مدونة عصفور المدينة

مدونة نظيفة إسلامية (زيادة الإيمان) الطرائف والتناقضات التخسيس والصحة العامة الإدارة والتنمية البشرية

فاصل طرائف ونعود

Posted by ctybrd on June 18, 2008

أؤكد في البداية أنني دوما أضع في تبويب الطرائف صور من تصويري فقط

هذه الأبيات بخط أحد الأحباء إلى قلبي سطرها لي على السبورة وأنا أضعها هنا اعتزازا وأوجهها لكم أيضا

هذه الصورة كنت قد أعددتها قبل التدوينة السابقة وحقوق نسخها محفوظة لي🙂


إعلان ثم جاء فوقه إعلان ولم يدر واضع الإعلان بوجود علاقة بين الإعلانين


هذه صورة للأدوات المستخدمة في مصنع الثلج وهو منتج غذائي كما تعرفون والصدأ أيضا منتج غذائي غني بالحديد


تم تغيير اسم البنك والذي عدل اللوحة لم يكلف نفسه بغسل اسم البنك القديم بالماء ويوجد تعليق آخر مش موضوعنا🙂


هذا الكائن لا أحبه

لم أستطع معرفة سر تكسير هذا الكم من زجاجات المياه الغازية ولكني صورتها


إفطار صائم في رمضان يوزع في الشوارع يأخذ الناس اللحم ويتركون ماسواه وجدت هذه على سيارة قبل الإفطار في رمضان نموذج لسوء توجيه المصارف الخيرية

طفل صغير يعمل في ورشة إنه لا يلعب بهذا الإطار بل ذاهب لإصلاحه


وهاتان الصورتان مسابقة العدد

66 Responses to “فاصل طرائف ونعود”

  1. آلام وآمال said

    سبحان الله
    انا لسة بقرأ في التدوينة السابقة لقيتك نزلت بالجديدة

    ده حظي بقى ههههه
    عموما خلاص مش هعلق على البوست اللي فات لأن اصدقائنا المدونين قاموا بالواجب الحمد لله ولن اضيف جديد

    والصور حلوة بس مش فاهم مشروع الأرنب وعلاج العقم
    ايه العلاقة بينهم؟

    والصورة الأخيرة دي أكيد خدعة من السنترال هههههه

  2. ftataljanna said

    السلام عليكم ورحمة الله وبركاته

    ازى حضرتك يا باشمهندس عصفور

    انا دخلت قريت البوست الجديد وقلت اسلم على حضرتك بما انى اخدت الاجازة يعني

    بجد ما شاء الله تعليقات حضرتك عسولة و شكلك غاوى تصوير يا باشمهندس

  3. ftataljanna said

    معلش ممكن ترجع تانى وترد على سؤال تانى ؟
    لو سمحت

  4. خمسة فضفضة said

    السلام عليكم ورحمة الله وبركاته

    التدوينه دي دليل علي ان الموود بقي تمام والحاله عال العال
    يارب دايما

  5. إخوانى مخربش said

    ها ها ها الاشتراك من 1/1/2008 الى 31/3/2008

    المفروض من 1/12/2007 الى 28/2/2008

    بس كانت هتبقى اظرف لو كانوا كاتبين من 1/12/2007 الى 31/2/2008

  6. fahd said

    اخي وحبيبي الاستاذ محمد احلي عصفور في المدينة

    ايوه كده يا اخي

    عدت لطبيعتك

    كلنا نحبك

    ولك رصيد من الحب والاحترام لدي الناس لدرجة ان اي كلام عن نفسك نعتبره اهانه لنا

    اه والله

    لكن انا كان تصوري ان الموضوع اهبل ومش هيفرق معاك

    تصدق انا كنت هنزل موضوع علي مدونتي المشهورة الرائعه التي يترجمونها في نيويوك للرد علي التعليقات المسيئة

    هههههههههههههههههههههه

    الصور جميلة بس مكانش فيها حاجه ايجابية

    يعني كلها رغم انها ظرائف الا انها غم

    هي دي مرحلة النقاهه ولا ايه

    احبك في الله

    وانتظر ان القاك قريبا

  7. مشتاق لله said

    1-قبل ستة اشهر بعث الي صديقي ايميل يحمل رسالة كتبتها له من 13 سنه ايام الثانوية هي ابيات للمتنبي- والايام بتجري
    2-صورة المخ تذكرني بايام الامتحان والتركيز.
    3-كل اللوحات التي مررت بها في طريق الاسكندرية القاهرة الزراعي علي نفس المنوال وادم عزك ياام الدنيا.
    4-طيب الحديد يمنع فقر الدم بس مش عارف الكيلو بكام او ممكن يتصرف مع الزيادة في الرواتب زي ماقال الريس.
    5-ياريت تتغير سياسة البنوك كان افضل.
    7- في كائنات كثيرة احبها وانت منها ياوقور.
    8-الحمد لله انو كان زجاج مكسر مش عظام بشرية.
    9-من شوق الناس للحم فلا لوم ولاحرج.
    10- في نفس العمر ده كنت ابيع الخضر لاعتاش ياصديقي.
    11- لو كانت الجايزة عمرة اديهالي من الاخر.
    احبك في الله

  8. نونو said

    السلام عليكم
    صور هاااايلة والابيات جميلة
    توافق كبير في صورة مشروع الارانب وعلاج العقم حلوة ولو ان الاتجاه دلوقتي لاجهاض النساء وانا لله وانا اليه راجعون هيفرضوا كمان عقوبات على اللي يخلف اكتر من اتنين
    فكرك هيحبسوني ولا يحبسوا خالد؟؟؟
    انما الصورة الاخيرة مش فاهمة
    ممكن تفهموني ( الوش ابو نظارة وسنانه برة اللي في الماسنجر)ههههههههههههه
    اتمنى تكون حضرتك اروق بالا
    تحياتي

  9. .:.-=- ELGaZaLy-=-.:. said

    هههههههههههههههههههههههههه

    المفروض بقى تعملها ماركة مسجلة تراها فقط فى مصر

  10. abdo said

    السلام عليكم
    بالنسبة لفاتورةالتليفون
    محافظات 0.01 قدايه يعنى كام دقيقة ولا كام قرش ولا جت إزاى أصلا
    ومش عارف الضريبة والدمغة على ايه

    صورة النت
    السرعة 4.8 دى كنت ساعات أشوفها عن طلريق التليفون وكنت اول ماشوفها بالشكل ده كنت بفصل النت او أغير الرقم وممكن أقفل الجهاز وأقوم

  11. عاشقه الفردوس said

    :))))))))))))))

    خر صورتين دول توحفه

    وحلوة صورة مخ المدون

    ربنا يسعدك ويصلح حالك يارب

  12. جمعاوى روش طحن said

    حمد الله ع السلامة يا هندسة

    أيوا كده

    عود حميد

    آه بالمناسبة

    لو صورة مخ المدون دى فيها رسالة حضرتك عاوز توصلها

    فإعتبرها وصلت ..!!.

  13. فليعد للدين مجده said

    لماذا لا تحب النقود

    أنا احبها واعتقد ان جميع الناس يحبونها

    (وتحبون المال حبا جما)

    لكن المفروض ان حب المال محكوم بالقيم العليا ، والقيم مقدمة علي المال

    يقول عمر بن الخطاب

    عز الدنيا بالمال وعز الاخرة بصالح الاعمال)

    تحياتي

  14. الجمعاوي الاصيل said

    استاذي عصفور المدينة

    اضحك الله سنك

    عجيتني اوي مشروع الارنب دي

  15. rovy said

    السلام عليكم
    الحمد لله ارى ان سيادتك فى احسن حال ان شاء الرحمن ..
    تصوير رائع لمصور غيور على بلده و يتألم لوجود مثل هذه السلبيات ..
    وفقك الله دائما لما فيه الخير .
    تحياتى

    rovy

  16. المهـ إلي الله ـاجر said

    ايوه كده يا هندسة (:

    والله صور طريفة جدا ربنا ببارك فيك (:

    إنما فاتورة التليفون دي واضح إنها فاتورة لواحد معندوش تليفون أصلا (:

  17. رئـــــيسـة حزب الأحلام said

    ايه الصور الجامدة دى
    ربنا يسعدك
    تحياتى لك

  18. المستنصر بالله said

    انا جيت اسلم واطمن على حضرتك واهدى ليك موضوعى الاخير
    تحياتى

  19. مناجاة said

    عود حميد واحمد وعبد الحميد
    🙂

    من فضلك ياباشمهندس:
    أعرض عن الجاهل السفيه فــكل ما قاله فهــــو فيــــه

    فلا يضر نهر الفرات يوما إذا خاض بعض الكلاب فيه
    _____________________
    ومن فضلك ياباشمهندس:

    اذا نطق السفيه فلا تجبه فـخير من إجابته السكوت

    فإن كلمته فرجت عنـــه وإن خليته كمـــداً يمــــوت

    سكت عن السفيه فظن أني عييت عن الجواب وما عييت

    ولكني اكتسيت بثـوب حلم وجنبت السفاهـة ما حييت

  20. ام البنات said

    اخى الفاضل هو فقط المخلوق ده بس اللى مش عاجب حضرتك..طيب وأخوه الأكبر شويه
    ولا حتى الجنيه
    مش عارفه مفروض يلغوا الفضه..مش بحبها ابدا”
    وبخوص الصورة الخاصه بالطعام
    كانت عندى احد بناتى امس وكمنا بفضل الله نجهز للإطعام..زفقالت لى يا طنط والله الناس ممكن ترمى الاكل وتاخد اللحوم فقط
    فقلت لها الناس الآن تريد أى شئ لم يعد هناك ما يسد الرمق
    قالت لى لا تعرفين عن بعضهم شئ
    ابنتى هذه تقوم بعمل خيرى يقوم بمقام مائة جمعيه خيريه
    تعمل مباشرة..وتتابع بنفسها
    قالت لى وعرفتنى بالكثير من مال الجمعيات المهدر..
    نسأل الله العفو والعافيه..هذا المال خطير سيسأل عنه اللاهون

  21. Jana said

    اجمل الصور كانت فتى الاطار ..التأمل فى هؤلاء الاطفال يثير احاسيس مختلطة

    لعل صاحب مشروع علاج العقم كان ألمعيا يقصد الاستفادة بالاعلان الاول والايحاء الى الزبائن ..اعلانات نفسية أقصد

    فى المسابقة
    لست ضليعة فيما يخص حال الكونيكشن
    ولكن اعتقد السرعة بطيئة او بالأحرى ميتة
    فاتورة التليفون
    من اين لهم بال 43 جنيه كاجمالى ..وحتى بعد اضافة ال6 جنيه كيف تصبح 53 جنيه
    لا أزعم انى حليت المسابقة
    :))

  22. امل said

    السلام عليكم

    معذرة
    لم افهم صورة هذا الكائن لا احبة
    لم استطع تمييز الصورة

    اما الزجاجات فواضح انها كانت لحظة مرح لمجموعة من الصبية

    الصور في مجملها معبرة

    تحياتي

  23. عصفور المدينة said


    آلام وآمال

    ربنا يبارك فيه يا محمود
    الأرنب مشهور بكثرة الإنجاب
    🙂

    ftataljanna

    ربنا يحفظك يا بنتي وحمدا لله على سلامتك

    خمسة فضفضة

    الحمد لله يا دكتورة على طول المود تمام

    إخوانى مخربش

    غلط يا أحمد إجاباتك على الفاتورة غلط حاول تاني
    🙂
    أو غش من التعليقات

    fahd

    أحبك الله يا أخي بس هي دي صور من الحياة فعلا


    مشتاق لله

    أحبك الله الذي أحببتني فيها الجايزة دعوة حلوة يا أخي

    أحبك في الله

    نونو

    شفتي بقى ناس بتعمل مشاريع أرانب وناس بتحاول تنظم النسل بطريق الإجهاض
    وبعدين الناس اللي مخلفة كثير دول حيبقى لهم وضع خاص في المشروع الجديد ده ومابالك وانتي عاملة الاسم “نونو

    .:.-=- ELGaZaLy-=-.:.

    صح يا محمد كان نفسي أقول المدون المصري
    بس اتكسفت

    abdo

    شفت يا عبده أنا كنت باعاني ازاي
    🙂
    وبعدين انت فتشت سر الفاتورة
    🙂

    عاشقه الفردوس

    جزاك الله خيرا وربنا يفتح عليك ويسعدك

    جمعاوى روش طحن

    صح يا أحمد كنت عايز أوصل كذا رسالة من الصورة دي
    ربنا يبارك في فهمك

    فليعد للدين مجده

    دكتورنا الرائع
    أنا أحب المال ولكني لا أحب العملة المعدنية فئة الجنيه ونصف جنيه وأتجنب لقاءهما في أي مجمع
    🙂
    لما لها من معنى مفهوم على مستوى الاقتصاد

    الجمعاوي الاصيل

    جزاك الله خيرا أخانا ميخا ربنا يحفظك

    rovy

    جزاك الله خيرا بجد فعلا هو ده الهدف من الصور التنبيه لأحوال محزنة حولنا

    المهـ إلي الله ـاجر

    🙂
    ربنا يكرمك الأدهى من كدة يا أحمد
    قرش صاغ محافظات ده جه إزاي
    هل رفع السماعة بفلوس ولا ضرب صفر بس

    كاشف الاوهام

    عفا الله عنك أتمنى أن تكون مستريحا هانئا كما أنا


    رئـــــيسـة حزب الأحلام

    ربنا يسعدك ويبارك لنا فيك

    المستنصر بالله

    جزاك الله خيرا على غيرتك أخي الطيب الراقي

    مناجاة

    جزاك الله خيرا

    ام البنات

    المخلوق اللي في الصورة ده نص جنيه بس قليل القيمة
    أستاذة موضوع ترشيد الإنفاق الخيري ده عايزين نعطيه اهتمام كبير

    Jana

    فعلا صورة الفتى مؤثرة جدا
    بخصوص المسابقة انتي حليتي نصها بس الخاص بالكونيكشن سرعة ضعيفة جدا وكنت أعاني منها


    امل

    صورة الكائن هي صورة نصف جنه وانا مش عاجبني اصلا

    أما الزجاجات فقد كانت أكثر من أن تكون مرح صبية دي كانت بالمئات
    شرفتينا يا أستاذة

  24. Bongo said

    ههههههههههه

    صور لذيذة و التعليقات كمان ظريفة اووي

    خصوصا

    صورة مخ المدون😀

    تحياتي

  25. أحمد سعيد بسيوني said

    بسم الله
    جميلة جدا هذه الصور
    والاجمل انها من تصويرك – شوية نفاق هههههه
    تحياتي

  26. كاتب مصري said

    >>هل يمكنني دعوتك لزبارة مدونتي المتواضعة جدا والمشاركة غيها بتعليقاتك ولمساتك
    أتمنى تليبة الدعوة
    في انتظارك
    مدونتي هنا
    http://kanyatklam.blogspot.com/

  27. ayman badr said

    لأ صور جميلة جدا ومعبرة عن الواقع المتناقض اللى احنا فيه وأكيد فيه صور تانية كتير بتحصل وبنشوفها ومبنتحركش
    عجبنى قوى صورة الأرانب وعلاج العقم
    تحياتى

  28. بطوط حبوب said

    ههههههههههه
    واضح ان المود اتعدل يا بشمهندس
    ان شاء الله دايما

  29. رفقة عمر said

    استاذ عصفور اتمنى حضرتك تكون بخير
    اسفه مش بتابع المدونات كتير لسبب انقطاع النت المتكرر وكمان كنت مسافره
    وعلمت بموضوع من يخوضون فى حضرتك وبجد مش عرفت ااقول ايه
    لان من هم خيرا منا تم الخوض فى سيرتهم الرسول صلى الله عليه وسلم والسيده عائشه رضى الله عنها
    انا جئت بخصوص رد حضرتك على تعليقى عند المستنصر انا لم اقصد ابدا حضرتك بموضوع لا تتبع عورات اخيك انا قلت الامر بالعموم حتى ولو احنا نخطا يجب الا نذيع اخطاء الاخرين
    عندما ننتقد شخص ننقد طريقه فكره او عرضه للامور لكن نخوض فى سيرته فطبعا دة امر قبيح جدا عفانا الله منه
    كان الشيخ الشعراوى يقولون عليه انه راسبوتين
    فطلب منه مريديه الرد عليهم قال لن ارد عليهم اتمنعونى من ميراث النبوه لما ياتى بنى الا واذاه قومه وسبوه
    اتمنى ان تكون وجهه نظرى وصلت الى حضرتك واتمنى ان تكون سحابه صيف وتمضى بلا عودة
    كان هناك من يسبون الامام الحسن البصرى فبعث لهم طبق فاكهه فساله الحاضرون ولما تفعل ذلك قال والا اشكر من اهدى الى حسناته وجعل الله فى جانبى
    ربنا يجعل هذا الهجوم فى ميزان حسنات حضرتك اللهم امين

  30. دعوة الفردوس said

    أستاذنا الكبير
    بحب النوع ده من التدوينات جدا
    كل صورة محتاجه تعليق فعلا
    خاصة بتاعة ترشيد الأنفاق الخيري
    الموضوع فعلا ساعات كنت بحس انه حرام اكتر منه حلال من خلال عملي في احدى الجمعيات الخيريه من خلال مصادر انفاق غريبه وغير مجديه ومبالغ فيها احيانا على شريحه معينه بدل ماتخدم شريحه اكبر بقدر خدمات اساسيه
    موضوع الخمسين قرش دول
    هذا الكائن لا أطيقه أبداااااا

    نيجي للمسابقات
    أولا موضوع النت ده
    السرعه غريبة جدا مش عارف ازاي التعامل معاها
    وبعدين منين ال 19 عاملين نسبة 2% و ال 5 عاملين نسبة 5 % ؟

    الفاتورة دي بقى غاية في العجب
    الظاهر ان القرش بتاع المحافظات ده كان حد فكر يتصل بمحافظة بس رجع في كلامه ومتصلش فحاسبوه على مجرد التفكير
    وبعدين انا عايزه اعرف الاجمالي ده جه منين؟ هي فين المصاريف اللي تعمل 43 جنيه و 53 جنيه؟

  31. الفاتح الجعفري said

    استاذي الحبيب
    ربنا يحفظك ويبارك فيك وفي عمرك وعملك وعلمك ,صور رائعه واكثر ما اعجبتني الصورة الاولي ,ابيات رائعه جدا , اما عن صورة طبق اللوبيا وترشيد الاستهلاك ,رجل صديق والدي كان يزور المانيا واثناء وجبة الغداء طلب سمكتين فذهل كل من كان موجود هكذا يحكي هو “كان يظن ان السمك هناك مثل سمك البلطي النيلي!!” فوجد سمكتين مثل الحوت من ضخامتهم فأكل واحده فقط ,فقال لم اوبخ مثل هذا التوبيخ في حياتي ودفعت ثمن السمكة المتروكة من جيبي ,قالوا له كان غيرك من الجائعين احق بها؟!
    وقد قال رسول الله صلي الله عليه وسلم “لاتسرف في الماء ولو كنت علي نهر جار”
    فما بالك استاذي بالطعام والشراب ,سبحان الله العظيم
    واحسن الله اليك وجزاكم الله كل خير

  32. مع اصرارى said

    جميل تشريح مخ المدون
    مافهوش حاجة لله خااالص
    اللهم ولا تجعلنا من المدونين.
    اللى يقصدهم استاذ عصفور المدينة

    على فكرة انت نسيت ترسم فى سويداء المخ مدونة عصفووووووووووووووووووووووووووووووووووووووووووووووووور المدينة

    تقبل تحياتى

  33. ahmed_k said

    أستاذنا الكريم السلام عليكم هذه أول زيارة لي لمدونتكم الكريمه وبأذن الله لن تكون الأخيره وقرات موضوعك الأخير وأسمح لي ان اعلق علي أول صورتان فقط فالأولي تعبير عن الحب وعرفان بجميل والحب في قلوب الناس هبة من رب العباد يهبها للمخلصين من عباده الذين يحملون هموم غيرهم ويكونون عونا لأخوانهم والثانيه عقل امتلأ بفكر الدعوه للحق عن طريق لا يقل اهمية عن الطريق المباشر ألا وهو طريق التدوين , وأنا اري ان الحالتين ينطبقان عليك فأستمر في طريقك وضع دوما نصب عينك ارضاء الله وليس ارضاء العباد فمن ارضى الله ارضي الله عليه عباده , وتقبل خالص مودتي والسلام ختام

  34. ابو اعصار said

    والله انا تغصيت بدنو ففكر اللي عاوز يشتهر باي طريقة حت لو بطريقة دنية عاشق الاوهام والاكاذيب
    بس ما هو مكان ارد عليه
    خلينا في

    الصور
    اول صورة اهتبرني سرقتها من مدونتك واهدتهالك

    تاني صورة تفكير كل مدون

    تالت صورة مش عارف امسك نفسي من الضحك

    رابع صورة الحديد ضروري للجسم

    خامس صورة اقترح نجمع تبرعات للبنك عشان يزيل اثار الكتابه السابقة

    سادس صورة هذا الكائن انا بتخنق منه

    سابع صورة لا تنسى شعار حافظوا على نظافة بلدكم بان تكسروا الازايز

    ثامن صورة ناس شبعانه

    تاسع صورة هايلة جدن واسرتني
    اما المسابقة عنيا وجعاني ومش عارف ابحلق شكرا لك يا يا ستاذي

    وسامحنى واخد المدونة كانها ملك جدي
    وقول لعاشق الاكاذيب يظهر بحقيقته وقول لك ولاي شخص في مكانك كن كالنخل يلقيها الناس بالحجارة فتلقي عليهم بالتمر
    احبك في الله

  35. صاحب المضيفة said

    بوركت يا عمنا

    ودايما مواضيعك لها صبغة خاصة كده

    حتى الطريف منها

    انا كده بدأت أكدب الراجل التني بتاع المدونة اياها

    ههههههههههههههههه

    تحياتي لك يا جميل

  36. نـــــــور said

    اشتقت لمدونة حضرتك حقا

    انا كنت معتزلة التدوين شوية ، والظاهر ان كان في مشكلة ما هنا..

    خيرا ان شا ءالله ..

    الموضوع جميل واعجبتني صورة مخ المدون كثيرا..

    لك تحياتي يا استاذنا الفاضل .

  37. مدونة الدفاع said

    السلام عليكم ازى حضرتك يا باشمهندس
    طبعا فاكرنى……
    الصور كلها فيها رسايل وكلها ابلغ من اى تعليق بالنسبه للصوره الاخيره فحكايه قيمة المحافظات دى مش عارف جت ازاى يمكن انت رنيت على حد وكان ناوى يفتح عليك بس ملحقش مثلا؟!!!!!!!!!او انك ضربت رقم مباشر وحطيت السماعه قبل مايرد عليك ودى قيمة الكام جرس اللى انت سمعتهم….وبعدين مش احسن ماكانوا يحطولك اكتر وتدفعلك مبلغ كبير انا اول مره اشوف واحد مشترك فى كل حاجه وبيدفع المبلغ ده والله دول عاملين معاك احلى واجب ،يابلاش

  38. أنسانة-شوية وشوية said

    حلوة اوى صورة مخ المدون دى يا اخى عصفور
    بجد حلو قوى الكلام اللي صاحبك كاتبه لك
    تصويرك هايل

  39. مدونة الدفاع said

    السلام عليكم: اعتذر بشده عن غيابى الفتره السابقه ولم اعلم بماحدث الا عندما قرات التدوينه السابقه وعندما تاهبت للتعليق هناك رجحت ان اكتبه هنا برغم انه خارج السياق ولكن معذره
    انا من الناس التى شرفت بلقائكم غير مره وجها لوجه واعلم عنكم مايكفى لاشهد شهادة حق حتى لا اكون من الذين يكتمون الشهاده..مبروك يا باشمهندس اليوم فقط استطيع ان ابارك لكم على نجاح ماتفعلونه وان اجزم انكم على الطريق الصحيح فما حدث ليس الا من اشارات النجاح الذى يكون باستحسان اهل الخير وتجمعهم عندما يقوم احد الفضلاء برفع راية للخير يلتفون حولها كما يكون ايضا بظهور مثل هذا الشخص المهاجم فلا طريق بغير كلاب والقافلة تسير والكلاب تعوى وايضا قيل لو ان كل كلب عوى القمته حجرا لاصبح الحجر مثقالا بدينار
    اخى اشهد لكم امام الله اولا ثم امام الجميع ممن يطلعون على هذا بانكم على علم قد بذلتم فيه الجهد لتحصيله وبذلتم الوقت لادراك الحكمه وتحصيل فروع العلم اما الدين فلا نزكيكم على الله ولكن نحسبكم اهل ايمان وفضل لابد سيدى ان نشهد لكم بالعلم اولا كى تعلم انت انكم من اهل العلم وتاخذ مكانك ومكانتك بين اهل العلم ولكى يعلم الحاسدين ان ما يلقيه عليكم من حجاره لن يصل اليكم باذن الله فالله متم نوره ولو كره الكافرون
    اخى يطول القول ولا يكفيكم حقكم ويعجز الفكر والعقل عن الاتيان بكلمات تفيكم حقكم ولا اريد ان يذهب كلامى وكلام المحبين باجركم فى الاخره ولكن
    يجزيكم الله حقكم ان شاء الله فى الدنيا والاخره
    وبقى ان اذكركم بما تعلمون من ان كل المصلحين من الدعاة وغيرهم والعلماء تعرضوا للفتن ولهجوم الحاسدين وما اظنكم الا تدركون ذلك وتعلمونه
    فحسبنا واياكم الله ونعم الوكيل
    ولله الامر من قبل ومن بعد

  40. الباحث عن الحقيقة said

    انا جاي اسلم
    وحاليا بحاول اطقس علشان اعرف ايه حكاية النتربصين بيك دول
    بس ولا يهمك
    مدونتك واللى بتكتبه فيها هي ابلغ رد على اي حاقد
    ومدونتى هي ابلغ رد على الناس اللى اتهموني بسؤ الاخلاق وحضرتك عارف الموضوع
    وبعدين ده من علامات النجاح ان الشخص يكون له اعداء
    اسبط يا عم انت ناجح
    وبعدين بتوحشنا فأشمعنى انت تيجي تسلم علينا واحنا مش بنيجي
    معلش يا استاذنا اصل انت اللى دلعتنا
    ههههه
    ربنا يخليك للتدوين يا شيخ التدوين

  41. محمد الكومي said

    ازيك يا استاذنا

    انا ملك الكبدة

    بس غيرت اليوزر و البلوج كمان

    طبعا اسف للتقصير الفترة الماضية

    بالنسبة للمسابقة

    الصورة الاولى

    صورة الفاير فوكش موزيللا و النت فاصل او في مشكلة في الشبكة

    الصورة التانية صورة فاتورة تليفون

    و الغريب انها استهلاكها اقل من جنيه و ضرايبها قد استهلاكها 10 مرات عالاقل

    نبيه اوي مش كدة

    تحياتي يا استاذ

  42. خطــ المصري ــاب said

    أستاذنا عصفور المدينة

    حتي في تصويرك مبدع

    ما شاء الله

    بس استفسار بسيط

    مين صاحب فاتورة التليفون الاخيره ؟؟

    🙂

  43. امام الجيل said

    هلا

    بس لذيذة اوى مخ المدونين
    اللى ييجى من برا علينا يقول علينا ايه
    🙂

    بتدعيلى ولا لا
    🙂

  44. عصفور المدينة said


    Bongo

    مرحبا وحمدا لله على سلامتكما

    أحمد سعيد بسيوني

    ربنا يحفظك يا دكتور

    كاتب مصري

    أخي أتيت لزيارتك ووجدت مدونتك رائعة

    ayman badr

    ربنا يكرمك يا أيمن


    بطوط حبوب

    أيوة يامحمود الحمد لله ربنا يحفظك

    رفقة عمر

    ابنتي الفاضلة والله أفهم موقفك جيدا ولكني أحببت تحديد الأمور أكثر ربنا يبارك فيك

    دعوة الفردوس

    ربنا يبارك فيك عايزين دايما ننتبه لموضوع ترشيد الإنفاق الخيري

    الفاتح الجعفري

    سبحان الله الإهدار ده شيء فظيع ويكرهه العقلاء دائما
    مع اصرارى

    اللهم آمين أخي الحبيب وأسأل الله أن يكوم عملنا خالصا لوجهه الكريم
    ربنا يبارك فيك يا أخي الحبيب كم أسعدني إضافتك ربنا يسعدك ويدخل السرور على قلبك

    ahmed_k

    جزاك الله خيرا أخي الحبيب أيدك الله بتأييده ورعاك بعنايته

    ابو اعصار

    ربنا يكرمك يا محمد
    تعليقاتك بجد جميلة

    صاحب المضيفة

    بقى كدة
    🙂

    نـــــــور

    حمدا لله على سلامتك وأتمنى أن تكوني بخير
    ولقد كانت هنا سحابة صيفية

    مدونة الدفاع

    مش فاتورتي والله يا أسامة
    منورني يا حبيبي ووحشتنا هو انت بتطلع في الصيف بس

    أنسانة-شوية وشوية

    ربنا يكرمك أتمنى أن أكون أدخلت السرور إلى قلبك

    مدونة الدفاع

    جزاك الله خيرا على عريضة الدفاع عني يا أستاذنا
    ربنا يبارك لي في ودك

    الباحث عن الحقيقة

    ربنا يبارك فيك يا أحمد

    محمد الكومي

    حمدا لله على سلامتك يا محمد انت إيه حتبطل تبقى اسكندراي ولا إيه
    بالنسبة للمسابقة
    السرعة بطيئة جدا وأنا كنت حاتجنن يومها كنت عايز أبعت إيميل
    والسرعة
    4.6
    يعني ما يجيبوش موقع جوجل حتى
    الصورة التانية فيها قرش صاغ واحد في خانة الحافظات

    خطــ المصري ــاب

    حمدا لله على سلامتك يا بطلنا
    وأؤكد إن دي مش فاتورتي خلي بالك

    امام الجيل

    بادعيلك يا محمد وشكلك ماشي كويس ربنا يبارك فيك
    🙂
    بس إيه رأيك في سندوتش المخ ده

  45. ro7 said

    زعلانة منك اوي عشان مش بتسأل عليا
    لكن انا هعمل فيها كريمة
    ربنا يخليك لينا ولكل المدونين
    ودايما منورنا يا والدنا الروحي
    ياقدوتنا واسوتنا
    ويجعلك خيرا مما نظن
    احم احم
    بالنسبة للصور دي
    تندرج تحت عنوان يبقي انت اكيد في مصر
    لاتنساني من الدعاء
    واسال عليا بقي الله

  46. جنّي said

    السلام عليكم
    أسف لتأخري ..
    اسمح لي بالتعليق على بعض الصور أما المسابقة فإخوانا قاموا بالواجب ..

    1 – الصورة الأولى : حكى أحد الأخوة أنه حاول كتابة الشعر وعرضه على مدرسه الذي قال له : الحمد لله الذي أذهب عنك الأذى وعافاك …

    2 – الصورة الثانية : يشير السهم إلى المخيخ ( المسؤول عن التوازن في الجسم ) ومكتوب رد على الشات بوكس .. فهل الشات بوكس يفقد البض توازنه ؟

    3 – الصورة التالية : في مصنع الثلج كان مطلوب شوية زرنيخ فيكون حديد وزرنيخ أكثر صحيا..

    4 – صورة الزجاجات : أترينها قد كسرت على رؤوس أزواجهن ..

  47. wafaa said

    انت اكيد اكيد ف مصر

  48. Habib said

    السلام عليكم أخي الحبيب

    فاصل جميل .. على رأي مذيعين التليفون ” فاصل ونواصل ” .. تواصل على الخير دايما ان شاء الله

    أحلى صورة عجبتني بتاعة الأدوات المستخدمة في صنع التلج

    ايوة كده .. الحكومة ابتدت تفكر في الناس الغلابة .. عرفوا بموضوع نقص الحديد فقرروا يحطوه للناس في كل حاجة .. اسياخ في العيش او امواس او مسامير .. وزودوا زراعة السبانخ لأن فيها حديد برضه .. واخيرا في التلج

    بالنسبة للخمسين كرش .. هأقولك واقولكم على حاجة .. أي بلد تبدأ تعمل عملة معدنية .. اعرف ان العملة دي خلاص ما لهاش قيمة .. يعني مثلا انا اعيش الأن في الامارات .. الدرهم هنا مالوش اي قيمة .. يادوب تشتري بيه مصاصة .. فين ايام النص جنيه كان يشتري رطلين لحمة وتدفع فاتورة الكهربا والتليفون🙂 وتاخد الباقي وتهرب

    تحياتي اخي الكريم .. وأتمنى التواصل دائما .. محب الخير لك : حبيب

    ادعولنا نرجع بلدنا بءءءءء

  49. Maha said

    بسم الله

    السلام عليكم ورحمة الله

    أضحك الله سنك وأقر عينك😀

    أحببت أنا أيضا تحليل مخ المدون وآخر صورتين بالطبع🙂 ..

    وجيد أنك لم تدع فرصة العودة لصحراء الدايل أب تفتك دون تصوير السرعة القاتلة للنت🙂🙂🙂

    في أمان الله

  50. mohammed alsha3r said

    ماشاء الله يااستاذنا
    دا انت طلعت مصور كمان ومنعرفش

    بس اللى علقت معاى اووووى

    عقل المدون

    وفقت ياسيدى

  51. صانعة الحرية said

    يرحم الله موسى لقد أوذي أكثر من هذا فصبر

    ربنا يعزك يا استاذنا ويبارك فى عمرك يارب وينفع بك ويفتح بك اللهم امين
    وتذكر ابى الفاضل ان الله يلبس المنح ثوب المحن حتى لا نحسد عليها فهذه منحه ستؤجر عليها ان شاء الله
    ولا يهمك يا ابى فكلنا نعرف جيدا من هو عصفور المدينه
    وماذا فعل للاسلام
    فحضرتك محبوب من الكل سلف واخوان
    والكل يحترمك ويقدر
    ولكن هذا انسان حاقد
    قلبه ممتلىء بالحق والغيره
    ———
    اما عن البوست فجزاكم الله خيرا وبارك فيكم
    وان شاء الله هعمل حاجه زى دا قريب
    —-
    بنتك مطحوووووونه لا تنسانى من صالح دعائك

  52. صانعة الحرية said

    اه صحيح
    انا عاوزه جائزه
    انا عرفت اجابة السؤال
    بسم الله الرحمن الرحيم
    الاجابه تونس
    على فكره لها اكثر من حل
    انا عملت صورة زى اللى حضرتك عاملها

    عملت disable
    وفتحت الصفحه
    وبعد كده عملت enable
    واخذت صوره
    وقضى الامر

  53. رفقة عمر said

    استاذ عصفور لن اعلق عند المدون اللى اكيد حضرتك تعرفه
    ارجو من حضرتك لا ترد عليه وارجو من المدونين لا يدخلون عنده
    ارجوك اعرض عن الجاهلين
    تذكر سيدنا محمد صلى الله عليه وسلم
    وسيدنا موسى وسيدنا شعيب
    وسيدنا لوط وسيدنا نوح
    حضرتك مش فى موقف دفاع
    بسكوت حضرتك وكل المدونين هايزهق وهايرحل

  54. عاشقة الجنان said

    السلام عليكم ورحمة الله وبركاتة
    ما شاء الله الصور جميلة جدا ومعبرة عن واقع ملموس
    عجبانى جدا صورة مخ المدون
    وبالنسبة للموضوع التانى المشكلة مش واضحة عندى قوى بس أفضل شىء ممكن انصح حضرتك بية التجاهل ثم التجاهل ثم التجاهل ويحضرنى قول الشافعي رحمه الله :

    يخاطبني السفيه بكل قبح .. فأكره أن أكون له مجيباً

    يزيد سفاهة فأزيد حلماً .. كعود زاده الاحراق طيباً

  55. عاشقة الجنان said

    السلام عليكم ورحمة الله وبركاتة
    ما شاء الله الصور جميلة جدا ومعبرة عن واقع ملموس
    عجبانى جدا صورة مخ المدون
    وبالنسبة للموضوع التانى المشكلة مش واضحة عندى قوى بس أفضل شىء ممكن انصح حضرتك بية التجاهل ثم التجاهل ثم التجاهل ويحضرنى قول الشافعي رحمه الله :

    يخاطبني السفيه بكل قبح .. فأكره أن أكون له مجيباً

    يشرفنى حضور حضرتك لمدونتى البسيطة يعنى انا لسة فى الاول دعواتك

    يزيد سفاهة فأزيد حلماً .. كعود زاده الاحراق طيباً

  56. عاشقة الجنان said

    السلام عليكم ورحمة الله وبركاتة
    ما شاء الله الصور جميلة جدا ومعبرة عن واقع ملموس
    عجبانى جدا صورة مخ المدون
    وبالنسبة للموضوع التانى المشكلة مش واضحة عندى قوى بس أفضل شىء ممكن انصح حضرتك بية التجاهل ثم التجاهل ثم التجاهل ويحضرنى قول الشافعي رحمه الله :

    يخاطبني السفيه بكل قبح .. فأكره أن أكون له مجيباً

    يزيد سفاهة فأزيد حلماً .. كعود زاده الاحراق طيباً

    يشرفنى حضور حضرتك لمدونتى البسيطة يعنى انا لسة فى الاول دعواتك

  57. آفاق الحرية said

    السلام عليكم
    هي طبعا صورة الطفل ده جنب البيت مش كده
    ههههههه
    دعواتك لينا ياباشمهندس
    تحياتي

  58. حمامة said

    لذيذة الصور
    التصوير ده فن

    🙂

  59. kochia said

    صور حلوة فعلا وفي نفس الوقت هتخليك تفكر …
    مش انت اللي مصور ؟
    سمعت انك هاوي تصوير ..
    هدور بقي علي صورك السابقة واشوفها

    تحياتي

  60. منى said

    على كده انا مخى مش تدوينى
    مش عندى غير 3 او4 حاجات من دى
    صوره اعلان العقم والارانب دى تحفه
    اكيد اللى كاتباها كان قصده يلمح
    تحياتى استاذى

  61. هكذا علمتني الحياة في ظل العقيده said

    السلام عليكم ورحمة الله وبركاته
    كيف حالك يا استاذي
    بالنسبه للصور
    جميله جدا
    بالنسبه لصورة الطفل اللي بيجري بالعجل فكرتني بايام زمان ايام سباق فورميلا 1 بيني وبين اصحابي
    وكان عندي عجل موتوسيكل بس كان طياره
    لكن وللاسف عديت من امام راجل بيصلح الكاوتشات وعجبه العجل بتاعي واغراني بالمال وخده بربع جنيه
    لكن بعد كده عرفيت قيمته بعد ما جبت عجل عربيه وقد ايه كان بطيءوثقيل لكنه كان اكثر ثباتا
    ……………………….
    بالنسبه يا استاذي لموضوع السباب

    لو أن كل كلب عوى ألقمته حجرا
    ***
    لأصبح الصخر مثقالا بدينار
    أقصد المعنى فقط

  62. أم أحمد المصرية said

    اخي الفاضل
    صور معبرة فعلا و يزيد من قيمتها كونها مجهود شخصي لحضرتك اثرت في جدا صورة السبورة تصدق تعطي ايحايء رائع المحبة بين الاصدقاء ربنا يديم عليك حب الناس

  63. عصفور المدينة said


    ro7

    ما تزعليش يا ابنتي قريبا سأفرغ قليلا

    جنّي

    يا أستاذ سيد ده شعر بجد مش صاحبي اللي مألفه بس هو أهداه لي

    wafaa

    أيوة في مصر وفي غيرها ترين المتناقضات

    Habib

    أنا بقى مش باحب العملة دي خااااالص

    Maha

    جزاك الله خيرا


    mohammed alsha3r

    جزك الله خيرا يا محمد من بعض ما عندكم

    صانعة الحرية

    جزاك الله خيرا وبارك الله في أوقاتك

    رفقة عمر

    جزاك الله خيرا وثبت الله قلبك على الإيمان والهدى

    عاشقة الجنان

    جزاك الله خيرا وسوف آخذ بنصيحتكم تماما

    آفاق الحرية

    أيوة يا محمد حتشرفنا امتى
    !!!

    حمامة

    ربنا يبارك فيك يا قريبتي العملاقة

    kochia

    مرحبا في أول زيارة أستاذة كوشيا أنا عارف الاسم صح

    منى

    ربنا يكرمك أتمنى ما يكونش مخنا كلنا بالطريقة دي

    هكذا علمتني الحياة في ظل العقيده

    جزاك الله خيرا أخي حاتم
    حلوة قصتك التي رويتها ربنا يبارك فيك

    أم أحمد المصرية

    ربنا يحفظك يا أستاذة ومنورانا في أول زيارة رغم أنني اعتدت أن اسمك يمررون لك التاجات
    🙂

  64. أُكتب بالرصاص said

    いعادة باقول ان الصور دايما ابلغ من اي تعبير
    لكن تعليقاتك على الصور زادتها بلاغة

    بارك الله فيك

  65. جنّي said

    اخي الكريم

    لم أقصد سوءا بالنسبة للشعر سواء كتبه أو نقله .. ولكني كنت أقصد أن من الأساتذة من يقتل الموهبة في مهدها وإن بدأت قليلة .. ومنهم من يهتم بها ويظهرها كما فعلت أنت ..

  66. البت قباحة said

    سخريه صارخه من مشاهد يومية تمر علينا مر الكرام يوميا و تحتاج لشخص مثلك اكيد ليتوقف عندها. احييكى على ملاحظتك

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

 
%d bloggers like this: