مدونة عصفور المدينة

مدونة نظيفة إسلامية (زيادة الإيمان) الطرائف والتناقضات التخسيس والصحة العامة الإدارة والتنمية البشرية

الورد

Posted by ctybrd on May 21, 2008

كان على سفر واقتربت مناسبة عزيزة عليهما ولأنهن يحببن الورد كلف أحد محلات الورد بتوصيل الورد إليها مع رسالة
باقي يومان
كانت مفاجأة سعيدة أطارت قلبها من مكانه……..

في اليوم التالي
جاء حامل الورد في نفس الموعد حاملا وردا أكثر
باقي يوم

والمفترض أن تكون مفاجأة أيضا مفرحة ولكن بائع الورد قال لها “الورد بتاع بكرة حتيجوا تستلموه ولا حاجيبه برضه؟؟” !!!

في اليوم التالي -برضه-
جاء حامل الورد بورد ولكنه أقل تنسيقا
كل عام وأنت بخير
اتصل بها
– الورد شكله إيه فيه حرف ولا مفيهوش؟
– لا … مش ولابد …بس كفاية كدة بقى

بعد وقت غير قليل حضر بائع الورد بورد أكثر
صرخت في وجهه
حرام عليك أنا مش قادرة أتنفس كفاية بقى

اتصلت به

هو الورد ده بكام!!!!!!!

68 Responses to “الورد”

  1. Unique said

    يعني هي غلطت ؟

    فيها الخير انها خايفة على الميزانية

    موضوع جميل بجمال الورد

    تحياتي

  2. د/اجدع بنوته said

    كل سنه وهما طيبين ودايما يارب مع بعض

    ممكن اخد ورده :$ ؟؟؟

  3. رفقة عمر said

    مشاعر رومانسه جميله
    بس على فكرة لو الورد مش مر عليها يوم او اتاخر هاتقلق جدا
    هو الانسان كدة الممنوع مرغوب

  4. أنسانة-شوية وشوية said

    احلي هدية بستناها مع كل مناسبة الورد، بس بعد الخطوبة مبقاش فيه ورد غالباً خلص
    تحياتى للمشاعر والاحاسيس الجميلة

  5. ma_3alina said

    هي الدنيا كده
    ساعات اللي حوالينا بيمنعونا إن احنا نمارس الرومانسية زي ما احنا عايزين

  6. خبيب said

    هههههههههههههههههههه

    في الأول الفرحة غطت

    وبعد ما حصل “التعودية” بدأت الفرحة تقل .. وتظهر الفكرة !

  7. Jana said

    يااااااااااااه حضرتك فكرتنى
    كانت ايام
    دلوقتى البيبى فلاور ..هو اللى بيغرقلى البيت
    احسن برده عشان كتمة النفس
    واهو ابيض ولايق على لون كل الاثاث بدل عدم التناسق والزحمة
    والقناعة كنز لا يفنى
    والحمد لله على كل حال
    ولا حول ولا قوة الا بالله

  8. allah-slave said

    واحد حاطط ايده في مناخيره وبيقول مش فاهم حاجة

    على العموم ربنا يفرح الفرحانين ويشيل هم الزعلانين

  9. A.SAMIR said

    هن كدة….غاويين ينكدوا علينا
    نجيب ورد ما نعجبش…مانجبش ورد ما بنعجبش
    ايييييييه….دنيا
    تحياتي

  10. .:.-=- ELGaZaLy-=-.:. said

    هههههههههههههههههههه

    راحت السكرة وجائت الفكرة…

    بس تعرف انا مش بحب ان حد يهدينى ورود او اهدى حد ورورد

    بلاقيها فكرة قاسية انى اهدى حد او حد يهدينى شئ يموت بينن ايدى…

    عامة كل سنة وهما طيبيين

  11. محمد عبد الغفار said

    هو اي الحكايه !!!
    أنا كلمنى شكراً وانت الورد بكام

    هو احنا هنعمل حزب اعداء المراة ولا ايه

  12. appy said

    كل سنه وهما طيبين الاول
    ثانيا ده فعلا تفكير بعض السيدات يعنى ممكن كتر
    بس فيه ناس تانيه بتحب الورد وعندها اغلى من اى حاجه
    وفيه اللى بيخاف على الميزانيه ومش عارف ان دى لحظات بس هى دى ضغوط الحياه

  13. fahd said

    هو انت اللي كنت مسافر ولا ايه

    سبحان الله الرجالة بتعمل اللي تقدر عليه

    ولا يملأ عين ابن ادم الا التراب

    بس هو الورد بكام

  14. أمــانــى said

    أســتاذنا
    كل هذه الاشياء مطلوبة حتى لو تظاهرت انه مرغوب ولكن مش كان يسألها ممكن يكون فى نوع من الورد مش محبب اليها وكمان بائع الورد افسد فرحتها بالورد
    كـل سنة وهم طيبين واكيد هى هتجى عليها يوم وهتبحث عن الورد من جديد
    تحياتى لحضرتك

  15. ammola said

    عارف حضرتك
    السنة اللى وراها حتقوله
    “يعنى ماجبتش ورد..علشان تبقى تصدق لما اقول انك مابقيتش بتحبنى زى الاول”
    انا نفسى احيانا مش بافهم بعض النساء
    كل سنة وهما طيبين

  16. قوس قزح said

    ما زاد عن حده انقلب ضده
    الاعتدال و التنوع مطلوب
    كان ممكن اول يوم ورد
    تانى يوم هدية
    تالت يوم عزومة على العشا
    اكيد كانت هتفرح اوى

    اما سؤالها ده نتيجة لرد فعله لما بتطلب منه تشترى حاجة :$

  17. خمسة فضفضة said

    السلام عليكم ورحمة الله وبركاته

    صحيح هي بتحب الورد وكل حاجه

    بس يعني اي حاجه تزيد عن حدها تنقلب لضدها
    ولا ايه ؟؟؟؟

  18. مناجاة said

    طب اقولك على حاجة بعد الجواز فعلا الست بتحب تسأل على اي حاجة بكام والزوج بيقبل السؤال ده عادي حتى لو كانت هدية,, اه الهدية بتفرح بس ممكن يطلع سؤال تلقائي: بجد جبتها بكام؟
    وفي احيان كتيرة السؤال مش بيكون له دلالة على ظروف معيشية معينة, لكن بيكون في تعود على ذكر الأسعار بشكل عام
    اللي اخشى منه بس انه ان الزوج يكون منتظر السؤال ده,, ومش علشان حاجة غير انه يوريها انها مازالت غالية🙂
    طبعا الموضوع مش بيحصل بالطريقة العملية الجافة اللي بحكيها لكن بيحصل.

    وبالنسبة لبطلة قصة الورد تحديدا, اعتقد انها اضطرت تسأل على السعر لما حصلت مبالغة في الأمر وتلاقيها اعتقدت انه لقى محل ورد بيصفي علشان يغير نشاطه🙂

  19. الفاتح الجعفري said

    استاذي الحبيب
    ربنا يبارك في عمر حضرتك ويجعل حياتك كلها ورد وفل ومسك كمان
    موقف طريف جدا هقوله لحضرتك ,انا مبحبش اجيب هدايا تقليديه فأحببت اجيب لوالدتي هديه فقولت اجيب ايه اجيب اي حاجه مفيده وتعيش ففولت اجيب مجموعة شرائط علشان تفيدهم روحت جبت “سلسلة الدار الاخرة للدكتور طارق السويدان”
    قالتلي اسمعها انت!!!!!!!
    مع ان فيها شرائط عن الجنةبرضه
    وجزاكم الله كل خير استاذي الحبيب وحصل خير

  20. Salwa said

    حتى الورد

    وحتى لو كنا بنحبه

    وحتى لو كان شئ مميز

    فإن كتره يخنق

    كل شئ إن زاد عن حده إنقلب لضده

    المهم
    كل سنه وهما طيبين

    تحيااااااااااااتي

  21. - مدونة لساني هو القلم - عبدالرحمن فارس said

    الورد جميل جميل الورد

    تحياتي
    و
    محبتي

    انا كمان بقيت مشغول🙂

  22. حلم الحرية said

    (لسن يحببن الورد لانه ورد وفقط …
    وانما يحببنه للمشاعر التي وراء الاهداء بالورد )
    تكرار نفس الهدية بنفس الروتينية يفقد الامر طعمه
    بل ورائحته
    ويختفي جمال الورد ورائحته
    وتظهر اشياء اخري
    تمنه

    ببساطة كل حاجة بتزيد عن حدها بتتقلب لضدها
    وبعدين كل حاجة غليت دلوقتي وهيه اكيد خايفة عالميزانية
    يعني هيه مش غلطانة
    متظلموهاش

  23. ياسر سليم said

    ههههههههههههههههه

    شكلها كده نهاية مفتوحة

    ولا ممكن يبقى فى بقية للتدوينة دى ونعرف المناسبة ونعرف الورد بكام🙂

    اه صحيح .. ونعرف هو مسافر فين .. ليكون فى السودان ولا حاجه اروح اقابله D:

  24. عصفور المدينة said

    سعدت بالتعليقات على هذه التدوينة أكثر من أي تدوينة أخرى لسبب أنني رأيت أنني نجحت في إيصال الفكرة فجاء كل تعليق ليكشف جانب من

    الفكرة التي أردت التركيز عليها
    بداية لست أنا أحد أطراف القصة
    🙂


    Unique

    لا هي مش غلطانة بس كنت حابب أقول زي ماظهر في كثير من التعليقات
    أن بعد الفرحة الأولى يظهر أحيانا الجانب العملي في شخصياتنا
    ولكن المؤسف أن هذا الجانب العملي لا نستفيد منه في الأحداث التالية عندما تتكرر الظروف
    🙂

    د/اجدع بنوته

    وانت طيبة يا دكتورة واتفضلي الصورة كلها
    🙂

    رفقة عمر

    انت جبت الخلاصة الممنوع مرغوب

    أنسانة-شوية وشوية

    شفت بقى
    🙂
    الورد مش خلص بعد الخطوبة دي عملية الحياة
    ma_3alina

    حلو يا هندسة انت خدت بالك من تصرف الراجل بتاع الورد
    🙂

    خبيب

    وبعد ما حصل “التعودية” بدأت الفرحة تقل .. وتظهر الفكرة !
    هذا هو الكلام

    Jana
    🙂
    لا أنا مش قصدي نفتح باب الحسرة بالعكس أنا قصدي إن كل وقت وله ملامحه

    allah-slave

    انت بس عشان مشغول في الامتحانات ربنا يعينك يا عبد الله
    A.SAMIR

    شفت بقى حالتنا صعبة إزاي

    .:.-=- ELGaZaLy-=-.:.

    راحت السكرة وجائت الفكرة…
    أجمل تعليق إنك بتزعل على الورد لما يموت زيي تمام

    محمد عبد الغفار

    بس بقى يا محمد خلينا عايشين
    🙂

    appy

    انتي عاقلة أوي يا آبي ربنا يكملك بعقلك يا بنتي

    fahd

    مش انا والله يا فهد
    ومتهيألي أنا رديت على تعليقك وجها لوجه
    سعدت بلقائك

    أمــانــى

    صح يا أماني احنا بنقعد نخطط وتيجي ناس تفسد خططنا “بغشم”

    ammola

    عجبني أوي تعليقك
    انا نفسى احيانا مش بافهم بعض النساء
    يا للهول طب احنا نعمل إيه

    قوس قزح

    صح يا أستاذة التنوع مطلوب
    بس سؤالها أكيد مش نتيجة إنه بيتعبها لما تطلب حاجة بس عشان هي شايفة حال الحياة

    خمسة فضفضة

    صح يا دكتورة مازاد عن حده انقلب لضده

    مناجاة

    أضحك الله سنك يا دكتورة
    محل ورد بيصفي!!

    الفاتح الجعفري

    ههههههههههه
    برضه انا رديت على تعليقك وجها لوجه
    🙂

    Salwa

    مازاد عن حده انقلب إلى ضده

    مدونة لساني هو القلم – عبدالرحمن فارس

    ربنا يعينك يا عبده وكل عام وأنت بخير

    حلم الحرية

    جميل جدا
    ======
    تكرار نفس الهدية بنفس الروتينية يفقد الامر طعمه
    بل ورائحته
    ويختفي جمال الورد ورائحته
    وتظهر اشياء اخري
    تمنه
    ======

    ياسر سليم

    هو مش مسافر السودان وفعلا يا ياسر وحشتنا
    بس فعلا أنا باحب النهايات المفتوحة عارف ليه عشان دي طبيعة الحياة
    حتى في الحكايات لما كانوا بيقولوا لنا وعاشوا في تبات ونبات وخلفوا بنات وصبيان –
    😀
    ماذا بعد ما عاشوا في تبات ونبات
    🙂

  25. المخبر العام said

    bمطلوب شوية معلومات
    لون الورد وبكام من غير لف وللا دوران
    لزوم التقرير

  26. مشتاق لله said

    من اربع سنوات اهديت الي وردة مازلت احتفظ بها من امي , ادعو الله ان احتفظ بها الي الابد- سيدي العصفور ذكراتي بها في غربتي -احسن الله اليك

  27. ض/خالد said

    🙂

    —- بكتثر طالما إنه ليها—-

  28. صاحب المضيفة said

    لم أفهم شيء

    ارجوا التوضيح يا عمنا

  29. عصفور المدينة said


    مشتاق لله

    بارك الله فيك وفي والدتك وصحبك في غربتك


    ض/خالد

    زقفيلم يا عم خالد
    حمدا لله على سلامتك أين كنت يا أخي

    صاحب المضيفة

    بص يا حبيبنا بالراحة كدة

    واحد مسافر وزوجته هنا بعت لها ورد قبل مناسبة بيومين وبعدين وردة قبلها بيوم وبعدين ورد في نفس اليوم والورد طلع وحش تالت يوم راح بعت لها ورد غيره وهي اتخنقت من كثر الورد وحست إن ده تهدير فلوس بعد ما كانت فرحانة أوي في الأول

    تنفع كدة تدوينة متهيأ لي مش تنفع

    المهم انت صحتك عاملة إيه طمنا عنك

  30. ابن حـجـر الـعـسـقـلانـى said

    أستاذى العزيز

    أشكرك

    كلماتك فى يوم اللقاء ما تزال تتردد فى جنبات رأسى

    أشكرك

    و أود لو قابلتك مرارا و تكرارا

    و عذرا لخروج تعليقى خارج موضوع التدوينة

  31. عصفور المدينة said

    محمد وانا من ساعتها لا أفكر في أحد غيرك فعلا

  32. أحمد سعيد بسيوني said

    بسم الله
    انا فهمتها على ان الورد او ما يرمز اية مهم في الحياة ولكن هناك ما هو اهم منه مثل الهواء مثلا
    فلا تشغل وقتك وقتك وجهدك ومالك بما هو غير مفيد واشتغل بما هو افيد
    وجهه نظر
    هههههه
    تحياتي

  33. الباحث عن الحقيقة said

    وانا كمان عذرا
    هقرا التدوينة
    بس انا جيت بسرعة قلت جايز عسقول كتب حاجه عن اللقاء
    بس اما اشوفك يا عسقول هعصرك
    نتمنى نلتقي بحضرتك دايما يا استاذ عصفور

  34. ayman badr said

    ست مدبرة والله بوست جميل
    انت كنت لابس ايه امبارح لانى كان نفسى اشوفك فى الحفل بس محصلش نصيب
    تحياتى

  35. عصفور المدينة said

    أحمد ربنا يبارك فيك

    الصباغ قام بالواجب

    أيمن بدر
    جزاك الله خيرا الصور والتفاصيل عند أحمد الصباغ

    تغطية الصباغ

  36. سنووايت said

    قصيرة ولكن معناها كبير و حقيقي وأجمل ما فيها الورد
    فعلا دايما النكهة الاولي في كل شيء بتحمل طابع خاص ومع التعود بتبدأ تظهر باقي النكهات
    تقبل مروري

  37. ض/خالد said

    أهيفقت العتاريس….

    ادعي لنا يا باشمهندس…
    كنت أتابع مع الاحجام قليلا عن المشاركة

  38. محمد إبراهيم محروس said

    هههههههه
    هو الورد بكام النهاردة
    سبحان مغير الأحوال
    تدوينة لذيذة
    خالص تحياتي

  39. mohammed alsha3r said

    ازيك يابشمهندس محمد
    كنت منور وسط البلد
    ومنور مكتبه عمر بوك ستورز
    وربنا يبارك في حضرتك
    وتوصل كلماتكم لكل الناس
    انا اخوك محمد الشاعر
    اللى مصطفى فتحى لما عرف انى جاى الحفل اصر يكلم حضرتك وقال انه بيعزك كتير
    مع ان مصطفى له اراء كتير جريئه
    وكان نفسه يجى يسلم عليك بس ادعى له مشغول شويه
    كان نفسى اشوفه يوميها
    والحمد لله انى شفت حضرتك وكل المدونين اللى زى العسل

    دمت بخير ونشوفك على خير ويارب ميكنش اخر مرة

  40. Tamer Nabil said

    ازيك استاذ عصفور

    انا شوفتك فى الحفلة واكيد انت شوفتنى لانك عديت عليا اكتر من مرة كنت قاعد وفى ايدى عجازين

    بس ما كنتش اعرف انك عصفور المدينة الا بعد ما روحت

    اتمنى المرة الجاية اتعرف عليك

    تامر نبيل افكار حرة 1

    تحياتى

  41. Ahmed Essawy said

    🙂
    كدا مش عاجب و كدا مش عاجب :D:D

  42. nonoymm said

    السلام عليكم ورحمة الله
    ولو انها متفسرة لمن يرى هضيف اضافة صغيرة
    المفترض انه عارف مراته وعارف ايه بيفرحها ويسعدها اكتر يمكن فيه واحدة تحب الدنيا كلها ورد واخرى تحب كلمة وتانية تحب وردة ومعاها خاتم دهب
    فلازم اشوف اللي بتحبه واعمله علشان حتى التنوع
    الكلام على العموم
    تحياتي
    انا جيت الحفلة لقيتكم مشيتم

  43. Dr-hema said

    يا سلام الورد حلو جدا بس

    الميزانية كده هتخرب

    انا أزرع ورد فى بيتنا أحسن

    د/هيما

  44. ضد الظلم said

    ورد ورد ربنا يجعل ايمهم ورد على طووول تحفه تحياتى
    ابوالعربى

  45. أبو الفـــداء said

    عصفور المدينة …كيف حالك؟..

    المناسبة تخص كلاهما….

    لماذا لم تبادله هي…

    هدية بهدية…

    لا أعلم…

    وهناك جوانب أخرى.

  46. جني said

    قرأت البوست الجميل المعبر مع قلة الجمل ولكنها عبرت كما لوكانت أكثر من ذلك .. قبل التعليق قرأت كل التعليقات وردودكم عليها حتى لا أكرر ما قاله زوارك الكرام فلعلي اضيف ولو فكرة صغيرة ..

    (( الورود مع جمالها وما تعبر عنه لا تغن أبدا عن الحبيب ))

    كل الشكر والتقدير لشخصكم الكريم

    said

  47. واصطنعتك لنفسي said

    أنه عندما يعجز أحد الطرفين عن رؤية ما يراه الآخر

    قد تجاهلت هي ما وراء الورود..ربما هي الضغوط..وربما هو الحنين الذي جعلها لا تشعر بجمال الورود

    لا ألومه ولا ألومها..فما فعله كان كبيراً..وما فعله لم يكن ليكفي لإنها أكيد تفتقده في مناسبه كهذه

    نعم..لم يخطيء أحدهما عليهما فقط أن يقف كل منهما محل الآخر وينظر من منظوره..وقتها لن يكون أحدهما مخطئاً..ربما فقط هي تظهر تبرماً بشكل فج

    لكنهما قطعاً لم يخطئا..إنها فقط بعض مطبات الحياة

    مدونة حضرتك جميلة وتستحق الاحترام
    شرفت بمروري عليها

    إيمان

  48. amal said

    سبحان الله هى الفكره فعلا ان الحاجه فى اولها ليها رونق خاص ومع التعود الاحساس بيها بيقل

    بس فعلا لما الشئ اللى بنتعود عليه بيقل بنبتدى نقلق عليه ونحاول نرجعه لسابق عهده

    هو الانسان كدا مش مريح نفسه😀

  49. طفل صغنون said

    هى جميلة ووهو أجمل والورد أجمل وأجمل
    وحضرتك أجمل من ده كله

  50. أم أحمد المصرية said

    صديقي العصفور
    أكيد ي اتبسطت جدا من الورد بس بتقول كده بس ده الورد معناه احساس عالي جداخصوصا لو معاه كيلو كباب :)))))) للأولاد متفهمنيش غلط
    بجد بقي اوعي يكون الانطباع اللي وصل لي انك لا سمح الله بتهاجم رومانسية السيدات صح

  51. Whispers just for a Night said

    موعدنا غداً لنتحد ولو لدقيقة
    الساعة الرابعة عصراً نرسل رسالتنا الأخيرة
    http://kawlansadida.blogspot.com/2008/05/blog-post_24.html

    25/05/2008

  52. امام الجيل said

    ما فهمته من التدوينة

    ان هكذا تولد بعض الاحلام
    والمعانى الرقيقة
    تولد رقيقة حالمة

    ثم عندما تقترب من الواقع شيئا فشيئا يتحول شكلها ويتغير ويفقد بعض بريقه

    وعندما تستغرق فى الواقع
    تصبح شيئا عاديا وتفقد كامل بريقها

    كالحب مثلا عندما يكون على اشده اول الزواج
    ثم ان لم يعتنى به
    يفتر شيئا فشيئا

    وقد يزول
    ان لم يعتنى به

  53. دعاء مواجهات said

    والله الورد دة من اجم الحجات الى الواحد بيضعف قداامها

    ليها حق طبعا

    لااازم تنورنى فى مدونتى
    سلااااام

  54. حنين ... said

    لمرأه في بعض الاوقات تكون غايه ما تتمناه ورده ممن يحبها
    ولكن ليس هكذا دائما
    احيانا تحتاج اليه فقط وتمل الورود بعد ان كانت تشتاق اليها

  55. ليله بكى فيها القمر said

    السلام عليكم
    فيها الخير انها بتسال بكام عشان تطمن على جيبه
    بس برضه خساره تضيع لحظات من الرومانسيه
    تحياتى

  56. ahmed saker said

    السلام عليكم
    سعدت اخي الحبيب بمطالعة مدونتكم و موضوعاتك جميلة
    و بخصوص الموضوع فان في ظروفنا الحاليه اعتقد ان كيلو اللحمة افضل الف مرة من بوكيه الورد
    و لا انت رايك ايه
    ههههههههههه
    شكرا لك

  57. صباح الخير يا مصر said

    عصفور المدينه
    ************
    كانت المفاجأه اول مره جميله للزوجه لان الورد دائما رساله رومانسيه..اعجبتعها
    و ثانى مره …اعجبتها
    لكن لاحظ حضرتك ان الراجل بتاع الورد اللى بيسترزق من بيعه ..زهق و سألهابائع الورد قال لها “الورد بتاع بكرة حتيجوا تستلموه ولا حاجيبه برضه؟؟” !!!
    اللى عايز اقوله ان الروتين قد يقتل الرومانسيه…وفى نفس الوقت فى سؤال مهم…..احنا هانقضيها ورد و لا أيه؟

    الفكره من الموضوع جميله و ذكيه وقد تصل لى بعنى و تصل لاخريين معنى اخر

    تحياتى يا أستاذنا

  58. صباح الخير يا مصر said

    عصفور المدينه
    ************
    كانت المفاجأه اول مره جميله للزوجه لان الورد دائما رساله رومانسيه..اعجبتها
    و ثانى مره …اعجبتها
    لكن لاحظ حضرتك ان الراجل بتاع الورد اللى بيسترزق من بيعه ..زهق و سألها “الورد بتاع بكرة حتيجوا تستلموه ولا حاجيبه برضه؟؟” !!!
    اللى عايز اقوله ان الروتين قد يقتل الرومانسيه…وفى نفس الوقت فى سؤال مهم…..احنا هانقضيها ورد و لا أيه؟

    الفكره من الموضوع جميله و ذكيه وقد تصل لى بمعنى و تصل لاخريين بمعنى اخر

    تحياتى يا أستاذنا

  59. سومه...مجنونه فى بلد عاقل said

    ههههه انا مكنتش فاهمه الاول هو فى ايه فعدت القرايه تانى معلش اصلى انا مبفهمش بسهوله عقول المجانين بقى حضرتك عارف
    انا اللى نفسى حد يدخل عليا مره بعدوين فجل ولا جرير وانا راضيه والله
    حد طايل ورد بس هى قلبها على الميزانيه كتر الف خيرها
    بس هو شكله ناصح وعامل اشتراك شهرى
    تحياتى لحضرتك سومه_87

  60. حزيــــــــــــــــــن said

    ربنا يبارك فى الورد واللى بعت الورد واللى اتبعتله الورد
    سعيد جدا بأنى شوفت حضرتك فى حفلة التوقيع
    واتمنى ان تدوم الصله

  61. زيزو الشقى said

    اولا السلام عليكم

    كتبت تدوينة جديدة ومنتظر رأيق

    عز

    سلااااام

  62. حمامة said

    هههههههههههههههه

    حتى لو اوفر يعنى
    المفروض تخليه هو يحس بكده من نفسه
    من غير ما تبوظ اللحظة ولا المناسبة الجميلة
    هو ده الذكاء

    طريفة وعلى فكرة فيها معنى عميق

    لك تحياتي🙂

  63. نسر الشرق said

    السلام عليكم

    دى اول زيارة لية

    هذة المدونة جميلة ودماها شربات

    سلااااام

  64. أسوور said

    قرر رئيس مجلس ادارة الجريدة مشكورا أن يتبنى كل ما يكتبه المدونون
    وان يفرد مساحة لا بأس بها لبوستات البلوجرز
    كما وافق على نشر البوستات المرشحة بتوقيع كتابها وصورهم
    وذلك ايمانا منه بقوة التدوين وبأنها صوت المصريين
    ***
    على كل مدون يرغب فى نشر مقالات – تحقيقات – قصص – نقد – ادب – شعر – سياسة او أى كتابات لم يرد ذكرها
    ان يرسل البوست المرشح مذيل بتوقيعه وعنوان المدونة والإسم الحركى ان اراد
    مرفق بصورة شخصية له
    على الإيميل التالى

    amyasser@hotmail.com

    أو ترك اللينك الخاص بالبوست والمعلومات الخاصة بالمدون فى تعليق على العنوان التالى

    http://www.amyasser.blogspot.com

    تحت عنوان خاص لجريدة الأسرة العربية
    الجريدة تصدر الإثنين من كل أسبوع

  65. الراقص مع الذئاب said

    السلام عليكم
    ازيك يا استاذ محمد
    وحشتني ووحشتني مواضيعك الجميلة
    ربنا يباركلك يارب

    بصراحة انا مبحبش الورد…س هما بيحبوه

    المهم كل سنة وهما طيبين

    بس قليل من الورد برضو عشان الميزانية
    الا لو هيكون من الجنينة اللي جنب البيت

    دمت في خير يا استاذي الكريم

  66. الطائر الحزين said

    انه الملل من الوتيره الواحدة وفطرة الانسان فى التغيير حتى من الورد

    (لن نصبر على طعام واحد)

    مبروك يا باشا مدونات مصرية للجيب
    هات لى نسخة ؟

  67. عصفور المدينة said


    سنووايت

    فعلا دايما النكهة الاولي في كل شيء بتحمل طابع خاص ومع التعود بتبدأ تظهر باقي النكهات

    ض/خالد

    ربنا يحفظك يا دكتور

    محمد إبراهيم محروس

    الله يخليك يا محمد منورنا بس لو تعرف بكام الورد قل لي
    🙂

    mohammed alsha3r

    ربنا يحفظك يا محمد سعدت بالتعرف عليك

    Tamer Nabil

    الجايات كثير يا أخي وإن شاء الله نتعرف

    Ahmed Essawy

    هكذا الإنسان ملول

    nonoymm

    إضافتك قيمة وقد فاتنا شرف التعرف على أستاذ خالد وحضرتك

    Dr-hema

    صح فكرة يا دكتور زرع الورد ارخص من شرائه

    ضد الظلم

    جزاك الله خيرا أبا العربي

    أبو الفـــداء

    جميل تعليقك يا أبا الفداء واحنا هدفنا إن الفكرة تتكامل بتعليقاتكم

    جني

    العفاريت وصلم
    أهلا بك أخي سيد
    ومنورنا دايما

    واصطنعتك لنفسي

    تعليقك رائع أستاذة إيمان بجد بجد

    amal

    😀
    فعلا الإنسان تاعب نفسه بالتطلع


    طفل صغنون

    انت أجمل يا عسل

    أم أحمد المصرية

    أيووووووووووة واحدة ضبطتني متلبسا بمهاجمة رومانسية النساء
    😀
    انا يظهر كدة بجد بس خليها في سرك
    😀

    Whispers just for a Night

    أهلا بك أخي

    امام الجيل

    يا نهار أبيض تعليقك يصلح تدوينة يا محمد


    دعاء مواجهات

    أنا زائر متكرر في مدونتك يا أستاذة
    بس خدي بالك الورد برضه غلي

    حنين …

    تعليقك قيم جدا
    وردة صح
    ليله بكى فيها القمر

    صح بتضيع اللحظات بالكلام ده وخاصة إن الآخرين يضيعوها أيضا زي ما بين باشمهندس ما علينا

    ahmed saker

    انت معايا إن كيلو اللحمة أفضل؟
    😀

    صباح الخير يا مصر

    تحليلك جميل للموقف
    فعلا أنا أقصد كثيرا أن تصل أكثر من فكرة

    سومه…مجنونه فى بلد عاقل

    اشتراك شهري
    😀
    جميلة

    حزيــــــــــــــــــن

    ربنا يبارك فيك يا جميــــــل

    زيزو الشقى

    أهلا عز العسول

    حمامة

    ربنا يبارك فيك سعدت جدا جدا بزيارتك

    نسر الشرق

    أهلا وسهلا وربنا يبارك فيك على الإطراء

    أسوور

    أهلا أستاذة آسر حمدا لله على سلامتك
    لو رأيت أنت شيئا يتوافق معكم للنشر فتحت أمرك وأنا أثق في ذوقك

    الراقص مع الذئاب

    حمدا لله على سلامتك يا حضظابط وبكرة تكع
    وألف مبروك مقدما

    الطائر الحزين

    حمدا لله على السلامة أبا أدهم

  68. أية said

    شكلها عاوزة حقها ناشف
    هههههههههههههه
    ورد وبتاع
    اممممممممم رقيقة خالص
    تحياتى

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

 
%d bloggers like this: