مدونة عصفور المدينة

مدونة نظيفة إسلامية (زيادة الإيمان) الطرائف والتناقضات التخسيس والصحة العامة الإدارة والتنمية البشرية

تاج 011 – مجلس الشعب

Posted by ctybrd on January 18, 2008

التاج ده صنع عند فرنسا ومرره لي أخونا مهندس المصري ربنا يسامحه مع إننا كنا بنجاوب تاجات لو انت رئيس دلوقت بقت لو انت عضو مجلس شعب

دخلت مجلس الشعب من اوسع ابوابه ايه هو رمزك الانتخابى المفضل ؟
العصفور طبعا
كنت تفضل الدخول مستقل او تتبع حزب معين ؟
مستقل
اذا دخلت مستقل هل توافق على التوقيع للحزب الوطنى بعد نجاحك كمستقل ؟
أيوة طبعا … التوقيع بلا
ايه اول حاجه هتعملها لنفسك ولاسرتك ؟
أجيب الخضار من السوق
ايه المشروع اللى ناوى تعمله لاهل دايرتك ؟ دون ذكر اسم الدائره ان اردت
مش مشروع محدد بس نفسي المشاريع الصناعية تاخد حقها لأن الصناعة بتحل عدة مشاكل في آن واحد
قعدت فى المجلس جنب نائب مميز . من هو النائب ؟
بالباء ولا بالميم
النائب المميز هو النائب الذي نجح بمجهوده
قدمت سؤال للحكومه ايه هو السؤال ؟
هي عدة أسئلة كلها بتبدأ ب “أين ذهبت؟” ما عدا سؤال واحد بيبدأ “من أين؟”
طلب احاطه موضوعه ايه ؟ وبتقدمه لمين ؟
متهيأ لي أي طلب إحاطة خطر ببالي لقيت الشباب قايمين بالواجب بس المشكلة أنه لا تتم الإحاطة
بس طبعا سيكون لوزارة الإعلام النصيب الأوفر
استجواب لاتنين من الوزراء موضوعه ايه ؟وبتستجوب مين ؟
اشمعنى العدد اتنين ما تبحبحها شوية
هل انت مع الخصخصه ؟
خصخصة القطاعات الحيوية أمر يفتح الاحتكار وعقود الإذعان كما نرى وخاصة إذا كانت تلك الخصخصة لصالح مستثمرين أجانب أيا كانوا سواء عرب أو غيرهم وبعدين فيه شركات كان المفروض خصخصتها أن يرد المال لأصحابه أصلا اللي اتأممت منهم
أنا ضد الخصخصة وضد العولمة
ممكن يتم خصخصة بعض القطاعات ولكن بما لا يمس الأمن القومي وأن تكون الدولة جهة رقابية لمنع الاحتكار
الخصخصة لازم تبقى بأسعار منصفة وواقعية وتتجزأ مش شيلة واحدة كدة أصول على خزاين على أراضي على عقارات على على…. يتم تقييمها لو تأملت تفاصيل الأرقام التي تستحقها الأصول تتعجب من الأسعار.
فيه قطاعات مش ينفع خالص تتخصخص زي التأمين الصحي اللي هو اسمه “تأمين” يعني تكافل من الدولة أصلا مقابل ما يدفعه المؤمنون – بفتح الهمزة-
لكن الأصل في القطاع التجاري والصناعي عامة أن يكون خاصا
هل انت مع قطع العلاقه مع اسرائيل ؟
اسرائيل هو اسم سيدنا يعقوب عليه السلام
أما السؤال ففيه خطأ كلمة العلاقة لازم تصحح تبقى “العلاقات” أو تصحح تبقى “القبلات”
هل تؤيد الحرب على العراق ؟
بالله عليكم ده سؤال؟
هل تؤيد مرور الامريكان فى القناه ؟
نعم إذا كانوا ذاهبين لغزو الهند
سؤال تم حذفه🙂

بتمرر التاج ده لمين ؟
لا مش بامرره

31 Responses to “تاج 011 – مجلس الشعب”

  1. لحظة said

    اول تعليق عند الاستاذ عصفور
    مش مصدقة نفسي

    حلو قوي اجابة سؤال الخصخصة

    والهند بس ذنبها ايه؟

    كلنا في الهم شرق

  2. لحظة said

    جزاك الله خيرا على التدوينة المختارة

  3. موجة said

    كويس يا مهند انك تقدر تجاوب على التاج ده بالروعة دي
    خالص تحياتي
    ممكن تمررلي التاج ده
    احمد

  4. دكتور حر said

    الله ينور يا عمنا على الاجابات الجميله

    اللي مليانه سياسه جامده في اجاباتها

    استاذ سياسه بصحيح

    مش قلتلك الباشمهندس الكبير قال بيضحك عليكم
    🙂
    ******
    التعليق رقم 3 انا مش فاهمه ؟
    *********
    يا ريت تقولي قلبت التعليقات عربي ازاي ؟
    *******
    لا تنسنا من دعائك
    ودمت بكل الود

  5. وطني said

    السلام عليكم
    بس خلاص
    ………..
    كنت منتظر حاجة ( دسمة ) عن كدة شوية بس واضح إنك مستعجل في الإجابة … صح؟؟؟
    إجابة سؤال الخصخصة توضح إن باقي الأسئلة
    لم تأخذ التركيز الكافي

  6. صاحب المضيفة said

    اجابات حلوة وجميلة جدا

    الله يبارك لك يا عمنا العصفور على الذهن الحاضر ده

    دمت بكل الود والحب

  7. العاشق....محمد على said

    اجابات جامدة طبعا من اخونا عصفور وبتعتمد على اسلوب الحدق يفهم..بس هو ايه السؤال المحذوف…والله ولى التوفيق.

  8. وائل_صح ولا غلط_ said

    انما انت بتكره الهند كده ليه هههههه
    ده الهنود حتي بقوا احسن مننا

  9. مصراوي أوي said

    خش وعلم ع العصفور

    انت معاه منصور منصور
    ======================

    اسلامية مية مية

    لا شرقية ولا غربية
    ======================

    العصفور طاير فوق

    ومحمد اخونا راجل ذوق
    =====================

    يا استاذ غصفور انا خليني مدير الحملة

    بس جهز كدة كام باكو بعد ما تنجح

    🙂

  10. §a§a said

    اجابات جميله جدا

    وخاصه الهند بس اشمعنى الهند

    تحياتى

  11. مهندس مصري said

    انت زوغت في كذا سؤال
    ماشي يا هندسة
    بس اجابة سؤال الخصخصة و سؤال مشروع الدايرة هما أكتر حاجة عجبتني
    🙂

  12. ابن حـجـر الـعـسـقـلانـى said

    و الله أنا كمان استغربت لموضوع الهند دة

    بس بصراحة أنا أعتقد إنى لو قرأت إجابات عصفور المدينة لتاج من غير ما اكون عارف اللى جاوب .. أعتقد إنى هاعرف إنه عصفور المدينة

    ملحوظة .. أنا علقت على الموضوع اللى فات .. هى متأخرة شوية لكن معلش .. كنت مشغول جدا والله

  13. عاشقه الفردوس said

    اجابات جميله جدا ربنا يباركلك

    انا التاج ده اول واحده المفروض اجاوبه في ترتيب خالتي فرنسا
    بس كنت باجله
    حضرتك كده فتحت نفسي عليه
    في الخطه الخمسيه الجايه ان شاء الله

    احلي اجابه

    النائب المميز
    بالباء ولا بالميم

  14. EmY said

    مبروك الحصانه و دخول المجلس
    اجابات جميله بس ايه نوع الخضار الي هاتجيبه

  15. يوميات عيل مصري said

    عمنا الجميل ابو يحي
    أنا جيت بس اسلم يا جميل
    عجبتني اوي تطبيع القبلات دي
    كل عام وانت بالف خير

  16. فرنسا هانم said

    استاذنا عصفور المدينه
    اجابات تتسم بالسياسه المحنكه
    احييك على تلك الاجابات
    ولكنى اعرف اناس قد هللوا لغزو العراق بالفعل

  17. وضـّاح said

    إجابات جميلة

    أنا شايف إن الناس بدأت تفقد الأمل .. مرة رئيس وبعدين عضو مجلس شعب ..

    وماذا بعد ذلك ؟؟؟
    🙂

  18. Mohamed A. Ghaffar said

    احسن حاجه فى التاج انك ممررتوش

  19. Maha said

    هههههههههههههههههه

  20. مسلم said

    السلام عليكم و رحمه الله و بركاته

    أستاذ عصفور

    كيف حالك

    لي سؤال أرجو أن تضيفه لهذا التاج

    هل ستؤدي القسم علي أن تطبق الدستور…!!!!!!؟؟؟؟؟؟

  21. طال الليل said

    أستاذنا عصفور التدوين
    مش هيضربوا الهند وطبعا لسبب عروف فهى شوكة فى حلق الباكستان وأداة لهم تنفذ ما يروق للقابعين هناك فى ابيت الأبيض
    سؤال أين ذهب و من أين حلوين قوى
    تساؤل ممكن يا جناب النائب تخلى معاهم سؤال يبدأ بإلى أين لعلنا نعرف إلى أين سنذهب

  22. šσяšαяαα said

    السلااااااام عليكممم

    احلى مافى الاجابات هو اللعب بالحروف والكلمات
    النائب النايم
    والتطبيع مع عزرائيل
    (مع الاعتذار لعزرائيل)

    وكمان التواضع الجم ان حضرتك هتشترى الخضار حتى بعد ماتكون فى هذا المنصب الحصيييين:)

    اجابات مميزة جدا يااستاذنا

    تحياتى لحضرتك

  23. صانعة الحرية said

    السلام عليكم
    استاذى الكبييييييييييييير
    معذرة يا فندم مقصره مع حضرتك والله
    ومع كل المدونين
    ادعوا لى مش فاضيه خالص
    حلو التاج
    واجاباته دبلوماسيه
    بس عاوزه افهم دى
    اذا دخلت مستقل هل توافق على التوقيع للحزب الوطنى بعد نجاحك كمستقل ؟
    أيوة طبعا … التوقيع بلا

  24. islamist bloke said

    شفت التاج ده فى مدونة تانية وكانت الاجابات تدعو للرثاء ……. بس اجابات حضرتك محايدة جدا ………… ربنا يبعد عينيهم عنا …… امين

  25. محمد الجرايحى said

    أخى الفاضل الكريم
    السلام عليكم ورحمة الله وبركاته
    أحييك على إجاباتك والتى اتسمت بكثير من الموضوعية المغلفة بقليل من السخرية….

    بالنسبة لنظام الخصصة والتى أتبعته الحكومة .. كان عجيباً ومريباً.
    من المفترض أن تباع الشركات التى تمثل عبئاً
    على خزانة الدولة بهدف إعادة الهيكلة بأسلوب يعيدها إلى دائرة الربح .

    ولكن ماحدث هو بيع الشركات الناجحةوالمربحة ..

    والمريب فى الأمر بيع الشركات ذات البعد التاريخى ..!!!

    وأيضاً أين ذهبت حصيلة البيع الحقيقية ولماذا لم نلمس أى تحسن فى الأوضاع الاقتصادية .. بل إزداد الأمر سوءاً

    وآسف على الإطالة

    تقبل تقديرى واحترامى
    اخوك
    محمد

  26. اسلام رفاعى said

    دايما الاجابات المنتظرة من سيادتك
    رائعة يافندم

  27. مدونة الدفاع said

    السلام عليكم
    باشمهندس انا متابع برغم عدم التعليق باعتذر
    عاجبنى جدا ثقافتك القانونيه
    ياريت كل الناس تحاول تتعرف على المجال القانونى لانه يهمها جدا وشكراااااااااااااا

  28. الفاتح اليعقوبي said

    ياهندسة سير سير واحنا وراك علي المواسير

    علي العصفور علم علم وعلي النبي صلي وسلم

    اليعقوبي قالها زمان العصفور راجل تمام

    اي خدعة يااستاذنا
    بس انت مسكني الحملة الانتخابية بتاعتك

    والسلام

  29. صوت من مصر said

    شكرات جدا
    مدونتك فعلا تستحق الاحترام

  30. Ahmed Essawy said

    انا شخصيا مش بحس بأي اثر لمجلس الشعب في المجتمع كل معرفتي بيه انهم مكان بيجتمعوا فيه علشان يتخانقو في التيلفزيون :)…

  31. Anonymous said

    أمر الرئيس حسني مبارك بترسيم الحدود بين دير أبوفانا بمحافظة المنيا وعرب “قصر هور”*المفروض كانوا لجئوا للتحكيم الدولي علشان مانفرطش في أم الرشراش الثانية؛ولازم يتم تعيين قوات حفظ سلام برعاية أمريكا ولجان مراقبة عسكرية في المناطق العازلة والمنزوعة السلاح على الجانب بتاع العربان ولاننسي أن غلق المعابر إجباري في أيام الجمع والآحاد والأعياد الرسمية؛خصوصا عيد إستقلال الدير!مع مراعاة وقف التهريب على الجانبين خصوصا من المهاجرين الأفارقة غيرالشرعيين الراغبين في العمل في دولة أبو فانا الجنوبية؛ بمساعدة مهربين من البدو!!على أن منتقدي هذة الإتفاقية يخشون من إنتقال عدوى الإستقلال إلى سكان أبو فانا الشمالية التي تطالب بالإنفصال وكذلك باقي الأديرة ولكن أكد السيد الرئيس بطل السلام وصاحب الضربة الجوية إن الإنفصال عن القطر المصري لن يحدث في حياته ولكن سيتم إرجاؤه إلى فترة تولي وريثه الحكم وذلك حسب البنود السرية لإتفاقية كامب شنودة الموقعة بين الطرفين!!!!!سالم القطامي
    *
    لقى متسلل سودانى مصرعه برصاص الشرطة المصرية وضبط اثنين اخرين خلال محاولة تسللهم لأبو فانا الجنوبية؛ عبر احدى النقاط الحدودية جنوب عرب قصر هور

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

 
%d bloggers like this: