إكسير تفاؤل
Posted by ctybrd on December 26, 2007
لا أدري كيف أكتب عن التفاؤل في وقت تكاثرت علي أو علينا فيه دواعي – لا أقول التشاؤم- ولكن أقول الهموم والمسئوليات
ولكن سأحاول
مصدر تفاؤل : آيات وأحاديث البشارات ووعد الله بالنصر والتمكين
مصدر تفاؤل : الحب في الله
مصدر تفاؤل : صلاة الفجر
مصدر تفاؤل : أفتح عيني صباحا لأجد رسالة إلكترونية فيها دعاء بظهر الغيب
مصدر تفاؤل : أريد صنع القهوة صباحا فأجد القهوة والحليب والكبريت
مصدر تفاؤل : يزورني ضيف أو يتصل بي متصل لمجرد السلام
مصدر تفاؤل : مكالمة من (محسن) زميل عمل معي منذ سبع سنوات
مصدر تفاؤل : أذهب إلى هناك فأجد الشادي يشدو وحوله أنقياء القلوب متكاثرين
مصدر تفاؤل : أذهب إلى هناك -هناك آخر- فأجد الناعق ينعق وحده
مصدر تفاؤل : أجد ربع جنيه في الشارع أو حتى بريزة
مصدر تفاؤل : إذا كان لدي خمس تدوينات في المسودة
مصدر تفاؤل : أجد أحد أطفالي يتكلم بنفس منطقي
مصدر تفاؤل : ثبات أبناء المحالين للمحاكم العسكرية
مصدر تفاؤل : أصوات العصافير مع هواء الصباح المنعش
مصدر تفاؤل : ضبط أعصابي في موقف مستفز
مصدر تفاؤل: أتحاور مع أحد العقلاء ونصل لنقاط اتفاق
مصدر تفاؤل : أفك مسمار ويتفك من أول مرة
مصدر تفاؤل : أجد ريموت التلفزيون عندما أريده
مصدر تفاؤل : أشتري سلعة مرتين بنفس السعر
مصدر تفاؤل : الفرحة في وجوه الفقراء ودعاؤهم حين تصل إليهم الصدقات
مصدر تفاؤل : يسدد أحدهم دينا في موعده
مصدر تفاؤل : عندما أصل قبل الموعد بخمس دقائق
مصدر تفاؤل : كلمة “لقيتها……” وكلمة “تسلم إيدك”
مصدر تفاؤل : أخبار توبة التائبين وتوبتي بعد ذنب
مصدر تفاؤل : أخبار خسائر المحتلين
مصدر تفاؤل : الرؤيا الصالحة
مصدر تفاؤل : هذا الشاب المعاق الذي يصلي معنا الفجر منذ كان طفلا ونغيب ولا يغيب
مصدر تفاؤل : عودتي إلى مكان بعد غياب طويل عنه
مصدر تفاؤل : زيارة البيت الحرام ومسجد النبي صلى الله عليه وسلم
مصدر تفاؤل : رؤية شخص يبتسم وهو يسير وحده
مصدر تفاؤل : العودة من العمل آخر يوم في الأسبوع
مصدر تفاؤل : كلمة تاج 010
مصدر تفاؤل : Publish Post
مبرمج حر said
🙂>>أخدت نفس عميق وانا بقرأ التاج وحسيت بتفاؤل>>اجابات حضرتك جميلة , وخصوصا مصادر التفاؤل الصغيرة خالص زى “أفك مسمار ويتفك من أول مرة” أو “رؤية شخص يبتسم وهو يسير وحده” .. التدوينة كلها جميلة جدا ما شاء الله .. وكل مصدر فيهم مدعاة للتفكير والتأمل والتفاؤل بجد>>🙂
الفاتح الجعفري said
مصدر تفاؤل ان انا اعلق عند حضرتك>مصدر تفاؤل ان انا اسمع صوت حضرتك في التليفون >مصدر تفاؤل ان انا اغلب عز 9\1 في البلاي ستيشن ويفقد اعصابه >هههههههههههههههههههههه>ربنا يبارك فيك يااستاذنا ويجعل حياتك كلها تفاؤل>اللهم ارضي عنا وارزقنا الرضا>وجزاكم الله خير
mohand said
السلام عليكم >بقولك ايه يا استاذ عصفور >كده بجد انا اتجننت >يعني انا مستني اني اكون اول واحد يعلق عندك مره >>وكل مره مكونش برضه المعلق رقم واحد >قولي طيب انت بتدي ميزد للناس معينه بعد ما تكتب البوست عشان يعلقوا >قولي طيب اديلك رقمي >:P:P:P:P>>اقولك الصراحه >في اجابات فطستني علي روحي من الضحك >وخصوصا السلعه اللي تشتريها مرتين بنفس السعر >ههههههههههههههههههههه فظيع انت والله >سلام >وتحياتي
رفقة عمر said
بجد البوست دة كان مصدر تفاؤل ليا اكتشفت انى بعد ما خلصت قرايه انى على وجهى ابتسامه كبيره قوى>عجبنى قوى لما تلاقى ربع جنيه لان فعلا انا كمان بانبسط جدا لما الاقى ربع جنيه وبحب قوى الاقى قرش قديم بافرح بيه جدا>وبرضه الرؤيا الصالحه مصدر تفاؤل>ربنا يجعل حياتك كلها تفاؤل وسعادة اللهم امين يارب العالمين
لماضة said
يزورني ضيف أو يتصل بي متصل لمجرد السلام>>دى بقى ضحكتنى جداااااا>تصدق يا بشمهندس انها دلوقتى بقت قليله الغريب كمان ان لو حد عملها نقنع نفسنا انه بيسبق لطلب معين>زى جس نبض كده يعنى وبعدين يطلب بقلب>اجابات حضرتك رااااائعه حقيقى
دكتور حر said
ماشاء الله تبارك الله>ليك حق تأخره يا هندسه>>ربنا يبارك فيك يا رب>>جميل قوي>الحب في الله>الفجر>الربع جنيه>>>كبله جميل بصراحه>ربنا يزيدك يا رب>>وجزيت كل الخير>ونحققلك رقم 6 في المصادر ان شاء الله
چــِنـيـن ... عيلة و عايزة أفهم said
مصدر تفاؤل : العودة من العمل آخر يوم في الأسبوع>>أيوة بالظبط !! >>: ) >>مع إنهم لو شافوني في الكلية 5 أيام و را بعض تبقى مناسبة سعيدة تستحق الاحتفال >>: D >>مصدر تفاؤل : عودتي إلى مكان بعد غياب طويل عنه>>>: ( >>>>مصدر تفاؤل : كلمة “لقيتها……” وكلمة “تسلم إيدك”>>جرعة أسعدتني >>جزاك الله خيراً
مهندس مصري said
كلها حاجات حلوة و تبعث على التفاؤل>و مجرد وجود مدونتك ببوستاتها الحلوة التي ترفع من درجة إيمان الواحد و التي يتجمع حولها المدونين على إختلاف أهواؤهم مصدر تفاؤل كبير جداً>🙂>دمت بكل خير يا بشمهندس
خمسة فضفضة said
السلام عليكم ورحمة الله وبركاتة>>حلوه اوي اجابات حضرتك يا باشمهندس >اول حد اشوفه يرد علي التاج ده باجابات ممتعه ومركزة وقصيره كده>>ربنا يجعل ايامك كلها اكسير تفاؤل ….آمين >>>تحياتي
طال الليل said
مصدر تفاؤل حين أقرأ تدوينة لواحد من أمثال حضرتك ممن يحملون هم الأمة بوعى >مصدر تفاؤل حين أجد تعليقات تهدف إلى الحوار الجاد الهادف >>>تاج جميل وإجابات تعبر فعلا عن نفس تستحق التقدير والإحترام
محمود الدوح said
بجد بتلفت نظرنا لحاجات كتير الواحد مش بيخليها مصدر تفاؤل>بس لو الواحد مشى بالمبدأ دا هيلاقى ان اقل حاجة ممكن تبقى مصدر تفاؤل>وعشان كدا وبعد اعتزالى التاجات قررت وبمشيئة الله انى هاخدة من عندك عافية وغصم واقتدار>>بجد شكرا يا بشمهندس
أمير القلوب said
السلام عليكم ورحمة الله وبركاته>أخي الفاضل:أبو يحيي>إجابات حضرتك الحقيقة كلها مصدر للتفائل لإننا مفتقدين أصلاً روح التفائل دي> الناس زي مايكون عاوزين يفضلوا مهمومين على طول >وبجد لو كل واحد حاول يطبق مصدر واحد من الحاجات الهامة اللي حضرتك كتبتها >زي>يزورني ضيف أو يتصل بي متصل لمجرد السلام>الحب في الله>صلاةالفجر>حتبقى مصدر تفائل لنا>جزيت خيراً>حياك الله
المهـ إلي الله ـاجر said
أزال المؤلف هذا التعليق.
صانعة الحرية said
السلام عليكم>مصدر تفاؤل>انى دخلت قرات البوست اللى كله تفاؤل ده>وانا امتحانى بكره>دعواتك ابى الفاضل وكل اخوانى المدونين>واجابات كلها تفاؤل
المهـ إلي الله ـاجر said
مصدر تفاؤل عندما أشعر بأننا نحاول أن نمشي في الطريق الصحيح بين الزخم المحيط>>مصدر تفاؤل وجودي هذا الصباح هنا (:
Mohamed A. Ghaffar said
انت وحدك مصدر تفاؤل
Doba said
الجميل فى عصفور المدينة انه يقول ما قل ودل بدون مهاترات فارغة>>تسلم ايديك على اكسيرات التفاؤل اللى كل واحد لقى نفسه فى حاجة من بينها>>انا بس حبيت اقولك انى عارفة انك قريت البوست ولما طرحته لو اخدت بالك انا مقولتش رأيى لسه فى الموضوع اللى انا طرحته بس انا بشوف الأشخاص بتفكر ازاى وتباين الآراء هيوصل لغاية فين>>وهتعرف رأيى مفصل فى ردودى على التعليقات فى مرحلة لاحقة>>انا بس استغربت لما لقيت التعليق الطويل ده منك انت بس كنت سعيدة انك تكبدت مشاق كتابته وزجتك شاركتك فى قراءته أشكرها بالنيابة عنى واشكرك على تعليقك الصحيح واللى مفيهوش نرفزة بل على العكس انا حسيته فيه غيرة على المرأة المسلمة وانك بتحافظ على مراتك واختك وبنتك واخواتك فى الله>>تقبل مرورى وتعليقى واحترامى لك ولأسرتك جميعا>>تحياتى>هبة>>===========>هذا الشاب المعاق الذي يصلي معنا الفجر منذ كان طفلا ونغيب ولا يغيب>>ربنا يباك فيه ويرزقه ويراضيه على قد نيته وقلبه الطاهر
صاحب المضيفة said
ده مش تفاؤل >>ده كلام رائع واحساس مرهف >>ربنا يبارك لك في نفسك وحياتك بجد >>وينفع بك ويجعلك من جنوده>>دمت بكل الود
مـحـمـد مـفـيـد said
أدام الله عليك نعمه التفاؤل >ولو اني لم اشتري سلعه مرتين بثمن واحد>🙂
ابن حـجـر الـعـسـقـلانـى said
جميلة جدا الإجابات … الدنيا بقى لونها ابيض بعد ما خلصت قراية التدوينة>>حفظك الله يا أستاذنا
امام الجيل said
جمييييييييل>مصادر تفاؤلك مميزة يا فندم>عجبنى ايه منهم ممممممم>شخص بيبتسم وهو لوحده>انا بزعل لما الاقى حد بيدمع او يبكى وهو لوحده>ولما محسن يكلمك الصبح>ولما حد من اولادك ينهج نهجك>يعنى>ربنا يكرمك
أحمد الدرعه said
مصدر تفاؤل : new 1 email messages>وتلاقيها من city bird
bedo said
ايه كمية التفاؤل دي كلها>>جرعة تفوق الواحد على طول >>بس حلوة الجرعة دي >>وجزاكم الله خيرا
مناجاة said
اتحدى ان حد يكون قرأ التدوينة دي وملقاش على وشه ابتسامة عريضة في نهايتها
خالد said
مصدر تفاؤل:اتفاقي وأحد الإخوة زيارةعصفورالمدينة بعد حين 🙂 إن شاء الله….>>مصدر تفاؤل : سلفي في المعتقل…>http://muslimdoctor.blogspot.com/2007/05/blog-post_28.html>خرج من المعتقل 🙂
وطني said
لا أجد ما يقال غير>طيب الله أيامك بالرضى>و عطرها بالطاعة>و جملها بالتفاؤل> شرح الله صدرك >و يسر لك أمرك >وحل عقدة لسانك كي يفهم كل الناس قولك>اللهم آمين آمين آمين>تقبل الله منا ومنكم صالح العمل> وكل عام وأنتم بخير
Maha said
جميل جدا 🙂>>أعجبتني الإجابات كثيرا 🙂>>بارك الله فيك ورزقك الجنة بغير حساب ولا سابقة عذاب
مروة الزارع said
تعرف انى حسيت فعلا بشوية تفائل>لما قريت كلامك دة>>بس اشمعنى نص الحاجات دى مبيحصلش معايا>>………>>كلمة على جمب>>ممكن أسألك سؤال ومتضحكش عليا لا أنت ولا أحد من القراء>>أنا بس عاوزة أعرف معنى كلمة (تاج) أنا جديدة فى التدوين معلش سامحنى>>أنا بسمعها كتير وبجد مش فاهمها>>أمسك عندككككككك>>أهوووو شايفاك بتضحك أهووووو>>يالا بقى مش مهم>>بكرة أكبر وأعرف وأفهم وهايجى حد يسألنى وهضحك علية برضة>>هههههههههههه>>lol>>اةةةةةةةةةة صحيح كنت هنسى اقولك كل سنة وانت طيب عشان السنة الجديدة
قلب حر said
مصدر تفائل: لما ادخل ألاقى موضوع عن التفائل فى زمن لا يدعو للتفائل>بس كل ده يا اونكل ده انت متفائل بحق وحقيقى بقى
يوميات عيل مصري said
عمنا عصفور المدينة>والله لك واحشة كبيرة جدا، يا مصدر التفاؤل لكل اللي حولك>تفاؤلاتك حسستنا كلنا إن إحنا اللي بنكتبها معاك>دائما مغرقنا بافضالك
قبس من نور said
مصدؤ تفاؤل : الشاب المقعد الذي يصلي الفجر>>أعجبتني جداً ، وأعجبتني الإجابات المختصرة المعبرة>>أرسل تحية قوية لصاحب هذا الوسم .. حقاً أبدع في فكرته
الراقص مع الذئاب said
السلام عليكم ورحمة الله وبركاته>تاج جميل والرد اجمل>>دعنا نتعلم منك يا عصفور المدينة>>>مصدر تفاؤل: ترددي علي مدونتك وقرائة هذا الموضع>>دمت في خير استاذي الكريم
khalid complete said
يااااااه>الحمد لله على التفاؤل>والله انا بحب التفاؤل جدا …ولكن أكيد بواقعية>واحشني كتير يا عمنا>ربنا يملأ حياتك دايمن تفاؤل
وضـّاح said
لو لم يتفاءل الناس كلهم .. وجب على العصفور أن يتفاءل>>انشر تفاؤلك وغرد فوق مدينة عج فيها التشاؤم والحزن>>غرد بنغمات القرآن ودعوات العباد التقاة>>غرد بأمجاد الماضي وآمال المستقبل>>غرد ولا يمنعك أحدهم>>غرد .. بارك الله فيك ورعاك
A.SAMIR said
ربنا يديم عليك مصادر التفاؤل ويبعد عنك كل عوامل التشاؤم ان شاء الله
محمد على said
اجابات جامدة منك ياخويا ياعصضفور وكلامك لازم نحاول نطبقه كلنا ولازم نتفألفى حديث عن النبى صلى الله عليه وسلم بيقول”من بات منكم أمن فى سربه معافى فى بدنه عنده قوت يومه فانما حيزت له الدنيا” الحديث ده وحده بيوجهنا للرضا وعدم التشاؤم وطاما وصلنا للرضا يعنى اكيد هنوصل ان شاء الله للتفأؤل…والله ولى التوفيق.
klmat said
السلام عليكم>ربنا يزود مصادر التفاؤل>مصدر تفاؤل وجود مدونين >زى حضرتك >اجابتك جميله جدا>تحياتى وسلامى
Ahmed Essawy said
ما شاء الله قرائه التدوينه نفسها اكسيد تفائل ….>الله ينور >🙂
مش هنسى said
جزاكم الله خيرا على إكسير التفاؤل العالى دا
MerMaid said
الحقيقة>>انا عجزت عن الوصف والكلام>فمنذ قرات كلمة >مصدر تفاؤل : ضبط أعصابي في موقف مستفز>>الي>مصدر تفاؤل : Publish Postد>>و انا في حالة سعادة وتفاؤل>>————————->مدونة رائعة في اول زيارة لي >>:)))
إخوانى مخربش said
مصدر تفاؤل ان البوست لسه طازة واربعين واحد يعلق عليه وكل التعليقات متفائلة>>البلد فيها امل _وعمر كمان- يارجالة>>بكد الواحد لم يتفائل من زمان من كمية المنغصات اللى حوليه>بس فعلا دايما احنا عنينا بتنجذب للنصف الفارغ من الكوب وليس النصف الاخر>وايما بنركز على اللون الاسود ومابنخدش بلنا ان اللون الابيض موجود
منى said
معظم الحاجات اللى حضرتك ذكرتها بتحصلنا كلنا>لكن القلب المؤمن بس هو اللى بيفرح بيها ويتفائل>تحياتى
فرنسا هانم said
مصدر تفتاؤل >ان نجد تدوينه جديده لاستاذنا عصفور المدينه
نـــــــور said
الاجابات جميلة جدا جدا ورائعة رغم ان كلها سطر يا نص سطر يا كلمتين >>لكن المعاني جميلة .. البوست دا مصدر ابتسامة وتفاؤل فعلا >>عجبني إن الحب في الله مصدر تفاؤل >>وكلمة تسلم ايدك .. والشاب المعاق .. >>وpublish post>>🙂 🙂
دنــــيــــــا مـحـيـرانـي said
مصدر تفاؤل >ان اري تعليق لحضرتك عندي>و ان اعلق عندك >و ان استمر في القراءه لك>————————->سؤال علي الماشي ممكن تشرح لي ازي اضيف you tube>علي المدونه ممكن>شكرا>تحياتي
مصراوي أوي said
من اجمل الحاجات اللي حضرتك كتبتها>>واحد ماشي لوحدة بيضحك>>دي فطستني علي نفسي من الضحك انا فعلا بفرح جدا اما اشوف الشخص ده>>واحيانا تحصل لي بس الحق نفسي قبل ما الضحكة تعلي واللا حاجة>>>>يا اخي سبحان الله حتي التاج والتفاؤل متميز فيه وعملت جو جميل لكل اللي قرا>>>روح يا شيخ الهي ربنا يسعدك دنيا واخرة
عدى النهار said
إجاباتك بتقول إنه مافيش مبرر لأى حد إنه لا يشعر بجرعة تفاؤل واحدة على الأقل كل يوم>🙂>>أصل مش ممكن إن يوم أى شخص يخلو من حاجة بسيطة تدعو للتفاؤل
IRAQ Sawt Alhaq said
السلام عليكم ورحمة الله وبركاته>أحببت أن أعلق على الرغم من أني ادخل للمدونة بأستمرار وأقرأ كل موضوع جديد كلما يتاح لي الاتصال بالنت>أجابات راقية تدل على نفس طيبة أشياء مما كتبتها أيضا تكون مصدر للتفاؤل لي أيضا واللهم فك اسر كل مسلم وثبت أهلهم
الفاتح اليعقوبي said
السلام عليكم>>اللهم اجعلك من المتفائلين يارب >>بس من الحاجات التي تبعث علي التفاؤل ان الله اراد لنا>>ان نبدا القران ب>بسم الله الرحمن الرحيم>>>اعزك الله يااستاذي>والسلام
عاشقه الفردوس said
أزال المؤلف هذا التعليق.
عاشقه الفردوس said
استاذنا عصفور المدينه >>يارب يجعل ايامك كلها تفاؤل وسعاده وبهجه >ويحقق احلامك وكل الحاجات الحلوة اللى كتبت عنها دى >>بوركت وسلمت يمناك
مؤمنه said
السلام عليكم ورحمة الله وبركاته >الهم املأ حياتنا كلها تفاؤل >التفاؤل نعمة >واملنا فى ربنا كبير >حلوة اوى ان يكون من مصدر التفاؤل عند حضرتك انك تلاقى حاجه غابت عنك يظهر ان هذا الموضوع يمثل ازمه >طلب صغير >ادعيلنا بالتفاؤول والامل وسعة الصدر والطمأنينه والتوفيق وخاصة فى تلكم الأيام >والسلام عليكم ورحمة الله وبركاته
الباحث عن الحقيقة said
السلام عليكم ورحمة الله وبركاته>ايه يا عم التفائل ده كله>ده حضرتك طلعت متفائل من ورانا اهو>ماشى هنعديهالك المره دى>انما اللى مش هنعديها>القهوة>انت جبت القهوة اللى فى البوست ده منين>انت بتقعد على استراحة غير استراحتنا>طب ادفع اللى عليك الاول
ياسر فتحي said
ايه كم مصادر التفؤل ديه يا عم …>>انا حتفاءل لما اشوف الشعب المصري خارج ومعتصم في الشوارع لحد ما حسني مبارك يرووح في 60 سلامة
زُمُرده said
اجابات مختصره دقيقه تحمل معاني كبيره>ومشاعر جميله جداجدا من قلب حساس وفكر واع>ماشاء الله>ربنا يكرمك
عصفور المدينة said
وعليكم السلام ورحمة الله وبركاته وبارك الله فيكم جميعا><> مبرمج حر <>>سعيد جدا إنك أول تعليق وأنت مؤلف التاج وأيضا هذا أول تعليق لك عندي>وكما قلت كل حاجة من دول وراها تفاصيل بتدعو للتفاؤل><>> الفاتح الجعفري <>>ربنا يكرمك ده انت اللي سماع صوتك يفرح به أي إنسان وروح شوف عند جمعاوي>وبعدين احنا سمعنا منك عن هزيمة عز مش سمعنا منه><>> mohand <>>والله يا مهند مش بارن لحد هي بتصادف كدة معاهم>أنا سعيد أني أسعدتك><>> رفقة عمر <>>كتبت التدوينة وأنا مكشر على فكرة وابتسمت جدا عند قراءة تعليقك><>> لماضة <>>ما هي عشان نادرة الواحد بيتفاءل بيها><>> دكتور حر <>>رقم 6 اتحققت >🙂>><>> چــِنـيـن … عيلة و عايزة أفهم <>>أسعدك الله><>> مهندس مصري <>>ربنا يحفظك يا حبيبي وجودك أيضا يدفع للتفاؤل بحماسك ونشاطك وتنوعك وتدينك><>> خمسة فضفضة <>>جعل الله أيامنا جميعا أيام تفاؤل يدفع للعمل><>> طال الليل <>>وأنت أيضا أخي الحبيب مصدر تفاؤل ونسعد بوجودك><>> محمود الدوح <>>طيب يلا خلي بالك وعايزين نشوف التفاؤل><>> أمير القلوب <>>فعلا نحتاج أن ندخل السعادة والتفاؤل على أنفسنا والآخرين وبمثل هذه الأشياء البسيطة><>> صانعة الحرية <>>يلا شدي حيلك ياترى عملتي إيه دعيت لك الساعة 7 ونصف><>> المهـ إلي الله ـاجر <>>مصدر تفاؤلي هدوء نفسك ورفقك ولينك وتعليقك الجميل><>> Mohamed A. Ghaffar <>>وأنت أيضا يا معلمي الرائع><>> Doba <>>جزاك الله خيرا>وفي انتظار رأيك وعذرا أنا لم أعلم أنك تكرهين التعليقات الطويلة آخر مرة بس انا لقيت ناس كثير>ممكن تعتبري إني مررت لك هذا التاج><>> صاحب المضيفة <>>اللهم آمين أخي تقبل الله منا ومنك الدعاء ولك بمثل><>> مـحـمـد مـفـيـد <>>منور يا باشا فينك من زمان>أنا برضه مش باشتري السلعة مرتين بنفس السعر ساعات أرخص بس أسوأ>🙂><>> ابن حـجـر الـعـسـقـلانـى <>>حفظك الله يا محمد وربنا ينور أيامك><>> امام الجيل <>>لعلمك بقى الشخص ده كثير بيكون أنا>🙂><>> أحمد الدرعه <>>حمادة ربنا يكرمك>حتى تفاؤلاتك>electronic>🙂><>> bedo <>>حمدا لله على السلامة يا أستاذ ونورتنا وربنا يعينك><>> مناجاة <>>متشكرين على خطف التاج><>> خالد <>>تنور يا عسل وشكرا على الخبر الجميل><>> وطني <>>مصدر تفاؤل دعواتك الجميلة وكلمتك الحبيبة>تغريدك يسعدني><>> Maha <>>جزاك الله خيرا وما أجمل ما دعوت><>> مروة الزارع <>>حلو تعبيرك “شوية تفاؤل>مش لازم الحاجات دي ممكن حاجات بسيطة وتحصل معاكي وتتفاءلي بيها>أنا ضحكت طبعا على سؤالك بس >التاج يا ستي مجموعة أسئلة حد بيألفها وبعدين يمررها لحد مدون تاني والتاني يجاوب ويمررها لناس تانية لحد ما هوب ييجي يوم كل ما تفتحي مدونة تلاقي الناس بتجاوب ع التاج>بس بتزضح جوانب من شخصية المدون>مررت لك التاج ده>انا عافر انك متشاءمة شوية بس يلا اغصبي على نفسك><>> قلب حر <>>لازم نتفاءل عشان نستمر><>> يوميات عيل مصري <>>حبيبي واحشنا كثير وفين أيامك والسعادة اللي كنت بتدخلها علينا كلنا حارمنا من جرعاتك><>> قبس من نور <>>جزاك الله خيرا وجزى الله مبرمج حر>الشاب المعاق ده كان بييجي وهو صغير زحفا><>> الراقص مع الذئاب <>>ربنا يعينك يا أخي وييسر لك>وتنورنا دائما بارك الله فيك><>> khalid complete <>>سكايار انت متنكر ليه يا عريس>ربنا يكرمك ونشوفك دايمن><>> وضـّاح <>>ما أجمل ما خطت يداك من تعليق وكلمات رقراقة><>> A.SAMIR <>>جزاك الله خيرا أخي وملأ الله حياتنا جميعا بالتفاؤل><>> محمد على <>>نعم يا أخي مصدر التفاؤل والرضى في القناعة والبساطة><>> klmat <>>ربنا يكرمك ويعزك ><>> Ahmed Essawy <>>الله ينور عليك يا أحمد >ممكن امرر لك التاج؟><>> مش هنسى <>>ربنا يكرمك ومنورنا في أول زيارة><>> MerMaid <>>منورانا بس دي تاني زيارة لكي>وانا سعيد أني أدخلت السرور عليك><>> إخوانى مخربش <>>حبايبنا كثير يا أحمد نحبهم في الله ويحبوننا>ربنا ييسر لك يا حبيبي وينيلك مبتغاك في يسر وبركة><>> منى <>>يلا بقى خدي بالك بعد كدة وتفاءلي بالحاجات البسيطة دي><>> فرنسا هانم <>>مصدر تفاؤل أن نراك تتنقلين بدراجتك بين المدونات تنشرين السرور والبهجة والرضا والقناعة><>> نـــــــور <>>عارفة ليه الحب في الله مصدر تفاؤل عشان انت بتحس إن لك إخوان حيدعولك بظهر الغيب وانك مش لوحدك فتخيل القوة><>> دنــــيــــــا مـحـيـرانـي <>>أستاذة نورينا دايما نتفاءل بوجودك أيضا>>بخصوص يوتيوب انا عملت صور اشرح فيها وبعدين مش عرفت ابعتها لك المهم>لو أثناء عرض أي فيديو دور على كلمة >embed>وحتلاقي تحتيها كود تنسخيه>وبعدين وانتي بتكتبي البوست تضغطي على كلمة>edit html>انتي في الوضع العادي بتكوني في >compose>وبعدين>تعملي لصق للكود>وبعدين ترجعي تضغطي على >compose>><>> مصراوي أوي <>>ربنا يسعدك يا د ماجد>دعوتك جميلة جدا والله>على فكرة كثير باكون انا الراجل اللي ماشي في الشارع بيبتسم مع نفسه كدة><>> عدى النهار <>>أخي مدحت فعلا كل يوم فيه جرعة ولو بسيطة احنا اللي ممكن نطول اللحظة اللي بنحس بيها>><>> IRAQ Sawt Alhaq <>>الله أكبر ولله الحمد>الله أكبر ولله الحمد>>اللهم فك أسر المأسورين وثبت عبادك المجاهدين واربط على قلوبهم>>يا أخي كم أسعدني تعليقك والله كنز لي أن أدخل السرور على قلب إخواني في أرض المحن><>> الفاتح اليعقوبي <>>لك عين تيجي تعلق وانت مغلوب في البلاي ستيشن>يلا مش حاقوله ان انت جيت>><>> عاشقه الفردوس <>>جزاك الله خيرا وانا شفت التعليق الأول ضحكت عرفت انك كنت فاتحة مدونة فرنسا>🙂><>> مؤمنه <>>ملأ الله حياتك بالسعادة والتفاؤل><>> الباحث عن الحقيقة <>>حبيبي أحمد>هو ممكن يعين الواحد ياخد القهوة سكر برة ويشربها برة في أي مدونة تانية ولا مش ممكن >مش حنزعج الجيران ولو انتم عندكم دلفري قل لي عشان انا باجي مش بلاقيك ولا بالاقي المعلم صاحب القهوة ولا حتى طارق><>>ياسر فتحي <>>كل نفس ذائقة الموت><>>زُمُرده <>>ربنا يكرمك ويعزك ويبارك فيك
دعوة الفردوس said
مصدر فاؤل: أن أجد سلفاً مثل عصفور المدينة والضاكتور خالد وأخوانا مثل العريان والفقير الى الله وغيرهم>>مصدر تفاؤل : ان اكون من القلائل جدا الذين لا يتوترون عند دخول لجنة الامتحان>مصدر تفاؤل :أن أرى وألعب مع مريم ابنة جيراننا ذات العام ونصف العام>>مصدر تفاؤل :أن أتذكر أحدا في الدعاء وأعرف بعدها أنه كان أحوج مايكون اليه في هذا الوقت أو أن يذكرني أحد بالدعاء في وقت أحتاج اليه دون أن يعلم>>مصدر تفاؤل : الرؤيا الصالحه>خاصة رؤية أصلي فيها أو أتلو القرآن وأفضلها رؤيتي للنبي في المنام منذ عدة أعوام>مصدر تفاؤل: أن أذهب للصلاة في المسجد في طريق عودتي من الكليه لأجد نساءا عجائز اعتدت على رؤيتهن في كل صلاة في نفس المسجد>مصدر تفاؤل:رابطتي بأخواتي في الله>مصدر تفاؤل :اني اخيرا قدرت اعلق في زحمة الامتحانات دي
محمد الجرايحى said
أخى وصديقى الغالى: عصفور المدينة>السلام عليكم ورحمة الله وبركاته>ماشاء الله .. ربنا يكثر من تاجاتك>…..>أخى: أرجو تصويب هذا الخطأ>مصدر تفاؤل : زيارة البيت الحرام ومسجد النبي صلبى الله عليه وسلم>>كلمة ( صلى ) مكتوبة( صلبى)>>وجب التنبيه .. وتقبل كل تقديرى واحترامى>أعزك الله>>أخوك>محمد
د/اجدع بنوته said
مصدر تفاؤل : أجد ربع جنيه في الشارع أو حتى بريزة>>ههههههههههههههههههههه >>كلها مصادر تفاؤل جامده جدا يابابا >>بجد وجود حضرتك وبابا وكل جيلكم ده>>بيخلينا فعلا نتفاؤل ونفضل مطمنين ع نفسنا وع دنيتنا دى …>>ربنا يباركلنا فيكم ياااااارب
Salwa said
ربنا يجعل أيام حضرتك كلها تفاؤل>>تدوينه جميله ما شاء الله>كلها تفاؤل>>حاجات بسيطه لكن جميله >>بالتوفيق دوما>>تحياااااااااتي
عصفور المدينة said
<>> دعوة الفردوس<>>ماشاء الله على التفاؤل انت كدة هربتي إني امررلك التاج>ربنا يحفظك وييسر لك ويكلل جهودك بالنجاح><>> محمد الجرايحى<>>جزاك الله خيرا على التصحيح أخانا رغم إنك اتأخرت>وجزاك الله خيرا><>> د/اجدع بنوته<>>يا بنتي انتي بتيجي تعلقي بتعملي جرعة تعليقات بتبهجني جدا ربنا يحفظك وخاصة إني نفسي الناس تقرا التدوينات القديمة>ربنا يبارك في والدك وفيك><>> Salwa<>>جزاك الله خيرا يا أستاذة وملأا الله أيامك تفاؤلا وسعادة
هبههههووب said
احلى ما ف التاج انه مصدر للتفائل>واحلى تاج…أنك تلاقى انسان ف الشارع ماشى لوحدة وبيضحك>الكل دلوقتى ماشى مكشر وبيكلم نفسه>بقى صعب المشهد دا لما ذكرته فكرتنى بيه وانى بقالى زمن مشوفتش المشهد دا>ربنا يصلح لنا حالنا وينصرنا ويعز الاسلام والمسلمين
عبدٌ من عباد الله said
السلام عليكم>و جزاك الله خيرا على هذه المجموعة المركزة من الأدويةالتى دوما نحن فى حاجة اليها
شقاوة شعب said
مصدر تفاؤل: ان ادخل على مدونة حضرتك>>مصدر تفاؤل: ان اقرأ مصادر تفاؤلك فانتبه لها ولجودها فى الحياة فاسعد واتفاءل>>جزاك الله خيرا استاذنا وبارك الله فيك
L.G. said
مصدر تفاؤل : عندما اعبر الطريق بسيدة وتدعو لي
مصدر تفاؤل عندما أحل مشكلة الكترونية وانا لا أعرف الحل
مصدر تفاؤل : عندما أجد حب خلق الله في قلبي يزيد
مصدر تفاؤل : أني اعلق على تدوينة من 4 سنين وأجدها صالحة لكل الأعوام