مدونة عصفور المدينة

مدونة نظيفة إسلامية (زيادة الإيمان) الطرائف والتناقضات التخسيس والصحة العامة الإدارة والتنمية البشرية

إغماء

Posted by ctybrd on January 25, 2008

أمس وفي الساعة الواحدة والنصف ظهرا اتصلت بي إحدى قريباتي
الحقني يا محمد بنتي مغمى عليها قريب من مكان عملك
نزلت مسرعا لأجد الفتاة جالسة على كرسي وحولها عدد كبير من النسوة (نعم نسوة) عائدات من أعمالهن وساعدت في إفاقتها وسقيتها العصير وأثناء ذلك كانت هذه العبارات متكررة

– هي دي مين؟
– أنا : والدتها
– واحدة : بس والدتها صغيرة خالص
– واحدة : انتي في سنة كام يا حبيبتي -للمغمى عليها-
– أنا : في إعدادية
– واحدة :يعني كان عندك امتحان يعني اللي اتعلموا خدوا إيه
– واحدة : بكرة تخلصي تعليمك وتتجوزي وتقعدي في البيت
– واحدة تفك الإيشارب من رأسها لتربط به جبهتها

لا أدري لماذا تذكرت فيلم “إسماعيل ياسين في أي حاجة” في حين أصبحت أنا الرجل الوحيد وسط نون النسوة وقد أتى أحد الرجال عارضا المال وانصرف حين أخبرته أنني قريبها

انتظروا …..هذا البوست -ليس ذكوريا- فقد أتى دور الرجال حين قررت أنه أيسر أن أركبها تاكسي بعد إفاقتها جزئيا حيث أنه كان أسهل من الخروج بسيارة من مكان ركنها والذي أبدى سائقي التاكسي في هذا الوقت لا مبالاة شديدة وجدل يضيع الوقت اضطرتني للذهاب لإحضار السيارة والتي قابلني سائق آخر وقف يكلم إحداهن أمامي بينما ألح بالأبواق ولا يبالي.
دور رجل آخر حاول سرقة موبايل وشنطة الفتاة في حين تطوع إندونيسي ممن يدرسون في الأزهر في استردادهما

وفي أثناء ذلك تمثلت ما يحدث في غزة وقلت لا عجب أن يستغل بعضهم أزمتها أو يستغل انفراج أزمتها للتربح أو يتندر البعض أو يقف دور المشاهد أو يقول
تستاهل مين اللي قالها مش تفطر الصبح وهي رايحة الامتحان

ملحوظة:
اتضح أن الفتاة لم يغم عليها هي تعرضت لدوخة لتستند على سيارة متوقفة تحركت في نفس اللحظة لتقع الفتاة وتصطدم رأسها بالأرض – لكن سليمة الحمد لله-

79 Responses to “إغماء”

  1. لماضة said

    يا الله
    بتحصل كتير قدامنا بس حكايه ان مصري يسرقها واندويسى يتبرع ويستردها دى اللى خبطه توجع فى الضمير اوى
    المهم اخبارها ايه دلوقتى
    اجيب العدة واجى

  2. آلام وآمال said

    الحمد لله انها جت سليمة
    قدر الله وما شاء فعل

    فكرتني بردو بحادثة حصلت لبنت عمي
    وفي اثناء ما هي مغمى عليها
    اتسرق منها خاتمها الدهب
    تخيل يا باشمهندس ان خااااتم يتسرق من اديها وسط الناس والزحمة
    ومحدش مننا طبعا اكتشف انها اتسرقت الا بعد ما فاقت وافتكرت انها كانت لابسة خاتم ومش لاقياه ف دايها

    فعلا حاجة توجع اوي لما تعرف ان فيه ناس ضميرها ميت لهذه الدرجة
    لدرجة انه ميفكرش ف اي حاجة غير انه يسرق وبس

  3. الطائر الحزين said

    صباح القشطة
    مش تقول يا باشا كنا جينا معاك
    ما انت فضيت بعدها

    طبعا هناك من يتربح فى المواقف
    و اسأل المتربحين من الحروب

    تحياتى

  4. آفاق الحرية said

    الحمد لله علي سلامتها مع انها اليومين دول بتحصل كتير جدااا
    وفعلا الناس مفيش حاجة تهمهم غير مصلحتهم وبس ولا يبالوا بالمريض او المحتاج لمساعدتهم
    وايضا اللي يالم اوي حادثة السرقة يعني حتي وهي مريضة مفيش في قلبه رحمة ولا حتي عظة
    وسلاماتي لحضرتك

  5. مؤمنه said

    السلام عليكم ورحمة الله وبركاته
    الحمد لله جات سليمه
    ما هى دى الايجابيه والسلبيه الى ايحنا بنقول عليها
    بس يظهر الكلام ما ينفعش لوحده
    التربيه والتنشأة الى بتخلق الضمير هى العامل الأساسى
    عشان كده ما فيش فرق ما بين اندونيسى ومصرى
    والسلام عليكم ورحمة الله وبركاته

  6. خمسة فضفضة said

    السلام عليكم ورحمة الله وبركاته

    الحمد لله جت سليمه
    ناس كتير اوي اليومين دول بقوا بيلعبوا دور المتفرج وفقط ومابيعملوش اكتر من كده
    يبقوا شايفين الغلط قدامهم او في ايديهم حل مشكله معينه بس ما بيتحركوش علشان يحلوها
    بيكتفوا بمصمصة الشفايف باسي والوقوف في صفوف المتفرجين
    وناس تانيه كل همها ازاي تخرج باكتر مكسب من ورا اي موضوع مهما كانت الطريقه ولو بالسرقه

    دا حالنا في حاجات كتير اوي والموقف ده ابسطها ،
    واللي حصل وبيحصل في غزه مش بعيد ولا خافي علي اي حد
    كفاية موقف التجار في رفح والعريش

    ربنا يعافينا اجمعين

    تحياتي

  7. جمعاوى روش طحن said

    لعله خير يا هندسة

    الحمد لله إنها جت على أد كده

    أما موضوع سرقة الموبايل

    فده اقل واجب يا فندم

    و موضوع نون النسوة

    عادى بتحصل ف أحسن العائلات

    شفاها الله و عفاها

  8. عبدٌ من عباد الله said

    سبحان الله
    زى ما حضرتك قلت من قبل
    اعلم انه دائما يوجد شخص فى انتظار خطأك

  9. د/اجدع بنوته said

    يلا حمدالله ع سلامتها

    كان ف فيلم بتاع ترمنيتور بتهيالى الجزء الاخرانى

    كانت الدنيا بتولع وبتنتهى وحروب قايمه

    والناس بتسرق ف المحلات وبتجرى

    ده طبيعى يعنى

    ف ناس تتقن فن الاصطياد ف الميه العكره

    تحياتى

  10. ا بـن عــمــر said

    حمدا لله على سلامتها
    ذكرنى بما قد سمعته من أن التجار يستغلون أزمة أهالى غزة ويضاعفون عليهم الأسعار بدلا من ان يساعدوهم

  11. نهياوية said

    السلام عليكم
    الحمد ةلله جت بسيطة
    ودول كنوا بيقوموا بالواجب ، اومال شهامة ولاد البلد وكله علي طريقته
    ربنا يهديهم ويهدينا

  12. رفقة عمر said

    حمدا لله على سلامتها الحمد لله انها بخير والحمد لله ان كان اللى حوليها ستات
    بجد الموقف دة من المواقف اصعبه اللى ممكن اى حد يتعرض ليه لانه مش بيكون فى وعيه ومش عارف الناس هاتتصرف معاه ازاى
    ربنا يستر ويسلم اللهم امين يارب العالمين

  13. §a§a said

    الف سلامه والحمد لله انها جت سليمه

  14. مجهول said

    استاذي الجميل
    طيب كويس انك وصلت بسرعه
    كان ممكن يحصل اكتر من كده

    فكرتني بمأساة حدثت امامي
    بنت واختها الصغري يعبرون الطريق المؤدي الي الصحراوي بالاسكندرية
    واصطدمت الكبري بسيارة للحق لم تكن غلطة السائق

    المهم يتجمع كالعادة الناس وكل صاحب فتوي يفتي بما فتح الله عليه

    وفي نفس التجمع تلاقي واحد ايده خفيفة يسرق موبايل البنت ويجري

    كنت قد نزلت من السيارة مع صديق طبيب للمساعدة ورأيت اخونا بيجري

    هول الصدمة لم يساعدني عن اللحاق به

    للدرجة وصل بنا الحال .. استغلال المأساة … سحقا لهذه الاخلاق القذرة
    …….
    المهم ان البنت كويسة وبخير

  15. طـعـمـة said

    حمد الله على سلامة البنت يا أخي الكريم

    والله حالة اللامبالاة بقيت بتلفت النظر فعلا في كل مكان
    والغريب إن لما حد من بتوع اللامبالاة دول بيقع في مشكلة بعد كده بيبقى مستغرب الناس مش بتساعده ليه !!!!

    تدوينة مُشابهة :
    http://te3mah.blogspot.com/2006/01/blog-post_02.html

  16. mohand said

    السلام عليكم

    استغلال غريب بيحصل في المواقف دي

    المهم انها بخير والحمد لله

    بس سيبك انت احلي حاجه في مصر ان الناس كلها تلاقيها بتعرض خدماتها

    متلاقيهاش في اي بلد تانيه

    تحياتي
    علي فكرة ايميلك مفهمتش انت رايك ايه بالظبط فشل ولا نجح؟

  17. Jana said

    الحمد لله ان حضرتك كنت قريب منها
    ربنا ستر
    اكثر ما استفزنى لامبالاة السائقين
    وجدالهم فيما لا يفضى الى شىء فى النهاية

    وفى الحقيقة يعنى بعد استبعاد سائقى التاكسى وحرامى الشنطة…كان الدور الذكورى اكثر ايجابية من الدور الانثوى…
    بس ده مش دايما على فكرة
    جايز اللى يكون اتحرك بالعربية وهى ساندة عليها كان راجل..وساعتها يبقى الذكور هم السبب فى النهاية
    🙂
    تحياتى
    صحيح …اتمنى يكون الكل وفق فى امتحاناته ان شاء الله

  18. العاشق....محمد على said

    مفيش حد بيراعى يابوا العصافير…التجار بدل مايساعدوا اخوانا فى غزة بيرفعوا الاسعار عليهم هم عارفين انهم مضطرين ههيعملوا ايه خلاص الرحمة انتهت من قلوب العباد ولا ايه كل بينهش فى لحم كله…ونقعد نتكلم عن الوطنية والاخوة كله كلام فى الهوا…وعموما حمدالله على سلامة قريبتك…والله ولى التوفيق.

  19. مدونة يلا نفضحهم said

    الحرية للمدون الدكتور ابراهيم الزعفرانى
    وقع على وثيقة الالف مدون للافراج عن الطبيب المدون
    http://www.dahayaa.com

  20. إخوانى مخربش said

    طيب حضرتك مش عارف انى صيدلى بارع

    ليه مشدتش سلكك الموبايل وكلمتنى اقولك على التصرف الصحيح فى هذه المسالة
    ولا المهندسين اليومين دول بقوا يدخلوا فى اللى ملهمش فيه

  21. دكتور حر said

    عمنا الغالي

    بداية
    عجبتني الربطه اللي سيادتك عملتها في الآخر

    فكرتني النهارده وانا رايح أصلي الجمعه لقيت واحد بيته قريب من بيتنا واخداه الاسعاف ورايح يعمل الزايده

    لسه العربيه ماشيه
    ورايا بشويه وعلى مهلها وكل ما حد يشوفها يبدأو يطلعوا كلام واشاعات عن ايه اللي جرى ومين اللي تعبان وفي ثواني نسجت آلاف الحكاوي

    وصاحبك بقى ماشي كل ما لاقي كلمه كده واسعه أقولهم يا جماع ده فلان جاله الزايده وراح وبس

    فيسكتوا

    وبعدين هي عادتنا ولا هنشتريها

    دعواتك يا غالي

  22. فرنسا هانم said

    الف الف سلامه للبنوته
    واللى بيحصل فى غزه كله خزى وعار
    وحتى على المعبر
    ربنا يستر

  23. Ahmed Essawy said

    الحمد لله عدت علي خير يا استاذ عصفور المدينه …
    ==
    حسبي الله و نعم الوكيل علي كل ظالم و مفتري .

  24. appy said

    اقول لحضرتك ليه لاننا فينا البعض اللى بيصطاد فى المياه العكرة وحضرتك فاهم معنى المثل

  25. محمد عبد الغفار said

    طول عمر بتوع الأورنص موجودين

    وكمان الفدائيين

  26. امام الجيل said

    السلام عليكم
    جيت اعلق امبارح بس برضه التعليق مكنتش ليه بق🙂

    بس ايه صحيح فيلم اسماعيل يس فى اى حاجة جديد ده ولا ايه

    بس موضوع سرقة المغمى عليهم ده للاسف عرفت انه كتير اوى وبقى منتشر جدا
    بل كمان سرقة الاموات بعد الحوادث
    واحد قالى ان كان فيه حد عمل حادثة فظيعة ومتقطع وبعد كده عرفه انه اتسرق سبحان الله برغم الحادث بس نقول ايه دى الناس قلوبهم ماتت عياذا بالله

    بس استحملت زنقة الستات دى ازاى🙂

  27. نـــــــور said

    🙂

    الحمد لله انها جت سليمة.

    بجد كنت مفتقدة المدونة دي وكلماتك حضرتك الطيبات.
    كنت احيانا بتابع بس مش بعلق ..
    🙂

  28. Anonymous said

    والله يا باشمهندس فى المواقف الحرجة دى بيبان معادن الناس
    واحد ابن ناس ومن عيلة كان بيعدى الشارع خبطته عربية قام الناس شالوه على جنب وجه واحد ابن حلال فى الزحمة والهيصة المصرية الشهيرة فى هذه المواقف وراح سارق محفظته وفيها بطاقته وكل ما يمكن ان يستدل على شخصيته منه.الاسعاف نقلته على المشرحة لمدة اسبوع وهو فيها على انه مجهووول واهله قالبين الدنيا عليه..لحقوا استلموا جثته قبل دقائق من دفنها فى مقابر الصدقة.
    استاذى رابط كتاب صلاح الدين دخلت عليه وعملتله داونلوود بس مش شغال معايا مش عارفة ليه.ياترى موجود منه طبعة ورقية؟؟
    جزاك الله كل خير
    ammola

  29. أحمد المصري said

    الحمد لله إنها جت سليمة ..أي أزمة في الدنيا كبرت أو صرت بيبقى ليها ناس عايزين يتربحوا..لإن دي مهمتهم في اللحظة دي ..أما عن الدم..مش موجود.

  30. المجاهدين سنة العراق said

    شلونك أخي محمد؟ أن شاء الله زينين
    أخي محمد أريد أسألك سؤال ممكن
    ما هو رأيك بأيران وكيف تراها ؟؟
    لا تقلق ولكن هناك هدف من سؤالي سوف أخبرك به لاحقا

  31. mo'men mohamed said

    أنا لو منك كنت بكل اللى فيا من غل و غيظ و نرفزه و أروح صفعه على قفاه أخليه أون
    جميلة جدا الرابطة الأخيرة بخصوص غزة
    جزاكم الله كل خير
    السلام عليكم

  32. mo'men mohamed said

    أنا لو منك كنت بكل اللى فيا من غل و غيظ و نرفزه و أروح صفعه على قفاه أخليه أون
    جميلة جدا الرابطة الأخيرة بخصوص غزة
    جزاكم الله كل خير
    السلام عليكم

  33. mo'men mohamed said

    أنا لو منك كنت بكل اللى فيا من غل و غيظ و نرفزه و أروح صفعه على قفاه أخليه أون
    جميلة جدا الرابطة الأخيرة بخصوص غزة
    جزاكم الله كل خير
    السلام عليكم

  34. mo'men mohamed said

    أنا لو منك كنت بكل اللى فيا من غل و غيظ و نرفزه و أروح صفعه على قفاه أخليه أون
    جميلة جدا الرابطة الأخيرة بخصوص غزة
    جزاكم الله كل خير
    السلام عليكم

  35. mo'men mohamed said

    أنا لو منك كنت بكل اللى فيا من غل و غيظ و نرفزه و أروح صفعه على قفاه أخليه أون
    جميلة جدا الرابطة الأخيرة بخصوص غزة
    جزاكم الله كل خير
    السلام عليكم

  36. mo'men mohamed said

    أنا لو منك كنت بكل اللى فيا من غل و غيظ و نرفزه و أروح صفعه على قفاه أخليه أون
    جميلة جدا الرابطة الأخيرة بخصوص غزة
    جزاكم الله كل خير
    السلام عليكم

  37. mo'men mohamed said

    أنا لو منك كنت بكل اللى فيا من غل و غيظ و نرفزه و أروح صفعه على قفاه أخليه أون
    جميلة جدا الرابطة الأخيرة بخصوص غزة
    جزاكم الله كل خير
    السلام عليكم

  38. mo'men mohamed said

    أنا لو منك كنت بكل اللى فيا من غل و غيظ و نرفزه و أروح صفعه على قفاه أخليه أون
    جميلة جدا الرابطة الأخيرة بخصوص غزة
    جزاكم الله كل خير
    السلام عليكم

  39. mo'men mohamed said

    أنا لو منك كنت بكل اللى فيا من غل و غيظ و نرفزه و أروح صفعه على قفاه أخليه أون
    جميلة جدا الرابطة الأخيرة بخصوص غزة
    جزاكم الله كل خير
    السلام عليكم

  40. mo'men mohamed said

    أنا لو منك كنت بكل اللى فيا من غل و غيظ و نرفزه و أروح صفعه على قفاه أخليه أون
    جميلة جدا الرابطة الأخيرة بخصوص غزة
    جزاكم الله كل خير
    السلام عليكم

  41. mo'men mohamed said

    أنا لو منك كنت بكل اللى فيا من غل و غيظ و نرفزه و أروح صفعه على قفاه أخليه أون
    جميلة جدا الرابطة الأخيرة بخصوص غزة
    جزاكم الله كل خير
    السلام عليكم

  42. mo'men mohamed said

    أنا لو منك كنت بكل اللى فيا من غل و غيظ و نرفزه و أروح صفعه على قفاه أخليه أون
    جميلة جدا الرابطة الأخيرة بخصوص غزة
    جزاكم الله كل خير
    السلام عليكم

  43. منى said

    استندت على سياره فتحركت السباره
    تقصد انها استندت على حيطه مايله
    زى غزه بالضبط
    الحمد لله انها بخير
    عقبال باقى المستضعفين

  44. دعوة الفردوس said

    لا حول ولا قوة الا بالله

    الحمد لله انها بخير

    السرقة دي بقت عادي جدا
    انا واحده صاحبة والدتي حطت اكياس الخضار والفاكهه جنبها على ماتوقف تاكسي يادوب بتدير في ثااااانيه مكنتش الاكياس موجوده
    الوقت من ذهب
    واستغلال الفرص شطاره
    :))

    كنت هقول ايه تاني
    ايه يادعوة
    ايه يادودو

    اه
    بالنسبة للستات والرجاله فده العادي بتاعنا يعني الطيبه والحنيه والبراءه وعرض المساعدات بزياده او بلا داعي احيانا:)
    بس عيني عليا انا
    مره نزلت تعبانه جدا وبرضه كعادتي طنشت وكنت لسه في اولى اعدادي
    ودوخت ووقعت
    وقعدت على استراحه في الشارع كده محدش عبرني حتى بباكو بسكوت :((

  45. دعوة الفردوس said

    لا حول ولا قوة الا بالله

    الحمد لله انها بخير

    السرقة دي بقت عادي جدا
    انا واحده صاحبة والدتي حطت اكياس الخضار والفاكهه جنبها على ماتوقف تاكسي يادوب بتدير في ثااااانيه مكنتش الاكياس موجوده
    الوقت من ذهب
    واستغلال الفرص شطاره
    :))

    كنت هقول ايه تاني
    ايه يادعوة
    ايه يادودو

    اه
    بالنسبة للستات والرجاله فده العادي بتاعنا يعني الطيبه والحنيه والبراءه وعرض المساعدات بزياده او بلا داعي احيانا:)
    بس عيني عليا انا
    مره نزلت تعبانه جدا وبرضه كعادتي طنشت وكنت لسه في اولى اعدادي
    ودوخت ووقعت
    وقعدت على استراحه في الشارع كده محدش عبرني حتى بباكو بسكوت :((

  46. محمد الجرايحى said

    إذا الإيمان ضاع .. فلا أمان

  47. ابوزياد الفاتح said

    الحمدلله يا سيدى
    جات سليمه
    قدر ولطف

    *********************
    لك هديه فى المدونه بتاعتى
    روح استلمها
    بس ابقى هات حته
    متنساش\ماشى؟
    تحياتى

  48. هبههههووب said

    فعلا مش تفتكر ف الوقف دا غزة وبس
    تفتكر كل انسان بستغل ووياكل اخه لو عرف وهو اخوة ابن امه وابوة
    ربنا يلطف بينا
    بناكل ف بعض ونستغل ضعف بعض واحنا عارفين اننا ملناش غير بعض
    يا مغيث اغثنا
    كل دا علشان انعدم الدمير وتقوى الله في ضمائر الناس
    بس بردو الخير فى وفى امتى الى يوم الدين وانت قلت ان كلنا فى ناس كتير بتساعد
    الا انسان واحد هو الى حاول يستغل الموقف وكان فى الى يمنعه ويقومه

  49. Ahmed Al-Sabbagh said

    الحمد لله على كل حال

    موضوعات بجد شيقة اوى

    تسلم ايديك

  50. Ahmed Al-Sabbagh said

    أخى الحبيب ليك عندى تاج

    ياريت تاخدة وترد عليه لما وقت حضرتك يسمح

    اجابتك تهمنى

    أحمد

  51. عاشقه الفردوس said

    لا حول ولاقوه الا بالله العلي العظيم

    الرحمه بالناس ياناس

    الحمد لله انها بخير

  52. صانعة الحرية said

    السلام عليكم
    مين دى؟؟؟؟
    ساره
    ياريت تطمنى يا استاذنا
    انا تليفونى عطلان ومنفصله عن العالم الخارجى

  53. أمــانــى said

    حمدلله على سلامتها
    والله مشكلة ان الناس تدور على المصائب علشان تكسب منه
    انا شوفت ده بقى بعينى سألت ليه المحامى بيرحوا يعزى ويقوم بالواجب مع اهالى المتوفيين فى الحوادث وميكونش يعرفهم اتضح ليا بعد كده علشان بيرفعوا قضايا تعويض
    كل شئ انقلب حالها
    ربنــا يرحمــنا من عنده

  54. يقين النصر said

    ههههههه
    دائما ما أعول على المرأه وتخذلنى المرأه كعادتها ..
    مره كنت فى الشارع “مش فى مصر ” وكان فى واحد “شارب يعنى سكران ” مسك واحده من بنات المدرسه وقعد يهز فيها ويقوللها انتوا السبب ورجالات العالم واقفين لا يلوون على شئ ..منتهى اللامبالاه ..الا أن جاء مصرى من أبناء الكرام وخلصها من هذه الورطه ..
    الحمد لله ان ربنا سترها مع قريبتكم ..ويستر علينا بقى ..

  55. عدى النهار said

    فكرة إستغلال البعض لفلسطينيين غزة زى اللي بيسرق فى المسروق

  56. Salwa said

    الحمد لله على سلامتها.. قدر الله وما شاء فعل

    اللي حصل زي نموزج مصغر للعالم الكبير

    فيه الخير
    وفيه الشر

    الإنساااااااااان

    تحياتي أستاذنا

  57. dr.nour said

    حكايه السرقه بالشكل ده منتشره جدا

    بس نرجع السبب فى الاخر من حاله الفقر الى الناس عايشنها

    وكمان الدهب غلى اوى اليومين دول

    بس الف سلامه على قريبه حضرتك

  58. gaber mana3 said

    فكرتنى برده بواحد سواق تاكسى
    كنا ماشيين ولقينا تاكسى واقف ولاقينا واحد مغمى عليه وواحده واخداه بالحضن وعماله تعيط
    طلعت بعد كده مراته
    والحمد لله فوقناه وقام و مشى
    ربنا يعافينا جميعا
    جزاكم الله كل خير
    السلام عليكم

  59. hend...hanady said

    اللى حصل اكبر دليل على انها مش مسالة مين منين وانما مسالة واحد عنده دين ابن بلدها حاول يسرقها والتانى لم يبالى اما الغريب لكنه مدرك لدينه هو من يحاول ان يسترد حقيبتها

  60. أحمد منتصر said

    إسقاط ملفت للأحداث في غزة على حادثة بسيطة

    جميل

  61. 3abratalsabeel said

    انا بصراحة ما بعملش اى حاجة لما الاقى حد مغمن عليه
    ندالة بقى
    خوف ليكون فى حرامية فى النص

    لكن تشبيهك ده …بليغ جدا

    حمد الله على السلامة
    عقبال ما احنا نفوق من غيبوبتنا

    سلام عليكم

  62. klmat said

    تحياتى لحضرتك لحسن التصرف
    وللأسف الشديد ان فى المواقف دى المفروض
    الناس تتعاطف مش تسرق وسواق التاكسى
    يرفض . وللأسف نفس الأستغلال لأخوانا فى غزه
    ربنا يهدى ويستر
    تحياتى وسلامى

  63. white Angel said

    مش مستغربه من الموقف لاني مريت بموقف شبيه دا حادث بسيط ادي لاني فقدت توازني وارتطمت بالارض وبعدها فقدت الوعي
    افقت وانا في مستشفي ومعايا ناس كتير غرباء ولكنهم حملوني للمستشفي واستدعو اهلي
    وللاسف وجدت العديد من حلي الذهبيه قد فقدت او بالمعني الاصح سرقت
    ما علينا
    هي دي الحياة لازم تلاقي فيها الشئ ونقيضه يعني في الكويس اللي حملني للمستشفي ووصلني للاهلي
    وهناك السارق اللي استغل الفرصة واخذ ما يحلو له

    تحياتي والف سلامه علي البنوته

  64. الفاتح الجعفري said

    استاذي الحبيب
    اذا اردت ان تعرف طبيعه الشعب فانظر لهم وقت الازمات الصغيره هتلاقي ناس كويسه وبتساند وهتلاقي ناس حراميه واستغلاليين وهتلاقي ناس عندها لامبالاه
    بس كان في قصه توضح اخلاق المسلمين زمان اخلاق الصحابه انه اثناء فتح فارس كان المسلمون يعبرون النهر ووجد الفرس كتيبه كامله من المسلمين نزلت تحت الماء (غطسوا يعني)وعندما من الله علي المسلمين بالفتح سئل الاسري عن سبب الحادثه قالوا سقط من احد المسلمين قعره(الطبق اللي بياكل فيه)فقال قعري قعري فنزل اخوانه حتي اتوا بهذا الطبق 0
    يااستاذي قولت قبل كده وهافضل اقول نحن لم نفقد الاخلاق ولكننا فقدنا الاسلام

  65. Gid-Do - جدو said

    ابو العصافير

    انت فين؟
    شغلتينى عليك خاصة انك قلت عندك برد

    على فكرة فية سؤال محيرنى وملقتش حد غيرك اساله

    لية ابناء غزة مرحوش ونسفوا المعبر بينهم وبين اسرائيل؟

    اسال السؤال بصيغة اخرى ـ بما ان العمر واحد والرب واحد لية ابناء غزة مرحوش على المعابر الاسرائلية ودخلوا عليهم واذا اطلق الاسرائلين عليهم الرصاص يبقوا ماتوا شهداء وفى نفس الوقت فضحوا اسرائيل قدام الدنيا كلها لانها بتقتل الناس العزل من السلاح اللى كل مطلبهم الخبز والدواء

  66. اسلام رفاعى said

    بس اكيد زى ماكان فى نموذ السىء اللى بيستغل الازمة
    فى النموذج الكويس اللى بيخفف ويساعد
    ودى طبيعة الناس
    زى مافى الوحش فى الحلو

  67. ض/خالد said

    طول عمرك يا باشمهندس شهم…نحسبك كذلك..
    من أيام الحرامية أبو عجلة..
    مرورا بالاخ اللي كان راكب عجلة…وخبط الاخت اللي واقفة…
    وأخيرا -وليس آخراً-
    ذهابك على عجبة لنجدة الأخت …

    والله ده خلق طيب انا كنت عايز اكتب عنه…
    والغريب ان العرب الوثنيين الجاهلين كان عندهم خلق النجدة واغاثة الملهوف…
    لكن ايامنا دي…
    الله المستعان

  68. عصفور المدينة said

    وعليكم السلام ورحمة الله وبركاته


    لماضة

    الحمد لله هي كويسة بس بلاش العدة
    🙂

    آلام وآمال

    الحمد لله أصبحت شكوى عامة فعلا وقت المصائب تلاقي اللي يسرق

    الطائر الحزين

    صباحك عسل
    أيوة يا أخي فضيت نص ساعة!!

    آفاق الحرية

    الله يسلمك أخي محمد

    مؤمنه

    الإيجابية سلوك يحتاج إلى تمرين طويل
    بس ياريت السلبيين كانوا سكتوا حتى لا دول قاعدين يعوقوا مجهودات الآخرين


    خمسة فضفضة

    وعليكم السلام ورحمة الله وبركاته الحمد لله يادكتورة
    فعلا مواقف بتكون مخزية وخاصة اللي بيتسلوا بمشاهدة مضائب الناس

    جمعاوى روش طحن

    حلوة أقل واجب دي انت معانا ولا معاهم
    🙂

    عبدٌ من عباد الله

    فعلا يا محمد زي ما يكون في الانتظار
    د/اجدع بنوته

    يعني بيسرقوا في آخر زادهم
    😦

    ا بـن عــمــر

    الله يسلمك أخي الحبيب

    نهياوية

    الحمد لله ربنا يهديهم فعلا

    رفقة عمر

    الله يسلمك فعلا المواقف بتبقى صعبة وخاصة مع انعدام ضمائر البعض

    §a§a

    الله يسلمك أخي المؤرخ

    مجهول

    الله يحفظك فعلا أصبحت أمور تخنق هذه الأخلاق الصعبة

    طـعـمـة

    مرحبا بك
    🙂
    لامبالاة مع فرجة أيضا

    mohand

    الحمد لله بس فيه ناس بيكون خدماتهم في اتجاه التقليب

    Jana

    جدال السائقين رغم موافقة على ما يطلبه ويبدو أنها نزعة التحكم
    وطبعا الخير موجود ولله الحمد

    العاشق….محمد على

    بس الخير موجود الحمد لله برضه
    وجزاك الله خيرا
    مدونة يلا نفضحهم

    اللهم فك أسر الدكتور الزعفراني
    والذي أعيد اعتقاله اليوم
    http://www.dahayaa.com

    إخوانى مخربش

    احنا كنا عايزين فتوة مش صيدلي
    🙂
    فتوة يوقف التاكسي فتوة يشيل البنت فتوة يضرب الحرامي مثلا

    دكتور حر

    ربنا يحفظك يا دكترة
    نفسي أعرف ليه الناس بتحول أي حدث لفائدة شخصية حتى لو كانت الفائدة هي مجرد الحكاوي

    فرنسا هانم

    الله يسلمك يا أستاذة نحن نبرأ مما يفعل هؤلاء

    Ahmed Essawy

    الحمد لله أخي بارك الله فيك

    appy

    طبعا فاهم المثل ويتنوع هؤلاء الصيادون

    محمد عبد الغفار

    أيوة يا محمد بس القلة فدائيين

    امام الجيل

    يظهر يا محمد عندك حاجة في الجهاز ماهو انت علقت وناس كثير علقت وانا علقت اهوة
    🙂
    شفت في التعليقات كام واحدة اشتكت من السرقة أثناء الحوادث


    نـــــــور

    الحمد لله على سلامة حضرتك
    وعودا أحمدا

    AMMOLA

    سبحان الله الحادثة اللي انت حكيتيها مؤثرة جدا
    بخصوص الكتاب هو موجود ورقي تأليف ماجد عرسان كيلاني
    بس قولي لي مش عارفة تفتحي النسخة الإلكترونية ليه عندك برنامج
    يفتح
    PDF?


    أحمد المصري

    فعلا يا أحمد هو الدم موجود بس بقلة شوية

    المجاهدين سنة العراق

    الله يخليك أخي عمر
    ياريت تزور مدونتي التانية بخصوص سؤالك
    🙂

    mo’men mohamed

    لا يا مؤمن أنا كان صدري واسع أصلي كنت بافكر في المدونة بصراحة ساعتها
    🙂

    منى

    أيوة فعلا يا أستاذة انت شبهت الحالة كويس أوي

    دعوة الفردوس

    المرة الجاية تخلوا بالكم
    وانت تفطري كويس أو تتصلي بهاتف الطواريء عند حدوث إغماء
    🙂

    محمد الجرايحى

    نعم ولكن يبقى لها أهل الإيمان إن شاء الله

    ابوزياد الفاتح

    متشكرين يا عسل على الهدية الجميلة وعايز نسخة منها في الصيف إن شاء الله

    هبههههووب

    يا أهلا أهلا
    باضبط أهل الخير موجودين الحمد لله

    Ahmed Al-Sabbagh

    الله يحفظك يا أحمد أنا حاجاوب ع التاج أهو إن شاء الله

    عاشقه الفردوس

    جزاك الله خيرا

    صانعة الحرية

    لا يا أستاذة …بنت خالتها
    🙂
    والحمد لله بخير
    الأجازة جت أهي
    🙂

    أمــانــى

    احنا مش نقدر نتكلم عن المحامين ليطالبونا بتعويض
    انتي اتفاهمي معاهم بقا
    🙂

    يقين النصر

    أستاذة حمدا لله على سلامتك
    لا فيه ستات جدعان برضه
    🙂

    عدى النهار

    بيسرقوا الميت أيضا أخي

    Salwa

    صح أستاذة سلوى فعلا تمثلته نموذج مشابه جدا لكل أحداث العالم

    dr.nour

    أهلا دكتورة مرحبا بعودتك
    والحديد لما غلي سرقوا أغطية البلاعات
    والنحاس لما غلي سرقوا كابلات الهواتف


    gaber mana3

    مرحبا بك في عالم التدوين أخي جابر


    hend…hanady

    فعلا أنت لمست نقطة مهمة جدا

    أحمد منتصر

    أهلا أبو حميد منورنا

    3abratalsabeel

    اهو صراحة أنا كمان كنت باحط إيدي على محفظتي والله
    نتمنى أن نفيق ولكن بأيدينا

    klmat

    بارك الله فيك فعلا الشهامة قلت

    white Angel

    سبحان الله موقفك نموذج مكبر للنموذج بتاعنا يعني قمة الشهامة
    وقمة الخسة من البعض في طيات ذلك

    الفاتح الجعفري

    ما أروع القصة التي ذكرتها أخي أحمد وهي تبين مدى تواد المسلمين وتراحمهم أو ما ينبغي أن يكونوا عليه

    Gid-Do – جدو

    جدو الحبيب الحمد لله أتحسن وأنا أضفتك في الفيس بوك
    يا جدو السؤال اللي حضرتك سألته ده يؤكد النظرية اللي بتقول إن الأمور ماشية بتخطيط
    لأن زي ما حضرتك عارف بيبقى فيه حواجز جامدة ومراقبة للحدود طب أقولك حاجة تانية ليه ما حصلش قبل كدة على حدود مصر
    على فكرة يا جدو أنا ما كنتش أقصد أخرج عن الموضوع عندك بالعكس أنا كنت شايف إن الموضوع كدة
    معاناة أهل رفح المصرية
    مش كنت عايز أقول يستحملوا كنت عايز أقول كلنا ضمن خطة ربما تتضح عما قليل وتكون ساعتها انت مش زعلان مني بعد ما الرؤية تبان أكثر
    شفت في الجزيرة لقاءات مع ناس مصريين بعضهم بيرحب وبعضهم بيقول معاناة وبعضهم بيقول في الأول كانت فرحة وبعدين معاناة
    بس أنا في النهاية ده أمر واقع المهم الجوانب الأخرى اللي حتترتب عليه سياسيا مش ماديا وخاصة إن فيه علاقات قرابة كبيرة بين الأسر دي وبعضها أنا أعرف واحد ولاد عمته هناك وهو الناحية دي


    اسلام رفاعى

    طبعا يا أخي فيه النموذجين ولله الحمد ماهو من وجهة نظري بيزود عذاب النموذج السيء

  69. حل وسط said

    اذكر ايام زمان ايام الزلزال
    كانوا بيقولو المصريي بيبانو وقت الازمة

    دلوقتي فعلا هم بيبانو وقت الازمة لكن بيبانو بشكل تاني

  70. Nour-Gedeed said

    يا سلام .. اول مرة آجي هنا
    و لقيت هذا البوست طبعا حضرتك متخيل انا اتخضيت ازاي .. يلا مش مشكلة
    الحمد لله الذي لا يحمد على مكروه سواه
    لفت نظري و حضرتك بتتكلم انه سيكون في مقال عن دور الرجال .. بصراحة مبسوطة جدا بده .. بس اهم حاجة ان الناس تحسن الفهم .. اصلي افتكرت كده مرة كنا هنركب ميني باص عشان اروح الكلية و جه الباص فالرجاله كلهم بيجروا بسرعة .. طبعا انا مش هجري في الشارع .. و تخيل حضرتك يبقى كل الكراسي يملأها الرجااااااال و اللي واقفين كلهم نساء .. ممكن يبقى موقف بسيط و اتعودنا عليه .. بس أثر في و اتضايقت بصراحة …. مش معنى كلامي ان كل الرجال بقوا و حشين .. و الستات كلهم بقوا حلوين .. بس اعتقد اننا في احتياج لتظبيط مفاهيمنا و اعطاء كل ذي حق حقه
    و طبعا اعتذر على الاطالة

  71. Doba said

    احنا شعب بيحب الرغى فى الفاضية والمليانة وبنحب قوى نفتى فى اللى ملناش فيه

    عجبى

    سبحان الله

  72. مدونة يلا نفضحهم said

    عاجل الانباء
    تم اصدار قرار تجديد الاعتقال للدكتور الزعفراني بعد الافراج عنه مرتين وهو الان في سجن الغربانيات في برج العرب بعدما كان محتجز في الترحيلات

    شاركنا في التوقيع علي وثيقه اطلاق سراح الدكتور ابراهيم الزعفراني

  73. احنا الاخوان said

    الهم انصر الاسلام واعز المسلمين
    ………………………..
    مع تحيات مدونة احنا الاخوان http://ikhwan2.maktoobblog.com/

  74. A.SAMIR said

    غلطانة تماما طبعا
    حد برضة يدوخ؟
    الناس لازم تبقى فايقة وحلوة كدة

  75. safa7_karmooz said

    الحمد الله انها عدت على خير

    بس لو تقصد المبالاة فهى بقت سمة العصر..:)

  76. كاميليا said

    الحقيقة مش عارفة اقول ايه
    متخيلة الموقف وحب الاستطلاع
    المسيطر على الجميع
    وفى نفس الوقت
    استغلال الموقف للخروج منه
    بموبايل او شنطة او اى شئ

    ربنا يرحمنا بجد

    تحياتى

    كاميليا

  77. عاشقه الكلام said

    السلام عليكم ورحمه الله وبركاته
    والله انه العجب العجاب
    ولكن مش بعيد ان البلد اللى حكمها بيكلوا حقوق الناس الغلابه وعادى عندهم ارواح الناس فى ظل الدوله دى طبيعى ان الشعب يسرق وياكل فى بعضه طالما ان حميها حرميها

  78. قليل من التفكير said

    ألف سلامة عليها

  79. nonoymm said

    الحمد لله انها جت سليمة
    بس الظاهر وراه موضوع كبير من حضرتك برده هنستفيد منه

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

 
%d bloggers like this: