مدونة عصفور المدينة

مدونة نظيفة إسلامية (زيادة الإيمان) الطرائف والتناقضات التخسيس والصحة العامة الإدارة والتنمية البشرية

مصراوي

Posted by ctybrd on February 14, 2008

أنا وطني أحب مصر أحب شعبها أحب اسمها أحب لها الخير أحبها أحبها ينبض قلبي عندما أقرأ اسمها أو اسم أحد أبنائها وسط مقال أو في أي موقع أحزن لحزنها أفرح لرخائها وأمنها.

اخترت كليتي -ورفضت غيرها- لأجلها.

وعندما زلزلت ولست فيها بكيت لأجلها وتناوبنتي الهموم.
عدت من أسفاري لأجل أن أعيشها بواقعها وحلوها ومرها بينما الأصدقاء يقولون “يابني اعقل”
كنت أدعو الله أن ينخفض سعر الدولار وعندي دولارات

عندما استمر تنفيذ كوبري معطلا طريقا حيويا سنوات كنت مهموما رغم أني لم أمر عليه إلا قليلا وأقول لنفسي أمن بلدي القومي معرض للخطر وأحزن كلما رأيته وتتكدر نفسي.
أنحاز إلى المساكين والمرضى والزمنى وأهتم للغلاء وقلة الأقوات والظلم والرشوة والأمراض .

أعمل لتخفيف معاناة أهلها أحارب الإهدار وأتتبعه وأهتم لمواردها وأبحث عنه وأفرح عندما أصلح شيئا كان مصيره المهملات أوفر الورقة ونصف الورقة وربع الورقة لأجلها.

أنصح لعل الله يتقبل ولعل الآذان تفتح والقلوب تعي .

أكره الخلاف وتشتت الجهود وسفاسف الأمور.

لا أذكر أني جلست خاليا منذ عشرين سنة حتى أثناء طعامي أشغل نفسي بشيء آخر ولها من ذلك نصيب.

عيني على مستقبلها وعيني على ماضيها وعيني على حاضرها وما يعاني وكيف يصلح بإذن الله ثم بجهد المخلصين.
عيني على حدودها وما أبعد من حدودها وما يحاك لأجلها عيني على أسعار سلعها ومخزونها منه.

أحيانا أمشي وحدي في شوارعها وأقول لنفسي تصور نفسك مسئولا عن النائمين ماذا تستطيع أن تعمل لصالحهم.
وكم سجدت لله سجود التلاوة على أرض شوارعها.

أحلم أن يتفرع عني من يرفعون شأنها ويحبونها ويستمر عملي بعد موتي .

عمري ما تجاوزت إشارة مرور في شوارعها عمري .ما صدرت مخالفة مرور بحقي .عمري ما أعقت سيارة إسعاف عمري ما رميت منديلا على أرضها
عمري وعمري….

بالرغم من ذلك عمري ما هتفت تحيا مصر عمري ما وقفت تحية للعلم عمري ما رسمت علمها لم أتعمد ذلك ولكنه لم يحدث
عمري ما شجعت منتخبها الكروي ولا غيره عمري ما أشعلت بيروسول في حبها بل أفكر مليا قبل أن أرشه على الذباب .

صلاتنا ونسكنا ومحيانا ومماتنا لله رب العالمين ولعل الله يمن عليها ببركة طاعة الطائعين ويصلح أحوالها ولا يؤاخذنا بما دون ذلك.

ياكش تعمر

72 Responses to “مصراوي”

  1. العاشق....محمد على said

    أول تعليق بحول الله وتوفيقه
    معلش يابو العصلفير هتعشى وارجع اعلق …والله ولى التوفيق.

  2. نـــــــور said

    مش معقولة ايه التطور دا

    تاني تعليق

    دي حاجة قياسية!!

    “”صلاتنا ونسكنا ومحيانا ومماتنا لله رب العالمين ولعل الله يمن عليها ببركة طاعة الطائعين ويصلح أحوالها ولا يؤاخذنا بما دون ذلك.””

    اللهم آمين.

    وبصراحة انا مش وصلاني فكرة البوست اوي!

  3. صيد الخاطر said

    الله أكبر ولله الحمد
    اهئ اهئ اهئ أخيرا – دموع الفرح –

    ولاول مرة ثالث تعليق

    هقرا الموضوع وبعدين أبقى اعلق
    أنا قلت الحق لحسن المكان يتاخد

  4. allah-slave said

    انا دخلت المدونة كانت 0 تعليق معنى كدة ان فيه ناس حاليا بتتصفح وبتقرى وانا بكتب الرد

    ثانيا: انا هقول لحضرتك على حاجة بسيطة انا لما بقول مثلا ان مصر حلوة وفيها حاجات حلوة يقلك اه بس عايزة تتنظم او اللى يقول عايزين نقضي على الفساد انما لو كنت قلت كدة قبل ما ناخد الكاس كنت هسمع كلام زي يا عم اياكش تولع … او زي ما صاحبي بيقول دايما ان ا هاخد الشهادة واخلع في اي حتة

    ان ا عن نفسي ان شاء الله مش ناوي ادي غيرها خيري

    مهما كان والله مصر حلوة

  5. العاشق....محمد على said

    ماشاء الله يابو العصافير بوست هايل
    اسف مشاعر رائعةتدلل على حبك لوطننا الغالى لعلل الله يصلحه…………انت عارف يامحمد فى ناس من صحابى نفسهم يموتوا عشان مش عارفين يعملوا حاجة لنفسهم ولا للبلد انا فى بوست عايز انزله عن الموضوع ده بس متررد شويه انت عارف ليه طبعا…جميل اوى حبنا للبلد بس فى ناس شغلها الشاغل تعكير هذا الحب علينا فماذا سنفعل هل سنتركها وكيف نترك الام والحضن الدافئ فى ساعات كثيرة واثناء عودتى متاخراً انظر الى الشوار ع والكبارى والناس واقول هل سيهو ن عليك ان تغادر وتترك هذا البلد\وترقق عينى بالدموع واقول لنفسى سنة او اتنين وارجع…ياه حب الوطن حاجة فى قمة الروعة …بارك الله فيك اخى الكريم…ومعزرة على الاطالة…والله ولى التوفيق.

  6. امام الجيل said

    كنت متوقع نهاية التدوينة خصوصا مع فوز مصر ببطولة افريقية وتعليقات حضرتك عن اللى كتبوا فى الموضوع ده

    بس انت عارف الستات بيحبوا برضه تقلهم كلميتن حلوين
    :)))
    هههههههههههه
    كده تغير وتزعل
    سبجان الله كنت بفكر من مدة قبل البطولة كمان عن المدونات اللى اسمها مرنبط باسم مصر وعن مظاهر كتير
    انا مش بتهمهم فى حبهم لمصر
    بس عامة يعنى وحضارة سبعة الاف سنة
    يا ترى الناس بتحب مصر كده بجد
    واشمعنى ما اعتقدش ان كل دول العالم فيه كده
    تركيز اوى عن مصر مصر وحب مصر وحضارة سبعة الاف سنة
    بس نفسى اشوفك يا بشمهندس وانت راسم العلم على وشك :))
    لا صحيح الناس مفاهيم الحب عندنا اتلغبطت هما يومين واللى رسم علم على وشه هيمسحه والا كان بيهتف بحرارة هيهدى طب واللى مات من الفرحة ده
    سبحان الله ربنا يرحمه

    الناس نظرتها للامور متلغبطة بتفكر تفكير لحظى فى وقتها بس معندهمش تفكير فى البلد ومصلحتها بيفكروا بقلبهم بس
    مش بعلقهم للاسف
    تحياتى

  7. خمسة فضفضة said

    السلام عليكم ورحمة الله وبركاته

    واحنا كمان كلنا بنحبها ، بنحبها ، بنحبها
    وبنعشق ترابها مع انها ساعات بتقسي علينا بس اكيد غصب عنها

    يمكن كل واحد فينا له طريقته في التعبير عن حبها بس في الآخر كلنا بنحبها

  8. Bella said

    منذ فترة طويلة لم اعلق عندك ياعصفور المدينة
    معلش مقصرة شويتين انا عارفة
    سامحني

    كان نفسي اكتب عن البطولة ومظاهر التعبير عن حبنا لمصر بس قلت بلاش اضرب كرسي في كلوب المولد المنصوب حاليا وقلت كفاية نبارك ونهني وبعدين نتكلم براحتنا لما تهدى الاحوال وينفض السامر

    اصل اسهل حاجة دلوقتي التهم المعلبة الجاهزة بكره البلد رغم ان الواحد بيكون غيران من البلاد الكويسة وعايز بلدنا تبقى احسن منها وبيكون متغاظ من الشعوب المتحضرة ونفسه ناسنا تبقى احسن منهم وتعبر عن حبها للبلد بالفعل وليس بالشكل وبمجرد الهتاف بالعلم او رسمه على الخدود والرقص بعلبة بيروسول والكلاكسات اللى بتصحي الاموات وباقي الاساليب التي اعتبرها صراحة يعني ومن غير زعل وسائل غوغائية في التعبير عن الحب الذي لااعتبره حباً بقدر مااعتبره ضحك على الدقون وكل واحد يقول باحبها ويستخدم طرق لاتمت للحب باي صلة.
    تصور مثلا لو حد تواجد في مكان احتفالية بعد ماتش كورة وشاءت ظروفه السيئة ان يحدث له لاقدر الله اي مكروه سيموت قبل ان يتمكن من الخروج من وسط الحشود ولو اي شخص وراه مشوار او مصلحة عايز يقضيها احسن له يستعوض ربنا ويلغي حياته كلها في الوقت الاحتفالي البهيج ده وينسى لمدة ايام مجرد محاولة تكرار عمل اي شيئ لان الحياة كلها احتفالات.

    مش عارفة ليه مانحتفلش بشكل تاني بعيد عن الاسلوب الفوضوي ده
    هو لازم يعني علشان نقول اننا فرحانين نصرخ ونضرب كلاكسات مزعجة ونشغل دي جي وميكروفونات تصم الآذان

    وكفاية كده علشان مرارتي مفقوعة

    تحياتي

  9. الراقص مع الذئاب said

    السلام عليكم

    طبعا يا استاذ محمد
    لازم هنحبها

    مش الشاعر قال
    بلدي وإن جارت علي عزيزة
    اهلي وإن ضنوا علي كرام

    بس انا بقي بشجع منتخبها
    ووقفت اححي العلم وانا ثابت(عشان لو معملتش كدا هاخد جزا)…
    ورسمت العلم دا كتير اوي في كراسة الرسم بتاعت ابتدائي….(عشان الاستاذ صفوت الرزل ميضربنيش)…انا كنت بكره الرسم اوي في المدرسة

    بحب بلدي اوي…بس مش تحية العلم ولا رسمه الدليل

    ولا عمري رشيت وولعت البيرسول

    عشان يمكن سعات كتيرة مش بيكون في جيبي تمنه

    وبرضو بحبها

  10. فرنسا هانم said

    كلنا بنحب مصر
    وكلنا بنختلف مع بعض
    مين فرح ومين مفرحش
    مين رفع العلم ومين رسمه على وشه
    لكن لكل انسان رأيه ووجهه نظره
    وطريقه تعبيره عن فرحته

  11. الفاتح الجعفري said

    استاذي الحبيب
    نعم والله يااستاذنا
    ان الحب فعل وليس كلام
    ان الحب عمل وجهد
    ان الحب لايحتاج تملق وتشدق
    انه مايخرج منا من غير اصطناع
    انه التضحيه والبذل دون احساس بالمعاناه
    انه مايجذبنا دون ان نشعر
    ————————
    ومعك يااستاذي لانقف للعلم ولاننحني له ولانحرق البيرسول ولانرقص ونعربد
    انه ليس الحب انها التفاهه والخيبه
    وفقدان النخوه والشهامه
    وربنا يبارك فيك يارب
    ويعلمك ماينفعك ويرزقك علما نافعا
    ويرضي عنك يارب العالمين
    وجزاكم الله كل خير

  12. دعوة الفردوس said

    هيييييييييييه

    أول تعليق بعد العشرة الأوائل

    وللناس في حب أوطانهم شؤون
    التعبير عن حب الوطن يختلف باختلاف الفهم واختلاف الرؤى
    وبالطبع كل يعبر بما يراه صالحا للوطن
    وتحت ذلك ضع قائمة كبيرة
    فهناك من يصنع مهلكات اعلاميه باسم حب الوطن والرغبه في دفعها للامام
    وهناك من يعصي أبناءه على الوطن بداعي حب الوطن والرغبه في تغيير حاله
    وهناك من يذل وطنه بدعوى حبه
    وهو أبشع الأصناف
    تعلمت أن أحب وطني بكل شكل يفيدها ويرضي الله
    تعلمت أن تكون أحب البلاد لقلبي وألا أخرج منها الا اذا اخرجني اهلها وفي ذلك سبل كثيره
    انا ايضا
    مصراويه

  13. اصرار أمل said

    سبحان الله !
    ما اخترنا حبك يا أوطان لكن الله قد اختار؛؛؛هي هكذا حقا ؛؛؛
    أنا كنت – عفا الله عما سلف كنت صغيرة أوى والله _ بحب مصر أكتر من أي حاجة تاني في العالم بل ربما عرفت قيم الاسلام الصحيح لأني أحبها !!!
    كنت أومن بوطني – تأثيرات فترة المراهقة فى الحادية عشرة والثانية عشرة – ثم وجدت الاسلام أعمق من مجرد حدود وضعها مستعمر ؛و أوسع من ( أنا مصري !!! )
    وكان ماكان في حياتي : لذا ؛ لازالت هي قلبي ؛؛؛بوست مؤثر للغاية أستاذي الكريم
    حفظك الله لدينك ووطنك

  14. صيد الخاطر said

    شيخنا الكريم
    أحييك على هذا المقال الرائع
    فليس حبنا للوطن يعني أن نقول ” أوليه أوليه أولي أوليه ….” أو نشعلالبيروسول في الجو
    أو ان نجري كاملجانين في الشوارع عند فوز المنتخب أو غيره

    بل والله أن نبني كل حجر تهدم أن نساعد الضعيف ونعطف على المسكين أن نعيد البسمة لوجوه الكثيرين ممن لايعرف الضحك الى وجوههم سبيلا

    حبنا لها يعني ان نتعلم أكثر فنتقدم أكثر فنحرز من اجلها مراكز عالمية

    نحبها لان الله تعالى امرنا بحبها وهذه سنة نبينا صلى الله عليه وسلم مع وطنه
    ولأنها مصر أرض العروبة والشهامة والمجدعة والرجولة
    أرض النيل أرض الحب والحنان

    قدر الله تعالى لي ان اسافر دولة اخرى على صغر سني لوحدي لظروف الدراسة
    تحس هناك بمعنى الوطن – خصوصا ان كنت في دولة خليجية –

    لما ترى كل العرب وما هم فيه ممن تخلف
    – مع اننا برضه متخلفين –

    تحمد الله تعالى انك مصريا
    على الاقل اقل المتخلفين ضررا

    والله المستعان

    نحب ترابها وهوائها وكل شيء فيها بل ونعشقها ونغنى بعشقنا الالحان

    معلش يابشمهندس طولت في الرد بس الكلام عن الاوطان بيثير قلبي بكاء على قلبي -مصر –

  15. محمد الجرايحى said

    أخى الفاضل الكريم : أبو يحيى
    السلام عليكم ورحمة الله وبركاته
    لقد لقنتنا درساً فى الحب الإيجابى
    حب الوطن والانتماء والولاء قضايا تستحق الكتابة عنها وتناولها وخاصة فى ظل هذا المناخ …
    وحب الوطن ليس بالفعل بالغناء وعلو الصوت إن بالعمل والجد والاجتهاد بذل وعطاء …

    بارك الله فيك أخى وأعزك
    ولاحرمنا من طيب كلماتك ورقى أفكارك

    تقبل كل تقديرى واحترامى
    أخوك
    محمد

  16. الصارم الحاسم said

    هو ده الحب الحقيقي

  17. الطائر الحزين said

    مصراوى

    ولا مصرى أوى

    ولا مصر أوى

    تشترك جميعا فى مصر

    اعزك الله

  18. دكتور حر said

    الله أكبر

    ايه الجمال ده يا عمنا

    ربنا يكرمك يا رب

    اي والله فعلا هو ده حب الوطن

    انا عارف ان خالتنا فرنسا علقت على موضوع الكوره بشكل أكبر

    لكن مهما كان رأيك في الكوره حب البلد بالعقلانية أجمل وبالعملية أروع

    ربنا يكرمك
    لفت نظري موضوع السجود في شوارعها
    رائعه رائعه ربنا يباركلك فيها

    يعني تمشي تقرأ
    وتمشي متوضئ
    شم تسجد على التراب

    موقف غريب وجميل جدا

    بارك الله فيك ونفع بأولادك كما تتمنى

  19. appy said

    السلام عليكم
    هو عموما حب البلد دى مش بالكلام انما بالفعل وحضرتك بتحبها بوجهه نظرك وهى دى الصح لانك لما تحب حد تعمله علشانه مش تقول شعارات بس
    ربنا يكرمك واتمنى ان الناس كلها تبقى كده

  20. عبدٌ من عباد الله said

    بالرغم من كل مافيها
    الا اننى للأسف فضلتها على الكثير من بلاد العالم

    رفضت فسحة فى اسطنبول لمدة اسبوع علشان عايز ارجع بدرى
    و ما ادراك ما أسطنبول قبل
    اللهم الهداية أسأل

    كان الواحد و هو صغير بيبكى لما ييجى يسافر براها
    الحمد لله

  21. klmat said

    السلام عليكم
    مصرحلوه بالناس اللى
    زى حضرتك ومش حلوه بنظامها
    تحياتى وسلامى

  22. مصراوي أوي said

    ازاي بس يا استاذ عصفور

    دا حب ايه ده اللي من غير بيروسول دا كلام بردو لا انت كدة مش مصراوي علي فكرة

    وبغدين مش شايل علم كمان

    لا لا لا ناقص تقولي انك مشغلتش دي جيه بعد فوز مصر

    تحياتي علي هذة التدوينة الرائعة يا استاذ عصفور اللي في وقتها تماما

  23. الساحرة said

    ايه الجمال دة يااستاذ عصفور انا عيني دمعت كل دة حب ياريت كلنا نحبها بالطريقه دي انا كمان بحبها جدا ونفسي تبقي اجمل بلاد الدنيا ومعرفش ابعد عنها ابدا

  24. وطني said

    أنا وطني ؟؟؟؟؟؟؟؟؟؟؟؟؟؟؟؟؟؟
    يا نهار ابيض
    أومال أنا أبقى مين ؟؟؟؟؟؟؟؟
    جرى إيه يا عم العصفور … حنقطع على بعض و لا اييييييييييه؟؟؟؟
    …………….
    أكره الخلاف وتشتت الجهود وسفاسف الأمور.
    ليت كل عامل للإسلام يفهم هذا و يستوعبه ذكرتني بكلام طيب لإمامنا الشهيد حسن البنا رحمه الله
    نتعاون معا فيما اتفقنا عليه
    و يعذر بعضنا يعضا فيما اختلفنا فيه
    ألا ما كان أصدقه .. لأننا إن لم نفعل .. فلن نفعل شيئا
    لا مما اتفقنا عليه
    ولا مما اختلفا فيه

  25. عدى النهار said

    فى ناس لا ننتظر منهم أكثر مما يقدّموا (هى دى حدود وتفكيرهم وإهتماماتهم و…) وفى ناس لا ننتظر منهم أقل مما يقدّموا وذلك بحكم وعيهم وإدراكهم

    المعضلة تبقى فى إزاى التفكير والإهتمامات تتعدل لما فيه الصالح

  26. ض/خالد said

    قل ما شئت
    واذكر لنا من مواقفك ما تريد
    فأنت إرهابي …
    لأنك ذا لحيــة
    مثلك خطر على الأمـــن (مهما خفت على الأمــن)
    فأنت تقول ربي اللــــه…

  27. MerMaid said

    هممممممممممم هو انا المقاعد الامامية مش من نصيبي ولا ايه ؟؟؟
    —————————
    حب صادق من نوعه
    نادرة احساساتك العيقة

    انا كمان اتضايقت جدا من اللي حصل في الاحتفالات دي
    افرض حد تشوه ولا حاجة
    ؟
    و لا زي ماقالت العزيزة بيلا لو حد وراه مصلحة ؟ او حد عيان ؟؟

    مش كل الدنيا لعب واحتفالات بس
    و اللي يزيد عن حده ينقلب ضده

    تحياتي لسيادتك
    منورنا كلنا

  28. آفاق الحرية said

    السلام عليكم
    اول مابدأت اقرا اعتقدت ان حضرتك هتهنيء المنتخب بالفوز ولكني اندهشت لاني لم اتعود من حضرتك ذلك ولكنك دائما ما تعلمنا اجمل الاساليب الشيقة في صياغة المواضيع

    لا أعرف فى المفردات
    سوى كلمة مصر
    أقرأها فى آي الذكر
    للعالم قلب
    للعقل الفكر
    للطفل اللبن الدافئ
    للأم الصدر
    للطير الزغب النامي
    يدا للسائل والمحروم
    للعينين النور
    لشفاهى الكلمة
    ورداء للعريان
    وطريق للسائلين
    صدق القرآن قال
    ادخلوها بسلام آمنين

    ***

    مصر الضاخة فى الشريان
    مصر النهر
    مصر النهر والشطئان
    مصر الميم
    مصر المنجل والزرع اليانع
    مصر الصاد
    نقرأها فى كل صلاة
    والراء
    رواء للظامئ والزائر
    حصن آمان للشرفاء

    ***
    مصر الهرم الأكبر والأصغر
    مصر الجامع والأزهر
    مصر القلعة والحصن
    مصر الحصن لموسى
    والتوراة
    لعيسى والإنجيل
    مصر القلب يعمره الأيمان
    إحتضنت كل رسالات العالم
    وحملت بين ثناياها القرآن

    ***
    مصر الجندي المجهول
    الزارع والحاصد فى كل الأوطان
    من يجحد فضله
    لن يلقى سوى الخسران
    فسينطق عن فضلة صمت الجدران

    ***
    مصر السيف على الظلم
    مصر السنبل فى الغيطان

    القصيدة للشاعر محمد غنيم

  29. ام الابناء said

    السلام عليكم ورحمة الله وبركاته

    استاذنا الفاضل عصفور

    عندك حق والله وصدقت فيما قلت
    عارف حضرتك
    بالرغم من الظرف القاسيه التى نعيشها فيها ومساوء حكم حكامها لنا والسلبيات التى نتعرض لها فيها
    الا اننى لا اطيق بعدا عنها وبكون عاوزه اقطع اى معتدى يقرب منها اربا اربا لانى بحبها بكل ما تحمله الكلمة من معانى
    جزاك الله بحبك لها وانتمائك لها خير الجزاء

  30. الفجر قادم said

    عجبتنى قووى جملة ورغم كدا عمرى ما وقفت تحيا للعلم ولا قلت تحيا مصر…ايوة انا بحب مصر بس أى حاجة بعملها فى مصر هى لله عز وجل مش زى اللى غنى وقال-غفر الله له – أحلف بسماها وبتربها,لا ..قل أن صلاتى ونسكى ومحياى ومماتى لله رب العالمين

  31. الفجر قادم said

    أفتكرت أمر يتعلق بالبطولة التى ما ان انتهت حتى نزل المصريون هنا بشوارع دبى وطبع احنا الوقت هنا متأخر عن مصر ساعتين وظلوا يرقصون ويهللون …يا جماعة الساعة بقيت 2 بالليل فى ناس عايزة تروح شغلها الصبح….
    حتى حركة المرور فى بلد غير بلدنا وقفناها…معرفش هى دى كدا تبقى فرحة؟!!ولا دى ناس فاضية ولا أيه بالظبط؟

  32. سلكاوى القهوجى said

    ايوى جااااااااااااااااااااااى

    سلام لاحلى كلام قريته النهارده .. سلام لحب كبير فى ولادك يابلدى ..
    تعرف يا استاذ عصفور فكرتنى بفيلم احنا ولاد الاتوبيس لما قال الفنان وجدى العربى قصيدة يا بلدى ..يا فينو يا افرنجى .. اسف جدا قاصدي بحبك يا بلدى
    مهما عملوا يا بلدى فيكى احنا بيكى احنا ليكى داحنا ياما خدنا منك فيه ايه لو يوم نديكى
    انتى اللى ارضك طيبه وحنينة على قلبنا طول السنين

    واغنيلك وااقولك كمان

    بلادى بلادى اسلمى وانعمى سارويك حين الظما من دمى ورب العقيدة لن تهزمى
    ومن اكمل الدين للمسلمين

    ايوى جااااااااااااااااااااى

  33. العراق صوت الحق said

    السلام عليكم اخي محمد صدقني أن أصدق واعمق أنواع الحب هو الذي لا نحتاج أن نحكي عنه . فالتغني طوال الوقت عن حب شئ يفقده قيمته

  34. dr.nour said

    يااااااااااااااااه

    هو فيه ناس كده

    بارك الله فى حضرتك

    معلش انا مقصره فى التعليق بس ده لان عندى النت بسرعه السلحفه ومش بلحق اعلق يادوبك بقرا الجديد

    بس متابعه مع حضرتك البوستات كلها

  35. چــِنـيـن ... عيلة و عايزة أفهم said

    ليت كل المصريين يفهمون حب الوطن مثلما تفهمه أبي الكريم …

    إذاً لانحلت الكثير من المشكلات و العقد

  36. اسلام رفاعى said

    حاجات كلها تنم عن شخصية راقية ولكن الجزء الاخير يدل على ان حضرتك تستطيع التحكم فى مشاعرك

  37. ابن حـجـر الـعـسـقـلانـى said

    مش معقول يا أستاذنا .. و الله أثرت فيا بشدة

    و الجملة دى:”وكم سجدت لله سجود التلاوة على أرض شوارعها” .. كاد جسدى أن يقشعر منها .. بصراحة عبارة ممكن نكتب فيها صفحات و صفحات

    آتاك الله فى الدنيا حسنة و فى الآخرة حسنة و وقاك عذاب النار

  38. دكتور بيطرى said

    بعد كل التعليقات دى لست أملك إلا ان أقول إنى أحبك فى الله وجعلنا وإياك فى مستقر رحمته.

  39. L.G. said

    السلام عليكم
    لا اختلاف ولا تعليق حتى كلمة عمري ما هتفت تحيا مصر …غاب عني المغزى وقرأت التعليقات وفهمت منها أن تلك الجزئية قد تكون خاصة بالتعليق على احتفالاات الشعب بفوز المنتخب .
    أحب أن أهتف تحيا مصر وأدعو تحيا مصر وتحيا الأمة العربية والاسلامية ويومياً أدعو بعزة العرب والمسلمين وأشعر وكأن النصر جاء للدعاء المتواصل اللهم أعز الاسلام والمسلمين
    لم لا نهتف تحيا وتعيش وتعمر وتنصلح مصر عجبا لم
    ولم لا نحيي علمنا لم؟ أحب العلم وأحزن عندما أجده غير نظيف أو قديم بال وأتمنى أن أصعد وأغيره
    ألم تذهب للمدارس كيف لم تحيي العلم يوما يا سيدي
    كانت تحية العلم لي في الصغر أنظر للسماء وأقول من قلبي تحيا مصر حرة وعربية واسلامية تحيا مصر بمعنى يحيا شعبها في رخاء وأمن تحيا مصر لتقود الأمة للخير
    أهتف وأحيي العلم وأرسم علمي رمز لبلدي بحجابي تعرف اسلامي وبعلمي تعرف موطني يا الله دنا بحب كل أعلام الدول خاصة السعودية ولبنان وشجر الأرز
    لم لا أحيي فريقها الكروي لم؟ ياالله أليست فرحتهم فرحتنا أليس نصرهم نصر الاسلام أليس تقدمهم حافز للنصر والتميز ألا يطلقون رسالة عالمية بخلقهم وجديتهم للعالم عن المسلمين والعرب أتعلم سيدي كنت أدعو لهم بالنصر عارف ليه كان نفسي أبو الحضري يفرح وولادهم يفخروا بيهم وأمهاتهم يتطمنوا عليهم
    إن ساءك تصرف البعض بالرسم والرقص وجب التحديد لأنه قد يقرأ هذا الموضوع شخص بعد فترة ولا يعلم ملابسات الأمور
    البريسول غلط ماشي الرسم على الوجوه لكن من يقرأ الموضوع قد لا يربط بين تلك الأحداث ويعمم قولك
    لا أحيي العلم ولا أرسمه ولا أهتف تحيا مصر ولا أشجع فريقها الكروي ؟؟؟
    سيدي عودتنا على حبك لمصر ألا تظن أن تلك الجزئية بحاجة لمراجعة
    ذلك لأني بحبها وبحب الأناشيد الوطنية أنا مصري وأبويا مصري أيوة وأيام الرسول صلى الله عليه وسلم كانت الجنسيات موجودة هذا مصري وهذا يمني وهذا من الشام أليس كذلك ولكن وحدة الاسلام أشد نعم لا خلاف ولا خلاف على تشجيع التقدم الكروي خاصة بجهود مصرية خالصة بالله عليك رجاء التوضيح أكثر بحب مصر تكسب في كل محفل رياضي وعلمي أليس كذلك .
    أعتذر عن التطويل

  40. L.G. said

    سيدي
    ولأن مدونتك قبلة للكثيرين
    ولن رأيك قد يصبح مرجعاً للبعض
    لذا قد أكتب رأي بحماسة بعض الشئ
    أرجو ألا تنزعج من كلماتي

  41. خبيب said

    أول ما يبقى فيها 5 % بيحبوها بالشكل ده

    هتتغير

    بس انت اوع تكسل …

    تعلم الناس ازاي يحبوها صح

  42. ana ga3an said

    اشفق عليك من هم التفكير
    اشفق علي عقلك و قلبك
    اشفق علي ابنائك
    فهم في حاجة اليك سليما صحيحا

    اسال الله لك ثواب في الاخرة ان لم
    تلحق رؤية حلمك في بلدك في حياتك

  43. Anonymous said

    .ارجو زياره مدونتي وتشريفي بالتعليق عليها
    http://moshtakllah.blogspot.com/

  44. خطــ المصري ــاب said

    كالعــــاده

    موضوع أكثر من رائع

    وأبشر … هتعمر ان شاء الله

    ياريت بأه تيجي عندي في مدونتي شويه مستنين زيارتك من زمان

    جزاك الله خيرا

  45. أنا إنسان said

    أعتقد بماوصلت اليه مقدرتي الضئيله على الفهم أن حضرتك تورد في هذا المقال كيف يكون حبنا لمصر
    وتورد فيه ايضا نقدا مخفيا بين ثنايا الكلمات على اسراف الناس الشديد في الفرحه بشئ يعتبر في ميزان الشعوب
    نصرا تافها
    أكثر ما أعجبني في هذا المقال هذه القدره الخارقه لدى حضرتك بأن تورد نقدا لظاهره وتورد معها حلها
    قليلون من استطاعوا ذلك
    ……
    ولكن
    ما المانع
    ما المانع ان انشد لها نشيده
    واقف امام علمها الذي ربما لا يمثل شئ في حضارتها
    ولكنه علمها
    واصرخ
    واهتف
    بلادي بلادي
    ما المانع الذي يجعل احدنا دائما مصرا على كتمان ما به من مشاعر
    والاكتفاء باعماله تجاه ما يحب
    ربما الذي يتكلم و…يحرق البيروسول
    مخطئ في طريقه تعبيره عن حبه لوطنه
    ولكني اعتقد انه لم يفترق كثيرا عمن أهم نفسه بمسؤليه النائمين والشاردين فيها
    ولم يقف مره…يهتف بلادي بلادي
    وهوه فيما أظن
    مخطئ ايضا في طريقه تعبيره
    ……………..
    تحياتي على هذا البوست الرائع

  46. مناجاة said

    ربنا يبارك فيك ويجزيك خير
    انا رأيي فيك دايما انك
    شخصية معتدلة ايجابية
    محدد اهدافك
    متصالح مع نفسك
    🙂

  47. رفقة عمر said

    انا كمان بحبها قوى وعمرى ما فكرت اعيش فى بلد تانى غيرها

  48. اليعقوبي said

    ربنا يكرمك اني والله لاحبك في الله
    هذا هو عصفور المدينة الذي اعرفه

    الحمد لله لحقت التعليق رقم 48
    الحمد لله
    والسلام

  49. ابو حسان _ايمن الشلتوني_ said

    حقيقة مصر تستحق الحب دون مجاملة
    واجمل ما فيها الناس البسطاء المتدينون بالفطرة
    وهي كنز حقيقي زمدد لاينضب للامة العربية والاسلامية
    مدنة محترمة وغنية
    وفقك الله

  50. صاحب المضيفة said

    هو ده الانتماء الحقيقي

    مش شعارات وهتافات وبس

    الانتماء فعل مش كلام

    زادك الله عزا ورفع من قدرك دنيا واخرة

    تحياتي يا عمنا

  51. دنــــيــــــا مـحـيـرانـي said

    انا موافق يا استاذي
    التعبير عن الحب بالافعال و ليس بالاقوال
    تحياتي

  52. pinky said

    انا بحب مصر لأن مصر وطنى وناسها طيبين بس مطحونين وملهمش ذنب بس

    أكيد كلنا بنحبها وياريت نقدر نثبت دا بأفعالنا مش كلام وبس لما أنجح وابقى حاجه كويسه هاحس انى فعلا بحب مصر :):)

    واللى خلى شبابنا يكسبوا احساسهم بالإنتماء وحب بلدهم وناسها الطيبين

  53. يقين النصر said

    أكرمكم ربى ..
    صحيح ..من زمن قرأت مقال لقاسم أمين
    أيوة قاسم أمين ..كان بيقول أن أغلب من يتشدق بالوطنية وبمصر يكون غير وطنى من الأصل ..وهو على حق ..هناك أناس يذوبون حبا لمصر ..يتعذبون من أجلها تحترق قلوبهم عليها ولم يقفوا يوما فى مباراة ولم يهتفوا يوما باسمها ..
    غيض من فيض كثير ..جزاكم الله الجنة

  54. حطم القيود said

    السلام عليكم
    تدوينه وطنيه رائعه
    بارك الله فيكم
    ورزقنا الله العمل لدينه ودعوته على الوجه الذي يحبه ويرضاه

  55. BinO said

    السلام عليكم ورحمة الله وبركاته
    ياااااااااااااااه
    أنا أتأخرت أوي
    المهم

    أزيك أستاذ عصفور
    مش حعرف أرد طبعاً علي ماتعلمته خاصة بعد جملتك الأخيرة عن عدم الأتفاق
    بس وضح لي ما العيب في الدعاء علي الهواء؟؟
    الواضح أن فيه ناس كمان مافهمتش الهدف من التدوينة
    والواضح ان في حاجة متغيرة أنا ملحقتهاش
    بس مبارك
    🙂

  56. الربان said

    تحياتي و تقديري

    كلام جميل و مشاعر نبيلة تجاه مصر المحروسة…و اهلها…و اعتقد ان هناك الكثيرين ممن يحملون تلك المشاعر النبيلة
    لكن يا أخي الكريم لابد ان نوجه هذه المشاعر الي عمل يفيد الناس و يفيد مصر المحروسة.

    قد يكون الحل في المجلس القومي للشباب
    او في الجمعيات الخيرية التي لا تهدف الي ربح
    لتجميع طاقات و مشاعر محبي مصر و صهرها
    في عمل جماعي يفيد المجتمع و يفيد البلد.

    تجمع الناس خلال مباريات البطولة الافريقية…و نزولهم للشارع احتفالا بالفوز…. الا يعني اننا بحاجة الي من
    يجمع هذا الحب و الانتماء و يدفعه الي عمل قومي واحد…نشعر فيه بالنصر ..

    تحياتي و تقديري ودائما موضوعاتك لها
    بريق خاص…

  57. عبدالرحمن فارس said

    رغم كل شيء ستبقى عروقنا تنبض من اجل مصر

    كم هي معبره كلماتك سيدي

    دمت بكل خير

  58. Maha said

    التدوينة دي ما شاء الله اتكتبت بطريقة عبقرية تبارك الرحمن (أظنها إجابة مبتكرة على وسم أخونا وضاح أليس كذلك ؟).. وحسيت من التعليقات إن مش كل الناس فهمتها !

    أكرمك الله🙂

  59. ibn_abdel_aziz said

    مبعرفشي اعلق يا محمد احيانا علي بعض بوستاتك

    زي ده مثلا
    عاوزني اقول ايه بعديه
    غير

    اني احبك في الله …بجد ؟
    🙂
    اي تعليق يفسد البوست
    وانت فاهمني

  60. ابوزياد الفاتح said

    قولى يا عصفور
    انت منين بتجيب الكلام الحلو والجامد ده

    معلش اتاخرت عليك شويه
    بس كنت مسافر حبيبى
    اخبارك واحشنى
    اهدى شويه
    حسنى مبارك يعنى يعملكم ايه
    يقطع نفسه
    ايه ده
    مش كتير خيره انه عايش
    الراجل مش فاضى
    يادوب بياخد نفس
    وبياخده بالعافيه
    تحياتى

  61. nonoymm said

    اخي العزيز عصفور المدينة
    انا كمان بحبها اوي وبطريقة غير عادية
    وما اقدرش اعيش برها ابدا
    الله يكرمها يارب ويبعد عنها اي حد يسيء لها
    تدوينةة رائعة كالعادة تحياتي يا استاذي

  62. أبوعمر said

    ههههه هما بيحبوا مصر ولا بيحبوا البيرسول
    حتى حبنا لمصر لابد أن يتقيد بالضوابط الشرعية وأن يكون إيجابي
    خرج النبي صلى الله عليه وسلم من مكة وهي أحب البقاع لله وله ولو ما اخرجوه منها ما خرج ، فحب البلد مباح ولكن لا يجرنا إلى مخالفات أو ارتكاب حماقات

    دمت بخير أخي الحبيب

  63. NIDAAL PAL said

    مصر امنا الى ما نقدر نكرها ابدا
    ممكن نكره ادارتها او حكومتها و لكن كبلد ابداً ابداً
    موضوع رااااااااااائع

  64. الفاتح الجعفري said

    استاذي الحبيب
    معلش
    اريد رايك بشدة في هذا الموضوع
    http://hafedelga3fary.blogspot.com/
    ضروري يااستاذي

  65. ملك الكبدة said

    انا برضه مصراوي كدة و معاك انما صلاتي و محياي و مماتي لله رب العالمين

    بس برضه

    حب الاوطان من الايمان

    ولا انا فاهم غلط

    بستاذنك احطلك عندي لينك يا ريت توافق و طبعا لو انت تحب اتفضل اكيد

    تحياتي و شكري على الزيارات المتكررة

  66. مدون على الطاير said

    السلام عليكم ورحمة اللة وبركاتة ازيك يا باشمهندس الحقيقة دى اول مرم ادخل على المدونة بتاع حضرتك بس الحقيقة مدونة اكثر من رائعة ويظهر امن وصف صيد الخاطر قليل عليها الحقيقة انا كان نفسى اتعرف بحضرتك بس محصلش نصيب انا كنت هجى عند محمح مجدى يوم الجمعة بس الحمد اللة متعوضة ان شاء اللة الحقيقة محمد معجب بحضرتك اوى واسمحلى انضم الى اسرة المعلقين على المدونة بتاع حضرتك بس ان شاء اللة من اول البوست الجاى تحياتى محمود ابو العز

  67. Jana said

    أحلى كلام يا باشمهندس

    مصراوى….من غير ما ترسم علم على جبهتك
    مصراوى ..من غير ما تغنى مصريتنا وطنيتنا حماها الله
    مصراوى…من غير ما تاكل شيبسى مصراوى

    ذكرتنى حضرتك..بيوم ماتش المنتخب النهائى…يومها اضطرينا زوجى وأنا أن نخرج لمشوار ضرورى..بس بعد انتهاء الماتش طبعا.. 🙂
    وبعد أن خرجنا بأعجوبة من زحام السيارت المحتفلة فى الشوارع..وخرجنا الى طريق شبه فاضى…مرت بجانبنا سيارة..تحمل أعلاما كثيرة..مدويا بالكلاكس تعبيرا عن فرحة الانتصار..ثم أشار لزوجى بأن يرد عليه بكلاكس مماثل..ولما لم يفعل زوجى..انتظرنا فى الطريق حتى مررنا بجانبه متهما زوجى ..قائلا…”ايه ده!!؟ انت مش مصرى يا جدع”
    🙂

    حضرتك فعلا أقل ما توصف به.أنك مسلم مصرى بحق

    جزاك الله خيرا بنيتك الصادقة

  68. عصفور المدينة said


    نـــــــور

    أهلا وسهلا أستاذة
    ولعل فكرة التدوينة تتضح لك من التعليقات

    allah-slave

    جزاك الله خيرا وبارك الله لنا في جهودك ونفع بك مصر
    مهما كان والله مصر حلوة
    وأهل مصر

    العاشق….محمد على

    ربنا يحفظك يا محمد
    شكرا لإضافتك المؤثرة فعلا شوارعنا وحياتنا لها طابع خاص بحبه وندمنه

    امام الجيل

    نقولها ياعم كلمتين حلويين
    بحبك يا مصر
    الناس نظرتها للامور متلغبطة بتفكر تفكير لحظى فى وقتها بس معندهمش تفكير فى البلد ومصلحتها بيفكروا بقلبهم بس
    بقى انت عايز تشوفني راسم علم على وشي
    🙂

    خمسة فضفضة

    أيوة يا دكتورة كل واحد له طريقة في التعبير عن الحب
    بس في النهاية الحب له مقتضيات في السلوك وليس كلمات وتعبير فقط

    Bella

    أهلا أستاذة فرحت جد بتعليقك وتدوينتك الأخيرة
    وشكرا لاشتراكك معي في الفكرة

    الراقص مع الذئاب

    حضظابط وعليكم السلام ورحمة الله وبركاته
    ربنا يكفيك شر الجزا يا عم
    أحبك الله يا عم يعني فيه ناس مش معاهم ثمن البيروسول وناس بتحرقه في الهوا

    فرنسا هانم

    التعبير عن الفرحة تعبير وقتي الحب نفسه يقتضي السلوك الإيجابي

    الفاتح الجعفري

    حانقل كلماتك زي ما هي
    ان الحب فعل وليس كلام
    ان الحب عمل وجهد
    ان الحب لايحتاج تملق وتشدق
    انه مايخرج منا من غير اصطناع
    انه التضحيه والبذل دون احساس بالمعاناه
    انه مايجذبنا دون ان نشعر

    دعوة الفردوس

    ما أروع كلماتك

    تعلمت أن أحب وطني بكل شكل يفيدها ويرضي الله
    تعلمت أن تكون أحب البلاد لقلبي وألا أخرج منها الا اذا اخرجني اهلها وفي ذلك سبل كثيره
    انا ايضا
    مصراويه


    اصرار أمل

    حب بلدنا لا يقطعنا عن أمتنا الأسلامية كما أن حب أسرتنا لا يقطعنا عن حب شعبنا وإخوتنا في الدين

    صيد الخاطر

    حبنا لها حب العاقلين
    :
    نبني كل حجر تهدم أن نساعد الضعيف ونعطف على المسكين أن نعيد البسمة لوجوه الكثيرين ممن لايعرف الضحك الى وجوههم سبيلا

    حبنا لها يعني ان نتعلم أكثر فنتقدم أكثر فنحرز من اجلها مراكز عالمية

    نحبها لان الله تعالى امرنا بحبها وهذه سنة نبينا صلى الله عليه وسلم مع وطنه
    ولأنها مصر أرض العروبة والشهامة والمجدعة والرجولة
    أرض النيل أرض الحب والحنان

    محمد الجرايحى

    جزاك الله خيرا أخي الفاضل الحبيب
    حب الوطن والانتماء والولاء قضايا تستحق الكتابة عنها وتناولها وخاصة فى ظل هذا المناخ …
    وحب الوطن ليس بالفعل بالغناء وعلو الصوت إن بالعمل والجد والاجتهاد بذل وعطاء …

    الصارم الحاسم

    هو ده الحب الحقيقي
    😀

    الطائر الحزين

    مصراوي خالص
    جزاك الله خيرا

    دكتور حر

    جرب متعة السجود في الشارع وادعي لي
    كنت أشتهيه سنوات طويلة حتى تجرأت وفعلته
    لكن مهما كان رأيك في الكوره حب البلد بالعقلانية أجمل وبالعملية أروع


    appy

    ربنا يكرمك أيضا وشكرا لموافقتك على وجهة نظري
    🙂

    عبدٌ من عباد الله

    هدانا الله وإياك وفعلا
    مهما كان غيرها أجمل إلاأنها تجذبنا لنعود إليها


    klmat

    مصر حلوة بالناس اللي فيها من أمثالكم
    الذين يحملون همها

    مصراوي أوي

    أنا كنت خايف منك يا دكتور تقول لي أخدت الإسم
    🙂


    الساحرة

    ربنا يحفظك وإن شاء الله بجهودكم وحبكم الفاعل يرتفع شأنها

    وطني

    يعني خبطنا في الدكتور ماجد ومهندس خالد
    مصراوي وطني
    فيه موضوع عند الجعفري منتظرين مشاركتك فيه

    عدى النهار

    تعليقك رائع رائع رائع
    وشيلني الهم أكثر

    ض/خالد

    🙂
    لا أصل لحيتي مش مغطية على قلبي


    MerMaid

    أستاذة هاجر ما يهمكيش حكاية المقاعد الأمامية
    🙂
    ربنا يحفظك في حلك وترحالك
    مش كل الدنيا لعب واحتفالات بس
    و اللي يزيد عن حده ينقلب ضده


    آفاق الحرية

    الأساليب الشيقة دي اللي انت بتقول عليها دي فيه ناس بيقول عليها غامضة مش عارف ليه
    🙂
    متشكرين يا قمر على القصيدة

    ام الابناء

    جزاك الله خيرا

    الفجر قادم

    انا بحب مصر بس أى حاجة بعملها فى مصر هى لله عز وجل جزاك الله خيرا
    وغريب انتقال التقليعة إلى خارج مصر أيضا

    سلكاوى القهوجى

    نزل يا عم مشاريب في حب مصر

    مهما عملوا يا بلدى فيكى احنا بيكى احنا ليكى داحنا ياما خدنا منك فيه ايه لو يوم نديكى
    انتى اللى ارضك طيبه وحنينة على قلبنا طول السنين

    بلادى بلادى اسلمى وانعمى سارويك حين الظما من دمى ورب العقيدة لن تهزمى
    ومن اكمل الدين للمسلمين

    العراق صوت الحق

    جزاك الله خيرا أخي عمر
    فالتغني طوال الوقت عن حب شئ يفقده قيمته

    dr.nour

    أيوة يا دكتورة وأعتقد أنكم جميعا كذلك
    وربنا يصلح النت عندنا جميعا

    چــِنـيـن … عيلة و عايزة أفهم

    ربنا يكرمك يا جنين عايزين نفعل الحب ونحوله إلى أفعال وهم صادق

    اسلام رفاعى

    جزاك الله خيرا
    فعلا التحكم في المشاعر وكتمانها بس تحويلها إلى أفعال

    ابن حـجـر الـعـسـقـلانـى

    جزاك الله خيرا
    جزاك الله خيرا
    جزاك الله خيرا

    دكتور بيطرى

    أحبك الله الذي أحببتني فيه

    L.G.

    أقول أنني أحب مصر وأيضا رفضت فرص سفر كثير عشانها وبادعو لحبها شايف إنك علقت على فكرة غير اللي انا كاتبها علقت على حد بيقول مفيش حاجة اسمها حب الوطن

    تدوينتي بتقول حب الوطن بالأفعال مش بالأقوال باستجلاب رضى الله لهذا الوطن حتى يعمه الخير ببناء وتوريث أجيال صالحة نافعة بمحاربة إهدار الموارد بتنسيق جهود المخلصين الخ الأفكار التي بثثتها

    وبخصوص قول حضرتك في تعليق عندك في مدونتك
    القارئ سيدي لا يقرأ الا الكلمات ما تنتويه في صدرك ليس كل القراء سيصلهم بنفس الطريقة

    كنت قد علقت عليه بقولي
    هذا يحدث إذا كان القاريء متعودا على أسلوب الكاتب ومتفهم شخصيته

    لست منزعجا من كلماتك ولكني لم أدع إلى ترك حبها أو أنكر على من يحبها كنت أطرح طريقتي في المحبة الأفعال والاهتمام لهمومها وهموم أهلها

    والإيجابية واستجلاب رضا الله عزوجل

    خبيب

    موجودين يا دكتور بس المشكلة إن جهودهم مش منسقة

    ana ga3an

    جزاك الله خيرا
    كل ما رأيت واحدا يحبها حبا عمليا ويعمل لأجلها بصدق ويداوم على ذلك ولا يكل أحس أن حلمي يتحقق أرضى أحيانا أن يتحقق جزء من حلمي
    جزاك الله خيرا أعجبتني عبارتك
    أشفق عليك
    لأني ساعات بأشفق على نفسي
    🙂
    واقول هو الناس دي مش حاسين ليه بس بيعوضني لما أشوف ناس زيكم شايلين همها

    خطــ المصري ــاب

    إن شاء الله تعمر
    وبجهودكم المخلصة

    أنا إنسان

    أخجلتني بتعليقك الرائع أخي الحبيب

    مناجاة

    عجبني أوي كلمة
    متصالح مع نفسك
    عارفة يا دكتورة الكلمة دي بتمثل هدف من أهداف حياتي
    ربنا يحفظك وأولادك ويبارك فيك ويجزيك الجنة

    رفقة عمر

    وهي بتحب المخلصين من أمثالك

    اليعقوبي

    أحبك الله الذي أحببتني فيه أخي الحبيب الليث في عرينه

    ابو حسان _ايمن الشلتوني_

    الفاضل الرائع أبو حسان جزاك الله خيرا ونشرف بتعليقك في مثل هذه التدوينة المحلية
    🙂
    وجزاك الله خيرا على إطرائك وكم تتضاءل مدونتي إلى جوار أفكاركم الرائعة

    صاحب المضيفة

    جزاك الله خيرا يا عريس
    هو ده الانتماء الحقيقي
    مش شعارات وهتافات وبس
    الانتماء فعل مش كلام

    دنــــيــــــا مـحـيـرانـي

    التعبير عن الحب بالافعال و ليس بالاقوال
    أهلا بك أستاذة ولعلك بخير

    pinky

    ناسها فعلا طيبين ومطحونين
    ياريت كلنا نحول حبنا وانتماءنا لأفعال في كل المجالات ولا يعطينا نجاح في مجال الرياضة استرخاء ورضى عن النفس ينسينا واجباتنا الأخرى


    يقين النصر

    جزاك الله خيرا على هذا النقل الرائع

    هناك أناس يذوبون حبا لمصر

    ..يتعذبون من أجلها تحترق قلوبهم عليها ولم يقفوا يوما فى مباراة ولم يهتفوا يوما باسمها ..
    جزاك الله الفردوس الأعلى من الجنة

    حطم القيود

    رزقنا الله وإياكم العمل لدينه ودعوته على الوجه الذي يحبه ويرضاه

    BinO

    حمدا لله على سلامتك يا هندسة
    ياريت ترجع لردي على التعليقات في التدوينة السابقة يا حبيبي
    ربنا يبارك فيك ودايما موجود معنا

    الربان

    أخي الحبيب الرائع ربنا يحفظك

    تجمع الناس خلال مباريات البطولة الافريقية…و نزولهم للشارع احتفالا بالفوز…. الا يعني اننا بحاجة الي من
    يجمع هذا الحب و الانتماء و يدفعه الي عمل قومي واحد…نشعر فيه بالنصر ..

    وأيضا أقول أن داخل الشباب طاقة ربما تحتاج لترشيدها وطرحك رائع بتنسيق الجهود فعلا وربما يكون الأرشد أن يتم ذلك على نطاقات محلية

    عبدالرحمن فارس

    جزاك الله خيرا وكم هي معبرة كلماتك أيضا وما تطرحه في مدونتك عن همومها

    Maha

    أيوووووووة
    بارك الله فيك وما أحد ذكاءك
    لقدج كنت وأنا أكتبها متحيرا أكتب ردا على تاج وضاح أم أدرك الحدث الذي أثارني فآثرت أن أجمع الاثنين في واحد
    وبعد أن نشرت التدوينة قلت لنفسي كيف أجيب عن تاج وضاح الآن وماذا سأكتب فيه
    سبحان الله فأتيت أنت فأحسست بتلك الحالة النفسية
    الله ما أشد ذكائك حفظك الله كم تعجبت حين قرأت تعليقك

    ibn_abdel_aziz

    وأنا أقول بأعلى صوتي وفي كل مكان أحب هذا الرجل
    شريف عبد العزيز

    ابوزياد الفاتح

    حمدا لله على سلامتك أخي الحبيب
    مش عايزنهم يقطعوا نفسهم عشانا عايزوينهم يحلوا عننا ويسيبونا نخدمها

    nonoymm

    عاشقة النقاب
    ربنا يحفظك ويهنئك بالعيش فيها

    أبوعمر

    حتى حبنا لمصر لابد أن يتقيد بالضوابط الشرعية وأن يكون إيجابي
    خرج النبي صلى الله عليه وسلم من مكة وهي أحب البقاع لله وله ولو ما اخرجوه منها ما خرج ، فحب البلد مباح ولكن لا يجرنا إلى مخالفات أو

    ارتكاب حماقات
    جزاك الله خيرا أخي الحبيب العاقل
    🙂

    NIDAAL PAL

    ربنا يحفظك يا محمد
    ممكن نكره ادارتها او حكومتها و لكن كبلد ابداً ابداً

    الفاتح الجعفري

    تم يافندم وأتمنى من الجميع المشاركة
    http://hafedelga3fary.blogspot.com/

    ملك الكبدة

    لا يا أستاذ أنا مش بانكر حب الأوطان بالعكس أنا كتبت هذا الكلام تأكيدا للحب وتوضيحا لأن يكون هذا الحب إيجابيا وعمليا ومرتبطا أيضا بحب الله عزوجل واستجلاب رضاه للبلد
    بخصوص وضع لينك للمدونة بتاعتي عندك فأنا أشرف بذلك وأنا حاطط لينك لمدونتك من زمان


    مدون على الطاير

    يا أهلا وسهلا معلش بقة فاتنا مقابلتك يا أخي الحبيب وربنا ييسر فرصة أخرى
    ودايما منورنا

    Jana

    عجبني تعليق حضرتك جدا

    مصراوى….من غير ما ترسم علم على جبهتك
    مصراوى ..من غير ما تغنى مصريتنا وطنيتنا حماها الله
    مصراوى…من غير ما تاكل شيبسى مصراوى

    جزاك الله خيرا والحدث البسيط اللي حضرتك ذكرتيه شوفي هما شايفين اللي مش يعمل كدة يبقى مش وطني

  69. sarah la tulipe rose said

    فعلا لواحد احاسيسه بتبقي مختلطة تجاه كلمة “مصر ” اوي ومهما حصل بلدنا و مش لازم نهتف تحيا مصر و لا نرفع علم عشان نثبت حبها

  70. صانعة الحرية said

    السلام عليكم
    متقولش ايه ادتنا مصر قول هندى ايه لمصر
    شوفت اسم جروب عجبنى اوى
    اسمه
    لو لم اكن مصريا
    يبقى اشطه قوى
    انا بحبها بس مش عارفه ليه
    عمرى ما سألت نفسى انا بحبها ليه
    برغم الكوسه والرشوه
    برغم الذل والظلمه
    بحبها

  71. د/اجدع بنوته said

    طبعا قعدنا 17 سنه نحيي العلم

    ورسمت العلم مرتين الصراحه مره ع ايدى ومره ع قورتى

    المرره الجايه هتبقى ع قفايا بس مش انا اللى هرسمها

    انه تحالف قوى الشعب

    بس اهى حجات بنعبر بيها عن حبنا

    لبلدنا هذا الحب الذى لا يختلف عنه اثنين

    تحياتى

  72. و القادم....أجمل said

    السلام عليكم
    عشق مصر
    داء في دمائنا يسري
    و لا نريد الشفاء منه
    أعشق وطني بكل مافيه
    أعشقه حتي النخاع

    بوست حضرتك رائع
    و معانيه رااائعه
    احترامي و تقديري

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

 
%d bloggers like this: