. الفاتح اليعقوبي said

    السلام عليكم
    تاج ربنا يكرمك ويرزق الاخلاص ويجعل عملك موافقا لكلامك الجميل ولاازكيك علي الله
    والسلام

  5. يوميات عيل مصري said

    مين اللي قال الكلام ده
    خزاعة
    مين اللي جابك هنا
    خزاعة
    مين اللي بيقلب علينا المواجع
    خزاعة
    مين كبير القعدة دي خزاعة
    عصفور
    مين اللي هيدعلنا في العشر الأوائل
    عصفور
    مين اللي هيدبح الخروف
    عصفور
    مين اللي هندعيله في عرفة
    عصفور

  6. خمسة فضفضة said

    السلام عليكم ورحمة الله وبركاته

    اخيرا التعليق في العشره الاوائل ..احمدك يارب
    😀

    يارب اللهم اجعلنا من الفائزين في العشر الاوائل ولا تحرمنا اجرها

    اقصد ذي الحجه
    😀

    اجابات حضرتك تحس انها نابعه من قلب صافي مؤمن
    اللهم ارزقنا حسن الخاتمه واهدنا لما فيه الصلاح

    ——–
    احرجتني جدا باجابة السؤال اياه ، دا حضرتك اللي فضلك علينا كبيبر اوي يا ابو يحي ، جزاك الله خير

  7. رينـــــــــــا said

    السلام عليكم ورحمه الله
    انا سعيييييدة جدا انى من العشرة الاوائل
    ودى بشرة حلوة بالنسبه ليا😀
    فكرت التاج جميله اوى وبتشوف جوانب جميله اوى
    ربنا يبارك فى حضرتك ويحقق لك كل امانيك
    ويستجيب لدعائك يارب
    ويزيدك من ايمانه يارب
    بارك الله فيك يا أبو يحيى

  8. لماضة said

    ما شاء الله على الاجابات حقيقى جميله
    ربنا يثبتك
    بس اكتر حاجه عجبتنى
    اكثر عباده تشعر انها تجعلك قريب جدا من الله
    التفكر
    جميله حقيقى
    كل الاجابات تدل ان حضرتك شخصيه مؤمنه شفافه عقلانيه
    تحياتى لك يا هندسة

  9. فرنسا هانم said

    ربنا يكرمك ويزيدك يا باشمهندس
    بس لى سؤال
    ندخل على جوجل
    وبعدين
    عصفور المدينه ؟
    ده اعلان يا باشمهندس
    ولو ان مدونه حضرتك مش محتاجه لاعلان
    هى المناره بتاعتنا
    هى نار على علم
    ربنا يبارك لنا فيك

  10. النجمة الصامدة said

    بورك فيك ونفع الله بك

    أثر في جدا اختيارك للآيات التي تخاف منها

    أمنك الله شر العذاب
    ومتعك في النعيم المقيم

  11. وضـّاح said

    بارك الله فيك يا أبا يحي

    ربنا يزيدك من فضله .. لا تنسانا من صالح دعائك

    جزاك الله خيرا

  12. عاشقه الفردوس said

    ماشاء الله تبارك الله

    اجابات رائعه

    اللهم يمن كتباك
    اللهم يسرحسابك

    اللهم يسر امرك وفرج كربك واسلح حالك

    جزاك الله خيرا ياابا يحيى

  13. آلام وآمال said

    ربنا يبارك فيك ويثبتك ويزيدك ايمان وعلم وتقوى
    يا ابا يحيى
    🙂

  14. صانعة الحرية said

    اده اده اده
    طيب مش حد يقولى
    يلا خير
    اجابات رائعه ولكن
    يا استاذى انا بقول افضل
    تضع لى خمسه وانا اختار
    بس ما علينا
    وجزاكم الله خيرا يا استاذنا على اجابات التاج الرائعه
    وجعلها الله فى ميزان حسناتك ورزقنى واياك الاستشهاد فى سبيله
    والسلام عليكم
    يا
    استاذنا ابو يحيى

  15. Mohamed A. Ghaffar said

    احلى حاجه فى التاجات انها بتقربنا من بعض
    واشكرك على الثقه الغاليه وعدم تمريره

  16. عبدٌ من عباد الله said

    بارك الله لك و رزقك ما تتمنى
    و أفاد بك الاسلام و المسلمين
    فأنت أخ كبير لنا و مهما قسيت لا أملك غير القول
    أحبك فى الله
    و برده هبعتلك المدونة الجديدة بتاعتى
    حالة عم سيد
    http://jamesyns400.blogspot.com/

  17. همسة قلم said

    بارك الله فيكم وبكم اخونا الفاضل عصفور المدينة

    زادكم الله ايمانا

    ولا تنسونا من صالح دعائكم في تلك الايام المباركة

  18. ابن حـجـر الـعـسـقـلانـى said

    الله أنا باستمتع بقراءة التاجات بتاعتك يا أستاذنا .. مع إن التاجات عامة مابتشدنيش .. لكن تاجات عصفور المدينة حاجة تانية

    بس انت كدة عامل إعلان لمدونتك فى مدونتك .. يا ترى الإعلان دة مدفوع الأجر ؟؟

  19. امام الجيل said

    ابا يحيى كم علمتنا
    اكرمك الله يا فندم وجزيت خيرا
    صاحب فضل؟؟؟ ربنا يكرمك ويبارك فيك
    ودعاؤك لينا فى هذه العشر ان يجعلنا الله فيها من الفائزين وان تكون الخاتمة بيوم عرفة حسن خاتمة
    لا تنسانى من صالح دعاؤك
    جميل حبك للانبياء اللى لم يذكروا
    عايز اسأل حضرتك سؤال واتمنى متفهمنيش غلط هو بالنسبة للمواقع او الدعاة السلفيين بتتبنى الاراء اللى بنلاقيها فى اخوة سلفيين من حيث عدم قبول الاخر يعنى حضرتك جبت منين الاختلاف ده والفهم والوعى ده ولا المشكلة فى الشباب المتحمسين بس ولا فى بعض الدعاة السلفيين اللى بيتشددوا لمنهجهم يا ريت تكون فهمتنى لانى بجد نفسى يكون كل الاخوة السلفيين زى حضرتك كنا هنستريح كتير اوى انا على فكرة بحبهم ومبحبش التفرقة اصلا احنا مش اتنين كلنا مسلمين اكيد

  20. صاحب المضيفة said

    انا مش عارف اكتب اقول ايه بصراحة

    كل اجابة أحلى من أختها

    ربنا يبارك فيك وينفع بك

    دمت بكل الود

  21. عبدالرحمن ياسين said

    الله
    تاج جميل جدا

    وإجابات أكصر من رائعة
    تحياتي لك

    سلام

  22. مروة الزارع said

    أول مرة أدخل مدونتك
    بس جميلة والله وعجبتنى
    مستنية زيارتك ورأيك فيا كمبتدئة

  23. Jana said

    السلام عليكم

    ما شاء الله ولا قوة الا بالله
    اجابات رائعة لاسئلة رائعة

    ربنا يحفظلك الوالدة

    اختيارك للسور دى بالذات روعة
    وربنا يرزقك بقول أهل الجنة

    بارك الله فيك باشمهندس أبو يحيى

  24. ام البنات said

    الفاضل عصفور المدينه
    استوقفتنى كلمة عبادة التفكير
    هلا شرحت عنها قليل
    بارك الله لك وتقبل العشر الاوئل منك ومنا

  25. ام البنات said

    عفوا” ااقصد عبادة التفكر

  26. منى said

    ربنا يبارك فيك استاذى ويجمعك مع احبتك فى الفردوس الاعلى

  27. كراكيب عادل said

    السلام عليكم ورحمة الله

    فكرة جميلة جدااا

    ربنا يرزقك ويزيد حسناتك

  28. الفاتح الجعفري said

    استاذنا ربنا يبارك فيك
    مش هقول اجابات رائعه ولاجميله كالعاده انا هقولك
    اعطاك الله ماتحب ووقاك الله مماتحذر
    وجمعنا مع النبي واصحابه في الجنه

  29. mohand said

    السلام عليكم

    كل عام وانتم بخير

    طيب ومحمد حسين يعقوب ومحمد حسان
    ؟

    سؤال بس جال بخاطري وانا بقراء

  30. يوميات عيل مصري said

    عمنا، اخبراك ايه، عندي يومين أجازة تخيل، مش من الشغل طبعا
    بس من المذاكرة
    جاي اشرب شاي

  31. لحظة said

    السلام عليكم
    كل سنه و حضرتك بخير
    اول مارجعت المدونه تاني حضرتك اول مدونه ادخلها
    ولقيت التاج وخدته
    ربنا يكرمك ويزيدك ويجعل كل كلمه بتكتبها في ميزان حسناتك ويرزقك الاخلاص والثبات

  32. حائر في دنيا الله said

    ربنا يكرمك يارب
    ويفتح عليك فتوح العارفين
    وفتح لك أبواب الرحمة والخير والسعادة

    لك كل تحياتي
    السلام عليكم

  33. رفقة عمر said

    اجابات حضرتك جميله قوى
    كل تاج وحضرتك طيب

  34. عصفور المدينة said


    دكتور حر

    ربنا ييسرلك يا دكتورنا
    النصر صبر ساعة
    زشد حيلك وممكن تنقل التاج أنا نقلت الأسئلة والتنسيق من إمام الجيل

    دعوة الفردوس

    تشرفي مكانك محجوز يا فندم

    الفاتح اليعقوبي

    جزاك الله خيرا وجعل الله باطننا خيرا من ظاهرنا

    يوميات عيل مصري

    وفقك الله يا حبيبي وكل عام وأنت بخير

    خمسة فضفضة

    اللهم آمين
    أتمنى ما كنتش عكيت المرة دي

    رينـــــــــــا

    ربنا يكرمك يارينا
    ادعي لمؤلفة التاج
    ربنا يزيد إيماننا وإيمانك

    لماضة

    ربنا يثبتنا وإياك يا دكتورة

    فرنسا هانم

    دكتورة وبعدها مريضة على طول
    شفاك الله وعافاك يا أستاذة
    مش دعاية أنا قصدي لو حد غلط ونقل التاج ينقل دي كعاها عشان الغش وكدة

    النجمة الصامدة

    جزاك الله خيرا
    ورزقنا الله وإياك النعيم المقيم في الفردوس الأعلى

    وضـّاح

    وفقنا الله وإياك ورزقك الحج أعواما مديدة

    عاشقه الفردوس

    جزاك الله خيرا ورزقنا الله وإياك الفردوس الأعلى

    آلام وآمال

    منور يا محمود
    حفظك الله
    صانعة الحرية

    صانعة التاج
    مرحبا بك
    خدي من كل مجموعة أول واحد
    خزاعة

    Mohamed A. Ghaffar

    يااه انت بتخاف من التاجات كدة

    عبدٌ من عباد الله

    ماشي يا محمد انت بتكسب أرض
    يعني عايزني أدلعك
    أحبك الله

    همسة قلم

    أسأل الله أن يمن علينا جميعا بالعتق من النار ومغفرة الذنوب

    ابن حـجـر الـعـسـقـلانـى

    انا عامل الإعلان ده عشان لو حد نقش التاج يا محمد

    امام الجيل

    حفظك الله يا إمام
    جعلنا الله وإياك من الفائزين وأن يغفر لنا ويجعلنا من المقبولين
    بجد يا محمد كل ما افكر في نبي ييجي يوم القيامة ولم يؤمن به أحد أحس كم هم عظماء
    أنا متفهم سؤالك
    كتب الشيخ رضا صمدي سلسلة في مدونته
    اسمها أدعياء المنهج السفي

    ذكر عدة أسباب لمشكلة تعصب أدعياء السلفية ضد من خالفهم

    أما السبب الأول من أسباب ما عليه القوم من فتنة فهو تسرب العادات وتغلب الطبع

    الأمر الثاني : قلة الإحاطة في المسائل العلمية وضعف تتبعهم لمنهج السلف
    وتحت هذا الثاني صور
    الأولى : مواقف الرؤوس حين يتخذون موقفا من أحد أهل العلم ويكونون في هذا الموقف قدوة فيتجمع عليهم الأتباع
    الثانية : الجهل البسيط بحقيقة منهج السلف في بعض المسائل، مثل جهلهم بطريقة السلف في نقد الآخري
    الصورة الثالثة : التساهل في سَبْر حال المخالف، فقد يخطئ العالم أو الداعية في مسألة ولا يجدون لهذا الخطأ مأخذا عند السلف فيدرجونها تحت بدعة كبرى أو خطأ عظيم أنكر عليه السلف، بينما خطأ ذلك العالم لا يحتمل مثل هذا الإنكار عند السلف
    الصورة الرابعة : عدم التمييز بين ما اختلف فيه السلف وما اتفقوا عليه في مواقفهم من المبتدعة

    الأمر الثالث : استيلاء الشبهات عليهم وتحكميهم فهوم شيوخهم على منهج السلف

    وماذكرته هي محاور مختصرة من المقال أتمنى أن يحظى بالعناية

    أما كيف تعلمت أنا شخصيا ذلك فقد تعلمته من الشيخ سلمان العودة حفظه لله
    مع الوعي بالمخاطر الحقيقية التي تحيق بهذه الأمة
    والاعتبار والنظر في خسائر الماضي وهذا موضوع يطول
    ومحوره الإنصاف والنظر بمقياس الشرع وليس بمقياس هوى النفس
    وأن يكون المحرك ما تراه محبوبا لله سبحانه ويرضيه وليس ما تجد فيه عصبيتك


    صاحب المضيفة

    ربنا يحفظك يا حبيبي
    عبدالرحمن ياسين

    شكرا يا حبيبي بارك الله فيك

    مروة الزارع

    شرفتينا وسنزورك دوما إن شاء الله

    Jana

    مرحبا يا أستاذة
    جزاك الله خيرا على الدعوات الجميلة

    ام البنات

    أستاذة عبادة التفكر هي ما عنيته في تدوينتي
    فاعتبروا يأولي الأبصار
    وهي النظر في الأحوال والأحداث والأشخاص وافتراض مالم يحدث والنظر فيه والتفكر فيما أسميه بالأحداث التربوية
    التي يربي الله بها عباده وربما نتكلم عن هذا الأمر بالتفصيل لاحقا
    فابقوا معنا

    منى

    جزانا الله وإياك الفردوس الأعلى

    كراكيب عادل

    يااااااااه يا أستاذ مرحبا بك طالما كنت أرى تعليقاتك عند الزملاء نورتنا
    ودائما تمتعنا بصورك الرائعة

    الفاتح الجعفري

    جزاك الله خيرا
    وجمعنا الله بكم في الجنة
    وكويس ان انت بخير قصدي سليم خلي بالك من اليعقوبي

    mohand

    سؤالك جميل يا مهند
    شكرا لك أن سألت هذا السؤال
    هذا السؤال رائع
    الحقيقة ينبغي علينا جميعا أن ننتبه لنقطة هامة
    أن كل إنسان له مداخل إلى قلبه وعقله وليس كل الناس سواء والحقيقة أن هذه التاجات تبرز هذا الموضوع جدا
    ذكرت الدعاة الذين أفضلهم وموضوع الأفضلية ليس لأنهم أفضل في العلم أو الهدى ولكن لأن كلامهم يجد مدخلا إلى قلبي وعقلي وهذا لا يسع جميع الناس
    وليس لأن الشيخ محمد حسان شيخ فاضل أو الشيخ محمد يعقوب شيخ فاضل أن نكون جميعنا نسمعهم بل الإنسان الناضج هو من يعرف جيدا مداخله وأين يجد قلبه ويستثمر ذلك إذا لم تجد قلبك في شيء فلا تصر على أن تأخذه
    بحجة أن جميع الناس يجدون قلوبهم فيه
    مثلا أنا لا أجد قلبي في صلاة التهجد في المسجد فليس معنى أن جميع الناس يجدون قلوبهم في ذلك أن أكون أنا أيضا كذلك
    بل أراقب نفسي وإذا وجدت أنني أمشي مع الجموع بدون فائدة لي أبحث عما أجد نفسي فيه
    وهذا غير الاحترام والحب والاستفادة من كلام جميع المشايخ ومعرفة ما يتوفر من موادهم لأجل أن تشير بها على الآخرين
    وللعلم حججت مرة مع الشيخ محمد حسان وأحبه جدا ورأيت من أخلاقه وحلمه حفظه الله
    لكن بشكل عام طبيعتي لا أحب الوعظ كثيرا آخرون ربما يؤثر فيهم الوعظ أكثر فلا ينكر هذا على هذا ولا هذا على هذا
    وها خطأ يقع فيه كثيرون
    ينكرون مثلا على أحد المشايخ أنه يتكلم في عذا ب القبر وأنه يكثر من الكلام في الترهيب بينما يجد آخرون أنفسهم في هذا الترهيب ولا تتربى أنفسهم إلا بالخوف
    بينما آخر ينكر على شيخ ما لجوءه للقفشات والضحكات بينما يرى بعض الشباب هذا الشيخ قدوتهم ويحبون ويتلقفون قفشاته
    ربما ينكر البعض على احد المشايخ أنه يتكلم في علم النفس ويستشهد بكلام علماء تربويين
    وآخرون لا يجدون أنفسهم إلا في كلماته وهذا من فضل الله وإقامة حججه على خلقه
    أما من أعرض عن الدين والهدى فستجده يرفض جميع هؤلاء ويسخر منهم
    وعند الله تجتمع الخصوم
    أتمنى أن تكون وضحت الفكرة
    وستعرف الفارق بين من يحب الدين ومن يبغضه أن ذلك الذي لا يسمع لأنه ليس مدخله يحب هؤلاء ويدعو لهم أما الآخر وخد بالك من اللآخر دي فستجده يسب ويسخط
    لأنه لا يعي التنوع بل ربما لا يعرف عن الإسلام شيئا
    تاني شكرا لك يا حبيبي أن أعطيتني هذه الفرصة

    يوميات عيل مصري

    حبيبي أجازتك نفع لنا جميعا


    لحظة

    يشرفني أن أكون على بالكم يا أستاذة وحمدا لله على سلامتك
    في انتظار إجاباتك

    حائر في دنيا الله

    جميلة أوي يا أخي دعوتك
    فتوح العارفين
    ربنا يحفظك ويفتح علينا وعليك من بركاته

    رفقة عمر

    وأنت طيبة يا أستاذة نورتينا وفي انتظار إجابتك \
    أخ إيه ده أنا مررته لك

  35. دعوة الفردوس said

    أستاذي وأبويا وأخويا الكبير وحاجات كتير كده
    شيخ المدونين
    ورئيس جمهورية التدوين
    أستاذنا
    عصفور المدينة
    أسأل الله العظيم رب السموات السبع والأرضين ورب العرش الكريم
    أن يدخلك الفردوس الأعلى بلا حساب ولا سابقة عذاب وأن يجعل مقعدك مع الأنبياء والشهداء والصديقين
    وأن يرضى عنك في دنياك ويرضيك في آخرتك ويرزقك الخير كله عاجله وآجله ويعيذك من الشر كله عاجله وآجله وأن يرقك الصدق والثبات والأخلاص في القول والفعل والعمل والنوايا وأن يستخدمك لرفعة دينه ويرزقك الموت في سبيله مقبلا غير مدبر والحياة في سبيله مجتهدا في طاعته صابرا على البلاء وأن يعظم أجرك أنت وزوجك وأبناءك وأهلك وكافة المدونين الذين يجتهدون في ابتغاء وجه الله من علمت منهم ومن لم أعلم وسائر المسلمين أجمعين
    اللهم آمين آمين آمين
    معلش لما الواحد يقرا تاج زي ده
    وردود زي دي
    معرفتش أعمل حاجه غير أني أدعيلك لعل الله يستجيب مني لا بعملي ولكن بصدق نيتي في دعاءي

  36. أمير القلوب said

    السلام عليكم ورحمة الله وبركانه
    أخي العزيز:أبو يحيي
    زادك الله إبماناً وإخلاصاً وجعلك من عباده المتقين
    ولا تنسانا من دعائك
    جزيت خيراً

  37. عمر محمود said

    كل عام وأنت بخير
    لو عاوز تروح تحج اتفضل نورنا

  38. المهـ إلي الله ـاجر said

    ردوك بسيط من نوع السهل الممتنع

    أكثر ما أعجبني هو ردك يا بشمهندس علي مهند

    بارك الله في عقلك

  39. محمد مارو said

    اولا
    تاج و اسئله دينيه جميله
    ثانيا اجابات رائعه

    بس للاسف التهنئه اللى فى الاول دى ناقصه يوم
    ضيعوه علينا للاسف

    و ربنا يديم الاحب و الموده بينك و بين اصحابك

  40. محمد الجرايحى said

    أخى الفاضل / عصفور المدينة
    السلام عليكم ورحمة الله وبركاته
    دائماً نستمتع بتغريد عصفور مدينتا
    ولكنه تغريد ليس كأى تغريد
    تغريد ينطق بالحكمة وخبرة التجربة
    مما يعود على قارئه بالنفع والفائدة
    بارك الله فيك أخى الكريم
    وأدامك لنا

    أخوك
    محمد الجرايحى

  41. محمد عبد القوى said

    انا- بعد أذنك طبعا – مش هاعلق..انا عايز افهم واتعلم واستفيد..ليه بتقول على الحوار ده تاج..انت قصدكم الكلمةالأنجليزية اللى انا نسيها ولا الموضوع غير كده..وانا كلمة تاج معناها عندكم تاج مش حاجة تانية وانها موجودة هنا لدلالة معينة..وان كان الأمر كده قولى اية هى الدلالة دى؟؟
    اما عن الأجابات فده شيء متوقع من شخصية ملتزمة محترمة زي سيادتك

  42. اسلام رفاعى said

    اسمحلى اقول لك يأبويحيى اجاباتك رائعة

  43. صيد الخاطر said

    شيخنا أبا يحيى
    فتح الله عليك ونفع بك اجابات جميلة
    وجزاك عن خيرا
    وأسأل الله تعالى ان يرزقني واياك الشهادة في سبيله

  44. خبيب said

    الله
    الله
    الله
    على الإجابات
    ايه الجمال ده ؟
    ربنا يتقبل منك يا رب
    متنساش تدعيلنا
    وكل سنة وانت طيب

  45. mohand said

    السلام عليكم

    ابو يحي

    غلبتني

    الي استفزاز اخر ان شاء الله

    ههههههههههههههههههههههه

    بحبك والله يا ابو يحي
    واعلم انك تحبني
    ربنا يزيد المحبه اللهم امين

    ——————
    عايز اعلق علي نقطة تانيه

    بس كفاية نقطة واحده في البوست
    هاخد البوست لحسابي؟

    تحياتي

  46. محمد على said

    اخ عصفور…بارك الله فيك وفى الاخت الفاضلة صاحبة التاج …اسئلة جميله ومثيرة للتفكير وكمان دعوه للتامل فى افضل كتاب على وجه الارض…وكل سنة وانت طيب واقرب الى الله.

  47. وطني said

    أعتذر اولا للتأخير
    ثانيا جزاكم الله خيرا على ما ذكرت وبخاصة ردك علي إمام الجيل ومهند
    إجابات أحسبها من رجل صالح
    أحسبك كذلك ولا أزكي على الله
    كما أقول دائما… على الدوام تغريدك يسعني
    أسألك الدعاء ( ولكن بظاهر الغيب في لحظة قرب من الله عز وجل ) تقبل تحياتي

  48. Maha said

    ما شاء الله .. أسئلة ممتازة وإجابات أكثر تميزا🙂

    بارك الله فيك

  49. أمـ الله ـة said

    ما شاء الله تبارك الله

    زادك الله علماً وإيماناً

    واستعملك فى نصرة دينه

  50. SAKAyAR said

    السلام عليكم ورحمة الله وبركاته

    ازيك عمو عصافير ….واحشني كتييييير
    حلو التاج والاجابات ربنا يثبتك ويهدينا أجمعين
    دعواتك أنا قلت آجي أسلم طبعا وأطمن على الناس الغاليين

  51. ابن اسكندرية said

    بشمهندس محمد
    بارك الله فيك اجابات جميله ورائع
    تنم على ايمان وقر فى القلب وان شاء الله يصدقه عمل
    ربنا يتقبل

  52. Anonymous said

    السلام عليكم ورحمة الله وبركاته
    استاذنا ومعلمنا الكبير عصفور
    ابا يحى
    اكرمك الله بمنزلة فى الجنه وجزاك الله خير الجزاء عن من ينتفعون بعلمك ومعرفتك
    اما عن اجاباتك التى اقشعر منها بدنى اجلال وتعظيما لاصحابها الاجلاء من الصحابه
    بورك فيك استاذى
    ولك كل تقدير واحترام
    فانت نعم الخلف لخير سلف
    ولو ان بعض من الناس انتهجو
    منهاج استاذنا الكبير فى راى لصلحت احوال حولنا كثيره
    نسال الله العظيم ان يهدينى
    ويهدينا جميعا الى ما يحبه ويرضى
    ولو ان بعض ممن يدونون يجبرون قرائهم على احترامهم فى اسلوب الرد والكتابه
    لما كان هناك تدوين غير نظيف

    فانت بحق مثال يجب ان يحتذى به
    كل التقدير والاحترام
    لشخصكم الكريم
    ام ابناء الطائر
    راجيه عفو الله

  53. عصفور المدينة said


    دعوة الفردوس

    ربنا يبارك فيك يا أستاذة حفظك الله ورعاك

    كم أنزلت دعواتك السكينة على قلبي

    أمير القلوب

    جزاك الله خيرا يا صديقي الحبيب

    عمر محمود

    جيت يا أستاذ وجزاك الله خيرا

    المهـ إلي الله ـاجر

    جزاك الله خيرا يا أحمد
    وفعلا أنا قلت لمهند ع الشات أنا كان نفسي حد يسأل السؤال ده ودي مش أول مرة مهند يعملها يسأل سؤال يكون نفسي حد يسأله

    محمد مارو

    معلش يا محمد ربنا يعوضها لك يوم عرفة

    محمد الجرايحى

    نعنا الله بكم وبما تبذلونه أنتم أيضا وبارك الله فيك أخي الكريم

    محمد عبد القوى

    أيوة يا محمد هي كلمة انجليزي بتدل على لعبة وأصبحت عرف على مجموعة أسئلة بيمررها المدونين لبعض يلا


    اسلام رفاعى

    ربنا يحفظك يا أخي
    أنا متابع معك بس أحيانا لا أعلق لحساسية الموضوع

    صيد الخاطر

    جزانا الله وإياك يا محمد جزاء الشهداء

    خبيب

    بارك الله فيك أخي الحبيب ربنال يكرمك ويسعدك كما أسعدتنا بزيارتك

    mohand

    مهند لا تبخل علي بمثل هذا الاستفزاز بالله عيلك ما أروع هذه الفرص

    محمد على

    طيب يا محمد بارك الله فيك اعتبر اننا مررت لك التاج
    🙂

    وطني

    دائما تسعدني عبارتك هذه وأشعر معها باطمئنان غريب
    وكأن مدرسي يصحح لي الاختبار والله بجد شعور كدة مش عارف أوصفه
    ياريت تفهمني صح

    Maha

    حفظك الله يا ابنتي وكل عام وأنت بخير

    أمـ الله ـة

    زادنا الله وإياك علما ونفع بنا وبك

    SAKAyAR

    حبيبي شكرا لزيارتك رغم أني أعلم أنك مشغول حفظك الله ورعاك


    ابن اسكندرية

    جعل الله بواطننا وإياك خيرا من ظواهرنا


    Anonymous

    جزاك الله خيرا أستاذة أم الأبناء

  54. خمسة فضفضة said

    السلام عليكم ورحمة الله وبركاته

    ايه يا ابو يحي انت لسه فاكرهالي

    ماقلنا عيله وغلطت انسي بقي الله يكرمك😀

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

 
%d bloggers like this: