مدونة عصفور المدينة

مدونة نظيفة إسلامية (زيادة الإيمان) الطرائف والتناقضات التخسيس والصحة العامة الإدارة والتنمية البشرية

انشر هذه الرسالة

Posted by ctybrd on February 25, 2008


تصلني وتصلكم كثيرا رسائل عبر البريد الإلكتروني من تلك الرسائل الدوارة -واللهم لا اعتراض- أما المنتديات التي سجلت فيها يوما ما للحصول على ملف فلا يقصرون معي في ملء صندوق البريد المزعج دائما أما أصدقائي فأنا كفيل بهم !!!

وصلني منذ أيام رسالة عنوانها الحقيقة أغرب من الخيال أحيانا من أحد أصدقائي- أيوة انت عارف نفسك – طبعا الرسائل – الدوارة – التي تأتيني من الأصدقاء أهتم بها شيئا ما لأنها أحيانا تحوي صورا طريفة أو تقدح قريحة الإنسان لموضوع ما.
الموضوع يقول وباختصار مخل أن هناك في التشيك في الركن الهاديء البعيد يوجد كنيسة مبنية من عظام الموتى المسلمين!!!

الكنيسة صغيرة عمرها أكثر من 1000 عام يتميز ديكورها والذي لا يكون من الخشب أو الجبس أو الحجر أو أي مواد طبيعية أو مصنعة ولكن يتكون من عظام المسلمين

هذا الجزء أعلاه منقول من الرسالة ومرفق مع الموضوع عدة صور لتلك الكنيسة وحكايتها حسب الرسالة أن قسيسا ذهب إبان الحروب الصلييية إلى القدس وأحضر عظام قتلى المسلمين ليزين بها الكنيسة وتكون فخرا وقربى له ثم زادوا عليها بعد مائة سنة ثلاثين ألف جثة أخرى ثم طوروها عام 1870 وزادوا عليها أربعين ألف جثة

وهي الأن من أشهر الكنائس العالم ليس لقدمها ولكن لزينتها بعظام المسلمين فيها وشاهد علي حقيقة الاجرام الذي يقومون به

جلست أبحث عن تفاصيل تاريخية أكثر عن الموضوع ونسيت الواقع شيئا ما ولمدة ساعة ونصف ونسيت غزة ونسيت العراق ونسيت الدنمارك وهولندا ونسيت وثيقة الإعلام العربي بعد أن “غلى” دمي .
لازم نعمل حملة جمع توقيعات لهدم هذه الكنيسة واسترجاع جثث موتانا : قال لي شيطاني الإلكتروني

ولغرض البحث اقتطعت جزءا من الرسالة لأبحث به ولم يصدمني عدد المنتديات التي تتناقل محتوى نفس الرسالة كما هو وبنفس العنوان فهذا أمر معتاد.

عند التدقيق وجدت فرقا في محتوى الرسالة بين المنتديات وبعضها فوجدت البعض يحكي الحكاية بطريقة أخرى وأن الكاهن سافر إلى بيت المقدس وأحضر حفنة من التراب وألقاها على موضوع الكنيسة لتصبح مباركة فتسابق الناس على مر الأجيال للدفن في هذا المكان وفي زمن الطاعون في القرن الرابع عشر الميلادي ازداد الموتى وازداد الدفن.

وعند البحث بالإنجليزية صدمت جدا إذ أنني وجدت عددا من المنتديات تحتوي نفس المحتوى مترجما بل والعنوان أيضا

Truth is sometimes stranger than fiction

كما هو.. أبحث عن كلمة Muslim أو Moslem لم أجد أي ذكر لكلمة مسلمين تأكدت هكذا أن أصل الموضوع في الإنجليزية وكانت التعليقات طريفة جدا فبعض التعليقات يقول إن الصلاة في هذه الكنيسة مميزة والبعض يقول إن استخدام هذه العظام لا يفرق كثيرا عن استخدام عظام الحيوانات مثل الفيلة ونحوها والبعض يسأل عن الرائحة.
هاهنا مقال عن كنيسة سيدليك في ويكبيديا

ولم أجد كلمة المسلمين سوى في مقالة فرعية من هذه المقالة حين الحديث عن الطاعون حيث قالوا أنهم في أوربا كانوا لا يفرقون بين أعراض الأمراض المختلفة بينما السجلات الطبية عند المسلمين والصينيين ربما تحتوي على توصيفات أدق!!!.

وعلى صعيد متصل رفض ويكيبيديا إزالة صورة النبي محمد صلى الله عليه وسلم من محتوى موقعها بعد توقيع 180 ألف -صاحبكم واحد منهم طبعا- والذين تم حشدهم عن طريق الكثير من الرسائل الدوارة !!! وها قد صوتنا ولم تحذف الصور.

لماذا كتبت هذه الموضوع :

  • المواجهة العصرية تحتاج إلى تغيير وديناميكية في الوسائل والآليات لابد أن يتوقف سيل الرسائل وتمريرها ولابد أن ينتهي عصر “رسالة الحاج أحمد”
  • ناهيك عن أشباه تلك الرسائل التي تمرر عبر المحمول ويكون لها نكلفة
  • الوعي بالتاريخ الحقيقي مطلوب من مصادره الحقيقية وهو يحتوي على فوائد أخرى أكثر من تهييج المشاعر والتي يخمدها الضغط على Forward
  • وبهذه المناسبة يوجد سلسلة صوتية رائعة للدكتور راغب السرجاني : الأندلس ..من الفتح إلى السقوط
  • المعلومة الكاذبة تغطي ولاشك على معلومة صادقة والمشكلة الوهمية تشغل عن مشكلة حقيقية والبدعة تشغل عن السنة ومصمصة الشفايف تعطل اللسان والأسنان.
  • Nobody believes a liar…even when he’s telling the truth أكيد لا أقصد الذي مرر ولكن الذي ترجم
  • كثرة التكرار والإلف والتمرير تميت القلب وتفقد الإحساس ومن ثم تكتفي بالتمرير اللاواعي.

وأشياء أخرى……………

لحظة قبل أن تمرر :
بالتدقيق في الصور وجدت في ذيلها اسم المدونة الإنجليزية التي تم نقل الصور منها وبنفس بالترتيب مع إضافة كلمة المسلمين.

وصلني بالإيميل رسالة طريفة وجدت محتواها هنا

والأطرف أن تذييلا ملصقا في الرسالة تضعه الشركة التي يعمل بها أحد الأصدقاء الممررين يقول

you are hereby notified that any disclosure, copying, distribution or the taking any action in reliance on the contents of these documents is strictly prohibited and may be illegal. Please notify us of your receipt of this e-mail in error and delete the e-mail and any copies of it

مقال هام مرتبط بالموضوع : دعوة لمحاربة الإسلام بمشاركة المسلمين

79 Responses to “انشر هذه الرسالة”

  1. عصفور المدينة said

    سبحانك يارب عدت من السفر فوجدت النت مقطوع وتم الدخول ديال أب
    وجاري الرد على باقي التعليقات ثم أدخل ديال أب لوضعها

  2. امام الجيل said

    اول تعليق

  3. طـعـمـة said

    والله الواحد تعب من المعلومات المغلوطة دي يا أخي الكريم وإللي بتظهر مدى جهل المسلمين
    كل ما واحد تطق في دماغه إنه ينصر الإسلام أو يرد على أعداء الإسلام يقوم مطلع كدبة وملفقها علشان يهيج مشاعر المسلمين
    طبعا مش كل المسلمين بيلفقوا الكذب
    للأسف هم أقلية بس ليهم تأثير جامد
    شوف الموقع ده لأخونا باب البحر جامع فيه أغلب الإشاعات إللي طلعت بنفس الفكرة
    http://www.bab-albahr.com/internet_lies/index.htm

  4. امام الجيل said

    ممممممم
    هى ثقافة تمرير الرسائل دى ساعات بتنفع
    وساعات الواحد بيطلع على رسائل مفيدة
    بس المشكلة فى الرسائل المضروبة اللى بقت كتير اوى
    بشكل مبالغ فيه

    وللاسف اذا كانت بتساعد فى زيادة غيرة المسللمين وحماستهم كنا نصربلنا كام رسالة كده
    🙂

    بس للاسف اعتقد انها بتسبب فى زيادة الاحباط والاحساس بعد الجدوى
    وان الدنيا بتخرب اكتر

    وممكن يكون ده من اعداءنا صحيح
    عشان يرسخوا فينا احساس الذل ده

    اول مرة اخد بالى من الحكاية دى على فكرة بس ممكن يكون تحليلى صحيح

  5. قبلة الحياة said

    سيدي الفاضل

    السلام عليكم ورحمة الله وبركاته
    أتمنى ان ابنه حضرتك ياباشهندس تكون بخير وألف لا بأس عليها .. ربنا يحفظها لك ويبارك لك فيها بإذن الله

    -*-*-*-

    انا مع حضرتك ان غلط طبعا نشر أي محتوى لاي رساله من غير التأكد من صحتها ومصدرها ..
    بس بفرض ان الرساله وصلت بالفعل لشخص ما ومقدرش انه يتوصل لصدق محتواها .. إما بسبب تقصير ( كسل ) وغالبا ما بيكون واما بيكون لجهل او لعدم وعيه او لقله اطلاعاته وخلفيته الثقافيه

    بالشكل ده لو امتنع عن تمريرها ممكن تقف عنده فقط .. بس المصدر الاساسي لسه موجود اللي خرجت منه مثل هذه الضلالات

    فيما معناه اننا لم نقضي على المرض نهائي ..

    انما لو صادف انها وصلت لأشخاص ذوي خبره ومعرفه وعلى درايه زي حضرتك ( وليس رياء ولا نفاق والحمد لله بالطبع .. والله على ما اقول شهيد ) فهنا وفي هذه الحاله كسب ظهور الحقيقه ووضوحها للناس وفهم ما بين السطور ووضح اسباب ظهور مثل هذه البدع والاشاعات زي ما حضرتك تفضلت بالتوضيح

    عشان كدا دايما النت سلاح ذو حدين يا اما هيزودنا بالمعلومات الصحيحة يا اما هيدمر الفكر وخاصة لانسان قليل الخبره وكل فكرة او معلوماته بيستمدها من منتدى او ايميلات وهي طبعا مصادر غير موثوق في صحتها

    بعتذر على الاطاله

    ولك جزيل الشكر وخالص التقدير
    تحياتي لشخصك الكريم

  6. جمعاوى روش طحن said

    الموضوع محتاج شوية تركيز يا هندسة

    فى بعض الناس بأحس إنها قاعده ف فرح العمده

    كله بيضرب نار

  7. العاشق....محمد على said

    عمنا عصفور حمد الله على السلامة والمعنى اللى حضرتك عايز توصله وصل بحمد الله وتوفيقه وبمقالك ده خلتنى ارجع عن نشر بوست مرتبط بنفس الموضوع…الكبير كبير برضه…والله ولى التوفيق.

  8. A.SAMIR said

    نفسي اعرف بيبقى ايه عقلية ونفسية البني ادم اللي بيروج موضوع غلط او اشاعة مغرضة ليس لها اي اساس من الصحة
    النوع دة من الرسايل كترت بشكل مستفز جدا
    ربنا يهديهم

  9. آخر العنقود said

    السلام عليكم
    بصراحة بتفق مع قبلة الحياة فى تعليقها
    لان للاسف مش كل اللى بيجيله رسالة من النوع ده بيبحث عنها
    ولكن ما يقوم بفعله هو حذف هذه الرسالة وعدم نشرها
    ويبقى اصل الانتشلر موجود

    الله المستعان
    خالص تقدير واحترامى

  10. مدون على الطاير said

    السلام عليكم الحقيقة يا باشمهندس الموضوع دة انشر فى الفترة الاخيرة ولعلك تذكلر موضوع الكعبة الزجاج اللى كانو بيقولوا عليها صالة رقص وفى الاخر طلع احدث فرع للشركة العامية ماكنتش واللة دى حاجة تدعوا اللضحك وعلى راى المثل هم يضحك وهم يبكى اد كدة الاستهزاء بعقولنا واحنا اية مابنصدق تلاقى رسالة مثلا ابعت دى اعشرين والا يصيبك العذاب الاليم وهكذا واللة دا نوع من انواع خلل العقيدة وتناقل مثل هذة الرسائل بيدل برضة على ان احنا لسوة مبنفكرش فى اللى بنعملة يعنى اية تبعت حاجة لمجرد انها جتلك على الاميل من غير حتم متتاكد والحل للموضوع دة هو الحل المثالى اللى حضرتك عملتة انك بحثت عن الموضوع كلة وقدمتة لنل شافغو وكافى وبالتالى لواى حد سمع عنة هيعرف الحقيقة وبجد حزاك اللة خير وانا اسف جدا جدا على التطويل دعواتك

  11. الصارم الحاسم said

    التعليق رقم حداشر
    🙂

    بالاضافة لسلة الاندلس – راغب السرجاني

    لا يفوتكم نفس السلسلة لطارق السويدان

    السلستان مكملتان لبعضهما البعض – لا تصلح احداهما في رأيي دون الاخرى

  12. لماضة said

    بصراحه انا بطلت تمرير الرسايل من زمااااااااااااان
    ده غير استحلفك بالله تمررها لوممرتهاش هتسمع خبر موتك قريب ولو مررتها هتسمع خبر حلو فى خلال اسبوع
    حتى الايميل ده وصلني
    وكان مصيره الحذف
    بصراحة خفت امرره
    جزاك الله خير يا بشمهندس على البحث فى الموضوع ده

  13. احمد الجيزاوى said

    حسبى الله ونعمه الوكيل

  14. علاء سالم said

    السلام عليكم

    معك كل الحق والله
    للأسف البعض بيبعت الرسائل بدون حتى النظر إلى محتواها .
    أحيانا بتوصلني رسائل سواؤ على الأوفلاين بتاع الياهو أو على البريد فيها أشياء مخالفه للعقيده .
    انا آخر ما زهقت من كده عملت إيميل جديد مش بأشترك بيه في أي منتدى أو موقع ولا بأكتبه في أي موقع علشان أتخلص من الرسائل المزعجه دي .
    خالص تحياتي

  15. طال الليل said

    يبدو أن إدمان الإستعطاف وإبتزاز المشاعر وإستمراء العيش فى ثياب المهضومين والمضطهدين مسألة عصية على الحل
    هذه الرسائل المستفزة أفسرها أحيانا قريبا من الشعور بمتعة المذلة

  16. دعوة الفردوس said

    الله ع التركيز

    ميزة حضرتك
    انك بتتكلم في حاجات بنحس بيها ومش بنعبر عنها
    معرفش ليه
    كسل -تعود-تجاهل
    مش عارفه
    المهم يعني
    قد يكون لي عودة بتعليق اكثر تفصيلا
    الان فعلا تعبانه
    أسألكم الدعاء

  17. خمسة فضفضة said

    السلام عليكم ورحمة الله وبركاته

    عند حق يا باشمهندس ،الرسايل الدواره دي حاجه تقرف بصراحه وتلات ارباعها بيبقي مش مظبوط وكانت السبب الاساسي اني هجرت اول ايميل عملت وكنت مشتركه بيه في منتديات ومجموعات بريديه كتير اوي ، فاتلاقيه مليان من خيرات ربنا بعد ما بطلت افضيه من مده
    🙂
    كمان في رسايل تانيه يقولك الرساله دي لو مانشرتهاش هايحصلك كذا وكذا ؟؟؟؟

    قريت مره عن صحفي كان عامل صور بيهاجم بيها المسلمين ولما قدمها لميره مارداش ينشرهاله ، فاواحد صحبه نصحه انه ينشرها في اي منتدي للمسلمين وهي هاتشتهر لوحدها !!!!!
    ورايي ان كلامه صح لان اي حاجه بتتمرر من غير ما يتم التأكد من محتواها ، او حتي اعمال العقل والتفكير في معقولية او صحة الكلام المكتوب

    جزاك الله خير يا ابو يحيي لتنويهك عن هذا الموضوع

    والف حمد الله علي سلامة بنت حضرتك ربنا يتم شفاها

    تحياتي

  18. صانعة الحرية said

    السلام عليكم
    دعوه لمحاربة الاسلام بمشاركة المسلمين
    تمام والله يا استاذنا
    كان دكتور طارق السويدان عامل محاضره عن فقه التعامل مع هذه الرسائل
    وان لابد من التاكد من صحتها قبل نشرها
    وانا كنت سمعت حلقه فى المفسيديون عن الكنيسه دى بس مجابوش سيرة المسلمين فى الموضوع

  19. العراق صوت الحق said

    السلام عليكم ورحمة الله وبركاته
    أخي محمد
    فهمت من التعليقات أن أبنتك كانت مريضة أن شاءالله تكون بخير الان.
    بخصوص هذة الرسائل هل تتذكر أول معرفتي بمدونتك عن طريق رسالة أرسالتها لك ادعوك فيها للمشاركة في حملة ويكيبديا بخصوص صورة نبينا وحبيبنا محمد صلى الله عليه وسلم
    عموما أنا سعيد بهذه الرسالة لانها عرفتني بأخ كريم مثلك

  20. عاشقه الفردوس said

    فعلا والله

    والاوفلاينات كمان بقي تزهقك
    وتخليك وانت بتقرا تقول اقسم بالله اني لازم انشر الرساله دي
    والمفروض اني اقسمت
    اشيل كلمه اقسم بالله انك تنشر دي وابعت بقيه الرساله لو متاكده من دقتها حسيت انها او مالقتش لها اي معلومه تؤكده ماانشرهاش علشان انا اقسمت ومش عايزة حد يبقي مفروض عليه انه يقسم
    تضييع وقت وعدم اهتمام
    اهي الرساله اللي حضرتك وضحتهالنا دي جاتلي عن طريق الايميل بس مش موجوده كلمه المسلمين
    تقريبا كان مكتوب المصريين
    :))
    حاجه تضحك
    اهو عايزين يحرقوا دم حد يغيروا كلمه بس

    ربنا يرحمنا ويعافينا اللهم امين

    جزاك الله خيرا

    قريت في الشات بوكس ان بنت حضرتك مريضه
    اللهم عافها واشفها
    اسال الله العظيم رب العرش الكريم ان يشفيها
    اسال الله العظيم رب العرش الكريم ان يشفيها
    اسال الله العظيم رب العرش الكريم ان يشفيها
    اسال الله العظيم رب العرش الكريم ان يشفيها
    اسال الله العظيم رب العرش الكريم ان يشفيها
    اسال الله العظيم رب العرش الكريم ان يشفيها
    اسال الله العظيم رب العرش الكريم ان يشفيها

  21. الطائر الحزين said

    احنا مش عاوزين نشغل بالنا واى معلومة مش بنشغل بالنا نعرف صحتها من عدمها

    مع ان ممكن الواحد ينادى ويسأل واحد يكون عارف ويفصل بينهم جدار مثلا

    حمدا لله على سلامة رقية

    تحياتى

  22. المهـ إلي الله ـاجر said

    من النادر جداً ان تصلني رسالة كهذه وأقراها حتي من اصدقائي لان أغلبها محفوظ ومعلوم ما فيه .. واغلبها فرقعات هلامية

    لكن الرسالة وصلت يا ابا يحيي (:

  23. دكتور بيطرى said

    هذه اللفتة مهمة لأن كثير من الرسائل الدواره ليس لها أصل وهنا اتذكر قول الله تعالى ( يا أيها الذين ءامنوا إن جاءكم فاسق بنبأ فتبينوا أن تصيبوا قوما بجهالة فتصبحوا على ما فعلتم نادمين ) وقوله تعالى عندما يصف بعض من المنافقين فى قوله تعالى :” وإذا جاءهم أمر من الأمن أو الخوف أذاعوا به “. فالأمر خطير يا اخى ان ننقل رسائل حتى ولو كانت مصادرها صحيحة فإن بعضها ممكن ان يصيب النفس بالفتور والهزيمة النفسية كما يحدت فى المعارك من الحرب النفسية
    وجزاك الله خيرا

  24. صاحب المضيفة said

    يعني القصة في الاخر صحيحة ولا مش صحيحة

    انا بصراحة اتلخبطت من الكلام

    لكن فعلا انا معجب جدا بطريقة البحث اللي حضرتك بتعلمه في كل مرة

    تحياتي

  25. شهاب الأزهر said

    أعتقد أن ثقافة التمرير (الفرودة) نابعة من ثقافة الاستسهال، حيث إن فاعلها غالبا ما يعتبرها وسيلة سهلة وتعطي ضميره مسكنا أو مخدرا نوعا ما

    حتى إنني رأيت ذات مرة من يمرر بعض الرسائل الدعوية دون قراءتها، وعندما استفهمت منه قال إن غير قد ينتفع بها.. وطبعا صديقنا هذا لا يعلم محتواها أصلا.. لذا قد تضر أكثر مما تنفع

    نسأل الله تمام العقل وحسن التدبير

  26. لحظة said

    شفا الله ابنتكم وعافاها

    مثل هذه الرسائل لا بد من تجاهلها للحد من انتشارها
    لانه ليس كل من يبحث او يستطيع البحث
    وجزاك الله خيرا للتحقق من صحة الموضوع

  27. مهندس مصري said

    يعني الموضوع طلع غير حقيقي
    و العظام هي عظام الموتى من أهل البلدة خصوصاً بعد تزايد عدد الجثث أثناء انتشار وباء الطاعون بالقرون الوسطى
    لأنهم اعتبروا هذا المكان مبارك للدفن و مقدس لأن به تراب من الأرض المقدسة

    على فكرة انت لففتني في التدوينة دي أنحاء العالم لأني فتحت كل اللنكات الموجودة بالموضوع
    يعني الموضوع ده بخمس أو ست مواضيع
    🙂
    بارك الله فيك يا بشمهندس و حمداً لله على سلامة ابنتك
    و دائماً أذكرك أثناء وجودي على النت خصوصاً عند جهل الجاهلين فأتذكر حلمك و أدبك و اقتدي بك و أدعو لك
    فلا تنساني من دعائك
    🙂

  28. أبو خالد said

    انت جيت على الجرح
    والله أتمنى المسلمين والعرب فعلا يفوقوا بقى من الجهل والسطحية اللي فيهم دي

    انا شخصيا حاطط الموضوع ده بصفة عامة في دماغي
    ومش بافوت اي ايميل من اياهم الا لما ارد عليه رد محترم، وعشان اكبر عدد شوفوا باعمل
    reply all

    المهم في محاولة مني لصد الموضوع ده، كانت قصة متولي هاينزمان
    http://osamasherif.blogspot.com/2007/12/blog-post.html
    قصة ساخرة، أرجو إنها تعجبكم

    رب اهد قومي، فإنهم لا يعلمون

  29. محمد عبد الغفار said

    DEL

  30. hend...hanady said

    والله الواحد بتوصله رسائل احيانا بتبسط كارسال احاديث وغيره وساعات اكتر تخلى الواحد يتعجب من عقول الناس كمن يرسل فلانه حصل لها مصيبة وشافت سيدها الفلان فى المنام واللى يقولك ابعتها لخمستاشر واحد ومش عارف ايه سبحان الله والحمد لله على كل شئ
    بالنسبة لتاريخ الاندلس ل د . راغب المفروض اى واحد يسمعه اكتر من مره وزى ما هو بيقول فى اشد عصور انحدار الاسلام فى الاندلس انه فيه امل مقارنة بما يحدث الان
    وفيه كمان التتار من البداية لعين جالوت وسبحان الله بيبين لك مدى التشابه بين ماحدث ايام التتار وما يحدث الان

  31. hend...hanady said

    اه نسيت اقولك ياريت تغير اللينك من اسلام واى لاسلام ويب لان الحلقة التامنة مش كاملة فى اسلام واى
    http://audio.islamweb.net/audio/index.php?page=lecview&sid=985&read=0&lg=545

  32. فرنسا هانم said

    الف سلامه لبنتك يا هندسه
    شفاها الله وعافاها
    اما عن الرسائل الدواره
    فنسأل الله ان يهدى من يحاول اضلال الناس
    واختلاق الاكاذيب

  33. فرنسا هانم said

    ايه ده ؟
    حضرتك رجعت صور البروفيل تانى

    كده احسن

  34. الراقص مع الذئاب said

    السلام عليكم ورحمة الله وبركاته

    طبعاً الموضوع بتاع الرسايل الفورورد ومواضيع المنتديات هو السبب في إنشاء مدونتي
    عشان بصراحة….زهقت
    موضوع الكنيسة دا انا شفته كتير اوي قبل كدا
    وبقيت بكر دماغي من المواضيع ديه

    اما بقي بالنسبة لحملة التوقيعات فأنا متحفظ علي الموضوع دا ومش هتكلم فيه عشان ناس كتيرة اوي هتزعل مني لو قلت رأيي بصراحة

    الخوف مش علي زعل الناس…..الخوف من إننا هننجرف لجدال جانبي بعيد عن المصيبة اللي احنا فيها

    حسبنا الله ونعم الوكيل

    جزاك الله خيرا يا استاذ محمد

    الموضوع السابق راااااااائع
    ربنا يكرمك يارب
    اعذرني للتأخير في الرد بسبب ضيق الوقت

    دمت في خير استاذي الفاضل

  35. Anonymous said

    اسمحلي اطلق عليك اسم نسر المدينة مش عصفورها – اما بالنسبه للموضوع ده فاعتقد انه ظريبه العولمة يااخي نسر المدينة -اخوك المشتاق لله

  36. دسوقي said

    تسلم دماغك ياباشمهندس

  37. عصفور المدينة said


    امام الجيل

    ماشي يا محمد مبروك ياسيدي
    طـعـمـة

    جزاك الله خيرا وتجميعة الأخ باب البحر هي نفسها جاءتني بالإيميل عدة مرات
    🙂

    امام الجيل

    بص يا محمد هي ليها فايدة بس أنا أشرت إن فايدتها بتبطل بذكري للمثل
    Nobody…..
    تخيل حاقولك حاجة فيه دلوقت ظاهرة توزيع عطور مجانا وفيه ناس بتقول إنها مميتة وانت عايز تحذر الناس والناس بتمرر من غير ماتقرا يبقى عملنا إيه
    وأنا شخصيا جات لي الرسالة تحذير من العطور دي وبعدين تجاهلتها لحد ما أقسم العديد من أصدقائي وزوجتي أيضا أنهم قابلوا موضوع العطور ده
    وبعدين لو عندك بلونة كل شوية تنفخها وتفشها بعد شوية بتترهل صح ولا لأ

    قبلة الحياة

    وعليكم السلام ورحمة الله وبركاته
    جزاك الله خيرا على أمنياتك الطيبة
    معاك إن احنا مش بنقضي على المرض نهائيا بس نشر هذا الوعي سوف يقضي عليا إن شاء الله
    أنا رأيي نعمل حملة بجد للقضاء على المنتديات العامة الغير تخصصية

    جمعاوى روش طحن

    أيو يا أحمد بفعلا ناس عمالة تفرقع إيميلات
    🙂

    العاشق….محمد على

    كدة عسلللللللل
    أنا سعيد جدا بتعليقك يا محمد

    A.SAMIR

    أخي أحمد
    أنا أفهمك نفسية الشخص اللي هو أول واحد ألف الرسالة
    ده يا إما بيستهزيء من الناس زي ما أشار البعض
    يا إما إنسان بيجد ذاته في إنه يعمل تأثير في الناس بالتفاهة دي
    ناهيك بقى عن اللي بيحتسب وبيكون عنده عاطفة غير موجهة وموظفة

    آخر العنقود

    ماشي حوافق معاكي بس لازم كل واحد مننا يبذل مجهود ولو بسيط على الأقل ما يمررش حاجة وإن قدر يتحقق من صحة موضوع وينشر الصحيح يبقى أفضل

    مدون على الطاير

    أهلا حودة
    أيوة طبعا متذكر الموضوع ده والمواضع بتاعة شركة كوكاكولا ونحوها
    ده الأنقح من كدة جات لنا رسالة واحد بيقولك لو مررتها الدلاي لاما حيكون راضي عليك
    يعني وصلت من الصني لهنا واللي باعتها واحد في منصب مرموق
    تصدق يا محمود أنا فكرت نعمل مدونة للأكاذيب دي ونخصص ناس لها لرصدها

    الصارم الحاسم

    صح يا باشمهندس والرجوع أيضا للكتب في هذا الموضوع المهم الذي لابد من دراسته لفهم طبيعة الصراع الذي نعيشه واقعا من خلال معرفة التاريخ


    لماضة

    تصدقي عمري ما وصلت لحتة أستحلفك بالله دي
    أنا أول ما باشوف العداد شغال وعمال يزيد ووصل لملايين الحسنات باقفل على طول
    🙂

    احمد الجيزاوى

    فعلا حسبنا الله ونعم الوكيل يا أحمد دي بقت حاجة تنزفز


    علاء سالم

    أخي الشاعر

    السلام عليكم
    البعض أيضا يحذف دون النظر للمحتوى
    🙂

    طال الليل

    حمدا لله على السلامة أخي الحبيب الغائب

    يبدو أن إدمان الإستعطاف وإبتزاز المشاعر وإستمراء العيش فى ثياب المهضومين والمضطهدين مسألة عصية على الحل
    هذه الرسائل المستفزة أفسرها أحيانا قريبا من الشعور بمتعة المذلة

    دعوة الفردوس

    يعني انت يعني عشان كنت تعبانة ومش مركزة تقومي تغبطينا ع التركيز
    أين أنت أيها النومانة في انتظار تعليقك


    خمسة فضفضة

    جزاك الله خيرا
    طيب يا دكتورة حاسألك سؤال خمني إجابته هو وجود الظاهرة دي سابق على الناس اللي استغلوها للسخرية من المسلمين ولا الناس دول هما اللي صنعوها
    🙂
    إجابة السؤال ده بتفسر جميع أحوالنا

    صانعة الحرية

    يا ريت تشوفي لنا لينك الحلقة بتاعة د طارق عن الموضوع ده
    جزاك الله خيرا
    🙂

    العراق صوت الحق

    جزاك الله خيرا ابنتي بخير الحمد لله
    جزاك الله خيرا وأنا سعيد أني تعرفت على أخ واعي مثلك

    عاشقه الفردوس

    جزاك الله خيرا على دعواتك فعلا الموضوع أصبح خانق حاسس إنه طلع على صدرنا جميعا لابد أن نفعل المقاومة ضده


    الطائر الحزين

    ماشي يا كسلان طب ما انت اللي جبت لي أساس موضوع العطور
    وبعدين عائشة اللي تعبانة احمد ربنا رقية مش قرأت كلامك

    المهـ إلي الله ـاجر

    انا لا أخفيك يا أحمد أقرأ بسرعة لولقيت الموضوع مهم أعطيه قدر أكبر من الاهتمام
    بس فعلا الفائدة الوحيدة قد تكون هي عنوان الموضوع بحيث تبحث عنه

    دكتور بيطرى

    حضرتك شخصت المرض تمام

    حتى ولو كانت مصادرها صحيحة فإن بعضها ممكن ان يصيب النفس بالفتور والهزيمة النفسية كما يحدت فى المعارك من الحرب النفسية

    صاحب المضيفة

    أهلا أبو مالك شكلك مش كنت مركز
    معلش الحب يعمل أكثر من كدة
    حالخص لك
    فيه كنيسة بناها ناس وبعيدن زينوها بعظام موتاهم
    ناس أعجبوا بيها كتبوا عنها
    لحد هنا حقيقي
    جه واحد مسلم ترجم الكلام وحط فيها كلمة عظام المسلمين والإرهاب وحسبنا الله ونعم الوكيل وكدة
    والرسالة انتشرت
    جه واحد صاحبي راجل كبير ومحترم ومهندس عظيم مرر لي الرسالة
    وانا شغلت دماغي بالموضوع
    🙂
    بحيث يكون محور لموضوع نفسي أكتبه عن مر الرسايل الدوارة وآثارها الضارة على الهزيمة المعنوية والتواكل والسلبية
    بس للأسف طريقتي في الكتابة لازم تقدح ذهن القاريء فلو القاري تعبان أو مرهق حيكرهني ويزعل مني
    أقوم أصالحه بالملخص
    🙂


    شهاب الأزهر

    أعتقد أن ثقافة التمرير (الفرودة) نابعة من ثقافة الاستسهال، حيث إن فاعلها غالبا ما يعتبرها وسيلة سهلة وتعطي ضميره مسكنا أو مخدرا نوعا ما
    تعليقك رائع
    وصاحبنا الذي يمرر لعل غيره يستفيد أصلا بقية أصحابه أغلبهم مثله

    لحظة

    جزاك الله خيرا على سؤالك
    من كان يستطيع البحث يبحث وينبه ومن كان لا يستطيع فيتجاهلها

    مهندس مصري

    إيه يا هندسة اللفة مفيدة ولا إيه طب مانا دايخ على كتاب الأندلس بتاع الأستاذ محمد عبد الله عنان
    🙂
    بس شفت اللينك بتاع الأكل ده

    أبو خالد

    جزاك الله على جهدك أخي أسامة وفعلا لابد من التنبيه المشكلة بقى أن يأتيك إيميل يحذر من الشخص الفلاني ويرد عليه واحد يقول له الشخص الفلاني ده كويس وهكذا
    وانت مالكش ذنب غير إن اصحابك عندهم وقت فراغ أثناء العمل

    محمد عبد الغفار

    Del
    أيوة أو
    Forward
    🙂

  38. عصفور المدينة said


    hend…hanady

    ربنا يحفظك الأحاديث بقى مسئولية كمان إن بترسل بدون تحقق من صحتها وكثيرا ما تكون محض خرافة

    hend…hanady

    تم تغيير اللينك يا فندم فور وصول الرابط من حضرتك وجزاك الله خيرا
    أنا فعلا جبتهم من إسلام واي وكنت باسمعهم يقوم ساكت عند تلت ساعة بس رجعت جبتهم من إسلام ويب فعلا
    ا
    فرنسا هانم

    الله يسلمك
    ربنا يهديهم وأحيانا بيكون نيتهم خير فيسيئون من حيث قصدوا الإحسان


    فرنسا هانم

    يعني طب ما هي مش صورتك طيب انتي فرحتي ليه
    ماشي أنا سعيد إني فرحتك

    الراقص مع الذئاب

    فعلا يا هندسة أنا أنفر من المنتديات لهذا السبب بل وتكرار الكلام في آلاف المنتديات أمر عجيب يالصبرهم والغالب أنهم يكونون شباب صغير
    يعني طيب أنا فتحت موضوع حملة التوقيعات بانكش عشان واحد جريء زيك ييجي يفتح الموضوع تقوم تهرب
    ؟؟
    🙂

    المشتاق لله

    فعلا أخي ضريبة انتشار التكنولوجيا وإساءة استخدامها

    دسوقي

    ,إياك يا دكترة

  39. nonoymm said

    اسفة على التاخير النت وعمايله طبعا
    اولا حمدالله على سلامة ابنتكم الغالية
    بالنسبة للموضوعات دي فحدث ولا حرج اضافة للصور اللي بيتلاعبوا فيها ويلفقوا بيها اي حاجة ويقول دة صخرة بتسجد دو بيضة مكتوب عليها
    وكلام من دة وانا في رايي ان كل واحد يجي له حاجة زي دي يبقى ديليت اما اللي بيضعه قسم بيتعيالي ما يمشيش لانه دة بتقري مش بتقسمي
    وتوقيع ويكيبديا دة مش عارفة فعلا دة حقيقي ولا لا ولو انه فعلا بيمشي في حاجات تانية بس صعب يمشي على المسلمينم في الوقت الحالي
    دائما بنتعلم من حضرتك دمت بخير وسعادة

  40. appy said

    بجد هو ده الفرق بين الناس اللى عاوزة تفهم والناس اللى مش مكلفه دماغها تفكر انا تعبت اقول للناس تقصوا الحقائق افهموا دورا بنفسكم متعتمدوش على حاجات جايه وخلاص

  41. عصفور المدينة said

    وصلتني الآن للتو واللحظة هذه الرسالة من أحد الأصدقاء


    >> >>>>>> أهلا بكم جميعاً، من المثير أن اعرف كم عدد الذين سيستجيبون لهذه الرسالة، لقد اخبرت أحدهم إني استطيع ان اجد 300 شخص يؤمنون بالله قبل ان يجد هو 300 شخص لا يؤمنون بالله
    > >>>>>> إن كنت تؤمن بالله اضف اسمك الى القائمة وأرسلها الى اصدقائكم
    > > 1)

    وحين وصلتني كان العدد 283

    لا حول ولاقوة إلا بالله

  42. Jana said

    الموضوع يا باشمهندس أثار حنقى ..ولم أجد جديد لأقوله
    لكن الايميل الاخير ده واللى يخص عدد المؤمنين بالله …سبحان الله أضحكنى ..جايز من الغيظ
    أطرف ما فى الموضوع ..الايمل الخاص بكمية ما تاكل كل عائلة بحسب جنسيتها
    البطيخ لم يظهر تقريبا الا فى عائلة الحاج أحمد
    🙂
    الله يكرمك يا باشمهندس
    بنت حضرتك رقية أم عائشة؟؟
    الاتنين بصراحة احلى من بعض
    أتم الله شفاها على خير

  43. أمـ الله ـة said

    من أول ما قرأت

    قسيسا ذهب إبان الحروب الصلييية إلى القدس وأحضر عظام قتلى المسلمين ليزين بها الكنيسة وتكون فخرا وقربى له ثم زادوا عليها بعد مائة سنة ثلاثين ألف جثة أخرى ثم طوروها عام 1870 وزادوا عليها أربعين ألف جثة

    مقتنعتش طبعا جمع الجثث بلحمها ولا استنى لما اتحللت طيب هو أتأكد إن كل الجثث مسلمين فقط

    عن نفسى لا أفتح صندوقى البرديى وإذا حدث لا أمرر أى رسالة لأن الذى لا أرضاه لنفسى من كثرة الرسائل منعدمة القيمة لا أرضاه لغيرى

    جزاك الله خيراً أستاذ عصفور المدينة حضرتك تناولت الموضوع بصورة جدية رائعة

  44. آفاق الحرية said

    جزاكم الله خيرا يا استاذنا
    هو فعلا الموضوع نتشر جدا خاصة في وجود الموبايل
    وطبعا الايميل لا يهدأ حتي يحتوي من هذه الرسائل المئات
    دعوات حضرتك

  45. أنا إنسان said

    انا مومن بمدأ الازاحه
    يعني لازم نحط بدل كل حاجه مش عاجبانا
    حاجه صح…وهيه تزيحها
    يعني مثلا
    الرسائل دي
    احنا مكش هانقدر نمنعها
    طب والحل
    نزيحها
    ازاي
    برسائل برده
    بس فيها محتوي سليم
    يعني مثلا
    التذكير بفلسطين
    العراق
    الغلاء
    افغانستان
    الدنمارك
    وهكذا
    الناس اللي كان عندها فائض في الوقت والجهد
    ومتفرغه لارسال تلك الرسائل
    هاتزيح الغلط من دماغها
    وترسل الصح
    يعني
    اهي محاوله

  46. دعوة الفردوس said

    المشكله فعلا يااستاذنا
    ان كثرة التمرير بلا فهم ولا تدقيق وتمرير الفاضيه والمليانه ده مصيبه
    الموضوع بينقسم لكذا قسم
    اولا الرسائل الاخباريه
    ان كانت من مصادر موثوق فيها احبذ تمريرها في البدايه لم اكن اهتم كثيرا حتى فاجئتني فتاه انها لا تعرف اي شيء عن الاخبار سواء مصر او خارجها الا من ايميلاتي و الاوف لاين مسج اللي ببعتها

    ثانيا الرسائل التحذيريه من اي شيء
    لازم نتتحقق من صحتها و نسال عن مصدرها علشان منبقاش عمالين نحذر ونرعب الناس من كل حاجه حواليهم وخلاص

    رابعا الرسائل الدعويه
    في رايي ان لم تكن تناقش مسأله معينه فلا داعي لأرسالها
    فمثلا قد نطرح موضوع للنقاش في اي امر من امور الدين بارسال الرساله والرد عليها مع مراعاة صحة المصادر
    انما ابعت الرساله دي وصلي على النبي و ابعت دي وسبح عشرين مره فعلا شيء بيقلل من احساس الفرد بعبادة الذكر فأصبحت لاتتعدى اللسان ولا يشعر الفرد بأهمية أن يذكر الله خاليا بتمعن بقى يعمل زي مابيقول قدام الكومبيوتر يقول كلمتين وخلاص واهو زماني خدت ثواب قد كده

    الحالات الأنسانيه
    لو شعرت بصدقها واعرف المصدر انه أمين فعلا ارى تمريرها

    مواعيد الدروس في المساجد
    حبذا ان تمرر

    أرى الموضوع منقسم لعدة أقسام
    لا يمكن اطلاقه هكذا
    انا على فكرة عندي في الان بوكس
    الايميلات التي لم تقرأ فقط
    Folders[Add – Edit]
    Inbox (4093)
    Bulk (8)
    اتفضل سيادتك 40 وشويه متقرووووووش غير اللي اتقرا
    قد يكون في واحد منهم خبر اهم من اللي قريتهم بس فعلا بيتوهوا في الزحمه

    وبفقد احساسي بحاجات كتير وانا بمررها
    بس انا بطلت احووول من زمان
    زي اللي متتبلش في بقها فوله تاخد الكلمه تلف بيها على البلد كلها فعلا بكره الحكايه دي جدا

    الأمر يحتاج الى ترشيد
    وعايزين نعقل شويه بقى

    بعدين ده بدل ماتقولي سلامتك
    عمال تقطم فيا وتقولي نوامه
    ع العموم كل اللي يجي من حضرتك انا راااااضيه بيه

  47. محمد الجرايحى said

    السلام عليكم ورحمة الله وبركاته
    جزاك الله أخى الكريم خير الجزاء على رسالتك التنويرية…
    وهكذا يكون التدوين رسالة
    رسالة تنير الطريق للآخرين
    وتبنى ولاتهدم ..تدفع للأمام
    ولاتدعو للعودة القهقرى

    ومقدماً
    أحيى تواضعك الجم

    أخوك
    محمد

  48. الفاتح الجعفري said

    استاذي الحبيب
    ربنا يحفظك ويرضيك يارب
    والله فعلا يااستاذنا دي حاجه سيئة جدا اصبحت فينا اننا نروج لاي حاجه توصلنا وقد تضر اكثر مماتنفع ولازم اي رساله او مقال او كلمه يبني عليها عمل نافع مفيد ,وللاسف مازلنا نحن في طور الجهل والخرافه والشائعات ,بس والله جزاكم الله خير ان حضرتك تأكدت ولم تأخذ الامر ببساطه وهي دي المشكله اننا اصبحنا لانبحث يعني ييجي واحد علماني ولامنصر ولا حاجه من دي يقول ده الكلام ده موجود في البخاري ولا في الطبري ولا في ابن كثير ,طبعا تلاقي ناس تاخد منهم وتصدقهم وتشك وترتاب مع انه لوو بحث لاراح نفسه وعقله ,والله المستعان
    وجزاكم الله كل خير

  49. دكتور حر said

    مهو لو فيه كذا عصفور بالشكل ده
    هينقوا جميع حب الرسائل الهدامه

    لما بتشعشع معايا نظرية المؤامره
    أحيانا
    بقول ان شركات المحمول والنت اللي عاملين الكلام ده

    أمتنا ولازم نستحملها يا باشمهندس

    وحيلك معاها ومعانا

  50. karakib said

    شكرا للتوضيح

  51. رينـــــــــــا said

    السلام عليكم اخبار حضرتك ايه لعلك بخير ان شاء الله
    هو الموضوع بالنسبه ليا ينقسم لشقين
    الشق الاول الرسايل اللى بتتبعت وبيكون فيها استحلفك بالله ابعت الرساله ولى ما شابه من غير ما يتأكدوا من صحه الميل
    الشق التانى
    ان الكنيسه دى تحديدا كنت بتفرج على برنامج بيى على قناه دريم 2 للاسف مش فاكرة اسمه بس هو كان قدرا اتفرجت عليه وكان جايب غرائب من البلاد
    وكانت الكنيسه دى منهم وانها مبننيه فعلا من عام اموات ولكم مش اموات المسلمين
    جزاك الله خيرا على البوست
    ——————————
    نزلت اول بوست فى المدونه الجديدة وطبعا رأيك يهمنى جدا

  52. إخوانى مخربش said

    والله دى حاجة تعصب القرد وتقرف الكلب

    مش معقولة الايملات اللى بالصورة دى يتم نشرها بواسطة ناس جامعين ومتعلمين

    المفترض انهم لهم عقلية نقضية وتحليلية

    مش عقلية بصمجية

    لو تفتكر كمان اهم الايميلات اللى بتتفرورد بغباء
    ايميل قبر الرسول
    وهذا ما لم يشاهدة سوى واحد فى المية من المسلمين

    ياعم امة لا الله الا الله شافت الصورة ولسه الواحد فى المية مازدتش
    وكمان جايب صورة قبر واحد فى بكستان وتقول قبر النبى من الداخل

    ولا الايميل وصورة سفينة سيدنا نوح واللبس اللى بيحصل بسب عدم دقة المعلومة فى وجود السفين على جبل الجودى والاكتفاء بذكر اسم السلسلة الارات كما جاء فى العهد القديم

    ولا ولا ولا

  53. MerMaid said

    العزيز جدا عصفور المدينة
    اولا سعيدة جدا بمخاطبتك لي باسمي الحقيقي في مدونتي فعلا شعرت بسعادة غامرة و الفة كبيرة جدا في كلامك لية
    اشكرك🙂
    —————
    انا كمان توقفت عن تمرير الايميلات الموبوءة دي منذ فترة طويلة
    و كمان توقفت عن التصويت لاي موقع يسء للمسلمين لانه لا يجدي نفعا و كما ذكرت موقع ويكيبديا لم يتوقف عن نشر صورة النبي محمد علية الصلاة والسلام
    —————
    انا قرأت الموضوع المرفق اللينك بتاعه علي موقع ويكيبديا الخاص بكنيسة الشيك و قرات الموضوع في المدونة الانجليزية
    لكن انا لم اجد اي اشارة ان هذه العظام هي عظام مسلمين
    ايضا لم اجد ما يدل علي ان كان هناك مذبحة جماعية او ابادة جماعية ادت الي مقتل كل هذا العدد الهائل من البشر او من المسلمين كما تذكر التدوينة
    انا لا اشكك في مصداقية سيادتك
    و لكن فقط للتوضيح اريد معرفة من اين حضرتك علمت ان هذه العظام هي للمسلمين؟؟؟
    لان الموقع و التدوينة يذكرون شخص يسمي ابوت هنري اتي بتراب او برذاذ من مكان مقدس و نثره في الكنيسة الصغيرة هذه و من ثم اصبحت مكان مقدس لدفن الموتي
    و عندما زاد عدد الموتي عن الاربعين الف ميت تم ازالة العظام القديمة و احلال العظام و الجثث الجديدة محلها
    وتم تزيين الكنيسة بالعظام القديمة و عمل الاشكال التي شاهدناها بالصور

    ارجو من سيادتك ارفاق لينك يوضح ان عظام الكنيسة من عظام المسلمين
    و اشكرك للغاية

    تحياتي لك سيدي الكريم

    🙂

  54. خبيب said

    رائع رائع رائع

    في تصوري .. إن الذي يمرر أي رسالة أيا كانت ، رغبة في ثواب معين ربما أو “كده وخلاص” .. قد يكون – في بعض الأحيان – آثما !!

    ذلك الذي يساعد على نشر شائعة

    أو يساعد – عن غير قصد – على ترسيخ قيمة فاسدة في شاب صغير ، أو خلخلة جزء من عقيدته

    أو يساهم – بحسن نية – في طمس قضية خطيرة أو الوصول بالمتلقي إلى ما نسميه مرحلة tolerance أو ما مرحلة التعود .. فيعتاد على تلقي مثل هذه الرسائل وحذفها أو تمريرها دون قراءتها ، فتضيع الرسائل الهامة التي تقدم رسالة مفيدة

    كل هذا يصب في الجانب السلبي لا الإيجابي

    في تصوري أن إرسال رسائل تغرس القيم ، وتبصر بقضايا حقيقية مهمة قد تلتبس على الناس ، أولى من نشر “الكذائب” العلمية ، والطرائف الإعجازية ! والشائعات الغريبة !

    عبرت عما يجيش في صدري

    جزاك الله خيرا

  55. عبد الرحمن مدني said

    الحقووووووووووووووووو
    اليوم وزير خارجيه المانيا

    يناشد دول اوربا

    بنشر الصور المسيئه للنبي

    عليه الصلاه والسلام واحنا اعديين ساكتين خوش على اخوان استايل بسرعه وشارك فالمعارضه

  56. عبدٌ من عباد الله said

    الحمد لله ان كثير من الناس فطن الى هذه الخدع
    و الكثير منهم أصبح يميز رسائل عم أحمد
    من الوقائع

    و ان كنت أشعر أن الهدف الاساسى من هذه الملهيات هو الهاء المسلمين عن الواقع القاسى الذى يعيشون فيه

  57. عصفور المدينة said

    هاجر جزاك الله خيرا

    على فكرة انتي فهمت الموضوع غلط
    أنا أكدت في التدوينة أن الموضوع ليس له علاقة بالمسلمين

    بس غلطتي إني حاشد عدة موضوعات مع بعض

    لونت العبارة لزيادة الإيضاح

    ياريت تراجعيها تاني

  58. MerMaid said

    العزيز عصفور المدينة

    🙂
    بالفعل حضرتك اكدت ع النقطة دي فعلا في التدوينة لكن انا اللي ملاحظتش كويس انك نفيت ارتباطها بالمسلمين
    اشكرك علي اهتمامك و معلش انا اسفة تعبتك معايا

    انا فهمت لما قريت الجزء ده:
    كما هو.. أبحث عن كلمة Muslim أو Moslem لم أجد أي ذكر للموضوع أو كلمة مسلمين تأكدت هكذا أن أصل الموضوع في الإنجليزية وكانت التعليقات طريفة جدا فبعض التعليقات يقول إن الصلاة في هذه الكنيسة مميزة والبعض يقول إن استخدام هذه العظام لا يفرق كثيرا عن استخدام عظام الحيوانات مثل الفيلة ونحوها والبعض يسأل عن الرائحة.

    انها بالفعل عظام المسلمين و ان قراء المنتديات دي بيتريقوا علي المسلمين مع تشبيهم بالحيوانات و الرائحة طبعا مقززة لانها من روايح موتي مسلمين
    لان انا اعرف كويس اسلوب الاجانب اللي بيتريقوا ع المسلمين دايما بيدخلوا موضوع الرائحة في الموضوع معرفش ليه
    انا اختلط علية الامر
    و اعتذر

    تحياتي لحضرتك
    سعيدة جدا بالحوار معاك

  59. حائر في دنيا الله said

    عارف ومن غير زعل
    إحنا جهجاويين كتيير
    يعني ايه اللفظ دا
    اقولك
    بنتعب وبنتعب اوي كمان بس في الفاضي
    في الاتجاه الغلط
    الاتجاه اللي بيرجعنا كتير لورا
    بنتعب اي نعم وبنحب الاسلام وبنعمل له كمان بس اغلب مجهودنا بره التلات خشبات على رأي عصام الحضري
    طب ايه الحل
    ان احنا نركز شوية ونبطل الاندفاع دا
    وكأن الدنيا كلها بتكرهنا واحنا شعب الله المظلوم في كل لحظة وحين
    نحن مظلومين أي نعم ولكن يجب أن نبحث عن الظالم لكي نقتله بسهولة

    ولا ايه

    لك تحياتي
    السلام عليكم

  60. Salwa said

    بصراحه حضرتك أبهرتني ببحثك هذا

    لو كل واحد عمل كده
    أقاويل وحكايات كتير هتنتهي

    البوست طبعا أكثر من رائع
    دمت بحفظ الله

    تحياااااتي

  61. دكتور بيطرى said

    اخى العصفور
    لقد إستجبت لنصيحتك وعملت بالفعل مدونة جديدة بإسم ( الدعوة إلى الله فن وزوق) تتناول فن الحوار ومواضيع اخرى وليس تدوينة فقط وارجو مشاركتك وإبداء رأيك فيها والمواضيع التى تتناولها وجزاك الله خيرا

  62. Ahmed Al-Sabbagh said

    أستاذى العزيز

    عصفور المدينة

    جميل اوى الكلام ده

    واخر لينك انت حاطة حلو اوى وفيه المفيد

    انا بصراحة كنت ناوى اكتب عن الموضوع ده باسلوب تانى

    لانى ضد الرسايل المتمررة دى اوى

    وحاسس ان كلها جهل وتعصب

    وكلام فارغ

    زى رسالة جت لى مليون مرة

    مش عارف مين شاف الرسول فى المنام وقالة مش عارف ايه ولو ما مررتش الرسالة دى مش عارف هيتحرق

    وهكذا

    انا الحقيقة كنت قريت قصة بس مش فارك فين عن اتنين من اعداء الاسلام فكروا ازاى يسييئو للاسلام والاساءة دى تتنشر

    فرسمو صورة مسيئة وبدل ما يبعتوها هما

    دخلو فى منتديات المسلمين وكتبو

    انظرو ماذا يقول الكفرة عن الاسلام

    وما كان الصباح الا وانتشرت الصور المسيئة فى كافة اركان الارض

    وبايدى المسلمين

    تحياتى على المقال الهادف الجميل

    بس بجد مش عارف انت بتجيلك الافكار دى ازاى

    ماشاء الله

    🙂

    أحمد

  63. صيد الخاطر said

    أستاذنا الكريم الموضوع طيب والله
    وفعلا المشكلة كما يقول اخواني مخربش ان تنتشر من المتعلمين

    والانكت من كده لما يقولوا لو مانشرتهاش هيتخسف بيك الارض ومش عارف ايه

    ولو نشرتها هتسمع خبر حلو

    كاننا بنقرا الابراج

  64. بن آدم said

    السلام عليكم أبا يحيى
    المشكلة ان الرسايل دى بعدها ضد الدين وبعضها أكاذيب على رسول الله وصحابته وبعدها تمس العقيدة بشدة

    وانا عشان مبمررش رسايل خالص قلت أبعتها كلها مع تنوية بسيت
    “—–>أن كان ولابد تمرر بلاش دول < ---"
    http://www.islam2all.com/dont/dont.htm

  65. مدحت محمد said

    مشكلتنا والله اننا بنحب نطلع الاشاعه
    والمشكلة الاكبر نصدق الاشاعه
    فى ناس هوايتها الاشاعات
    وتكبير المواضيع والتزويد فيها والشطح
    والنطح
    فى موضوع قد يكون فى اصله حقيقى
    ولكن الشطحات فيه حولته اشاعه
    تحياتى ليك

  66. ارسم بالرصاص said

    السلام عليكم ورحمته وبركاته
    الموضوع جميل جدا
    لكن حضرتك بتكلم مين
    لا حياة لمن تنادي
    نحن في عالم الكرة والبنات
    أكرمك الله وأعزك
    والسلام عليكم ورحمته وبركاته
    دعواتي
    هايدي

  67. الفارس الملثم said

    بدايه احب ان احييك علي طرحك هذا الموضوع الهام جدا , بصراحة انتشار نوعية هذا المواضيع بيثير غيظي جدا وتبدو مشاكل هذه المواضيع انها بداية تمثل شحن زائف لمشاهر المسلمين في قضايا وهمية او علي الاقل قضايا فرعية لا يجب ان تحتل كل تلك المساحة من تفكيرنا ..

    انها احيانا تكون وسيلة للسخرية من عقول المسلمين مثلما وجدنا في قصة الفتاة اللي تحولت لمسخ بعد القائها المصحف او اختيار اسماء مشاهير والكلام عن اسلامهم وغير ذلك الكثير

    انها تخلق حالة من تبلد المشاعر تجاه القضايا الهامة لانها بمرور الوقت تولد مشاعر بالامبالاة وعدم الاكتراث بعد استنزاف مشاعر الغضب داخلنا

    اشكرك مرة اخري علي هذا الموضوع الرائع وتقبل مروري الاول في مدونتك

  68. صانعة الحرية said

    يا استاذنا
    هذا ما توصلت اليه

    =============
    السلام عليكم ورحمة الله وبركاته أخوتي في الله

    كثيراً ما يصل إلى بريدك الإلكتروني رسائل دين ية جميلة ، بعضها يحتوى على أذكار وأحاديث ، وبعضها يحتوى على معجزات علمية ، وبعضها يروّج لمواقع معينة . ورغبةً فى الثواب – ولأن الدال على الخير كفاعله – يقوم المسلم بحسن نية فور تسلمه لهذه الرسائل بتمريرها/أو عمل Transfer / Forward لها لكل من يعرفه . والمشكلة ليست فى تمرير الرسالة ، فنحن نحث كل من تصل له معلومة أو خاطرة أو موعظة جميلة أن يرسلها
    ليتعظ بها غيره.

    ولكن المشكلة في أن محتوى الرسالة أحياناً يكون غير صحيح ، ويحتوى على أخبار كاذبة أو على الأقل غير دقيقة ، وللأسف نقوم بحسن نية بتمرير الرسالة. وسأضرب لكم بعض الأمثلة لبعض الرسائل التي انتشرت حديثا :

    – الكلام عن معجزة علمية هزت العلماء بأمريكا ، وقياس ذبذبات تصدر عن نباتات ونتج عنها لفظ الجلالة مرسوماً على شاشة الجهاز ، وهو خبر قام بعض الملحدين (عرب للأسف) بتأليفه فقط للسخرية من (المتاسلمين) على حد وصفهم ، وقاموا بوضع الخبر على أحد المنتديات الإسلامية وهم على ثقة من أن المسلمين سيقومون بنشرها بأنفسهم خلال كل المنتديات وعبر الإيميل ، وقد صدق ظنهم للأسف.

    – الكلام عن أن فلاناً حلم بالرسول (صلى الله عليه و سلم) أو السيدة زينب أو … أو….. ، وقيل له أن يقوم بعمل كذا وكذا ونشر كذا وكذا ، وأن من أرسل الرسالة رزقه الله وتزوج ، وأن من لم يرسلها افتقر وكسرت رجله .. الخ ، وهى قصة قديمة سمعناها منذ كنا أطفالاً ، وكل فترة نجد من يقوم بنشر هذا الحلم بين الناس طمعاً فى الرزق المذكور أو خوفاً من اللعنة ، و ما كان رسول الله (صلى الله عليه و سلم) ليؤذى أحدا ، والأمر كله لله ، والله هو الذي قال لنا في كتابه ((اليوم أتممت لكم دينكم )) ، فمن كتابه وسنة نبيه صلى الله عليه وسلم نستقى ديننا، لا من البدع والأوهام والخرافات.

    – صورة غريبة لفتاة قيل أنها مُسخت ، ثم تبين أن الموضوع عبارة عن صور قامت فنانة بصنعها بالكمبيوتر . صورة قيل أنها بالقمر الصناعي لمكة والمدينة ويظهر بها الحرمان منيران في ظلام الليل ، وتبين عدم دقة الخبر.

    هذه مجرد أمثلة ، وكلها يقوم المسلمون للأسف بتداولها بينهم وتسرى سريان النار فى الهشيم ، فمن المسئول عن نشرها غير من يريد كيداً للإسلام ؟؟؟
    من يريد نشر المعلومات الخاطئة والبدع والخرافات بيننا؟
    إنهم أعداؤنا ونحن نساعدهم بحسن نية للأسف .

    فهم الرابحون سواء اكتشف المسلمون الخديعة أم لا ، إن لم يكتشفوها فقد أضيفت لهم بدعة في الدين ، وإن اكتشفوها فربما أدى تكرار خيبة الأمل التي تتبع الفرحة بالخبر المكذوب إلى شك المسلم في دينه والعياذ بالله.. في حين أن ديننا العظيم كامل بما فيه ولا يحتاج إلى هذه القصص الوهمية لنتثبت من أنه الحق من الله

    وحتى لا نقع في هذا المحظور نرجو الآتي :
    ألا يقوم المسلم بنقل أي خبر بدون وعي إلا بعد التثبت والتأكد منه ، ويمكن ذلك عن طريق مراجعة المواقع الإسلامية المحترمة مثل طريق الإسلام مثلاً
    http://www.islamway.com

    وكذلك اسلام أون لاين
    http://www.islamonline.net

    وبالنسبة للأحاديث ، يمكن مراجعتها من الموسوعة الحديثة بموقع الدرر السنية
    http://www.dorar.net

    وبالنسبة للمواضيع المتعلقة بالإعجاز العلمي ، يمكن مراجعة موقع دكتور زغلول النجار
    http://www.elnaggarzr.com/Test_fre/index.asp

    وكذلك موقع موسوعة الإعجاز العلمي
    http://www.55a.net/firas/arabic/index.php

    وعموماً هذه الصفحة تحوى العديد من المواقع الإسلامية العربية في شتى المجالات
    http://www.sultan.org/a /

    http://www.dorar.net/

    و حذارِ يا أخوتي من الرسائل التي تصلكم وبها تحذير من مواقع معادية للإسلام وتدعوكم بنشر الإيميل لتحذير الغير منها!!! لأن ما يحدث عند إرسالك لها هو العكس، ترويج لها وليس تحذير منها
    برجاء قراءة المقال الآتي :

    http:/ /www.islamway.com/?iw_s=Artic…w & article_id =82

  69. الجمعاوي الاصيل said

    حسبنا الله ونعم الوكيل

  70. عصفور المدينة said


    nonoymm

    الله يسلمك جزاك الله خيرا
    أما موضوع إن واحد يقول لواحد اقسم فده نوع من العبث

    appy

    الناس تعودوا إن حد يديهم الخلاصة جاهزة فعلا زي ما انت بتقولي
    فياريت إحنا نعطي بعض المجهود للتقصي ونصحح لهم

    Jana

    أنا طبعا قصدت أحط إيميل الأكل ده للترويح وأيضا لإثبات أن بعض الأشياء تكون مفيدة
    البطيخ موجود في الصورة الخاصة بالمكسيك كمان
    والبيبسي موجود في عدة عائلات بقى

    أمـ الله ـة

    المشكلة إن الناس لو شغلت مخها لحظيا حيلاقوا الكلام مش منطقي طب نقل 40000 جثة إزاي بعربيات ولا تريلات
    جزاك الله خيرا

    آفاق الحرية

    جزاك الله خيرا أخي محمد
    وثبتكم الله
    أنا إنسان

    مبدأ الإزاحة مبدأ طيب جدا بس مشكلته وجود الركام الكبير الذي يحتاج إلى تصفية أولا أو أن ننبه الناس إلى أهمية اللتمحيص

    دعوة الفردوس

    جميل أوي التقسيم اللي انت قسمتيه يا دعوة

    الأمر يحتاج الى ترشيد
    وعايزين نعقل شويه بقى
    ألف سلامة عليك ما كنتش متصور إنك تعبانة أوي كدة
    أتم الله شفاءك

    محمد الجرايحى

    جزاك الله خيرا أخي الفاضل الحبيب

    الفاتح الجعفري

    ربنا يحفظك ويرضيك يارب
    على فكرة يا أحمد ده مبدأ عام في حياة الإنسان التدقيق أو التساهل والتناقل اللاواعي بل ربما بناء العمل على أساس واهي أيضا

    دكتور حر

    نظرية المؤامرة ممكن تستثمر المرض لكن لا تخترعه
    وبعدين ياعم احنا معانا هنا عصافير كثير بتشترك معانا في الفكرة ربنا يكرم وننضف الظاهرة دي

    karakib

    شكر لك أستاذ هاني جورج وشكرا لك لتشريفك مدونتنا


    رينـــــــــــا

    جزاك الله خيرا ومبروك المدونة الجديدة
    إخوانى مخربش

    تصدق لسة واصلني إيميل بصورة القبر اللي ما شافهوش غير واحد في الألف وبعدين لم أعط وقتا للتحقق لكن عقلي لا يكف عن التساؤل وماذا استفدت من الصورة

    MerMaid

    ربنا يكرمك يا هاجر وأتمنى يكون الصورة وضحت بعد إعادة صياغة العبارات والتلوين

    خبيب

    في تصوري أنا أيضا .. إن الذي يمرر أي رسالة أيا كانت ، رغبة في ثواب معين ربما أو “كده وخلاص” .. قد يكون – في بعض الأحيان – آثما !!

    في تصوري أن إرسال رسائل تغرس القيم ، وتبصر بقضايا حقيقية مهمة قد تلتبس على الناس ، أولى من نشر “الكذائب” العلمية ، والطرائف

    الإعجازية ! والشائعات الغريبة !
    جزاك الله خيرا

    عبد الرحمن مدني

    نفسي أقرأ لك تعليقا على موضوع كتبته أنا أو كتبه غيري
    !!!!!

    عبدٌ من عباد الله

    سأنقل تعليقك يا محمد

    الحمد لله ان كثير من الناس فطن الى هذه الخدع
    و الكثير منهم أصبح يميز رسائل عم أحمد
    من الوقائع

    و ان كنت أشعر أن الهدف الاساسى من هذه الملهيات هو الهاء المسلمين عن الواقع القاسى الذى يعيشون فيه

    حائر في دنيا الله

    فعلا يا أخي تمام تعليقك جدا
    =====
    بنتعب وبنتعب اوي كمان بس في الفاضي
    في الاتجاه الغلط
    الاتجاه اللي بيرجعنا كتير لورا
    بنتعب اي نعم وبنحب الاسلام وبنعمل له كمان بس اغلب مجهودنا بره التلات خشبات على رأي عصام الحضري
    طب ايه الحل
    ان احنا نركز شوية ونبطل الاندفاع دا
    وكأن الدنيا كلها بتكرهنا واحنا شعب الله المظلوم في كل لحظة وحين
    نحن مظلومين أي نعم ولكن يجب أن نبحث عن الظالم لكي نقتله بسهولة
    ======

    Salwa

    ربنا يحفظ
    لو كل واحد عمل كده
    أقاويل وحكايات كتير هتنتهي
    جزاك الله خيرا وحفظك الله ورعاك

    دكتور بيطرى

    مبروك المدونة الجديدة أبا أحمد

    Ahmed Al-Sabbagh

    عارف يا أحمد أنا باحس إن القصة بتاعة الاتنين اللي ألفوا عشان يسخروا من المسلمين حاسس إن القصة دي نفسها مفبركة
    🙂
    زي واحد عايز يقولوا للناس ما تاخدش بالأحاديث الموضوعة قام ألف حديث ينهى عن الأخذ بالأحاديث الموضوعة
    على كل في انتظار موضوعك برضة لأن تنوع الأسلوب يوصل الفكرة أكثر وعندك جمهور آخر ولازم ننشر الثقافة دي

    صيد الخاطر

    عارف يا محمد باقولك فيه رسالة جات لنا من ناس متعلمين وماسكين مراكز بيقولك الدلاي لاما حيغضب عليك لو ما مررتهاش

    بن آدم

    شكرا على الرابط يا زيكا
    http://www.islam2all.com/dont/dont.htm

    مدحت محمد

    المشكلة الأكبر إننا بنستمتع بتصديق الإشاعة كمان

    ارسم بالرصاص

    هايدي خلي بالك بلاش يأس
    حتعمر إن شاء الله

    الفارس الملثم

    مرحبا بك أخي الحبيب في زيارتك الأولى وشرفنا دائما
    الفكرة المحورية التي أريد أن أنبه عليها صغتها أنت ببراعة بهذه العبارة

    انها تخلق حالة من تبلد المشاعر تجاه القضايا الهامة لانها بمرور الوقت تولد مشاعر بالامبالاة وعدم الاكتراث بعد استنزاف مشاعر الغضب داخلنا

    صانعة الحرية

    يا بنتي مش عارف أقولك إيه تعليقك أكثر من رائع بمثابة تدوينة رائعة متكاملة

    الجمعاوي الاصيل

    ربنا يهدي الحال

  71. ضد الظلم said

    فعلا موضوع شيق ومن له مصلحه فى هذا يوجد على الهواتف فى بورسعيد كليب يقولون انه لمسيحيه اسلمت وقتلها اهلها فىت الكنيسه وهوهو الكليب موجود عن فتاه فى العراق يزيديه قتلوها بعد ان اعلنت اسلامها
    لابد ان نفيق جميعا وكفانا فورورد

    تحياتى

  72. ibn_abdel_aziz said

    اتفق معك يا حمادة في أن رسائل الاس ام اس والايميلات تحوي كثيرا من المعلومات المغلوطة بل والمهيجة

    وهي شاركت للاسف منذ بدء عصر المعلومات في تكوين العقل الجمعي لكثير من المسلمين
    فكثير من المسلمين يصدق اشياء ويبني ردود افعال واحكام بناءا علي هذا الغث الخالي من الحقيقي

    يبقي فيه مشكلة في ان الخزان الكبير قوي اللي اسمه العقل الجمعي
    ملوث اصلا
    واصبح تنقيته من المستحيل
    لانه يتم ” كب ” زبالة يومية فيه باسم الله والدين وحماية العقيدة بشكل يومي

    الشاهد ان ده سبب في تغيير افهام وسلوكيات وده هو اللي يخوف

    يعني الزن علي الدماغ مفعوله زي السحر اي نعم وبلا شك

    حتي مفهوم اعداء الاسلام مفهوم محتاج تعريف

    لانه يوحي بان فيه ناس قاعدة من ساعة قوموا واقعدوا ونازلين مؤامرات ضد الاسلام من ساعة النبي وحتي القيامة

    المفهوم ده محتاج اعادة نقاش
    ومحتاج انه يتفهم في اطارات محلية او حتي شخصية مش عالمية ودولية

    يعني امريكا بتطرقع لارمينيا المسيحية
    وبتقف تأيد تركيا المسلمة
    والسبب مش ديني طبعا
    السبب سياسة وبس

    يعني مش حب في الاسلام وكراهية للمسيحية مثلا

    محتاجين نخرج من اطارات تفكير ومسلمات حتي واحنا بنحاول نخرج من اشكالية ” المعلومة غير الصحيحة ” محتاجين نحط في الموضوع ده فكرة عداوة الاسلام كفكرة محتاجين نفهمها في حدود حجمها الطبيعي

    يعني مش بس اناقش الوسائل ” معلومة صح او غلط “
    بس كمان اناقش الهدف النهائي ” دفاع ضد او مع مين “

    تحري المعلومة هو واجب ديني وفقط
    ويكفي هذا ان يكون منطلق وهدفا في جد ذاته ووسيلة ايضا

    وتحياتي لك يا حبيبي
    🙂

  73. dr.nour said

    بصراحه اكتر حاجه تتضايقنى الرسائل الى من النوع ده

    لدرجه خلتنى امسح الرسائل كلها قبل حتى ما اقرائها

    كفايه العنوان

    المفروض ان احنا نعمل عقلنا شويه مش كده يعنى

    بس جزاك الله خير

  74. النجمة الصامدة said

    جزاك الله خيرا أخي على الموضوع المهم

    شخصيا هذه الرسائل تصيبني بالعصبية حتى إنني قاطعتها فترة ولم أعد أمررها لأحد
    بعد أكثر من موقف من التمرير اللاواعي كما تقول
    شعرت أنها أصبحت عادة أكثر منها توصيل فائدة ما

    أيضا كنت أود أخي لو تنبه على الرسائل التي تبدأ باستحلاف وقسم بالله على الملتقي
    فلا يجوز أبدا اللعب بالأيمان بهذا الشكل

    جزيتم خير الجزاء وبارك الله فيكم ونفع بكم

  75. Abd El-fatta7 said

    السلام عليكم

    اول زيارة ومدونة حضرتك ماشاء الله متميزة

    اسمح لي اضيفك عندي

    بالنسبة لموضوع الرسايل الفورورد ف مثلا تلاقي رساله بتقولك ايه : “هذه المواقع تسئ الي الاسلام وتحرف القران و و و يجب تحذير الناس منها “

    وبكل سذاجة الناس تعمل فوروارد لرساله زي دي وهم مش عارفين انهم كده بينشروا المواقع بدل مايحاربوها

    جزاكم الله خيرا علي الموضوع المهم

    تحياتي

    عبدالفتاح

  76. أحمد سعيد بسيوني said

    بسم الله
    من كام شهر مرر احدهم الينا رسالة تقول ان قناة الجزيرة اكتشفت ظهور الجساسة التى تظهر في اخر الزمان في ايران
    انقلب الجروب الطبي ” طنطا دكتورز ” وحصل نقاش كبير في الموضوع وفي الاخر طلع الموضوع زي ما بيقولوا اشتغالة
    لا واية في بعض الناس بتروج لنشر مثل هذه الرسائل لاثارة حمية المسلمين وتقربهم من دينهم وغيرها من الحجج الفارغة
    تحياتي

  77. حسن توفيق said

    العزيز
    عصفور المدينة
    هذه زيارتى الاولى لك وكم كانت سعادتى بهذا الموضوع الجميل والذى كتبت فيه منذ فترة ايضا..بصراحة انا اعتبر نفسى كالببغاء لو قمت بتمرير اى رسالة دون تاكد وغير ذلك
    ديننا الاسلامى يامرنا بذلك
    (اذا جاءكم فاسق بنبا فتبينوا)
    اى التبين

    ———————–
    اخى الفاضل
    انا من مؤسسى اتحاد المدونيين المصريين وادعوك للتواصل معنا من اجل اتحاد قوى يضم جميع مدونى مصر للعمل على تقنين حقوقنا وحماية المدونيين والرقى بعملية التدوين
    فى انتظار تواصلك معنا على مدونة الاتحادhttp://egyptadwin.maktoobblog.com
    ————————
    للعلم انا عملت هذه المدونة للتواصل مع مدونى موقع البلوج سبوت
    فاتمنى مساعدتى للرقى بها
    شكرا لكم مقدما

  78. Anonymous said

    الأخ العزيز محمد
    تحياتي والحمد لله على السلامة
    لم أتمالك أمام الموضوع سوى أن أكتب شاكرا مسلما رادا لبعض الفضل الذي تغمرني به ولم أجد ما أحمله معي سوى ما كان الفأر قد عمل له كوبي لينقله إلى المطبخ فتقبله هدية متواضعة وعطاء من فأر وأنت من يعطي عطاء من لايخشى الفأر على كل حال ذكرتني قصة رسالة صاحبك الممهورة بجملة من الممنوعات بخشخاشة اشترينا لعمر ذو الأشهر الأربعة وهو السن الذي يجتذب فيه انتباه الطفل إلى مثل هذه الأدوات ولكن وجدناها قد كتب عليها التحذير الروتيني إنها تحوي قطع صغيرة ولا تصلح لمن هو دون الثلاث سنوات!
    أمجد شلتوني

    وإليك الهدية:
    لعيون عبلة

    الشاعر المصري : مصطفى الجزار

    كَفْكِف دموعَكَ وانسحِبْ يا عنترَه
    فعيونُ عبلةَ أصبحَتْ مُستعمَرَه

    لا ترجُ بسمةَ ثغرِها يوماً، فقدْ
    سقطَت من العِقدِ الثمينِ الجوهرَه

    قبِّلْ سيوفَ الغاصبينَ.. ليصفَحوا
    واخفِضْ جَنَاحَ “الخِزْيِ”.. وارجُ المعذرَه

    ولْتبتلع أبياتَ فخرِكَ صامتاً
    فالشعرُ في عصرِ القنابلِ ثرثرَه

    والسيفُ في وجهِ البنادقِ عاجزٌ
    فقدَ الهُويّةَ والقُوى والسيطرَه

    فاجمعْ مَفاخِرَكَ القديمةَ كلَّها
    واجعلْ لها مِن قاعِ صدرِكَ مَقبرَه

    وابعثْ لعبلةَ في العراقِ تأسُّفاً
    وابعثْ لها في القدسِ قبلَ الغرغرَه

    اكتبْ لها ما كنتَ تكتبُه لها
    تحتَ الظلالِ، وفي الليالي المقمِرَه
    :
    “يا دارَ عبلةَ” بالعراقِ “تكلّمي”
    هل أصبحَتْ جنّاتُ بابلَ مُقفِرَه؟
    !
    هل نَهْرُ عبلةَ تُستباحُ مِياهُهُ
    وكلابُ أمريكا تُدنِّس كوثرَه؟
    !
    يا فارسَ البيداءِ.. صِرتَ فريسةً
    عبداً ذليلاً أسوداً ما أحقرَه!!

    متطرِّفاً.. متخلِّفاً.. ومخالِفاً
    نَسَبوا لكَ الإرهابَ.. صِرتَ مُعسكَرَه

    عَبْسٌ.. تخلّت عنكَ.. هذا دأبُهم
    حُمُرٌ -لَعمرُكَ- كلُّها مستنفِرَه

    في الجاهليةِ.. كنتَ وحدكَ قادراً
    أن تهزِمَ الجيشَ العظيمَ وتأسِرَه

    لن تستطيعَ الآنَ وحدكَ قهرَهُ
    فالزحفُ موجٌ.. والقنابلُ ممطرَه

    وحصانُكَ العَرَبيُّ ضاعَ صهيلُهُ
    بينَ الدويِّ.. وبينَ صرخةِ مُجبَرَه

    “هلاّ سألتِ الخيلَ يا ابنةَ مالِكٍ”
    كيفَ الصمودُ؟! وأينَ أينَ المقدِرَه؟
    !
    هذا الحصانُ يرى المَدافعَ حولَهُ
    متأهِّباتٍ.. والقذائفَ مُشهَرَه

    “لو كانَ يدري ما المحاورةُ اشتكى”
    ولَصاحَ في وجهِ القطيعِ وحذَّرَه

    يا ويحَ عبسٍ.. أسلَمُوا أعداءَهم
    مفتاحَ خيمتِهم، ومَدُّوا القنطرَه

    فأتى العدوُّ مُسلَّحاً بشقاقِهم
    ونفاقِهم، وأقام فيهم منبرَه

    ذاقوا وَبَالَ ركوعِهم وخُنوعِهم
    فالعيشُ مُرٌّ.. والهزائمُ مُنكَرَه

    هذِي يدُ الأوطانِ تجزي أهلَها
    مَن يقترفْ في حقّها شرّاً.. يَرَه

    ضاعت عُبَيلةُ.. والنياقُ… ودارُها
    لم يبقَ شيءٌ بَعدَها كي نخسرَه

    فدَعوا ضميرَ العُربِ يرقد ساكناً
    في قبرِهِ.. وادْعوا لهُ.. بالمغفرَه

    عَجَزَ الكلامُ عن الكلامِ.. وريشتي
    لم تُبقِ دمعاً أو دماً في المِحبرَه

    وعيونُ عبلةَ لا تزالُ دموعُها
    تترقَّبُ الجِسْرَ البعيدَ.. لِتَعبُرَه

  79. شقاوة شعب said

    بصراحة الرسائل دى فعلا بتغيظنى وبتتعبنى نفسيا
    وكلها فبركة ناس عايزة تستخف بعقول المسلمين
    وتزيدها سطحية

    واحنا فعلا برنتاح وبنحس اننا عملنا اللى علينا وزيادة تجاه الاسلام بالضغط على فورورد
    ربنا يرفع شأن هذه الامة ويزيدها وعى وحكمة

    تحياتى
    شيماء

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

 
%d bloggers like this: